哈豆

營業中

休息中

上個禮拜去觀塘睇電器嘅時候，入咗一個工廠區，其實都本身比較少去工廠區，所以橫掂去到就試吓睇吓入邊工廠區嘅食物質素如何。係open rice 搜尋緊嗰陣見到有一間叫哈豆的台灣麵餐廳。 一到大門就見到個牌寫着正港台灣人餐廳，入到去嘅時候啲職員態度都好友善，而且餐廳環境幾舒適啲位都好闊落。主食我地點左一個豐盛蕃茄牛肉麵同埋一個豐盛牛肉麵。 面嘅質地幾彈牙，而且牛展既牛肉味好濃，又唔會痴牙同乾嘅感覺。 小食我哋就點左滷水拼盤，所有食材都比滷水滷到入曬味。反而最有驚喜我覺得就係嘢飲，我哋叫咗個仙草豆漿同珍珠豆漿，佢哋嘅珍珠同埋仙草唔同出邊嘅台式飲品鋪頭。 珍珠食落去真係有彈牙的感覺，而且仙草食落去亦好滑。 相信老闆入貨嘅時候都有一定嘅講究。依間餐廳整體成個感覺幾良好，而且份量都好夠大，下次如果經過都會去食多次。

去到觀塘，除左係工廠大廈林立之外，最出名既一定就係工廠大廈入面有好多好野食，因為我唔係係觀塘返工的關係，無咩機會間間去試，所以亦做就左我可以有機會親身入去試下搵下好野食。今次就去左哈豆呢間餐廳，我知道要係觀塘咁多競爭中突圍而出唔係易事，我亦好慶幸搵左間質素幾好既台灣來食。入到去，我地叫左麻醬時菜、牛肉麵、清境和牛薯餅同埋肉燥飯。先講個麻醬時菜，由於我係一個麻醬控，所以我一定會叫來食，結果不出所料，好食。至於個牛肉麵，首先個湯底有台灣傳統牛肉麵個陣藥膳味，正。二來又有蛋送，牛肉又有咬口。另外，仲叫左個有五樣台灣小食配既肉燥飯，每樣食物都十分好味，細細件可以試哂得來，又唔怕太full。清境和牛薯餅，食落去香口但又唔太油，推介。最後，我地仲叫埋個餐飲，味道唔錯，做飯後飲品一流。

遇然間去接朋友放工，俾蕃薯妹發現咗觀塘工廈入面有間簡樸風格嘅台灣食店偷偷地瞄一下店內裝潢，發現裝潢雖然簡樸，但係有濃濃嘅台灣古早味，復古風結合電影主題擺設，引起咗蕃薯妹嘅好奇心，一於拉埋朋友入去試試佢呢兩張台灣舊電影海報一直吸引我嘅視線～諗好食乜，食客需要自行填寫落單紙再遞俾店主。台灣五寶拼盤肉燥飯 $58 / 套餐$62肉燥醬好充足，啱曬蕃薯妹呢個撈汁怪五寶有花枝丸、貢丸、滷水雞翼、滷豆腐、台灣小香腸，仲有半隻滷蛋。好豐富，味道同響台灣夜市食到嘅差唔多～ 豐盛台灣牛肉湯麵 $68 / 套餐$72朋友食牛肉麵，豐盛版都有花枝丸、貢丸同埋滷蛋，佢話麵唔會過淋，湯底同牛肉都十足十台北小店風味。台灣滷水拼盤 $42滷水拼盤有滷蛋、豆腐、豬手、牛肉、雞翼，好味！豬手已經去骨，唔肥膩有咬口梅子綠茶山粉圓 $20 / 套餐+$8青蛙撞奶 $30 / 套餐+$18青蛙撞奶我選擇咗少冰、少糖，非常好飲！呢度由裝修擺設到食物款式味道，都十足十台灣風味如果懷念去台灣旅行嘅日子，近近地就可以嚟食下台灣嘢啦

🐾哈豆🐾去觀塘行街,點知發現左宜間性價比好高嘅台灣菜!😍完全係可以再去試其他野嘅舖頭!今次我地叫左2個主食2個小食再加2杯野食(跟餐免費)!--------------------------🍴主食🍴🔺牛肉鮮蕃茄湯麵($58)🔺宜個蕃茄湯底真係不得之了, 入面係有蕃茄蓉😍同埋佢個湯底係比較傑身嗰隻,證明真係用番茄煲個湯底!而且佢個麵入面有啲半隻滷水蛋,菜譜,芽菜,生菜做配菜,而牛肉係半筋腩,一開始見到有菜譜覺得會有啲唔夾😂但係食落又幾好食喎👍大家應該見到張圖最左手邊嗰一嚿係比較有嚿大嘅筋起度,嗰一嚿就有少少難咬,其他都好淋🙈推介👍-🔺萬巒豬腳肉燥飯+蝦仁卷($52+$8)🔺我哋差唔多食完個蕃茄湯麵嗰陣先嚟呢個肉燥飯,可能因為個面真係做得太好😂,所以我哋一開始對個肉燥飯有極高期望,但係相比之下比較遜色.😔 我自己本身偏向比較鍾意食重口味少少嘅肉燥,所以覺得佢有少少淡. 豬腳都好食入味,而且連住豬皮個個位勁彈牙,鹵水蛋亦都係一樣咁好食。我哋重加咗一個叫蝦仁卷嘅小食(跟飯加),係加八蚊一條嘅,嗰個蝦仁卷一定要加!因為真係好好食 佢唔係普通炸春捲,佢係嗰隻有少少似腐皮卷嘅質地,但係入面係食到蝦

今日黎左觀塘，特登去想試下工廠區d美食。我同友人兩個人，想食台灣野，所以就選左呢間 Dr Beans 哈豆。地方都算方便，東廣場直去就係。睇個名唔似係台灣野，但係一去到就見到佢間鋪d裝修好有台灣鄉郊既風情，而家地方好寬落，好好坐。坐底之後，店員就拎menu 過黎，主要既台灣特式既野食基本上都有，包括拌麵、牛肉麵、燥肉飯等等。另外，佢仲有多款小食同飲品，亦都係台灣食店必有既選擇。最後友人叫左一個鹽酥排骨芝麻醬乾拌麵，而我就叫左紅燒牛肉肉燥飯。另外，小食我地咩都想試下，所以叫左個台灣滷水拼盤，裡面有豆腐、蛋、牛肉、豬腳同埋雞翅。飲品方便我地分別叫左一杯黑糖薑母茶同埋胚芽豆漿。等野食期間，發現佢枱面上面d用具都係自家訂造，印有 Logo，好有心思佈置同埋好靚。好快野食就黎，首先係鹽酥排骨芝麻醬乾拌麵，睇落d 鹽酥排骨炸得岩岩好，食落好多汁一d都唔會話好dry，而且有好香既芝麻味，好特別。而佢個主食亦有台灣常見既配料。最好既係佢配有大量既菜，如果唔係既話，淨係食肉會好dry。而我既紅燒牛肉肉燥飯一樣亦都有相同分量既配菜，牛肉係相當大件，雖然係咁，咬落一d都唔硬，好lum同埋好入味！而小食拼盤用

哈豆，觀塘工廈內的一間台式餐廳，門面很普通，裏面的裝修計設卻很有特色，佈置充滿心思，很有台灣小店的感覺，店員態度親切，充滿人情味。椒鹽排骨肉燥湯麵套餐 - 排骨夠淋，肉夠滑，調味很香，椒鹽惹味不太椒。檸檬梅子QQ(珍珠+椰果) $24 (跟餐+$12) - 飲品口味有多種選擇：正常、少冰、去冰、温、熱、多糖、全糖、少糖、半糖、無糖，真的很胋心！丸子鮮蕃茄湯麵套餐$60 - 蕃茄湯很鮮甜， 貢丸、花枝丸爽口彈牙，很好食，湯麵煙韌不太淋。桂圓紅棗茶 $18 (跟餐+$6) - 很清甜，跟自己在家沖調的一樣咁足料。台式滷水豆腐 $20 - 滷水汁很香，豆腐入味，不會太咸。魚鬆肉燥時菜 $26 - 菜鮮甜，配上魚鬆肉燥，生色不少。從裝修佈置，到食物質素，都可以看得出店主對顧客的誠意，值得推薦！！！

在飲食方面，觀塘是一個可塑性很高的地方。除了大大小小的商場，新建的食肆商廈，以至傳統的街店都有。 還有多不勝數的工廈，樓上cafe、隱世美食、 特色小店、風味小食應有盡有，隨時有新發現。由於工作關係，時不時會到觀塘。今天約了觀塘區的朋友在下午茶時段見面，她帶我到一家工廈的樓上 Cafe 哈豆。我們點了一些小食 。哈豆紅醋醬瓜~ $20青瓜和甘筍薄片加入紅醋，作為前菜小吃，酸酸甜甜最開胃!路邊攤小香腸~ $32焗小香腸皮脆肉嫩，外面加了少許香 蒜，甘香可口!香酥腐皮蝦仁卷~ $32 最喜歡這個蝦仁卷，外皮金黃色 ，蝦仁餡料鮮味多汁，腐皮香口但柔韌， 比一般酒樓的腐皮卷更好吃。聊天一會後，已經是五時多，朋友說不如當提早吃晚飯，所以再點了牛肉麵 ，很大碗的，晚上不用再吃了。牛肉鮮蕃茄湯麵~ $68 牛肉腍滑多汁，湯底夠味但不太鹹。 麵身爽口 ，鮮茄加滷水蛋，很美味!百香果綠茶 QQ~ $12茶味和果味都香， 可要求小甜，不錯。梅子綠茶山圓粉~$20朋友點了梅子綠茶，我只拍了照 ，沒有品嚐 ，從照片看到很多梅子和山圓粉!以台式食品為主，地方雖然不大，食物種類卻不少，而且吃得出是用心製作的，原來

原本同媽咪去東廣場食嘢，但唔知係咪因為落雨，周圍都好多人。於是我哋去咗隔離工廈嘅樓上餐廳食台灣麵。比起平時食lunch少人，坐得較輕鬆自在。我哋叫咗兩碗麵，同一個滷水拼盤share食。🥢🥢🔆台灣牛肉湯麵 - 牛肉冇花冇假厚切大大嚿， 煙靭咬口，足料有成三至四舊咁多；牛肉湯冇台灣一般食到嘅咁咸；麵質係我同媽咪鍾意嘅軟硬度，唔會一pat pat。🔆豐盛牛肉鮮蕃茄湯麵 - 加咗蕃茄味嘅牛肉湯，味道濃郁，墨魚味好重嘅花枝丸、貢丸、同大大舊牛展～🔆湯麵嘅蘿蔔好甜好入味，套餐包埋兩杯台式飲品，我叫左凍葉月豆漿紅茶，媽咪就要熱葉月紅茶。豆漿紅茶味道類似豆漿奶茶，飲到濃濃嘅豆漿味，而媽咪個杯就類似黑糖茶味道，套餐包埋都幾抵。🔆台灣滷水拼盤 - 好重滷水味嘅豬腳、豆腐、牛肉、滷蛋、雞翼，全部都好入味，豬腳肥瘦適中，最正個豆腐，淡淡豆腐香同滷水汁。♥️中間大電視播緊濱崎步演唱會，勁歌熱舞，同媽咪舒舒服服邊食邊傾邊睇，唔洗同人迫。呢度擺放左唔同年紀都岩嘅懷舊道具同poster，都幾得意，可以影下相架@@

老闆來自台灣。餐廳地方舒服、闊落。乾拌麵、香酥排骨和雞排等台式飯類及鹵水較出色。和牛薯餅鮮炸熱辣，香脆美味，薯蓉的份量比較多一客炸物拼盤就可嚐遍多款小食，包括香腸、鹽酥雞、蝦捲、丸子及甘梅薯角，而且份量亦不少，以這價位來說，真的一點也不貴。一上桌經已聞到鹽酥雞的香氣，令人垂涎三尺🤤。外面炸粉層很輕薄，雞肉質感鮮嫩，雖然雞肉件中有部份是雞胸肉，但一點也沒有乾柴的感覺，口感和味道都很不錯，非常好吃！餐牌選擇頗多，不收加一服務費，價錢貼地親民。

今晚和朋友來到觀塘工廈食台灣菜～店子裝潢充滿台灣特色我們看過餐牌後，在點餐紙上填號碼，再交到「點餐區」我點了豆漿綠茶、常溫、半糖，第一次飲綠茶味既豆漿，味道幾特別朋友點的是葉月豆槳紅茶，葉月是一種茶葉名，成杯飲品望落幾似奶茶haha哈豆紅醋醬瓜酸酸甜甜，好開胃，love it!炸物拼盤樣樣都又熱又香脆，最中意佢既甘梅薯角～椒鹽排骨肉躁乾拌面，加錢轉咗新竹米粉，新竹米粉幾時都係無得輸^_^ 椒鹽排骨切開咗，唔洗自己動刀，好方便～朋友點的是鹽酥雞肉乾拌面，鹽酥雞份量都幾多，正！

哈豆一向都好多日，我通常都係選下午茶時間去食，唔洗同人迫！工廠大厦好多好野食，今次就係台灣野！歺牌好詳細呢！種類多，連飲品都寫得好詳細！叫左個豐盛牛肉麵，牛肉麵既麵唔係好彈牙個種。牛肉量算好多，牛肉又淋又滑好好味！湯底有濃濃既藥材味，配上墨丸同貢丸。野飲叫左個豆奶涼粉冰，下午時間唔想飲茶，呢度有得選豆漿真係好開心，配上滑口QQ既涼粉，一流！枱上有一個電子牌俾人落單，可以減少用紙，呢個小小既環保舉動真係好窩心！

觀塘工廠區嘅餐廳都食過唔少，前幾日朋友生日就揀咗呢間幾抵嘅台灣餐廳🙌🏻入至去嘅時候，已經覺得裝修好特別，花咗好多心思👻 當時只係傍晚六點幾，見到隔離枱嘅客人都目不轉睛咁樣望住餐廳中央嘅大電視🤣因為餐廳係會播放唔同嘅電影👻 啱晒鍾意睇戲食飯嘅我地🤔更加比我發現到原來電視前面有PS4手掣🤪 唔知平時係咪會比客人玩嘅呢😳依度嘅落單形式係自己寫係張落單紙上面。台灣五寶肉燥飯 ($62)個飯有貢丸，墨魚丸，香腸，雞翼，炸豆腐同埋滷水蛋。樣樣都係喺台灣必食嘅小食，一次過滿足晒好多個願望！而且佢附上嘅榨菜更加有畫龍點睛嘅效果！逢甲鹹酥雞肉肉燥飯 ($56)雞肉雖然唔係話非常滑，但勝在炸粉比較薄，食落真係啖啖肉。加上肉燥完全滿足到食肉獸嘅朋友👻雞翼沙茶乾拌麵 ($56)雖然話係乾拌麵但係一啲都唔乾身，得嘅份量足以可以撈晒成個面👻 份量啱啱好！而且味道比我想像中重口味，唔需要再加任何配料都覺得好香好入味！鮮奶綠茶 (餐加$8) 青蛙撞奶 (餐加$18)兩款都叫咗小糖小冰，青蛙撞奶即係黑糖珍珠鮮奶！表現不過不失值得一叫！三個人來講呢個價錢真係好抵食！嗰日我哋仲帶咗個生日蛋糕，更加唔收切餅費🥰 下次都會再嚟

呢間台灣野餐廳好有人情味啊，侍應好nice❤️我地叫左1️⃣高雄魚鬆肉燥飯 套餐$50 (單點$46) 加$8一條蝦仁卷肉燥份量多，肉汁比較香濃，幾乎每一啖白飯都鋪滿魚鬆同埋肉碎，食完好飽足！呢條蝦仁🍤卷一定要叫，外層炸得香脆，裏面係彈牙可口嘅蝦肉蓉，好正😝想食幾條！🥰2️⃣秘製牛肉沙茶乾拌麵$60（單點$56）加$8一條香腸牛展超級唔錯喎！好嫩腍又不失嚼勁，滷得好入味，充滿骨膠原😻😻😻沙茶醬拌麵比較濃味，麵質爽彈，good👍🏻😋佢嘅台灣腸好肥美，好正宗，like😋3️⃣台灣滷水拼盤(豆腐、滷蛋、牛肉、萬巒豬腳、雞翼)$42呢個拼盤抵！食匀所有小食咁滯！豆腐豆味重，幾鹹香。而豬腳外層爽彈，肉質算腍，雞翼大大隻啖啖肉☺️4️⃣葉月紅茶 跟餐免費 (單點$14) 叫左無糖幾香，茶味十足，消滯解膩😝5️⃣青蛙🐸撞奶 跟餐$18(單點$30) 叫左半糖珍珠係黑白混合，有咬口，奶味幾濃，黑糖味都重😝跟餐真係好抵，飲唔晒仲可以拎住走😚

 大隱隱於市，小隱隱於山。在觀塘工業區，誰又會想到有一間價錢親民，對食物品質有要求的台灣地道餐廳? Doctor Beans觀塘成業街19號成業工業大廈2樓，一出電梯面向左，就會看見到此看見門口還以為是一般辨工室。直至推開門，映入眼簾的是充沛裝潢。店員十分親切，帶我們到空的座位。每人消費的價錢大約$50至$70。與同行的友人一同點了店內最多推薦之一的豐盛台灣牛肉湯麵湯麵用料豐富。麵份量充足，硬度適中，不會隨時間發漲。牛肉湯第一口十分清甜，隨後有陣陣牛肉味湧現! 誇張一點的說法就像美食漫畫一樣，女主角在空氣清新的草原上，突然看見一羣牛跑過.....牛展是加分點之一，厚切又軟滑。可以知道事前準備下了功夫。貢丸和市面上的不同，大粒彈牙有牛味! 花枝丸則顯得普通.....另外叫了一個和牛薯餅小吃，和牛薯餅賣相很好，外脆內軟，口感不錯，不會因為吉列的表面而有界口的感覺。跟餐的飲料，點了綠茶，豆漿。綠茶茶味濃郁，但豆漿和的味道則比較清淡。

最近工廈入面都有唔少小店餐廳今次搵咗間食台灣菜雖然地點比較唔就腳 但啲嘢食又唔錯喎！四個人叫咗四個飯麵加小食飲嘢share好飽好滿足差啲食唔晒😛沙茶醬拌麵好似比較少食但又幾好味喎 覺得可以再濃味少少就正啦牛肉都算多 又大舊！撈埋榨菜 生菜 肉燥 好食！麵又唔會過淋鹹酥雞同拌麵分開上 唔怕焗到炸雞淋晒！個麵底就同頭先嗰個一樣 都煙韌鹹酥雞炸得幾出色！分量唔少 又唔覺得成口油鍾意食小香腸嘅必嗌🥰腸腸好夠味 飯都唔錯少少煙韌 推介！全部都乾嘅飯麵 叫返個湯中和吓個湯唔錯 幾好飲 牛肉都一樣發揮 大舊又淋！仲有三種丸可以試！好抵另外有小食 炸物都真係做得唔錯呢個都好好食 就食唔出和牛啦 不過味道好ok🥰又唔算細舊拼盤多人先食到 一人一舊都無晒咁濟豆腐有少少太鹹 重口味朋友應該會鍾意😛四款唔同種類台式飲品各有各特色 最鍾意青蛙撞奶 珍珠又幾好食！