哈豆

營業中

休息中

今日朋友在觀塘放工，晚餐時間就在附近找野食，知道觀塘有很多工廈樓上美食，就去到富利工業大厦3樓Doctor Bean試吓。上到去見大大個鐵門，入到去又唔同，見到好多應該是老闆畫的名畫，其實我覺得好可愛。。坐低諗左一陣，就點了豪華刀客牛肉湯麵，走心牛肉蕃茄湯麵，紅油生菜水餃，飲品就點了黑糖薑母茶和阿華田豆漿。他們枱上有張落單紙，寫抵然之後交比店員就可以落單了。這個就是牛肉蕃茄湯麵，湯底蕃茄味很濃，和麵條一起食超好吃。這個豪華刀客牛肉湯麵，古早味湯底好好，大大舊牛肉超抵食。

向來有聞觀塘多美食，今次男朋友就帶我去左食摯愛的台灣菜！其實我都係第一次聽呢間鋪頭，因為過左繁忙時間，所以都多位，地方不大但氣氛幾好，坐得亦都舒服，佈置都好精細同可愛～我叫左個小香腸肉躁乾拌麵，男朋友叫左個咸酥雞肉躁飯，再叫多左個時菜，飲品就叫左珍珠綠茶～份量足夠而且味道都唔錯，仲好過一啲連鎖式的台灣茶餐廳！男朋友有時開ot都會來呢度買外賣番去食～絕對值得一試！🤩

工廈已經成為好多隱秘餐廳今日我朋友帶我來到這家台式美食環境同價錢方面都好適合上班族，性價比幾高美食亦有多種選擇如果一班朋友去就可以好似我咁叫一個主食再加一份小食拼盤可以試多種唔同小食 禁唔使諗到頭痕啦令我最驚喜嘅係梅子薯條 炸得又香又脆 食落去酸酸甜甜好開胃主食方面我點左拌麵同台式肉燥飯味道不會過濃或鹹，而且麵條較為軟腍。很是惹味香噴噴的肉燥，吃來一點也不膩，味道鹹中帶甜而飲品方面職員推介餐廳嘅豆漿，豆味濃郁，又健康又多選擇

哈豆位於觀塘成業街2樓，初頭都擔心好難搵，點知原來喺地鐵站附近，都非常之方便，一點遙遠都唔覺得，上到去工業區裏面嘅一間食店，真係有啲有隱世的感覺，裏面裝修好有台灣氣息，一坐低我同朋友急不及待睇下有啲乜嘢好食呀？有好多哈豆到推介的食物，我二話不說的叫了一個哈豆的五寶拼肉燥飯，一杯紅棗桂圓茶，而朋友則叫了一個哈豆五寶麵，朋友就比較勇，叫了一個鮮榨檸檬茶，我哋仲叫咗一碟菜， 清清地 ！ 服務員好細心將每一碟餸菜送到我哋面前，簡單介紹，一嚟到我都好急不及待飛了去台湾食五寶拼肉燥，肉燥又唔肥又好味，最怕肉燥太肥太多油，五寶就離不開鹵水蛋、鹵水豆腐、牛丸、墨魚丸、台灣腸， 味道非常之到位，不會太鹹，台湾腸 又脆又香， 好有台灣風味 鹵水蛋鹵水豆腐不在話下 完完全全將整個台灣带到觀塘， 而朋友的五寶拼的牛展非常之淋，淋中带有好香的牛肉味，真的無後悔今晚來了台灣食飯，錯的，应該係哈豆！食到都唔記得自己係边……哈哈！

收工返觀塘食晚餐，觀塘一帶依家工廈餐廳咁多，但係又冇點試過，決定今晚想去試吓台灣菜啦。哈豆喺觀塘有兩間，我就去咗成業街嗰間，上到去都幾多人，同埋好多外賣單，但係廚師加侍應就得兩個人，都預咗要等下架啦，點知最尾真係等左半個鐘先上菜。不過唔緊要，收工反正都係hea時間。鹽酥雞乾拌麵($56, +$8 蝦捲) - 鹽酥雞同個面分開上，咁樣睇落鹽酥雞都幾大份，但係個面就好似細咗啲啦。鹽酥雞幾香脆，有台灣嘅感覺。個面上面有啲肉燥都幾好食。滷水豆腐($20) -製作時間要15分鐘，睇得出個滷汁有幾入味啦。五香滷蛋($8) - 一隻蛋分開四塊，加上蔥花，滷汁算入味。滷水拼盤($42) - 除左啱啱講過既滷蛋同豆腐之外，仲有厚切牛展，厚皮滷豬肉，滷雞翼，算種類繁多。麻醬燙生菜($22) -麻醬花生味重檸檬梅子山粉圓($10) -酸甜可口，有蘭香子。清境和牛薯餅($22) - 牛嘅含量唔多，係唔係唔係和牛就唔知啦，主要都係薯仔，不過都幾香脆嘅。

由於繼續在觀塘區工作，所以要繼續在觀塘午飯時間覓食，繼續在成業街搵嘢食。終於比我地發現到呢間台式餐廳，價錢都算合理。我哋叫咗兩碗麵，一個小食拼盤，及兩杯嘢飲。收費到係每人80蚊到！我覺得算抵食，出去飲杯珍珠奶茶都要30蚊啦！間野裝修好特別，好有懷舊味道！選擇不太多，但都夠選擇既！我叫左一個丸子鮮茄湯麵，兩個人share一個小食拼盤。丸子鮮茄湯麵，好香蕃茄味，麵質都算爽口嘅，我最鍾意就係個小食拼盤，條台式香腸真係令我諗翻起去台灣嘅回憶！最後想講嘅係兩杯嘢飲一杯係有益力多嘅綠茶令一杯係綠茶鮮奶，兩杯都好好飲！有啲驚喜。我覺得如果lunch唔想食咁飽嘅話，呢間都係一間唔錯嘅選擇！

又食台灣野啦我！呢間係放飯放工都經常食嘅餐廳，為咗飲呢度嘅豆漿紅茶🤪🥤珍珠豆漿紅茶 跟餐加$6落完單就有野飲飲住等，而我就次次都飲豆漿紅茶，飲得多奶茶轉下呢個味都幾有新鮮感。同埋用咗黑白珍珠，有兩種唔同口感。萬巒豬腳肉燥乾拌麵 $56乾拌麵有台灣味，就係簡簡單單肉燥+菜甫+秘製醬汁撈麵已經好滋味，麵條係扁身白麵，軟硬適中有咬口。重膠質豬腳，仲要已經去咗骨。秘製牛肉沙茶乾拌麵 $60朋友的牛肉乾拌麵，而我之前都食過牛肉厚身又大塊，筋肉相連，咬落去入口即化！蜂蜜檸檬山粉圓 跟餐加$12我地都以為係山粉圓係芋圓。。。原來係奇亞籽啲fd lol 口感一樣，但又唔係同一樣野，詳情自行google😂😂炸物拼盤 $42香腸、鹹酥雞、蝦捲、丸子、甘梅薯角。好似夜市掃街嘅綜合炸物版本，全部都係香口小食，但係兩個人分就分唔勻😂😂台灣野後講價錢同質素都唔錯，觀塘搵食可以參考下～

觀塘區好多餐廳 台灣餐廳已經有數間 哈豆有兩間分店番茄牛肉湯麵 套餐$60牛肉好厚身 同軟 有三大件牛肉番茄湯底好甜 番茄件有數件🤓🤓熱豆漿仙草😳 豆味道淡 仙草切小塊較好🙈🙈番茄牛肉丸子蕃茄新竹米粉套餐$6072新竹米粉幼滑😏丸子有花枝丸同貢丸 都彈牙味道不錯😺鹽酥雞好邪惡🙊🙊鹽酥雞外面炸粉層好薄 😄外皮不夠酥脆每一份鹽酥雞肉份量都多☺️ 主要有鷄胸同鷄腿肉都有肉汁 嫩滑就稱不上 🙊 雞翼味道普通 主要靠表面嘅醬汁🥺🥺

今日收工，同事帶咗我去觀塘嘅工業區樓上鋪食飯，仲要係食台灣地道嘅美食，估唔到觀塘樓上鋪都會有台灣嘢食！價錢平，而且味道唔差！我講緊嘅，就係呢間叫”哈豆”嘅台灣餐廳。雖然鋪頭細細，但都好乾淨整齊，可以放心食😋下午茶有9折喎🙄仲要有wifi💕叫嘢食先☺️佢地都有好多地道嘅小食，麵，飯，飲品等等肉燥時菜 $24生菜面淋上肉燥，同台灣細細地道嘅舖頭嗰啲食嘅一樣豐盛台灣牛肉湯麵 $72 （跟餐價）個湯底好有牛肉味，好清甜，有貢丸，花枝丸，仲有牛展大大塊。小香腸肉操乾拌麵 $56 （跟餐價）香腸咬落多汁，口感豐富，同响台灣食冇乜分別。胚芽豆漿加珍珠，我仲見到珍珠有兩種色。青蛙撞奶，即係黑糖鮮奶加珍珠， 鮮奶味十足。每人都係$90，真心平喎😁😆

今日相約舊同事C小姐食午餐兼敍舊，佢話想食台灣野，就帶咗我去位於工廈2樓嘅哈豆。地理位置亦算方便，離地鐵站唔遠。店內簡約懷舊，可能係工廈嘅關係，地方頗為寬敞！食物選擇好多，都係台灣嘅地道食品和飲品。我揀咗鹹酥雞麻辣湯麵+$3轉新竹米粉，食台灣野梗係唔少得鹽酥雞啦！剛剛炸起熱辣辣超鬆脆，鹹香惹味👍🏻👍🏻個麻辣米粉好夠麻辣又香。C小姐點咗丸子鮮蕃茄湯麵，貢丸和花枝丸，佢話啲麵好爽滑彈牙，丸子都好好味，貢丸裏面有香菇，正啊！我也食咗一粒。台灣滷水拼盤$42有豆腐、滷蛋、牛肉、雞翅和萬巒豬腳，滷得好入味啊！味道就好似係台灣食到嘅味道一樣，好地道好正啊！黑糖鮮奶茶、豆漿。飲品係套餐包埋，整體價錢親民合理，食物質素好，尤其係滷水拼盤真係好好味。

觀塘區工廠大廈多，食市亦都唔少，平時如果路過都會幫襯下。但係我冇諗過今日朋友會喺夜晚帶我上去觀塘嘅工業大廈入面食台灣嘢🤔。 呢間叫🌸哈豆🌸嘅台式餐廳喺成業街嘅成業工業大廈2樓， 標榜真係由台灣人開嘅😮，而且我見到佢仲做緊開業六週年優惠，下午茶時段打卡可以有九折❗舖頭入面貼咗好多台灣舊式嘅poster，而且座位都算闊落，枱櫈唔會擺得太過逼👍🏼我要咗台式五寶拼盤肉燥飯， 朋友要咗台灣牛肉麵，另外加咗個鹵水拼盤。 個肉燥飯有雞翼，豆腐，台灣香腸， 貢丸，花枝丸同鹵水蛋，岩晒啲乜都想試下既人😝。個肉燥好香，而且唔會太鹹，撈飯好好味。啲配菜入面我最鍾意個台灣香腸，佢煎到脆卜卜，夠曬台灣風味。佢仲跟咗醃青瓜同埋菜脯，包你開胃。台灣牛肉麵一上到嚟就已經聞到好香 ，啲牛展大大舊，朋友話都好淋好入味， 呢個湯就好清甜😁。鹵水拼盤有雞翼，豬手，牛展，鹵水蛋同豆腐，樣樣都好入味，而且滷水香料味好重，食得出用足料去煮👌🏼。 呢間餐廳仲有好多台式飲品選擇，花多眼亂，岩晒時下鍾意飲台式飲品既年青人😆，但如果唔用即棄膠杯就更好啦!

最近看見朋友又去了台灣，也不禁勾起我對台灣美食的思念，在openrice上搜尋到這間哈豆，決定一試。哈豆位於工廈二樓，位置尚算好找，吃完後發現，又多了一間值得收藏的台灣美食店。哈豆門外，並沒有什麼裝飾，只頂著一綠色的招牌，走進店內，卻發現充滿台灣的氣息，磚牆，膠椅，木枱和海報，徬彿置身台灣街邊的小店，讓人期待食物的味道。哈豆的食物配搭種類繁多，令有選擇困難症的我，一時三刻也作不出決定，很想全點了，每樣都好想吃。最後選擇了一個紅燒牛肉肉燥飯，及麻辣拌面作主食，套餐可配台式飲料，另加了鹽酥雞及紅醋醬瓜作小食。雞翅丸子麻辣乾拌麵今天最愛這個雞翅丸子麻辣乾拌麵，看得出得小店非常用心，配料也不馬虎，除了雞翅，貢丸，花枝丸，還搭配幾根青菜和芽菜，還有肉燥，加上自家製的麻辣醬和菜脯！麻辣刺激惹味，與爽滑的粗麵很夾，愈吃愈想吃，貢丸和花枝丸亦彈牙香口，雞翅滷得美味，加上辣菜脯，畫龍點睛。比起肉燥飯，我們更愛麻辣乾拌麵。紅燒牛肉肉燥飯原本以為牛肉是平常吃一片片的軟肉，誰知道是厚切牛腱，我最喜歡牛腱了！牛腱不同一般牛肉，要慢火炆至軟腍，非常耗時間。哈豆的牛腱非常厚切，但仍然煮得夠腍，滷得入味，中間膠質部分

次次黎觀塘搵野食都考起我，但我又點會咁容易比觀塘打敗呢？正所謂一次生兩次熟，我相信，我好快可以叫自己做觀塘地膽。呢一日，我又再挑戰觀塘，仲去駱駝漆？out晒啦。呢日黎到哈豆整個台式晚餐，可能我地早到，無咩人。幾有趣，牆上有d舊式電影海報。自己寫返個number就落到單嫁啦，梗係唔係啦，要交比店員先落到單嫁傻仔！杯黑糖珍珠鮮奶唔會太甜，珍珠煮得岩岩好唔會外軟內唔軟囉。【炸物拼盤】有4樣炸物，兩個人你一啖我一啖，搞掂！【豐盛台灣牛肉湯麵】牛肉厚切，幾淋身。【逢甲鹽酥雞肉燥飯】鹽酥雞即叫即炸，熱辣辣！份量都幾大，細食既女孩子記得叫少飯！總結，觀塘，我仲未可以大大聲嗌自己一聲地頭蟲，不過！下次再黎觀塘起碼唔會兩頭望！

這天放工下班後朋友相約於觀塘見面逛街過後，我們一同去吃東西。這班朋友安排了吃台灣菜全因為他想念台灣美好的日子。餐廳位於觀塘距離鄰近地鐵站路程約需八分鐘左右，還算便利。餐廳位於工廈內故進入之時也需要保安開門，十分安心。食物方面，其實我不太肚餓， 點了數款台式小食， 鹽酥雞 ，鹵水豆腐 ，胚芽豆漿 ，珍珠奶茶紅燒牛肉麵 和肉燥拌麵。胚芽豆漿非常足料，胚芽在杯底鋪了厚厚的一層。滷水豆腐滷水汁味道豐富，入口甜鹹適中，吃得出是經過年月的洗禮。至於豆腐方面，十分入味，充滿了滷水汁的味道，還算可口。下次也會再來，全因為這美好的時光。

台妹很想家鄉，因此帶朋友到觀塘CAFÉ一吃，店長非常的窩心，想出以每日製的自家新鮮豆漿，取代坊間慣用的奶精，仙草、珍珠、紅豆等去做台飲，「台」風十足又健康得多。另外，以豆漿製成的飲料，入口柔滑而且豆香很濃厚。在網上搜尋，發現店長本身台灣人，做過當地連鎖茶飲店「50 嵐」的店長，為了是次的改良版「台飲」，特別選用加拿大黃豆磨漿，同時提高黃豆在水的比例令豆味更突出。除了飲品，這裏也有不同口味的台灣食物，以及我最愛的台式肉燥飯，全部也可以跟飲品變套餐。隨時想吃台灣東西行喔！朋友也前來一嚐牛肉麵，牛肉跟湯很配，湯面上面有滷肉，紅燒牛肉及一隻滷蛋及蔬菜伴碟，整體好。台灣鹽酥雞雖然在香港都相當普遍，但我和朋友也很愛吃的，所以也有另外點它，味道較好，足料。店子有很多台灣物品，有點身在台灣的感覺呢，非常棒喔。我也點了一個滷肉牛肉拌面，因為我很愛吃乾拌面，以菜脯作配合，多添一層爽脆的口感，但沒有不合～紅燒牛肉煮得入味，有點像牛腩，肉質嫩，輕輕一咬便咬得動喔。滷肉飯、鹽酥雞、炸雞扒，儼如變身小台灣。掛住台灣美食？要到這一吃和感受店長及他另一半的服務，感覺親切，且各款食物很有台灣的感覺，可以一解思鄉之懷～來