哈豆

營業中

休息中

2019年11月6日星期三晚上再一次用上Open Rice Apps的訂座服務，在觀塘成業街成業大廈的樓上Cafe Booking 晚上19:45，Cafe當天Booking的last order在晚上20:00。😅😅當天在成業大廈上升降機到2/F往左邊那個方向走會見到Cafe的門口，Cafe的名稱很有臺灣🌸🌸的氣息，從名稱來看，哈豆是一個臺語的詞語。😂🤣Cafe裡面很多臺灣原住民的風格以及臺灣臺北、臺中的特色。但是Cafe裡面是不能接收到電話來電😂😂，因為都是密閉空間，但是有一臺接收器。當天選擇了豆腐拼丸子肉燥飯以及桂圓紅棗茶🍵，點菜在卡紙上寫上菜色編號和飲料要熱飲還是冷飲以及甜度就可以。☺☺豆腐拼丸子肉燥飯，白飯用上臺灣的製作方法，不會太硬太會太柔軟，而且剛剛好。👏桂圓紅棗茶，紅棗和桂圓兩者結合在一起非常滋潤。而且在結賬的時候還有印花卡。😊😊

同同事們晚上去咗間工廠區上樓的台灣小食店，地方就腳好方便，出地鐵站行幾分鐘就到，入到店內環境清潔舒適，擺放有十數張枱，大概五六有尺左右。因為第一次來到，我點了店長推介的豐盛牛肉蕃茄湯麵(牛肉、貢丸、花支丸)，有同事點了店長推介魯肉飯等等，另外點了特色飲品。認真說，食物方面當然無台灣既水準，但在香港黎講其實都值得一試。我食既豐盛牛肉麵湯底雖然欠缺小小鮮味，但牛展真係整得幾好，是全碗麵既靈魂。飲品方面小弟點了一個黑糖奶茶，味道無出面咁甜，健康少少。

返完工好肚餓，就去咗觀塘附近嘅工廠區度搵嘢食~見到呢間台灣菜啲圖片幾靚，就喺嗰度食晚餐😇餐牌選擇都幾多，除咗麵之外都有滷肉飯可以揀，仲有拌麵可以選擇~豐盛牛肉鮮蕃茄湯麵+台灣腸~都幾大碗，餸嘅份量仲多過麵，有三大塊好厚肉嘅牛𦟌，花枝丸貢丸同埋滷蛋~牛𦟌燜得夠入味，厚切掛汁，而且肉質夠軟諗，食落無渣，味道幾驚喜~花枝丸食到粒粒花枝，肉質彈牙，反而貢丸肉質就比較結實~唔夠飽仲加咗台灣腸，估唔到台灣腸外皮烤得幾香脆，內裏肉質juicy，係幾驚喜嘅~胚芽豆漿~見餐牌推介，就諗住試吓，冇選擇到少甜，味道比較偏甜，不過勝在食到粒粒胚芽，增加口感，不過如果豆漿豆味更濃會更好~

近排經常和朋友出街食西餐，今晚就轉轉口味食其他菜式。此店藏身於工廈內，多得朋友上食評網搜尋台灣菜，才發現此間樓上店。位於工廈單位的餐店門口簡單，門口對上青ＢＢ的招牌十分搶眼。餐店內以紅磚牆木枱木地板裝潢，簡單得來帶點簡樸的台灣味。空間細細容納到三十人，我地食到中途仍見食客滔滔不絕，都好多人識得來這裡。餐牌上菜式選擇多，湯粉麵便當大部份都可轉套餐揀選好彈性。叫了一麵一飯一小食兩杯飲品加埋晚餐總計二百蚊，價錢相當大眾化。台灣滷水拼盤 $42拼盤有滷蛋、豆腐、紅燒牛肉、萬巒豬腳和雞翼，列陣整齊滷得不錯好入味。雞翼得一隻好顯眼無得二人分囉，豬腳唔油膩個皮煙韌好嚼。豐盛台灣牛肉湯麵 $72店長推薦質素有番咁上下，湯底濃郁台味十足，麵質彈牙富口感，厚厚的牛展有三件口感軟腍。仲有平時食開的花枝丸貢丸滷蛋，蘿蔔無根都好入味，好似食緊車仔麵咁餸料包羅萬有。蝦仁卷 +$8一件過無分成兩件上感覺來得珍貴，腐皮包蝦肉馬蹄，外皮鬆脆香口蝦仁帶點鹹香幾好味，細細條都咬到兩口。逢甲鹹酥雞肉燥飯 $56鹹酥雞落的炸粉唔多，啖啖肉炸得香口惹味，咬落有肉汁非常好食。肉燥淋上飯面味道無係好鹹，撈埋配菜醬瓜菜脯食幾好味。檸檬

隱藏係工廠大廈的台灣美食，充滿台灣地道風味，加上老闆用心細意的美食但如果要來食就要早d, 因為2100 就會關門，我諗應該最遲815 就要last order了我地叫左個清境和牛薯餅同日本薯餅好像同山賊燒雞翼(雞翼像係魯水底再加左祕製醬汁) 味道唔錯主菜就叫左五寶什錦醬乾伴麵辣辣地好惹味 (個醬汁真係冇得頂) 下次會再encode逢甲鹹酥雞肉燥飯雞外脆內軟，而且唔會咸，味道岩岩好野飲我地就試左胚牙豆漿同黑糖鮮奶茶 (叫左少甜剛剛好) 下次再來過

其實官磄真係好多工廈有好多野食，仲要好多都好有驚喜，我同BB今日去左成業大廈個間哈豆，因為佢有兩間分店架！好有台灣feel,場內放住台灣既歌，少少的台式裝修，不錯，好舒服咁食個飯😍我地兩個叫左逢甲鹹酥雞肉燥飯，肉燥是瘦肉，比較合適香港人口味，鹹酥雞新鮮炸，好香脆可口；另外豐盛台灣牛肉麵有牛肉、貢丸、花枝丸，好正宗既牛肉麵，係我鐘意個款😍，另外，我地仲叫左一點小吃，路邊攤小香腸同台灣滷水拼盤，都勁有台灣味，差點忘記左仲有個肉燥時菜同兩杯台飲😋😋

最近同同事想搵一搵工業區想食台灣嘢，比我們搵到有一間台灣野係公司附近，一上去唔算多人流，服務員好快安排我哋入位，我哋一坐低見到好多選擇台灣野，我叫左雙丸加蛋麵，番茄湯底，番茄味到好出，好喜歡食番茄既朋友，好值得推薦。同事叫左一個炸雞粒飯 。食到即炸。我們叫左一人一杯野，最好一樣是佢地用外賣杯方便，我哋可以攞埋走慢慢飲。

有個朋友久唔久都會去呢度食lunch, 今次經開就上去試下，店不大但都可坐唔少人台式食物配台風餐牌設計，cute cute 路線，飲品都可以好似飲品店咁叫不同甜度同不同溫度，辛苦水吧了， 怪不得有忠實粉絲食客點左杯蜂蜜山粉圓，大鄉里的我以為係平時好大粒既粉圓，原來係好細粒好個啲，但都好得意，有口感豬腳乾撈米個豬腳煮得好正，皮爽肉淋，好入味，如果啲豬腳可以再多啲更正🤣魚鬆肉噪腸飯，唔好睇魚鬆好平凡，但好乾身少少脆，唔淋，令個飯好有口感

今日去觀塘做完嘢，上次經過呢間台灣菜食過一次，朋友話想食我地就上去坐。呢個好抵食，又夠大份。台灣牛肉湯麵 $60 牛展好厚好大舊但一d都唔硬，炆左好耐肉質軟滑，湯底唔油膩但肉味香濃，麵質煮得剛好，有彈性，吸哂牛肉湯味一流，另外我加左少少辣椒油，味道更上一層樓。逢甲鹹酥雞 $32份量好多，炸到熱辣辣，入面好juicy，雞肉好嫩滑，一點都唔乾。百香果綠茶QQ 跟餐+$12要左杯飲品，原來係珍珠加椰果，珍珠好煙靭彈牙，帶有少少甜味。百香果味道酸酸甜甜，開胃減膩。小香腸肉燥乾拌麵 $56上次食過今次再叫，小香腸真係無敵，外脆內軟，甜甜地，加上肉燥帶有咸香味配上拌麵一流。黑糖鮮奶茶黑糖味濃郁，奶茶香，如果再加珍珠仲好飲。

今日啱啱收到公司通知叫我下個月辭職，心情好複雜，約左個friend喺公司附近吹水。想搵間寧靜舒服嘅餐廳坐嚇。結果就俾我地發現左位於觀塘成業街成業工廠大廈2樓29室叫哈豆嘅台式美食。店入面裝修走懷舊風，放有唔同嘅舊電影海報，亦有扭計骰範玩具。店入面見到有ps4同唱k設備。相信系為左俾party room用。點餐以手寫自助落單形式。咁我地總共叫左兩個套餐同幾款小食，套餐包左飲品。1) 逢甲鹽酥雞(小食) $32份糧唔錯，足夠2-3人食。食落去唔會太減，調味適中，而且油炸嘅時間控制得啱啱好，肉汁有鎖住喺雞肉入面，雞肉非常嫩滑。雖然系用油炸，但系一啲都唔覺得油膩。2) 路邊攤小香腸(小食) $32$32 嘅價錢食到4條台灣腸，性價比非常高。香腸皮脆肉嫩，腸肉均勻，唔會有太多嘅肥肉。同台灣街邊食到嘅一模一樣。3酥炸小丸子(小食) $32丸子大粒彈牙，我覺得可以叫做大丸子，雖然哩款小食唔特別。但係喺香港食到台灣夜市嘅風味，絕對值得。4)山賊雞腿翅肉噪飯(套餐)$52 +豆漿綠茶(餐飲)首先系個個雞翼，用山賊汁醃過，好入味，整體黎講唔太減，撈飯最啱。順帶一提，個汁有啲黑糊椒，少少辣。咁個肉噪飯主要系

呢間主打台灣菜既餐廳係觀塘有兩間分店，呢日去左成業工業大廈入面既☺️▪️ 台灣牛肉湯麵 + 葉月豆漿紅茶💲60 (套餐)牛肉好軟腍，完全唔會乾嚡難咬，而且牛既味道亦都香濃，比預期中出色得多😍有隻輕輕滷過既蛋，湯底有微微既藥材味同辣味，粗幼適中既麵條，唔會話好淋身，不過個人鍾意煙韌度再高一點點，麵條份量對男仔黎講可能偏少🍜本身好驚豆漿紅茶伏，出到黎都還好，半糖時甜度適中，豆漿同紅茶味並存，不過有朋友叫一模一樣既就麻麻，質素有點參差🔎 整體評分（7/10）

#觀塘美食#哈豆放工係觀塘附近搵嘢食，所以就搵到呢間台灣野啦哈豆係一間隱藏於工廈既台灣餐廳,之發現到佢 係因為係成業大廈係我既飯堂 好多不同既餐廳係度開店舖細細,當日都FULL FULL地架, 想像到LUNCH 會爆台既情況, 重點係 唔算貴~重點推’’ 肉操’’既餐1）排骨肉操乾拌麵 $56 + $3 轉米粉 + $8蝦卷唔好睇呢條嘅外表好似好普通咁，其實佢個米粉麵底係非常非常之好食，因為佢用咗台灣新竹出名既米粉，同平時食嘅米粉相比之下, 新竹米粉非常之柔軟同幼，再加上佢索水力強,即係可以索晒肉操嘅味道，令米粉非常入味，嚟到呢度一定要試吓。蝦卷炸得啱啱好，唔油排骨又係真心推既食物, 腌得好入味 基本係每一啖 都好有肉味2）台灣五寶肉燥飯 $62五寶就係腸仔、牛丸、墨魚丸、滷水豆腐同埋燒雞翼。佢嘅肉操汁好甜，令到啲飯都有濃濃嘅肉燥甜味。3）山賊燒雞翼 $30雞翼燒得好好，唔會太燶，但係咸左少少~ 4）檸檬梅子QQ $12一開始入落去係好似檸檬茶嘅味道，但之後會出現梅子嘅味道，好特別，而且好多蒟蒻。5）蜂蜜仙草 $8 (跟餐)蜜糖好甜，加埋仙草會仲甜埋單：$179

觀塘工廠區可謂臥虎藏龍，好多高質餐廳都喺觀塘工廠區入面。經觀塘返工族嘅介紹下，今日去咗位於成業工業大廈嘅哈豆。對比工廠大廈破舊既感覺，餐廳嘅整體環境非常整潔，裝潢絕對稱不上豪華，但有一種溫暖嘅感覺。豐盛台灣牛肉湯麵真係幾豐盛，除咗牛展外，仲有花枝丸、牛丸、貢丸、滷水蛋。麵條方面揀咗新竹米粉，湯底偏向重藥材香，感覺幾健康。逢甲鹹酥雞肉燥飯賣相比較遜色，不過味道真不錯，特別係鹽酥雞，香脆肉嫰，炸粉唔會太厚。小食方面，山賊燒雞翅味道酸酸甜甜，肉質中等。作為台式餐廳當然有台式飲品。餐廳嘅珍珠奶茶一啲不輸蝕出面飲品店，珍珠幾煙韌，奶茶唔會太甜。值得一提，餐廳一直播放五月天嘅歌曲，睇嚟店主同我一樣都係五月天嘅粉絲

和朋友來到觀塘shopping, 順路搵個地方醫肚，在工廈中我又發現左一間食台菜的小店，哈豆。位置係成業街，極方便。往往小店有不一樣發現，台式怖置好親民舒適，看價錢絕對街坊價。食物方面：牛肉鮮蕃茄乾拌麵 $62我點了台式食物必叫的牛肉麵，今次點的是乾拌麵，近期大熱，好合適夏天吃，拌麵麵質好有口感彈牙。牛肉是牛腱部分，肉質比較有嚼勁，牛味香濃，蕃茄味夠惹香，中和肉的膩感，配搭好出色！五寶什錦醬乾拌麵 $64五寶包括：香腸，雞翼，豆腐，貢丸，花枝丸。甚有台式風味，其中滷水雞翼好入味，最特別是特製醬汁，麻辣加芝麻醬，來撈拌麵，辣中帶麻香，好惹味！檸檬梅子山粉圓用梅子及檸檬調製，酸酸甜甜極開胃清新，這裡的粉圓是少的，呈奇亞籽的半邊明狀，口感黏黏的。熱豆漿綠茶 自家製無添加的，味道清香無添加甜，加埋綠茶少少茶香，配搭新鮮，值得一試。台灣滷水拼盤 $42包括豆腐，滷蛋，牛肉，萬巒豬腳，雞翼。滷水汁較合適香港人口味，香濃但稍欠台式獨特藥材味。整體腌得好入味，最最喜歡的是豬腳，台灣人整腳豬挺拿手，選豬腳也有心得，滷水過的豬腳好軟腍，既有透明膠質也有肉的質感，意想不到好吃！整體食物台式地道風味濃，以小店

晚上去咗觀塘工業區一間樓上台灣餐廳名字叫做＂哈豆台灣餐廳＂，店內裝修比較簡潔，餐牌只有兩頁，主要是台灣菜式，小吃和飲料。點了一客套餐，一個炸物，一個拼盤，兩杯飲料。套餐是豐盛台灣牛肉湯麵，牛腩非常軟滑，非常有心機去製作的牛筋腩，加上墨魚丸，牛丸和豬肉丸，還有西生菜，面質和湯底非常相配，呢個滷水拼盤有滷水豆腐，雞蛋，雞翼，牛筋腩，淋上去的滷水汁，非常之香濃，香酥腐皮蝦仁卷，用腐皮包住說蝦肉馬蹄等食材経煎炸然後上枱，外皮非常之鬆脆，蝦肉亦非常弹牙。點兩杯凍飲料分別是百香果綠茶和珍珠豆漿綠茶兩杯飲了我們都點了少糖和少冰。QQ蛋口的百香果和珍珠，味道恰到好處。整體來講，是一間用心機去做食材的台灣餐廳，值得推介。