品香樓中西風味餐廳

營業中

休息中

唔錯~~唔錯~~尋晚同老公去左食飯~~雖然係情人節~~但唔使等好耐~~都係十分鐘到就入到去~d staff 都好識做~~就算多人都唔會搭~叫左三樣野~~都唔會等好耐~~有蠔仔粥~~~超正~~好多蠔仔~~不過有少少石頭~~但都好好食~~風沙雞~~有少少咸~~但食得出係新鮮雞~~都好好食~~仲有豆沙鍋餅~~呢個好得~~好多豆沙~~又唔會太甜~~又夠熱~~開心死我~~再加兩杯凍阿華田~~上面有cream架~~好飲好飲~~有水準既店舖~~會再去架~~

其實我是住係石硤尾，所以去呢度食飯好方便，其實自己試過呢區其他的食店，但是都是呢間最好食！由其是食宵夜，真是好抵食，叫一碟嫩雞炆鴛鴦米，如果是細食的人就可以兩個人分，因為真是好大碟！而飲品方面，朱古力就是我的最愛！因為大大杯上面加Cream，真是好正！整體都好抵食又好好味！

過年在即,勁多人去食團年飯好爆下~而且坐得好逼可能因為人多生意多,d野食就退步左叫左廿幾樣野,個人認為最好味的小菜有1)蝦仁炒蛋---蛋很香很滑2)魚香茄子---茄子唔夠多,但肉&醬都很好味3)雞軟骨---好入味4)明太子炒飯---淡淡地但料夠多,味夠香其他就只屬一般,而份量都唔係好多,overall來說都ok ge~但服務真係差到無人有~成桌都係空碟都無人執斟水又慢,最衰就係一個長相怪異的男員工你對佢好有禮貌,佢都會好惡咁鬧你對客一d禮貌都無,仲要呼呼喝喝,鬧番你轉頭~大家如果去品香樓食飯,千祈唔好番呢個男員工落單..條友真係惡到好似你欠左佢咁ga其他員工就無乜特別,不過人手真係好唔夠,忙到招呼都唔週到價錢偏貴,環境擠逼,食物ok,服務唔得有無下次,真係要諗諗佢

去過好多次,野食唔使講~正~~~價錢~勁抵~~近來d服務好似客氣左,可能比人話得多。今次人多叫左一碟鍋貼芝麻蝦,實在太美味,唔夠喉,再加單要多碟,點知炸得唔夠第一碟香,有d失手。但仍然美味!除左朱古力外,芒果沙冰都好正,係鮮芒果做,值得一試。近來多左甜品賣,但唔係強項,麻麻地!平日去呢處食野最好4個人以上,因為3送1,平均消費抵好多。又可以叫多幾樣野試o下。

今次揀左-- 雜菌獅子頭黃飯D獅子頭好腍pet pet 咁... 幾難食下D飯有D椰香味... OK依個飯有D失望...都係炒飯好食D呀!

一班同事約埋食dinner有同事力主呢間話好好食喎咪即管試試囉8個人要咗9個菜1.手撕雞將沙薑雞撕成手撕雞味道唔錯雞都算滑又有雞味2.風沙雞即係炸子雞+金蒜皮都幾脆雞都算滑不過2個雞都算幾heavy3.南乳炸豬手呢個菜比較失色豬手炸得太乾亦唔夠味4.火焰牛柳粒我唔食牛但啲同事話好正喎5.西蘭花花枝帶子呢個勁正花枝同帶子又夠多而且又新鮮,正6.黃金蝦啲蝦都好大隻吓而且都叫新鮮咸蛋黃都叫多正7.魚香茄子煲呢個我覺得最正夠味又多肉碎送飯一流不過真係肥咗少少8.芝麻鍋貼蝦即係蝦多士芝麻好香一小塊麵包都有成隻蝦咁滯好好食9.例湯呢個送嘅唔知乜嘢湯但好好飲10.凍朱古力好夠朱古力味上面又有啲cream又夠凍~正再講講環境估唔到裝修咁骨子,咁靚~連個toliet都咁乾淨(雖然地板濕咗少少)

22/12(五) 8pm做冬的晚餐選址於此,貪其地點便捷,吃罷不消5分鐘便能返回溫暖的家.是次點了百花釀豆腐$48,西蘭花花枝炒帶子$48,韭黃滑蛋蝦仁$48,雪菜年糕蟹煲$68,葡汁花枝浸南瓜$48,葡式大蜆浸石斑$68.百花蒸釀豆腐--嫩滑的布包豆腐上灑上蔥粒及釀上爽口的鮮蝦,以嫩甜菜心伴碟;配搭簡單,味道簡樸.西蘭花花枝炒帶子--西蘭花尚算爽脆,花枝質地頗彈牙及夠鮮;反而帶子不甚新鮮,口感味道皆不濟,屬下等雪藏貨.韭黃滑蛋蝦仁--做得不錯的一味!爽口的中型蝦加入韭黃炒蛋液炒至僅熟,令其滑溜口感得以保持.雪菜年糕蟹煲--用上體型不算大的肉蟹,蟹肉肉地並非十分結實,鮮度一般!以墊底的年糕吸盡蟹汁及雪菜的精華,味道濃郁,略嫌年糕不夠煙韌.葡汁花枝浸南瓜--份量足,花枝爽口,南瓜偏腍身及清甜,葡汁味道溫和,送飯一流!葡式大蜆浸石斑--以砂鍋盛上,石斑看來沒甚睇頭,肉質卻挺嫩滑,也不失新鮮!至於餐牌上所寫上的"大蜆"確實有欺場之嫌,那十數隻含沙的嬰兒蜆實在不敢恭維!反而呈奶白色的鮮甜魚湯才是戲肉,喝罷相當滿足!7人晚飯花費不到$400,食物水準亦有所回升,划算得很!

下午跑完步，到了夜晚，梗係要食多DD野。雖然係八點，又唔係假期，都要等位。結果睇住苑瓊丹子同喬寶寶談情說愛20分鐘，終於入席。老婆欽點魚香茄子煲，咁arm晚餐又係其中一味，太好啦。遷就老婆仔，叫個蝦，西蘭花螺片蝦球！鑊氣點都夠，味道當然唔錯，否則呢間野唔會成日爆棚。凍朱古力真係要推介，老婆仔見到都好開心，但又話好肥......乜呢間野係上海菜咩？

又係食...係香港最快樂的事就係食..都無咩特別的了..3個人食0左:凍朱古力:係朱古力加0左cream..一般..唔special的..椒鹽9肚魚:都係同大排檔食到的一樣火焰牛仔粒:最impress我..因為佢著火的..黃帝菜浸付足:都係咁..西蘭花帶子花枝:好味的..新鮮

身為城大既學生，又甚會不知此店的存在.....前兩天做功課做得夜....有女友在旁，提議下又不自覺咁黎到﹗宵夜時段....叫左南乳炸雞翼、黑椒牛柳粒、星洲米同xo醬炒公仔麵...炸雞翼($20)有5隻，好正好入味，黑椒牛柳粒($20)也不錯...本以為星洲米($24)、xo醬公仔麵($24)唔會太大碟(以為好似tea)既size，點知上檯好鬼大碟，公仔麵炒得幾乾身，星洲米就略嫌失準...濕身左d...不過太大碟，也令我地吃唔哂呢....食物基本上都唔錯....服務就唔好太苛求了﹗

今日有個難得o既lunch break - tea time，就去o左品香樓度同幾個fd 一齊食tea ~我就叫o左個豬扒包喇，好脆好熱唔係凍冰冰... 唔錯唔錯... 朋友們對佢地o既米線亦都係俾相當高o既評價... 唯一美中不足o既係上菜比較慢... 都吹o左幾次...九龍塘o黎講都差唔多啦

曾幾何時, 品香樓已經搬左相隔幾間舖位喇~ 午餐食左個"咸魚牛崧炒飯" $26味道都okay, 炒得又乾身!

同十個舊同學一齊去呢度食飯, 之前未黎過既, 真係估唔到呢度都會有d 咁好水準既菜!總之, 環境得! 價錢超值! (每人$50咋, 仲要飽到嘔咁滯!!) 菜好味!!!!!!!!

8月29日係呢間食dinner. 叫一碟出名手撕雞, 都唔錯, 晒唔鍾意”lung”骨人. 一碟黃金蝦, 間直一流, 無得彈. 一碟豉椒炒聖子都唔錯, 夠新鮮. 環境都OK, 唔差!

約左一班朋友到此食飯,唔知係咪因為大家肚餓的關係,個個都係咁食,大家都話好食~由於唔係我點菜,所以唔記得d 名~~ @.@但每樣都幾好食,而且叫3 碟送一碟,好抵~不過就好似比之前細碟左~之後一人叫左一杯朱古力,聽聞話好出名的,但我覺得太甜,不太好飲~雖然食物同價錢都幾好,但好嘈,一班人一齊絶對傾唔到計,亦都唔好意思坐太耐,所以for gathering 就一般啦~