品香樓中西風味餐廳

營業中

休息中

因為婆婆住大坑東既關係.....所以~~細細個已經成日響道食野!!!!以前雖然冇裝修得咁令,,,冇咁多人識...BUT....D野真係勁好味架!!!!但係...唔知點解覺得唔同左~~D野食雖然都係好味....BUT...好似冇左以前果種風味!!!!等位都等勁耐....野食都係....但係...都不得不提佢個 **好香...好正架!!! >V<'"(不過價錢方面都比平均果D屋村餐廳貴~)

約了兩位小姐食晚飯, 有人話不如深水步, 我想到吃日本菜, 誰不知又話到南山邨吃.由城市大學行去大約五分鐘就到.三個人有雜菜煲, 清蒸班一條, 和京都骨.呢間餐廳都幾搞笑, 套餐用一個名牌咁大個套寫住, 普通既餐牌又唔夠, 我地睇餐都要搵的影印紙睇.雜菜煲先上, 都幾豐富: 粉絲蝦米西蘭花冬菇等共冶一煲, 味道都唔錯的.之後卻是等, 等了半小時條魚才上, 味道一般, 勝在幾多蔥段, 最後的京都骨卻是等, 等完又再等, 再三催侍應, 差唔多全部侍應叫齊, 等左成四十五鐘先黎到, 有冇搞錯? 小姐們直頭話等左兩個鐘先黎到, 佢先係咁二睇下.京都骨都ok 既, 真係肋骨有軟骨果部份, 但唔係好夠酸.埋單十個抵, 五十塊都唔駛, 但侍應服務簡直係負分, 冇服務冇咩反應, 又冇幫我地跟單, 最負責的是幫我拎白飯果位阿嬸啦.雖是小姐們提議, 第一次黎都要俾喊面呀, sorry!!後記: 南山邨都幾有舊公屋的特色, 有時候試下黎影相都好.

無黎一排, 品香樓響附近開左間分舖；都好丫, 唔洗等咁耐, 星期六去都唔洗點等位, 今次叫左必叫既南乳炸豬手: 南乳醬都係咁惹味, 但份量少左豬手炸得唔夠脆, 其他叫左蠔仔肉碎煎蛋同西蘭花蝦球花技片都係麻麻, 食物質數下降左；另,環境都係咁嘈及伙記都係咁少,所以個個好忙好難叫到人招呼。

14/5(日) 7:30pm母親節當天相約父親那邊吃晚飯,實屬有點怪誕!其實是晚家母另有節目,昨晚已提前為其慶祝.是晚整個南山平台被品香客全部佔據!訂左7點,7點半到恰巧有吉臺,點了7送1飯:黃金蝦$58,腐乳炒通菜$30,蠔仔肉碎煎蛋$36,椒鹽骨$46,清蒸鱸魚$36,風沙雞$58半隻,西蘭花花枝炒帶子$68,鮑魚汁雞粒章魚撈飯$46.是晚母親節,侍應講明上菜會較慢,我地亦欣然接受.果真耐等半小時才上第一道菜,基本上全部菜色味道尚可接受,但亦不是水準超凡果隻!風沙雞有點失色!雞肉雖滑但欠缺鮮味!鮑魚汁雞粒章魚撈飯也吃不出甚麼鮑魚或章魚味道!蠔仔肉碎煎蛋的蠔仔不知游到哪?另一方面就是菜色份量比以前少,系咪生意蒸蒸日上店子就得諗縮數?但願不是如此!兄長點了一杯芒果沙冰$18,價錢偏貴,但味道討好!飲到不少真正芒果汁!$357,埋單,相比其他中菜館/大排檔,亦屬抵!

14/4(五) 7:30pm今晚系家中煮飯,打電話叫外賣,要左個芝士琵琶豆腐$46,份量吾少,芝士頗香濃!豆腐先炸後燴入芝士,脆漿夠薄!豆腐混入雞軟骨,墨魚,蚧柳粒,口感豐富!

其實味道真的不錯,只是不想給予4分~衛生~一般喇~服務,如大家所料,都不會很好的了.....唔串咀已經好好......環境,2個字→嘈,迫~不過只計味道+價錢,都幾唔錯,6個人dinner食左$35x,其實d\"送\"ge味道都有番咁上下,冇乜邊樣差,雖然就唔會好突出~只係豆沙鍋餅就差d喇~~~其實最唔掂係要等好耐姐,我地18:xx去到都要等1張木台~~旺ge時間唔卜位簡直冇可能有得食......不過d野黎得偏慢~~~唔計要等好耐都值得去ge~

上星期四晚打完波去食嘢.11點有多,成間嘢爆滿,我地9個人都要分兩張枱.叫嘢食我叫豬頸肉,最早叫,但係最遲到,我啲朋友碟面食晒都未有,有兩個朋友叫粥,同我同一批叫既,又係要等到話想cancel至黎,仲晌度話個蟹粥隻蟹係即劏,我真係好想問豬頸肉隻豬又係咪即劏.尋日又同朋友去食晏,有一個朋友遲我地幾分鐘落單,但係個個食晒,佢啲嘢食都未到,果陣時都唔滿座.於是咪問囉,條友居然咁答"你張單後加呀,要煮ga"大佬,我地梗係知啲嘢要煮啦,但係問題係已經等咗好耐.然後又話我地張枱太入,後面果枱唔夠位,果條友走埋黎郁我地張枱,但其實我地已經冇位移,條友仲一路拉張枱一路話"我都係想做嘢唶"大佬,要做嘢就去跟下單啦,好做唔做有去開食既都知呢間嘢啲人好串,特別係果條矮仔,成日睥睥貢埋單比錢果陣聽到另一枱有個人都晌度嘈話等咗好耐

我以前係附近既學生所以成日同同學去品香樓食宵夜,好熱鬧架~0係果頭活動開既都冇人唔識一直都好常去因為幾好食, 特別係宵夜小菜, 抵加好味但係上一次去, 有一個好唔愉快既經歷, 話說我地成班舊同學十個人一齊去食宵夜,可能佢地多人客,態度已經唔係幾好同唔奈煩,如常地食完野走返到屋企,第二朝肚痛到半死, 仲要去急症!原來腸胃炎lor..後來問返d同學, 原有我地十個人有八個都肚痛呀!!!好食既背後大家都要諗下承唔承擔到食壞肚既風險呀!!!

第二次嚟呢到食飯，如果唔係朋友介紹，都唔知屋邨商場都有Ｄ咁正嘅食肆。心水選擇自然係手撕雞，味道咸咸地有Ｄ似鹽焗雞，肉質嫩滑又有濃郁雞味，正！重有叫左其他好多小菜，印象較深嘅有炸豬手（加南乳汁惹味）、茄子魚頭煲、炒豬頸肉（香口）、銀魚仔蒸肉眼筋（膠質重又好味）同埋排骨蒸糯米（加埋豉油好好食）。呢到雖然坐得唔係好舒服（卡位例外）、地方迫Ｄ；但味道正，而且價錢低。七個人叫左成十枝啤酒食到肚漲都係幾十蚊。

上次我去食左個"手撕雞", 結果又痾又嘔, 攪到最尾入埋醫院, 可能依個菜係冷盤, 所以好易交叉感染, 希望佢地下次注意一下依個問題!

今日放學....同同學來吃晚餐....已是宵夜時間...好多人...full house....等了一陣子..叫了芝士琶豆腐...讚！！芝士迷．．必然之選金茹牛肉．．ｏｋ金莎雞．．．＄４８白菜仔．．ｏｋ４白飯服務員醒目有禮．．．．忙碌但服務足．．１６２．．．．

尋晚有d想食宵,但係又想食好少少咁就決定去品香樓係屋企坐廿零蚊的士可以去到成十點都仲有ok多人,不過都可以搵到位同女友點了乳鴒,干炒牛河同埋牛柳(都是宵夜特價)上到黎d野都真係幾鬼油干炒牛河都幾有水準但係如果乳鴿可以大隻d就好了牛柳...不是太行...太多伴菜,而且是最油的...吃罷有大半碟油係底...不過...我還是會再去的

前幾日舊同學gathering，咁大班人食飯黎呢度最抵la～！菜式包括︰１．蜜桃沙拉骨好食！炸野一向都係呢度ge招牌菜！Ｄ排骨炸得arm arm好！又夠入味！正！不過加左Ｄ蜜桃有少少怪～(個人喜好而已～)２．賽螃蟹每次必叫的賽螃蟹，水準keep得好好，比得上正派的上海菜館，最重要佢\比其他上海菜館的價錢平一大截！３．魚香茄子煲茄子好似唔太入味，不過唔算難食，又未叫做好好食！不過不失咁la～！４．乳香雞中翼每次必叫～因為係送ge！不過好似無以前咁好食，或者咁arm賣晒，又醃唔切掛！唔夠入味lor Ｄ雞翼～下次再試下，睇下係咪真係差左先得！５．牛肉炒飯我無食到，唔知好唔好食。不過一位朋友遲黎，佢\\\差唔多自己一個食晒，我諗應該唔差ge！６．大蝦西蘭花之前食過一個芝士大蝦西蘭花，可以加伊麵底，勁正！不過有朋友唔食芝士，所以只叫大蝦炒西蘭花。味道都ok！不過比起有芝士，味道稍遜la～(係因為有芝士的實在太好味了！)７．唔記得乜鬼海鮮烏冬咁上下ge野朋友病，唔食得炸野，叫左個烏冬食。唔知係咪因為佢\病，佢\話無乜味wow！或者我地叫左太多美味ge野食，令到佢\覺得自己碗野唔好食掛！hahaha

我經常去e 間舖頭食野..多數都係好夜先去and 好多人一齊去... 9:30 d 價錢會平好多... 廿幾蚊就有碟炒野.......... 次次去度都會食既就係"鮑汁炒飯"係果度最多人叫既野食...... and 叫朱古力or 阿華田飲coz 有cream 係上面................ 佢既豆沙鍋餅都唔錯.... 好似$18 咋~~~~~~夏天去就坐出面就會好熱...... and 好多大學生+中學生去食.... 好多時都好多人~~~~

真係估唔到咁隱蔽都咁多人，已經係9點幾仲要等咗15分鐘。但係d野係得喎！叫咗咕老肉﹑蒜泥蒸聖瓜﹑鷄翼﹑橙汁&益力多沙冰，全部餸都好新鮮肯定係即炒o既同埋價錢都唔算貴，最難得係連個沙冰都好"正"。仲有就係呢度9點鐘後有特價o野食，如果可以等就等吓啦！！