品香樓中西風味餐廳

營業中

休息中

幾年前曾於Tea time光臨此店，當時只飲過一杯涷檸茶，談不上有任何印象。想不到今次朋友竟然推介我來試試他們的最新開飯地方，原來就是此店，估唔到事隔幾年，星期日晚上坐無虛席。我地主要叫小菜，各樣小菜也好好味，印象最深刻中式牛柳，竟然係隨火焰上架.......正。

今日行街行到身心疲累,於是系呢買外賣返屋企食,要左肉絲炒麵$32及椒鹽花蟹$45.肉絲炒麵無炸過,而且淡茂茂,完全吾掂!椒鹽花蟹味道亦系偏淡,似乎炒得吾夠入味.希望呢間餐廳既食物水準吾會因太多生意而下降!請老闆多留意!

一行十四,五人食左十六七個小菜埋單七百幾十蚊仲唔即係話~~~正~~~好好食又係真既-手撕雞好食好多-xo 醬王鱔good~

幾得架，不過真係成日都好多人~~~~~€€

我係住係南山村既人,品香仲有手撕雞都好好食架,仲下d下午茶都幾好既,佢都可以係呢區最ok既

如果唔係有人介紹，我想我絕對不知道石硤尾南山村會有間都幾有名的餐廳﹗平日8點幾到都要等around30mins，都幾多人﹗le度既炸野唔錯，夠香脆﹗豬手值得一試﹗另外叫左個鱔球，一樣有水準﹗雖然價位平，只需30多元便有一個菜，但份量卻不小﹗星期一到五每叫三個小菜就送一個小菜，所以最好4人或以上到此用餐﹗

呢間可以話係我既至愛之一.因為價錢平,裝修靚,最重要係質素keep 住係高.每次幫襯必叫既有:凍朱古力-- 勁大杯,超抵飲,仲有滑滑忌廉係頂.炒蜆-- 夠入味,唔算大隻,但隻隻有肉兼冇空殼.南乳豬手-- 名菜之一,抬抬必叫,超香口夠份量.最正既都係每日九點半過後既特價小菜.碟碟十八但份量一d都唔少.仲有成十幾仲可揀可謂超值!如果我家住石硤尾,品香樓定必成為我飯堂之一.

昨晚4人吃了八度菜, 想叫風沙雞, 又係問有沒有預訂,終於他們介紹了荷葉蒸雞,啖啖油,仲很少雞肉,麻麻地,賽旁蟹就幾好味, 整體都ok.

朋友介紹話呢度好好味，我地一行11人去呢度食午飯。雖然係一間屋村裏面的茶餐廳，但裝修幾靚(相對舊式茶餐廳)，至於服務沒有就沒有之前網友評價的那麼差，只係上錯過一次菜，亦都願意退回，而且不用等好耐d菜就齊。我們總共叫了6個菜：監焗雞、粟米班塊、蒜頭炒白菜仔、魚香茄子、金菇牛柳煲及椒監炸豆腐，再加每人一碗白飯，埋單約$350。食物味道很好，雞好大隻，我地都食唔哂，不會過咸；班塊每啖也吃到魚，但個汁有d似罐頭湯；白菜仔則稍油；茄子好香，用作”送飯”一流；牛柳煲以粉絲作底，中間有d芽菜及金菇，普通；豆腐好得意，係細細粒咁去炸，所以似金黃的麵包粒，食落脆口，唔覺油膩。

佢地既落單方法好有問題遲來的如果叫左貴價野係可以食先...咁早到叫平價+ 唔叫野飲真係唔洗食起碼要坐成豆鐘今時今日咁既服務態度點得呀

晚市9 點半後去到坐低叫左野成粒鐘都無野送到埋黎催左六七次後尾一次先問叫左乜見到佢拎本薄仔出黎寫單真係懷疑佢果陣先落單野食又鹹到死好似唔叫野飲就迫到你叫為止劣質餐廳真係劣質餐廳去隔離樹記食仲快靚正

今日又去食lunch，冇乜5 野做就黎li度講下啦。其實我都覺得係貴左小小，個炒飯好淡.... 服務今次就唔太得喇，成日想趕客咁~~~~~

品香樓乃城大學生o既飯堂，因為開得夜，唔少「上莊」o既學生開完會之後都會o黎呢度食晚飯宵夜。晚上9點之後會平好多(特別係特價粉麵)~最好食o既係：手撕雞鮑魚汁章魚雞粒撈飯金菇牛肉煲酥炸豬頸肉南乳炸雞翼炸蝦餅o野飲則為凍朱古力及熱好立克不過呢度人好多人，有時要出冷巷開，唔鍾意o既朋友要注意一下。

唔錯呀~~試左酸辣湯,蜜桃沙拉骨,xo醬抄雜菌,佢三個小菜就送一個..所以要左個南乳雞亦先講酸辣湯,好大碗,都好多料呀..唔錯唔錯個沙拉骨就麻麻地...無乜沙拉味..抄雜菌都ok wor...都幾香..但要趁熱先好食.個雞亦都幾好呀...食落有d南乳味..幾特別..唔係週圍都有得食...總括d食物都ok...平均都係四,五十蚊一個..最抵係佢逄一至五就三送一!!份量都唔少架...四,五個人share都夠架~~~下次再去過~~

這一間店我到畢業前都沒有食過，因為我一班同學食慣旁邊的南豐餐廳。我第一次來就是我畢業典禮那一晚。朋友們說想感受一下以前去南山食午餐的感覺於是來。服務這裡就是欠奉了，因為我們坐內部話留位，要我們十多人出去門口坐，但是最後走都唔見他留位給那一個客。不過找一餐同埋畢業一班同學一起唔同佢計啦。叫了支竹牛腩煲，椒鹽九肚魚，炒蜆，金菇肥牛煲，炒小唐菜，粟米肉粒羹，同朋友指定的西芹腰果炒肉丁喻意個個大學distinction。支竹牛腩煲好小牛腩，人人夾一兩舊都沒有了，好在是跟火爐上可以用個汁來煮生菜。椒鹽九肚魚就唔錯，不過多骨一點。炒蜆又是得小小。金菇肥牛煲，炒小唐菜叫合格。西芹腰果炒肉丁因個朋友要我們次次夾起d肉丁掉落碗"丁"一聲先食，攪到碟野凍左。粟米肉粒羹一人一碗，好稀。埋單三百幾，中間因椒鹽九肚魚，炒蜆，金菇肥牛煲，炒小唐菜是餐就二百幾跟飯，其餘去了其他菜處。感覺上在這裡食唔多值這一個價。