品香樓中西風味餐廳

營業中

休息中

我今次第三次光顧呢間舖頭！每次訂定枱都話要等！咁講真，10-30分鐘係可忍受！但要等成45分鐘，就真係吾係咁好！話說去到，個門口負責人話對方埋左單，要我地等一下！我地一行十四人等左45分鐘，先入到坐！我地中途都問過負責點解咁奈都未入得去，佢話對方埋左單，吾通趕佢走咩，打交架！跟住仲話：你鐘意可以入去自己同佢講架﹖我話：你係負責人定我係負責人呀﹖負責人繼說：我地做生意吾趕得客人走架﹖我話：我訂左枱等成半小時又得喇喎﹖咁我訂枱黎做乜呀﹖我地十幾人吾係生意呀﹖負責人話：你講都無計架，咁人地吾走可以點﹖我話：你吾識得係人地入坐前講有人訂左位，約莫幾點到架，請問你地介吾介意咁都得掛﹖負責人黑口黑面，跟住等到入場，叫野食....講真，食物真係有水準囉！但要人地受你氣，幾好味都背脊骨落啦！侍應成日十問九唔應，要叫好多次先有人應你，唉....生意忙証明你地你價值，但服務吾得....幾好味都假！吾會再去！

想試好耐，有日終於試左，依間鋪頭太部分菜式都係炒同炸，好唔健康。食過芝士西蘭花，OK，但都幾油，又試過五柳魚，條魚本身冇味，只得d汁可以用黎送飯。不過冷氣太勁，d野好快凍曬，環境真係好唔掂！

誰會想到屋村裡會有一家這麼高水準的餐廳? 個人認為你要刻意到石硤尾試下...其實我不覺得它是食上海菜的.我認為它的定位介於茶餐廳及酒樓中間,但食物水準及菜式絕對比酒樓有過之而無不及.我認為好食要試的菜式有:南乳雞中翼(must try!),芝士肉鬆西蘭花加伊麵,魚香茄子炆米,etc etc...佢地d飲品亦好大杯,個人覺得凍朱古力好正.裝潢算唔錯,卡位坐得舒服,服務ok啦,價錢唔貴,有下午茶同宵夜時段,當然又平d又抵食.順便一提,石硤尾平台晚上9時後會有好多檔小食,有pancake(老細好人,可以落好多料及醬汁),串燒,魷魚等等,可以試下.

南山村好去處之一，若非在附近讀書，相信亦較少機會來吃了。碰巧今次約得成朋友出來，便來刷番餐啦！一坐下，發現招牌的龍鳳球售罄...退而求其次，叫了咖哩牛腩雜菜煲、黃金蝦、風沙雞、腐乳炒通菜和送的炸豬手。先來炸豬手，雖說是送的，但也有接近10件，皮炸得頗脆和有微微南乳味，是一碟很不錯的送酒菜！後再來風沙雞...皮脆，但卻頗咸，肉質都還不錯，幾滑。後來的黃金蝦也精采，落足了咸蛋，而蝦亦炸得香脆，惹味極了！牛腩煲中的牛脯也汶得諗，但咖哩較稀；炒通菜也略高於一般水平，起碼不是老的。由於坐得舒適，食物又好，實在是很好Hea的一個飯局好去處，建議如果是四人或以下來會較好，因為有得坐卡位呢！十分期待下次來吃龍鳳球。

侍應好似成日都好忙... 叫好耐... 大部份態度都勁差又惡... 都有兩.三個正常既...炸豬手:初初聽個名以為好肥膩!! 經個friend 極力推薦!! 本身唔多好豬手既我, 咪試下啦... 竟然意料之外!! 仲脆卜卜tim!!手撕雞:甜美既鮮雞味!! 不過記得要預早一日訂架!!黃金蝦:食得出係鮮蝦!! 絕唔會係凍蝦!! 蛋黃"舖"得好多但係好均勻!!椒鹽鮮魷:好惹味!! 唔會食完滿口油(通常炸野都會咁)!! 脆口就當然tim la!! 色香味俱全!!生炒糯米飯:正!! 又係一味好似好油膩!! 最後一食又係意料之外既驚喜菜!! 肉粒都好捨得~~ 放好多下架!!金銀蛋莧菜:好味!! 只係無咩特別!! 當叫太多肉時, 叫呢碟菜食下都幾中和!!朱古力, 芒果沙冰, 紅豆沙冰:唔會太甜!! 更唔會好稀稀咁!! 禾古力更有好濃郁好香既乎古力味!! 好似係"吉百利"朱古力粉沖...

基本上個個city既學生都會經常黎呢度開餐...我地兩個都唔例外.......特別係9點半之後...因為宵夜仲抵食....上個星期又去左食.....叫左4樣野....一個細既蠔仔粥......雖然只係18蚊...但係勁大碗勁多蠔仔......好好味......仲有次次黎都食既南乳雞翼.......一貫水準勁脆.....平時唔係食宵夜叫正價小菜仲會係唔駛$tim~仲有xo醬蘿白糕...呢個麻麻...唔夠入味.......~仲有豬頸肉...呢個好夠穫氣....仲有大既樽裝coke.......兩個人都係70幾蚊就飽飽喇...ps......上次同一大班fd黎食....食左個芝士琵琶豆腐伊麵底....呢個都好好味架.....不過之前因為呢度有人介紹而叫既生汁龍鳳球反而麻麻...雖然有汁...但係炸到勁硬......

　　雖然某些食肆的食物水準不穩定，如經媒體大肆報導後轉差的猶在，但我總認為有些食肆能保持水準。雖然這裡是「雜錦店」，既港式，又增添了其他原素，但菜餚水準趨向偏好而穩定，價格相宜。　　由於有些朋友住在石硤尾一帶，故有很多機會與他們於此用膳，雖然會間歇性出現稍長的等候時間，但與今天的兩位朋友、9527一同前來，也沒有出現這情況，可能有兩間新舊店所致。若遇上宵夜情況大多會點風沙雞翼、炸蝦餅、黑椒牛柳粒、xo醬炒蘿蔔糕，但今天沒有選擇炒蘿蔔糕，而增加了南乳炸豬手，另點了生汁龍鳳球、乾炒牛河、xo醬炒公仔麵，份量足夠四人。　　四人裡面只有9527還沒有到過這裡，不知他有甚麼意見。先上的風沙雞翼，色澤鮮明，他說：「香脆入味，味道恰好。」他剛說完這話，另一碟的炸蝦餅而上，蝦餅的外觀吸引，他又說：「蝦餅軟硬恰當，墨魚粒增加爽口感覺，但蝦的美味仍保留，鹹度適中，不蘸上醬料亦可，不錯。」聽見他娓娓道來，那我便叫他試試剛上桌的牛柳粒，他又說：「牛柳粒不會過韌，保留了牛肉味道，黑椒味道滲透，不錯。」　　不久，這三道菜餚只剩下少量，剛上桌的南乳炸豬手來得合時，可能我對豬手的興趣不強烈，那我便詢問甲朋友，他說：「

本來我是上找一家上海菜的食店的, 好.. 找到了此家, 見那麼多人說他不錯, 即管專程去試試.去到此舊式的公共屋村, 有間這樣潮的食店, 一間集合泰式,上海,港式茶餐一身的食店, 而舖面裝修也OK.講回食品方面先, 雖然與我本來想吃的上海菜有很大分別, 但他們的特別勝在食品配搭好新鮮, 做出來的賣相及知道都很好, 價錢不算貴. 有機會一定會再來的.

以下就係我個日食過既餸菜:

老公有次車到個客傾開計個客話佢知南山村有間叫品香樓食炒餸食飯啲餸好特別又唔貴款式又多, 所以我地就約埋個女個契媽去試吓. 佢啲餸真係幾好食喎同埋星期一至五叫３個餸就送１個比你啲份量唔會少咗架(不過佢有限制送邊幾個既), 總括嚟講呢間嘢啲餸好味又夠大碟幾日我再post 啲相上嚟同大家分亨吓啦

上次去石硤尾邨品香樓食飯。去之前聽到又要訂位又要留餸，心諗係咪咁巴閉呀，屋邨地方啫。一去到見到門口逼到冚，又係我至憎嘅場面，心中更加不爽。（好彩有人攞定位啫）入到去啲侍仔都做唔切，坐咗九個字左右至有嘢食，七個餸足足兩個鐘至嚟得晒。啲嘢食就唔係差，味道唔濃，係勝在唔算貴。個炸豬手冇乜味，都係傳統整法好食啲；個手撕雞撕到唔見晒啲肉；黃金蝦蛋黃唔黐蝦；蝦醬通菜唔夠鹹（個人認為蝦醬一定要鹹！）。不過講返轉頭，喺啲咁嘅地方可以食到咁嘅水準，都算係意外。舖入面裝修都算舒服，係張枱有啲大而無當啫。可能因為租平，價錢唔貴，五個人都係食四舊水左右。如果唔係咁多人，我諗我都會帶朋友嚟嘅。

我最近兩個月去過幾次，我去到時是去新鋪登記取位，大部份時間都在新鋪用餐；有一次新鋪無位，職員叫了我們去舊鋪，但結果發現，舊鋪的水準無新鋪咁正，那是我第一次帶家人去食，我起初還大讚他們好食才帶家人去，點知......令我們失望而回。下次等位，我還是要求等新鋪的位了~~平日去價錢十分扺，叫三「食送」，多送一個，吃到我們要帶走。伙記們人人都好忙(唔知真忙定扮忙)，叫了很久才有人服務~~每次都想吃手撕雞，可是要訂，我每次都是即興才去~~生汁龍鳳球好好好味道

今天因剛好去又一城，見食評這樣好於是特地來晚飯。首先舖位雖然位於舊屋村商場，但內部環境裝修反而絕不殘舊。兩個人坐下叫了菜胆雞，西蘭花炒螺片蝦球，椒鹽鴨舌。侍應阿嬸奉來一窩例湯，說是送的。但奇怪不見鄰座的食客有此優待，奇！說回餸菜，雞算滑，但沒甚雞味，應該用的是冰鮮雞。螺片和蝦球幾爽脆不錯，鴨舌本身沒什麼味，只吃到表面的椒鹽味，我想鼓油皇炆會比較好。最後叫了杯益力多沙冰，唔錯。整體餸菜不過不失，價錢亦屬經濟實惠，經過一嚐可以，但不值得專情來品嚐。

閒來無事與友人到又一城,每次來到,只會到Page One買書同Taste買啤酒.其他已提不起興趣,消極式"血拼"更加不是小弟杯茶.有時候聽開身邊的女性朋友,一放假便只懂Shopping,海港城甚至又一城,已成為她們第二個家.小弟聽罷真的不明所以.除此之外,飲食方面又是大多好看不中用,友人一早說拉隊到隔離的南山村,友人問你之前曾在附近上學,應該也去過.)我路過就多,多年來都未入過去.)再一次不明所以.聽聞過這個老牌屋村,有間破格的靚裝菜館,名叫品香樓,與同村其他食肆與別不同.難怪聽友人講,這店一直生意興隆.九點過後到,無須等位,打開個餐牌,晚上九點半開始有特價宵夜供應.其他的小菜選擇甚多,有點花多眼亂.宵夜份量不算太大,可以吃多幾味.價錢實惠,點多幾樣也不會吃出個天文數字來.炸蝦餅,黃金蝦,白汁龍鳳球,XO醬炒蘿蔔糕和炸雞翼.只想講,每一道菜也有水準,蝦餅外表色澤金黃,質感彈牙,蝦膠內還加上墨魚粒,多一重口感.黃金蝦為主菜,但份量並不大,比起外間的餐廳,賣相更精致.咸蛋黃的咸香,連殼也照吞下肚.XO醬炒蘿蔔糕亦惹味,用上的蘿蔔糕亦足料.炸雞翼金黃香脆可口.白汁龍鳳球,其實是雞肉釀蝦膠,所

17/2(六) 7:30pm與家人的團年飯選址於此,一來就腳,二來水準尚算穩定,三來不宜於大時節跟守舊派試新菜.是日終於償願,預留了名不虛傳的手撕雞$78一隻.一行6人另點了上湯野菌浸石斑$68,豉椒炒蟶子$46,西蘭花炒蝦球螺片$48,蒜蓉炒芥蘭$30,椒鹽鮮魷$30-40.手撕雞--肉質屬細滑,也富雞鮮,蘸沙薑醬吃水準不俗,水準可未如預期般上佳.上湯野菌浸石斑--甜豆及什菌寥寥無幾;至於石斑體型談不上大條,斑肉也未見特級滑溜,上湯偏濃稠且帶牛油香,稍嫌牛油味濃度過甚,跟石斑似乎有點錯配!豉椒炒蟶子--本來炒得頗具鑊氣的蟶子,給大量腥而臭的蟶子內臟全拖垮,如棄敝屣毫不可惜!西蘭花炒蝦球螺片--份量偏少;三數隻的蝦球質地雖鮮而爽,可味道卻十分清淡,芡汁欠奉!寥落的螺片亦鮮味不重,味如白灼的西蘭花猶幸口感爽脆!蒜蓉炒芥蘭--芥蘭份量較油菜稍多的,芥蘭質地爽甜,蒜香未能盡融於芥蘭中,而油份過甚乃另一大弊端!椒鹽鮮魷--粗實的鮮魷做得格外惹味,殊不膩口,色澤金黃,酥脆可口,為上品也!是晚未見滿座,上菜速度順理成章恰到其分,菜色魚貫地上桌.尋常的團年飯一頓,盛惠$364.