品香樓中西風味餐廳

營業中

休息中

又去出名既品香樓中西風味餐廳朝拜啦HAHA今次試個牛仔肉 又係冇得批評咁濟!最得意係一開頭係面燒既火 真係幾過癮~一食 不得了 D牛肉"林"得又好有牛味黑椒味岩岩好 唔會太辣 正!

學校係石硤尾，所以間中都會尼品香樓食飯，質素同附近餐廳相比已經算上品(當然價錢亦成正比)。今次適逢朋友生日，聽講品香晚市同午市係唔同主廚，而晚市質素更好，於是我地就book左位晚上7點去品香食生日飯~是次一共點左6道小菜：咕嚕肉、椒鹽豆腐、魚香茄子煲、中式牛柳、蝦醬通菜炒鮮魷同埋賽螃蟹。咕嚕肉: 好好味! 平時都已經好鐘意食咕嚕肉，真係冇得彈呀。絕對唔會好似食緊粉團咁，啖啖肉不過唔知係咪因為我地多人，覺得肉塊偏少，我地好快就搶完喇，哈哈。椒鹽豆腐: 推介! 尤其是岩岩上菜既時候一定要趁熱食(小心辣口XD)，因為真係外脆內滑，食到停唔到口，唔洗點醬都咁好食~魚香茄子煲: 因為平時都唔食魚香茄子，所以不作評論。   蝦醬通菜炒鮮魷: 每條通菜都入晒蝦醬味! 真係好耐冇食過蝦醬炒通菜喇，用尼送飯一流呀 魷魚我最愛!! 好滑好好味。中式牛柳: 一件件好大塊既牛柳又係入晒味，肉質嫩滑稔軟。一碟都有好多件，勁抵食。賽螃蟹: 第一次食，撈飯絕配，啲蛋白好滑呀，又真係幾似食緊蟹咁我地差唔多個個都叫左呢度招牌既凍朱古力($16)，見到樓面姐姐一杯又一杯咁拎出去就知道真係好高人氣呀晚市既朱古力係有忌廉係上

經常聽見城大的朋友提起南山村的品香樓，因此與朋友剛好在又一城這邊，就乘機到這裡吃午餐。下午1時多來到，可能正值吃飯時間,等了20分鍾左右才有位子。而難得黎到這裡，當然要試下最出名既火焰蜜椒牛柳粒。火焰蜜椒牛柳粒 - 上桌時用火燒大約5-10分鐘。雖然牛柳粒的牛味不濃，但肉質卻非常軟嫩。再配上黑椒汁，令味道更香，非常美味，值得一試。

城大飯堂:品香樓命名一流，當年的窮學生飯店，今日已甚有派頭。今日仰然回首:回到城大飯堂一到步，先來一碟 20 大元甜脆花生。一試當年的沙拉骨，水準大不如前，沙拉汗太希。再來個風沙雞 110元，太鹹了，雞也太細隻牛肉絲炒麵, 麵不是炒的,是返熱的，牛肉絲也太少了凍朱:朱古力味不夠濃

成日都聽人講品香樓又好味又抵食，今日同朋友去開石硤尾做義工，夜晚就決定黎呢道試一試啦!由於係星期六，所以鋪頭門口都大排長龍。好彩我地得兩個人 ，等左20分鐘左右就有位。難得黎到呢道，梗係要試下最出名既凍朱古力啦。濃濃既朱古力加上香甜既cream，真係好飲到停唔到。D飯送仲未到果陣我就已經飲左大半杯。由於得兩個人，所以我地淨係叫左兩個餸，分別係魚香茄子同咕嚕肉。味道不錯值得一試。如果魚香茄子味道淡返小小會更佳!食緊果陣見到好多枱都係一大班人一齊黎食，氣氛好好，仲可嗌到成枱餸下次我都約多幾個人，咁就可以叫左幾個小菜PS 朱古力實在太好飲，下次一於飲兩杯 

難得放假，前排又做完大project，當然要約埋啲frd去食好嘢。聽講南山村有間嘢叫品香樓，好似好出名咁，所以去試吓。 雖然係平日，但係去到果然好多人。一等就15分鐘有多，仲要齊人先畀入，所以再等多一陣。 入到去睇睇menu，都係好多好多嘅小菜，價錢一啲都唔平，但我哋諗佢咁出名一定值嘅，所以都無再點諗價錢嘅問題。 可惜，當啲食物嚟到，我哋有多少失望。 啫嘟雞煲啲雞係幾好食，幾入味，但係啲雞好多骨 >< 反而肉就唔多... 佢叫就叫「雞煲」，但係啲配料例如啲腎仲多過啲雞好多倍！！我哋每人食咗一兩嚿雞就無晒，好唔過癮。 個沙拉骨唔錯，啲醬加埋啲肉幾夾。相比雞煲，呢個好好多。啲骨都幾好肉地，又唔算少，最好食可能係呢個。 炸黃金蝦都幾好，又脆又入味，啲蒜蓉好香，我哋食到連脆都唔mock，正！ 食咁多肉無理由唔食菜加嘛，於是我哋嗌咗個金華火腿娃娃菜。呢個真係好普通，個汁又無乜特別，總之成個都好普通，屋企都煮到，唔洗專登出嚟食啦。 食完覺得呢間嘢唔值咁貴同唔係好明點解佢咁出名。不過佢啲小菜好似真係高級啲嘅（就係因為佢賣貴啲？）大家即管試吓。

事隔幾年冇幫襯～睇下openrice時勾起手撕雞同杯凍豬古力～便相約朋友飯聚一下是夜星期四，7:30pm~ 在中午已book位（已註明人齊先可入座，需看當時情況，如冇位需等一陣）可能今晚復活假期後番工第一日，天氣又轉凍～ 未見好多人～（記得之前每次黎都要等等）食客都有7成～ 一登記就可入座一座低先叫杯凍豬古力回味一番先～如再多點豬古力濃d,冰多d凍d～ 會好d~👌叫了小菜3-5分鐘很快分別呈上手撕雞：$188/一隻～ 雞肉不算多～肉質尚可👌蜜桃沙拉骨： 沙拉個汁mama同太多，入口較膩西蘭花帶子炒花枝片： 帶子，花枝片也彈牙～西蘭花切得較大棵～ 略多油蒜蓉蒸聖瓜： 蒸過火，聖瓜已林身👎契媽炒飯： 有菜莆，豬肉鬆，旦絲～ 味道👌但較多油!總結： 真係冇之前甘好食😳😳席間朋友第一次食口感說mama地Oh~ 唸住帶給朋友驚喜～ 失望了🙈

星期四晚上八點左右，同四個朋友一齊到南山邨品香樓食晚飯，諗住係閒日無咁多人，但去到都有人等位，好彩只係5分鐘左右就有位啦。今次係我第二次黎食飯，但除左凍朱古力，就唔係好記得有咩特別出名，加上有個朋友唔係好舒服，都無打算叫太多煎炸野，所以嗌左味金銀蛋白菜。蛋嘅份量好足料，都有少少驚喜，個人好中意蒜頭，呢道菜除左新鮮蒜頭，仲加左些少炸蒜，加埋蛋香，味道都好有水準，但白菜就一般新鮮，整體黎講，我覺得比好多大排檔都要好食。另一道係芝士琵琶豆腐，本來可以加錢要個伊麵底，但我地見人少少就無要到。呢味係我全晚最印象深刻嘅，因為個汁好香好濃郁好creamy，雖然芝士味都係靠灑係面嘅芝士粉，但個汁本身已經好好送飯，加埋大大塊現炸豆腐，相得益彰，推薦一試!

今日同朋友想食下新野，於是就黎左呢間品香樓中西風味餐廳。 叫左賽螃蟹，好熱好滑，都ok鮮味送飯一流，可以食多幾碗飯。 然後再叫左芝士琵琶豆腐加伊麵，伊麵底要加錢，有食龍蝦伊麵的感覺，豆腐外脆內滑，齌食都好好味，不過個針無咩芝士味。 最後，叫左碗蠔仔粥都幾多蠔同幾鮮味。

是日，趴趴走石硤尾一帶，先去南山邨的品香樓吃午餐，再去賽馬會創意藝術中心扮偽青半日。南山邨畢竟是一條舊屋邨，環境蠻清幽寧靜的，然，熟食大排檔衛生情況一般。趴走路線由小姐安排，她安排了去品香樓吃午飯。還以為是品茶吃點心的老地方，誰知，乃一間餐廳也。另一間關了門的品香樓，不知是否茗茶之地？西式的午市選擇蠻多元化的，價錢由$29-$37不等，奉送咖啡或茶。小妹要了一客酸甜開胃的蜜桃沙拉骨菜飯$37，菜飯入口頗清爽的，不算太過油膩。炸排骨醃得惹味，炸得外香脆內鬆軟，混入酸香沙律醬和鮮甜水蜜桃同吃，激讚也﹗每碟飯還送上兩大塊鮮嫩可口的小棠菜，實屬難得。凍朱古力(+$3)乃小店名物，入口冰凍，朱古力味淡，且有粉粉之感，幸不太甜膩。個人而言，味道與味淡的唂咕蠻相似的。小姐要了菠蘿咕嚕肉菜飯$37配潤喉的熱檸蜜(+$2)，又一酸溜溜且開胃的飯餐也。炸了的咕嚕肉，混入菠蘿、紅青椒與醬汁同炒，汁濃味香，伴飯吃一流也。此外，咕嚕肉竟是啖啖肉，完全沒有骨頭在內，小姐吃得蠻高興的。

這一間一直都想去但一直都無咩動力去...咁岩星期六友人要去附近影相工作, 所以我地就決定晚飯來這間試下...因為我地怕排隊6點10分我地就食晚飯啦...3個人叫左個芝士琵琶豆腐配伊麵, 南乳炸豬手同埋帶子西蘭花這個琵琶豆腐炸得好香脆就算唔加芝士汁都好好味, 不過我個人就覺得個芝士汁無咩味道似白汁多D...但個豆腐真係炸得好香, 所以整晚我覺得這個菜係最好味.再來就係南乳豬手, 將豬手去炸真係唔係可以係家中可以做到, 加上豬手既肉好淋身外脆肉多汁再配埋個南乳汁甜甜地非常美味..整體上食物都整得好好味好有大排檔味道, 但座同環境都比大排檔舒服, 下次叫多幾個人再試多幾款不同小菜.

這晚由朋友帶路, 來到這間馳名的餐廳, 一心要喝出名的凍朱古力。因為同行的朋友不吃肉, 所以點了海鮮類, 分別是西蘭花炒斑球, 和咕嚕蝦球, 飲品分別是凍朱古力, 和熱檸樂。西蘭花炒斑球: 西蘭花很爽脆, 斑球也很新鮮, 不過有點不夠咸。咕嚕蝦球: 蝦球大大隻, 也算鮮味, 整體不會過甜, 酸度適中。凍朱古力: 最喜愛就是它了! 朱古力沖得很濃, 很愛上面的一層CREAM, 很美味! 熱檸樂是即叫即煲的, 第一次飲, 發覺原來熱可樂也幾好味。

聽過不少城大浸大的朋友提過南山村的品香樓，是晚既然在又一城，就乘機過去吃晚餐。晚上7點多來到，可能時間尚早， 只等了10分鍾左右就有位子了。店舖格局像港式茶餐廳，有卡位也有圓桌，也很吵鬧。點了3個小菜2個白飯，還有1杯據稱必點的忌廉凍朱古力。 紅燒豆腐，豆腐頗滑，可是豆味不濃，紅燒醫汁不突出，算是可試可不試的一個小菜。賽螃蟹，附著帶子和蟹子，蛋白炒得算滑，味道剛好，沒有太咸或太淡，適合拌飯吃。火焰蜜椒牛柳粒，上桌時用火燒著大約5-10分鐘，牛柳粒軟嫩， 雖然牛味不濃，但配上惹味的黑椒汁，味道很香，推薦大家一試。忌廉凍朱古力挺好喝，朱古力不像一般茶餐廳的淡而無味，而且那堆忌廉，也太邪惡了吧。這家店的小菜份量頗大，3個小菜讓我吃太飽了。

多年冇嚟呢度開餐喇，呢日為咗陪朋友去附近聽講座，大家講開杯凍朱古力，於是就嚟呢一度。其實之前都嚟過，但都係食晚飯，所以我同朋友都唔知有冇下午茶食，點知有喎！差唔多五點去到，人唔算太多，個嬸嬸好好招呼。我哋見個下午茶餐牌都幾多嘢選擇，價錢都一般啦！首先嚟凍朱古力，上面冇cream，我地問個嬸嬸，佢話下午茶係冇㗎，啲cream係食晚飯時先會免費送，而家要都得，加多$3，(其實凍飲已經加咗$3)，我同個朋友互望咗一眼，算，要埋佢，橫掂唔係成日嚟，而且加咗好似好飲啲。。。不過再嚟，我覺得同幾年前比好似差咗少少咁囉！係口感問題？定味道呢？我講唔出，總之同幾年前比總係差咁啲嘢咁。。。再嚟係個炆米，我朋友話都算大碟(佢男仔嚟)，陣味都幾濃，啲茄子都淋，呢個好味最後係烏冬，湯底少少咸，烏冬幾彈牙，豬扒都好淋，呢個可以再食食食下嘢，之前招呼我哋入座個嬸嬸收工，行經我哋張枱時仲同我哋講咗聲：‘慢慢食啦！’ 嘩，so warm之後我同朋友食飽就繼續霸住張四人卡位吹水到六點半，雖然已經有唔少客六點打後入嚟食晚飯，但我哋仲未被人bear或者趕總結一句：唔好同以前比，其實而家都唔差。我會再去嘅

記得上次黎食都係10 年前既事。。10 年後呢道多d菜式都與時俱進，好多新菜式豆腐芝士伊麵豆腐有d玉子豆腐，肉碎之類既野又唔會好膩。厚厚既芝士汁加埋伊麵。正ar!! 好似食緊龍蝦伊麵咁！南乳豬手，南乳汁都唔差既。，但係下次會試下南乳雞翼多d !黄金蝦 ,唔夠蛋黄。。唔講以為係炸蝦椒鹽鮮魷 不過不失，但係炸得唔夠乾身龍鳳球！呢個真係不得了！龍鳳球係雞肉加龍利柳！加上到層好似桃味既汁。。。簡直絕配ar