品香樓中西風味餐廳

營業中

休息中

老爸近年常常不在港; 這次回港兩星期; 我相約全家人去外晚餐聚聚!老爸最怕子女花錢; 每次去外晚餐, 老爸只願去他最愛的餐廳 - 品香樓因大家肚餓; 已吃了才記起還未影相J 先生話: 沙拉骨炸得好好味!炒飯炒得夠乾身金銀蛋咸香帶出香濃湯底!豬手香腍帶少許南乳味琵琶豆腐跟芝士好夾; 伊麵煮得不夠腍老爸話: 好味!因訂位時已訂了手撕雞...可惜服務員話: 沒有記錄!改了 風沙雞(半隻)皮薄而脆; 肉汁多又滑嫩價格加了; 份量少了; 唯一味道依舊...品香樓 總結: 值得一試!

凍奶茶茶味挺濃，之前喝過甚麼朱古力都不太濃香，倒不如喝奶茶，茶味夠濃而不太甜。XO醬雞絲炆米，鑊氣挺盛，雞絲不多，只有數絲。豆角比雞絲更多，XO醬淡淡然逸出，不太濃，但每口米粉總會有淡淡辣香。趣也！星期六下午茶時段也座無虛設，真熱鬧。

星期四晚和老婆去番以前至愛飯店南山邨品香樓回味番個風沙雞，今次去不同以往般人山人海，六點半到得三兩台人，可能是尚早關係吧！先來了避風塘牛仔骨，真的很普通，炸到冇晒牛肉味，只吃道一陣肉粉味。琵琶豆腐份量足，個蠔油汁不錯，送飯一流期待的風沙雞，有的失望，皮不夠脆，肉很鞋凍檸茶和凍朱古力水準保持，但食物水準跟價錢已不合比例了。

到品香樓多數是食午飯, 之前試過早餐的蛋牛治覺得不錯, 是日惠顧早餐, 點了個豬扒蛋公仔麵...  哇, 可以說得上難食~原本賣相ok, 尤其半熟荷包蛋, 很合我心~ 但一吃之下, 主角豬扒是咸而霉, 湯同樣是太咸~很難下嚥.... 希望只係一時失手... 不然早餐時段真係好難再幫趁~

雖然個題目寫得好似好負面咁, 但我其實是會給笑臉的.因為針無兩頭利. 你要有熱鬧Feel, 又要有”獲氣”, 又要平, 咁就當然會嘈同逼既. 所以唔好怪人地無BB椅, 服務比較粗聲粗氣, 而家唔係高級餐廳呀.另一樣野就是要齊人才可以入座. 這點可能很辛苦, 因為我們Book了位, 但仍要在外面沒有冷氣的地方等了半個小時, 是辛苦的. 但我不能怪人, 只能怪我自己的朋友遲到, 遲左半個鐘! 當我們一話齊人, 便立即有大枱比我們. 所以我寫了等候時間是0分鐘.你想想, 如果每枱人客都等半小時才齊人才開始叫野食, 就好難翻枱了. 它也沒像其他酒樓般定兩段入座時間, 也沒有限制你進食時間. 不過大家都好自動食完不會坐太久.餸茶方面, 一般你叫得出都有. 椒鹽鮮魷, 霸王雞, 小炒王, 蝦仁炒蛋… 我喜歡那椒汁白鱔, 好”林” 好入味. 朋友喜歡霸王雞夠滑. 排骨蒸糯米飯, 原本見白雪雪, 叫了職員拿鼓油, 其實不用, 因為已經好夠味.還有一提, 這裡很出名的朱古力飲品, 很多人叫. 我之前已試過, 除了有靚靚cream在上面之外, 其實味道都唔係太驚喜. 一試無妨, 以免你告訴朋友來過這裡都沒

三人行在city做手作，做完決去飯堂食城大飯堂品香楼！今次去左新舖食，地点都係係個到，但就過幾個舖位，新淨好多，個廁所可能因為早，所以好乾淨，下次去都要去翻尼到！所有食物飲品都係食左先影，不是全份别誤會…咕噜斑球炸粉小但肉都太細塊，個汁整得幾好浓稠度刚好，即使放涼了都唔變到一pat pat甘，可惜幾細碟下，整体黎講6/10瑤柱腐竹浸娃娃菜個味都算ok ge，淡淡地，但真係唔會話好好食，浸菜個種expect佢係有啲清湯feel，但佢又俾唔到尼個感觉我反而係似乜乜扒時蔬甘，但個汁甘又太稀喎，所以有啲失望。椒盐鲜鱿本黎期望好高，因为品香楼啲炸野不嬲都幾正，可惜我錯了！一开始起熱加上上面有啲辣椒粉係幾好食，但食到后期凍左又無粉，個啲雪味同炸粉味就即刻出曬黎！朱古力真係好浓幾好飲既，但係就無傳說中必飲甘正。個人覺得深水埗個啲小菜王好食好多，虽然价钱贵啲，但就起码大碟啲同好食好多。

星期六特登回到南山村這間學生時代既飯堂愐懷一番，叫了幾道以前必食既小菜，風味依然！招牌風沙雞半隻$105炸到皮脆肉滑，皮很薄沒有脂肪，口感脆到好似薯片，裡面仍保持肉汁，好嫩滑，表層既炸蒜好惹味！西蘭花帶子炒花枝片$108帶子，花枝片炒到剛剛好，好彈牙，但西蘭花切得較大棵，略嫌口感太硬。這杯特遠近馳名既凍朱古力，不時見到樓面姐姐一杯又一杯咁拎出黎，就知其人氣真係好高！朱古力味好重，與表層的Cream融為一體，味道一流，每一啖都令人透心涼。

不知所謂！越做越差，黃金蝦，零熱度，又乾又霉無蝦味！沙爹牛肉炒介蘭，用微波爐叮熱比我食！仲要介蘭係「叔」左味.轉左個椒鹽豆腐，72元，無味無椒鹽無鑊氣！最難食既晚餐！仲有個生炒糯米飯，無立肉，無立腸，除左花生，咩都無，仲要又係叮熱！我永久black list! 人神共憤！無heart 餐廳！

雖然不是CityU 學生，但在大學時久仰品香樓的大名。由於嬤嬤住附近，大時大節不想被酒樓迫吃套餐的話而人又不多的話，便會想到品香樓。適逢端午節+父親節，一行5人又來了品香樓，不過很即興，所以要等20分鐘才能入座。說喜歡品香樓的原因嘛，是餸菜的真材實料和職員臨危不亂的服務。相信澳牛的服務態度大家都領教過，或從高登潮文聽說過；品香樓雖然食客和turnover 不比澳牛低，但職員永不會給你吃任何負面情緒和「黑面」。我年輕人當然可以去澳牛吃個10分鐘快餐或是隨餐附送、無尾音、無眼神接觸的冷待，但和家人吃飯，絕不能虧待他們。品香樓介乎茶記和中菜館中間，小菜價格不是同區最低，但食物是有質素保證的。母親大人發板，點了4個小菜和1個粥。推介過父親喝凍朱，但因為怕甜和不喜歡吃cream，所以沒有點了。比較過平時的餐牌，節日版是較貴的，平均每道菜貴$10。無所謂吧，反正職員都做到忙不可交了，但態度依然很好，笑臉迎人，幾十蚊的premium 是抵俾的。南乳炸豬手 - 常常覺得豬手很油膩，即使媽媽說「炸的時候會把油脂迫出來」、「皮不是肥啦，是骨膠原」，放入口時總有種罪疚感。這個豬手炸得乾身，咬下去起碼不會滲油

真心講，唔係真係甘好味，但因為係同大學既集體回憶，所以耐不耐聚會，都會心思思去返去食。而且，黎我依到食，依要預左服務唔好先! 唔係會食到一肚氣。好似我地果日甘，食食下，傾得太高興，無人食野，突然有個阿姐過黎，叫我地起身，話唔食不如起身俾其他人食，有人排緊隊，但… …我地坐低唔夠1個鐘><講返野食先，個朱古力係必飲! 因為平時飲係無CREAM，得夜晚先有! 另外個雞翼同沙拉骨係必叫! 個沙拉骨好入味，同好香口。D沙律醬唔會好多，令人覺得好膩!個雞翼就炸到好脆好惹味，中意雞翼既人唔可以錯過! 仲有個麻婆豆腐都好好送飯，唔會好水，小小辣味唔識辣既人都食到! 不知不覺1人食左1碗飯，太罪惡啦!

由於中學在這餐廳附近，很多時的午餐都在那兒解決，但進了大學以後就很少去吃，到最近終於會去吃了個豬扒雞翼撈面和凍奶茶，豬扒不但入味，同時也不老，雞翼的皮充滿南乳味，炸的香脆，肉也非常嫩口，重點是那鹵水撈面，有一點點甜，十分有肉香，面質彈牙。奶茶香滑，正宗的茶餐廳水準。重點是，這餐廳十分經濟實惠，每人只需30多元，分量又大。聽說它們的晚餐都很不差，有機會都要試試！

去完City探個fd，佢同我黎左品香樓食野，話呢度係好多city學生既飯堂，行左15分鐘左右就到，間鋪好大，唔洗等就入得，都見到好多學生黎食，叫左兩個野食，其中一個係沙拉骨，如果唔係炸得咁熱氣既話都可以成日黎食，仲叫左杯出名既凍朱，啲cream好肥，但加左真係好飲好多。

同另一位朋友去了附近出沒,聽聞這家不錯,所以聞名不如見面雖然去到時已經近晚上9點,但仍要等位,可見十分受歡迎雖然係茶餐廳格局,但晚上便會成為吃'大排檔小菜'的餐廳。不少人都會去吃晚飯,如果人多真的要訂位因只有二人吃飯,便點了三個小菜南乳炸雞翼:一上枱十分香,但食落未必隻隻入味,不過不失沙拉骨:炸一字排,色香味加上蜜桃同沙律醬,值得推介炒左碟菜同叫了一杯招牌的凍朱古力(香港茶餐廳文化,什麼時段應有盡有)就算幾自暴自棄都要飲!朋友真冇介紹錯,一定會再去,因真的要珍惜舊式屋村中的美味

同朋友係九龍塘行完街，之前食過附近有間叫品香樓嘅餐廳食宵夜又平又正宵夜嘅menu豐富得黎又幾抵，有炒飯炒麵，都係35-50蚊左右，上次食左牛河於是我今次就試下福建炒飯，加多杯必叫冒凍朱古力，朋友就嗌左乾炒牛河。福建炒飯係蛋炒飯底，上面啲料好豐富，西芹新鮮幾爽口，好多蝦仁同腰果，略嫌太濕，份量好足夠，幾飽。乾炒牛河賣相吸引，牛肉多之餘又入味，洋蔥加芽菜令香味更加豐富，略嫌太多油，但係唔影響佢嘅味道，值得一試。呢度嘅凍朱古力好出名，上面嘅忌廉好好味，未見過咁嘅配搭，好新鮮個人口味中意朱古力甜啲，呢杯啱曬我，唔會太苦，正。

品香樓是一間位於屋邨既茶餐廳。比較其他屋邨茶餐廳，裝潢同食物既質素都很高，當然價錢方面都係偏貴。而今次筆者就叫左一碟乾炒牛河。乾炒牛河是間間餐廳都有既菜式，但整落去就好睇得出個功夫。筆者食左之後，牛河食落一啲都唔痴口之餘都食得出個種牛河既爽，牛肉都係用新鮮既牛肉，可見一分錢一分貨。加上品香樓有一杯特飲遠近馳名，就是係凍朱古力之上加層cream，朱古力同cream 融為一體,一流，黎度一定要飲一下。