品香樓中西風味餐廳

營業中

休息中

品香樓不嬲都係宵夜既好去處之一，每次九點半之後想食宵夜都會揀黎品香炒返幾尾，今次食左兩樣，每次都好滿意，今次就有啲退步左喎係咪今日換左個廚師呢？雖然已經好熟個餐牌，但每次都要用十分八分鐘去揀食咩，因為炒粉面飯同小食都好多選擇，今次就叫左個豬排炒公仔面，因為見其他都差唔多試過哂，今次就試下呢個啦，雖然係我朋友叫，但我都食左唔少豬排比想像中薄同埋少份量，豬排本身味道都唔重，應該醃得唔夠味？而且每舊食落都幾大舊骨，所以肉既量就唔夠多啦，反而公仔面就一如所料唔會差啦，加埋啲豉油炒幾下即刻惹味哂，但唯一唔好係啲面林左啲啲，欠缺左啲彈牙喇~但整體都可以的。平時叫開其他小食，呢個XO醬炒蘿蔔糕都好耐無叫過，記得上次食幾好食，但今次叫呢個真係退步左喎首先，一黎到我同個朋友都講笑話，究竟呢個係XO醬炒蘿蔔糕定炒芽菜點解啲芽菜好似仲多過蘿蔔糕咁既！實際上，蘿蔔糕佢切一粒粒，但總共係得7-8粒，其他都係配料，雖然小食宵夜係平，但無理由得咁少蘿蔔糕架嘛，我記得以前唔係咁少架味道因為係xO醬所以其實實係惹味既！但呢啲咁開胃既味道只能夠食幾粒就無，好慘呀另外一個最大問題，係佢個底全部都係油！！！係好多油，一拎起啲

「核心既外圍係核心既內圍」「捍衛核心價值係最核心既核心價值」其實香港的核心價值究竟是甚麼？我會說核心價值是力淨上游的心。既使身處屋邨，你亦有自信，亦能努力做得比人好。就像品香樓，在石硤尾的屋邨之中，仍然有聲有色，聲名足以令門前天天都車水馬龍。我會說核心價值是胸襟和氣度無論學子哥或西裝友，街坊定食家，都湧來幫襯適合一大班人一起吃喝談風俗談理想你依然一視同仁，該寸的時候寸爆你！分批落單會直接話你煩！有人遲黎又會主動走過黎幫你落飲品。嬉笑怒罵，親民得來不失霸氣！我會說核心價值是創新和融合你會有花多眼亂的菜色，各色各樣的，你會有傳統的酒樓中菜火喉十足，芡汁打得恰到好處，說明廚房得到酒樓級訓練，有功架腐皮依然完整，沒有浸爛，好！風沙雞外脆內嫩，不老不韌西蘭花完整不散，賣相味道皆不錯。蔬菜依然翠綠爽口，受熱均勻。炸物外脆內嫩，在口中呵著氣感受到中間的熱力傾注而出。椒鹽製法雖一致，但味道則保留原材料的特色。鮮魷彈牙，九肚魚鬆化。你會有茶餐廳能手小菜一個尋常菜色最能吃出功架，芡汁均勻沒有結塊，斑塊炸粉沒有死硬，沒有全軟。大雜薈，這個賣相不佳，但味道還可以，用湯頗鮮。你會有街頭小食酥炸豬大腸，想像不到豬

今日外父外母嚟同我慶生好開心呀！我打電話Book咗品香樓大家Book嘅時侯記住要叫佢留埋手撕雞因為手撕雞係品香樓其中一味招牌菜我訂咗6:30枱，所以呢個時侯仲唔係太多人到咗7:00打後就開始陸續多人佢哋喺幾個舖位隔離仲有舖，所以坐滿咗都唔驚...大部份傳統菜式都係100蚊上下重點推介都係呢碟鹽焗手撕雞，係一個冷盤一定要喺訂枱時喺電話預訂埋(切記切記)如果現場嚟到先叫未必有(除非有人訂咗冇嚟)面上落了些黑芝麻，吊出雞嘅香味，雞肉好嫩好滑！之後呢碟蜜桃沙拉骨都好得！蜜桃並非罐頭，燒骨亦好林好香！呢個粉絲什菜煲，賽螃蟹同埋糖醋桂花魚都遜色咗少少始終上海舖正宗D好食D！什菜煲－徧鹹！賽螃蟹－蛋白炒到一舊舊太實！糖醋桂花魚－外唔夠香脆！呢碟京都骨好好味，酸酸甜甜恰到好處加埋伴碟的蜜桃真係好正西蘭花嚮螺片炒蝦球，正常！佢仲有一味係西蘭花魷片炒帶子如果你想調亂其中一樣好似西蘭花魷片炒「蝦球」就要加$10跟住一定要叫嘅呢杯凍朱古力少冰一定要嗌真係好飲過Starbuck！明知肥都要飲！聽講仲有味「南乳炸豬手」、「火焰牛枊」同埋「風沙雞」都好好食下次一定要叫呀！咩叫做風儉由人，就係呢度！平有平食貴有貴食！

媽咪唔想煮飯，又唔想咁hea系樓下食茶餐廳，就過石峽尾食呢間之前食過唔錯。佢地既種類都算多，價錢唔係太貴，上次食過手撕雞好食，可惜賣晒！我地係8點左右食，咁早已經賣晒呢個雞球煲睇落以為好多生粉，重冰鮮味既雞。但食落，雞肉好嫩滑，個汁好香，唔會好淡！ 椒鹽花枝，外層係脆既，當然要熱果陣快d食！個人覺得炸既食物都無咩味道，主要都係點醬汁。 茄子煲茄子唔夠淋！！不過味道係幾好既。 呢個粟米火腿羹幾足料，好多蛋花！味道就不過不失。

聽朋友說這家很出名很不錯,果然聞名不如見面我們訂了位,所以完全不用等茶餐廳格局吃大排檔小菜,我們二人吃飯,便點了三個小菜南乳炸雞翼:好香好香,好入味,讚!!沙拉骨:色香味加上蜜桃同沙律醬,值得推介炒左碟菜同叫了一杯招牌的凍朱古力!必飲!朋友真冇介紹錯,一定會再去,要叫多幾個朋友叫多幾款小菜!!

今晚同老公行完又一城，決定走去品香樓食晚飯。好在老公叻豬，早一日打去叫定招牌手斯雞，因為即場叫會冇。手斯雞不但沒有肥膏，相信係用清遠雞來製造，所以雞肉才如此爽口，加上醬汁沾來吃，令雞的鮮味進一步提升。之後，叫左炸大腸，金黃的炸豬大腸，不但沒有壓味，而且還有一陣豬油的香味，加上有鮮菠蘿，兩者同時放入口中，令到豬大腸不但唔膩，而且菠蘿能將多餘的油份抽走。此外，我地仲了蒜香炸豬手，在豬手上放滿金黃的蒜香粒，令豬手吸收了蒜香，使豬手皮更加可口，由於豬手是用上新鮮豬手，所以令到豬皮爽脆，令人手指大動。最後，叫了杯朱古力忌廉，這杯朱古力滿佈香滑忌廉，加上朱古力粉，真係好邪惡!總括來說，南山村有地道風味小炒確實難得!

呢間係正屋村入面 好多人食 不過都好大 佢有兩間 仲可以坐門口 d人都好好招呼 真係有人情味個種 我叫左個風沙雞 好香蒜頭味 好似避風堂既感覺咁 個雞皮好脆 好香 唔會成陣油味 雞肉好滑 隻雞都好新鮮 送飯一流 呢杯邪惡既朱奶 真係好耐冇飲過咁濃味既朱古力奶 佢就算有冰都唔會淡左個味道 上面既cream都好滑 唔會太甜 好好味

細細個係石硤尾返學時，就開始食品香樓。細個冇乜零用錢，品香既價格比一般茶餐廳貴，但味道同份量都同價錢成正比。午餐鮑汁章魚飯係我至愛，仲記得逢星期三先有得食架。適逢學校五年一度開放日，行完學校就成班同學去品香聚一聚，食味道又食回憶。時間尚早，唔駛等位之餘，仲有得坐卡位！坐就ok喇，但收銀位男士應該係老闆。老闆心情好煩躁，好似對個個員工都有意見。食客既我聽到都覺得好煩厭員工都係人，咁鬧法邊度仲有士氣返工呀！大樽裝可樂相信品香樓將餐廳定位係茶餐廳之上，所以晚市係有花生既。招牌沙拉骨夠穫氣，熱辣辣！俾足沙拉醬，肉質仲好淋添。 海鮮雜菜煲。唔止菜多，蝦米都好多。當然咁既價錢唔會真係有海鮮俾你啦，但冬菇呀，魷魚呀都唔小。 火焰xo醬鱔火焰一來可以加強效果（哈哈，呃like既效果）仲可以保持溫度。雖然xo醬味唔太突出，鱔夠脆口又加上小小辣。

是晚一家五口子人齊食飯，由細仔發板就嚟咗呢度，上次在這裡食飯已經3-4個月前了，今次預先訂位就不用排隊等，入內坐低點了以下菜式：沙汁龍鳳球，炸豬手，沙拉骨，蒜蓉蒸勝瓜再加多個火燄酸甜鱔球，單尾要碟契媽炒飯。大滿足！沙拉骨酸甜適中惹味開胃沙汁龍鳳球雞翼跟蝦膠配合得非常好皮脆肉香佐酒一流蒜蓉調味恰當帶出勝瓜清香和可口的爽脆呢個小菜上枱時由侍應畫龍點晴，眼睛先享受跟著聞到好香酸甜味，令口水直流配上白飯簡直一流。

雖然已訂位，都要等一等，不過唔介意，因為故地重遊，醉翁之意不在酒，趁機可周圍行一行。入坐後點菜，菜上得不慢，熱既菜色夠熱，凍既亦夠凍。我地5個人，當中1個人細食，叫了:風沙雞翼: 味道唔錯，夠入味，惹味得來係皮脆，入口可感受到有幾咁熱氣!蜜桃沙拉骨: 個汁果味濃，好似用左罐頭汁，肉就大少適中，只係肉味略嫌「削」左少少，個皮就LOK LOK脆。整體而言也是不俗。手撕雞: 汁味道唔太濃，總算味道夠---我指D調味，肉就始終不鮮(唔怪師傅...本地已難找到十足的「肉有肉味」...)。經典朱古力: 朱古力味濃，加CREAM當然很滑，整體係好味... 後果是女生大叫「好肥呀 」XD... ORDER佢全為懷舊!整體而言，3,5知己，食感情，此處一帶人情味濃，應該還會再來。

大約7:00左右到達，當時人流未算很多。由於已經一早BOOK枱，順利成章一入即坐小炒皇-味道不過不失。鼓汁蒸白鱔-味道一般到了自己最喜愛的炸白飯魚，份量很大，可惜咬感不夠脆潮洲蠔仔粥-無得輸，用料充足，味道一流南乳豬手-充滿骨膠原，但應該是豬腳，而不是豬手 飲品-朱古力還有一碟$10的小吃

食嘢對我人生真係好緊要，有時回憶起大學生活，除咗有同同學相處嘅點滴之外，更會記得響南山食乜，當然唔少得品香樓啦。約咗個大同去品香食午飯，兩丁友叫兩道餸加個飯算，叫咗風沙雞同黃金蝦。炸雞就難免會令雞肉變「鞋」嘅，風沙雞都唔例外，但勝在皮夠脆，夠香口，都滿足到我呢種愛食炸嘢嘅口痕友啦每次都必點黃金蝦，點解呢？因為最鍾意佢咸蛋黃香，加埋椒鹽，嘩！送飯一流！但今次殼又未算好脆嘅，希望可以改善吓啦 唉，出到嚟做嘢，同三五知己食呢啲校園美食嘅時間愈來愈少啦，唔知下次飲住品香凍朱食風沙雞嘅日子係幾時啦

同BB行完賽馬會手作巿集之後, 差不多都7點了, 竟然一場黎到石硤尾, 當然要去南山村食啦係門口的阿姐問我介意吾介意搭抬, 我同BB都無問題, 就即入啦由於我同BB都係細食, 只係叫左出名既沙拉骨水準一如以往咁好, 肉同沙拉醬非常之夾, 如果無沙拉醬, 生炒骨就變得好熱氣啦, 而密桃係一個好好既綠葉王, 啖啖肉之餘, 咬番一口JUICY 既水密桃, 令口感變得奇妙沙爹金菇肥牛煲, 肥牛吾算韌, 粉絲甜, 味道不錯, 只係吾夠辣, 我怕辣既人都覺得吾夠辣PS. 食飯途中, 有2位女生入左黎搭枱, 佢見我地2款菜既賣相咁好, 佢地都潮跟我地~ HEHE

晨早黎到石峽尾食早餐…要係問我既話…就只係識得去mcdondon...但朋友係呢度既屋村小霸王…又點會去mcdondon咁簡單…話說呢間品香樓好出名…晚市座無虛席…要等齊人先可入座…由1間舖變到依家4間…連隔鄰既大排檔風味都唔夠佢黎…早餐款式都係一般平常既野…但好多款式…同埋價錢都算抵食…結果選左火腿芝士奄列同奶醬多…奄列都整得幾嫩口…仲真係有成塊卡夫芝士係入面…奶醬就一般份量…但其實我地主打唔係食野…而係飲野>>凍朱古力加cream...雖然呢種飲品係市面都唔難飲到…但講到可以係茶餐廳有既話…相信唔多…外在美內在甜…難怪我隔離呢位屋村小霸王甘於拜服係朱小姐裙下呢…>，<…

坐立在一條老屋邨的商場中。餐廳滿坐時，其實有點擠，服務員為了應付那麼大量的食客也有點急促，他們都會建議一次性下單，因為再加單的話便可能要等待很久了...下單後不久，菜便陸陸續續上檯。椒鹽鮮魷很香脆，而且鮮魷外的脆皮並不厚。這個一定要先吃，先吃時熱騰騰而且香脆的口感，跟吃到最後仍留在籃子內的一兩塊，簡直差天共地。最後吃個時，本身魷魚的油涼了，也令外皮變淋，吃下去時就像本來香脆的餅乾沉濕後的感覺。這個風沙雞，雞的口感還不錯，不會太榎歰歰。感覺有點像炸子雞外再鋪上炸蒜碎。瑤柱扒西蘭花，其實就是西蘭花上淋上瑤柱汁。西蘭花不過生或過熟，配上瑤柱汁還算不錯吃。其後還有炸饅頭、甜酸排骨和黃金蝦。炸饅頭只能一次過點8只，饅頭只是上半被炸過，感覺總是差了點。我還是比較喜歡吃整個饅頭被炸過的炸饅頭。甜酸排骨酸甜度適中，而排骨因為被走油後再回鑊炒，肉不榎而仍有肉汁。黃金蝦差不多是每次到來也吃的菜，因為他的蝦都被又甘又鹹的鹹蛋黃包裹著，而且味道並不只留在殼外，蝦肉也滲了不少鹹香味。除了黃金蝦外，每次也會點的還有它，冰巧克力~ 其他餐廳的冰巧克力，通常不夠味或是不夠滑。但這杯冰巧克力，在足夠巧克力味道冰巧克力上