品香樓中西風味餐廳

營業中

休息中

南山邨是時光懷舊屋邨， 尤其平台上的半圓攀爬設施引來很多人前往朝拜懷緬一番。南山邨的品香樓是中式風味小炒，印象中來過好幾次，每次來都要等位，其實越多人食越可以食多些款式，而且夾錢也會化算些，我喜歡食這裡的豬手，外脆有咬口，一食難忘。另外，我也喜歡火焰牛柳粒，火焰是綽頭，反而肉嫩惹味是重點。還有我每次都會叫凍華田，其特色是面上鋪了忌廉，外表可以post相呃like吧。整體食物不錯，食飽過後，我們再到樓上的懷舊設施留影一番，懷緬昔日時光。

朋友話帶我去一間好味食店, 去到就記起原來之前已經來過。之前的印象是隔涉，如果搭地鐵黎其實都要行幾遠，不過今次有車，停車場行出黎就係，都幾方便。因為冇訂枱，預左要等，等左20分鐘左右，未算好耐。食肆裏大多是一班後生仔來飯聚，因此環境都幾嘈，枱與枱之間好迫，要掰大喉嚨講野先聽到，都幾辛苦，食完餐飯竟有點攰。朋友推介火焰牛柳，都係grimmick野，牛柳淋身，但似平常餐廳的中式牛柳質感，以肉論肉，其實唔係好值$128，點個火就賣貴啲，睇個人判斷。另點黑松露帶子炒蛋，份量好多，味道ok，78蚊唔好預期有靚帶子。其實蛋唔係好滑，不過本人鍾意食又實又鞋的蛋，所以收貨。呢個椒鹽豆腐強調係用百福豆腐炸，我問朋友：乜百福豆腐好巴閉咩?係咪巴閉就唔知，不過豆腐同外面粉漿剝離經常出現，老實，炸功就咁睇就麻麻地勒。加左兩個白飯和兩支可樂廁所污糟，扣分總結：一班朋友黎，食氣氛多過食味道，好多茶記都有咁嘅水準。見店內好多都係大學生年紀，可能因為近城大，其他人特登黎就無需要喇。

完了大學的Orientation Day,  一起來品香樓食個飯，聊聊大學生活。我們點了兩碟西多士、數碟小菜、每人一杯凍朱古力。西多士炸得金黃色，吃的時候還是熱的，還附上任意倒的蜜糖，甜甜的脆脆的西多士，可以再點。雖然不算是十分出色，但一定不伏。在場的韓國朋友都覺得香港的西多士很好吃呢!小菜方面，我們點了炸魚肚、黑椒牛、魚香茄子、黃金蝦、飯要加錢(忘了每碗多少錢)。每樣小菜都很好吃，只是份量不算很多，幸好在場的多數都是女生，所以是剛剛好的。茄子煲得軟軟的十分可口，蝦十分爽脆，黑椒牛非常入味，真是不伏，但有人覺得價錢是貴了點吧。

晚上和肥腩腩故地重遊，去南山村食晚飯。品香樓應該在石硤尾頗有名氣，六點半去到，餐廳內已有不少食客，我們很幸運地坐回第一次來坐過的卡位，真是特別有意思餐牌上的食物選擇很多，例如有小炒、小食等等，款式甚多，總有一樣適合你。第一道菜是避風塘炸蠔，蠔不夠大隻，炸得頗脆，外皮炸醬不算太厚，少辣，幾惹味。第二道菜是咕嚕肉，遺憾地不是用梅頭豬肉來煮，所以只吃到肉而沒有少少肥而做成的鬆軟感，幸好炸很還脆，醬汁份量適中，味道酸酸甜甜很開胃。最後一道菜是滑蛋蝦仁，蝦算大隻，亦很爽，蛋炒得頗滑及香。總括而言，三道菜的份量很足夠，價錢中上，味道用料一般，還可以再來吃。

收工落堔水埗買野，搞掂晒之後就順便醫下肚。行下行下都唔知食乜好，突然醒起依度同石硤尾好近，又懷念南山村既味道，於是就決定今晩食久違既品香樓。七點正去到，門口已經有一大堆人聚集等候。無諗過咁既場面，搭枱既就即刻入得。兩位被安排一大張圓枱，一張枱搭左五台客，足足坐滿十二人，而且眼見圍圍都坐無虛席。犀利！叫左個豉椒炒蜆，落單後唔係點洗等。先講味道，係ok有鑊氣既，但係好多吉殻，肉唔算多但夠大粒。粒粒肉都無沙，清得好乾淨，鍾意食蜆但好怕食到有沙既蜆，依方面真係做得幾好！另外椒鹽九肚魚，可能係新鮮即炸，等得比預期耐。熱辣辣，趣卜卜，真心好得。炸又炸得岩岩好，魚肉滑嘟嘟好嫩滑。而且份量好多，食唔完一樣。最後，黎得品香樓必飲既當然要飲。忌廉朱古力，厚厚既忌廉飲得出係自己打既，好滑好邪惡。朱古力夠晒濃郁，甜度適中，價錢合理。原來凍奶茶都可以要求加忌廉，無得輸呀！下次要試下其他特式小菜！

終於到了聞名不如見面的南山邨品香樓恰巧在九龍塘工作，不想到大型連鎖餐廳，所以到品香樓用膳終極朱古力，值得一試👍🏻火焰牛肉，呃like 之選椒鹽九肚魚糯米飯到此一遊後，重拾舊香港的情懷

第二次去品香樓。隔咗好耐好耐，突然好想食。想咗幾日終於食到，雖然第二次冇咁好味但係感覺仍然好爽依家再去感覺好似人少左，又方便左搵位因為右邊嗰間原本店滿左就會不停叫人過去左邊。我好鍾意前菜木耳仔(細細隻好似啲人叫做老鼠耳朵), 追加$6碟都扺食 補番啲膠質同纖維叫咗以下我最愛的兩個餸配白飯，其實咁樣食真係重口味到癲，但係蔬菜好貴，後來冇叫到。南乳豬手膠質好重返屋企先至再食蔬菜上一次去食係好耐好耐之前(下圖)，叫咗嗰個好多人飲嘅朱古力奶，其實又真係冇乜特別，不過有得飲下係幾爽嘅。原來都係exactly 果兩道菜加埋一個蔬菜。我真係好專一呢間店係有氣氛同埋好味，不過就預咗服務一般般，有時會呼喝客人同埋漏單，同埋叫多啲人會食得開心啲，試多啲唔同嘅菜。兩個人其實真係有啲困難

聽左好耐呢間野 但一直都未有機會試到琴晚就心血來潮同朋友落南山村試下去到真係好多人 等左一陣先入到去咁坐低就叫左碟滑蛋蝦仁炒河呢碟炒河絕對係我食過最好食嘅真係好夠鍋氣 而且用嘅係原隻大蝦之後另外仲叫左杯朱古力加Cream就算唔係咁鍾意飲朱古力嘅我都一試愛上品香樓 絕對值得推薦👍🏻

E間係其中一間我成日都會食的餐廳,以前去開石硤尾就一定會食,雖然佢唔稱得上十份好食，但就真係好抵食。以前叫開凍朱古力，因為上面會擠左cream，成杯野飲唔會好單調，提升左朱古力的味道，cream的份量剛好，唔會太多，所以唔智覺得膩，唔需要擔心。我叫左椒鹽豬排菜飯，份量十份多，一個人食會好飽。佢個飯係菜飯，好香，但有少少油。豬排好香但好鹹，落足椒鹽，個皮好脆，應該係即叫即炸Ｅ個餐性價比好高，但有少少dirty，姐姐有少少惡

品香樓，相信好多人都聽過佢嘅大名，佢收埋左係小小嘅南山邨，但依然無阻佢嘅人氣，一到夜晚就勁多人排隊。果日我夜晚6點幾就到，算係比較早嘅晚餐時間，等左冇幾耐就可以入得去。餐廳除左4人座嘅卡位之外，仲有勁多大圓檯，好岩公司學校一大班人嘅聚餐。一上檯，佢就送左兩個前菜比我，木耳同鳯爪。味道冇咩特別，唔算特別好食。小菜方面，嗌左半隻嘅口水雞，雞肉好嫩滑，皮脂豐富，唔算特別辣，但辣得香口。旁邊嘅青瓜係出色嘅綠葉，吸曬啲辣汁，加埋青瓜本身嘅fresh,係好食嘅！5個女仔食半隻雞，份量岩岩好。茄子煲，茄子整得好淋，淋得好入味，係好送飯嘅小菜，但略嫌味道唔太特別。麻辣干鍋大腸煲，一上檯嘅熱煙，嗆到隔離到咳曬，場面幾搞笑。雖然好多辣椒係度，但味道完全冇佢個樣咁恐怖，唔算真係好辣。大腸油脂豐富，加上炒得外脆內軟，勁香口！最後嗌左餐廳勁出名嘅凍朱古力，上面支左cream，加埋勁濃嘅朱古力，確實比其他餐廳出色，可以一試！

👉🏻凍朱古力🍫💲11夜晚先有cream架😋真係好飲好甜好夠朱古力味🍫就算擺耐左啲冰溶左都好濃朱古力味😽〰〰〰〰〰〰〰〰〰〰〰👉🏻明太子炒飯💲37望落黃金咁嘅色真係好吸引😻但食落一般又冇咩明太子味😹〰〰〰〰〰〰〰〰〰〰〰👉🏻XO醬肥牛公仔麵💲37呢個好普通 食唔到XO醬味不過好抵食 因為勁多肥牛😻

客人依然多，名氣依然高，但品質越做越退步。基本都沒什麼服務可言，員工都比較粗手笨腳，可能工作比較忙，動作都很急促。態度認真麻麻。普通茶餐廳，餐檯主要是卡位和大圓檯，餐牌有點黏手。都是以中菜為主，選擇算多，價錢定價一點也不便宜，重點是份量不多，比例上略貴。「火焰豆豉雞」賣相的確是吸引的，有火焰的效果，觀感度一流。可惜並不能提高此菜式味道，雞肉不太新鮮，有點雪藏的味道。顏色很深，但是味道不夠濃郁，真是很一般的菜式！用來伴碟的洋蔥是生的，沒有吸收到雞的精華，比較上是多餘的。「薑蔥魚雲煲」賣相極隨便，不討好！但味道不差，比較濃郁，基本上用來送飯是一流的。可惜魚雲十件有八件是帶生的，根本還沒有熟透，還吃到血腥的臭味，結果忍不住都吐了出來。最可笑的是，跟店員投訴魚雲還沒有熟透！但她卻說應該是熟的，什麼叫應該？熟便熟，不熟就是不熟，沒有應該的，難道當客人沒有吃過此菜式？後來，店員自動取消了這個菜，但味道還是留在嘴裏久久不能散去！魚血腥味...很噁心。「蒜蓉蒸勝瓜」其實也是很簡單的一道菜，但為什麼也做不好呢？擺盤極差，亂七八糟，勝瓜有陣草青味……「香蕉沙冰」唯一值得讚的是這杯沙冰，香蕉味極濃郁，好喝。

< 無限回頭嘅品香樓💕 >第一次去品香樓係year 1嘅時候。當時讀City嘅friend大力推薦，叫我跟埋佢地莊聚去，點知試過就真係無限回頭！😍😍😍 當中火焰牛柳粒($113)同炸豬手($88)係次次都會叫! 真心好好食，成大班人去，次次都食到要搶咁😂 火焰牛柳粒除左賣相架勢外，每粒牛柳都真係煮得好腍又多肉汁。牛柳粒調味又夠好，連埋青椒、紅椒食好豐富架💕南乳豬手亦都好好好好食！豬手大大件，肉質同樣嫩滑，皮就炸得脆卜卜，惹味到不得了👍🏻P.S. 不過要坐得舒服或者好service就唔會黎喇，費事自己激氣啦哈哈

難得唔洗OT,收工就約埋女友去品香樓食飯。到既時候係七點左右，岩岩好唔洗等位，仲有卡位坐黎到就梗係要飲佢招牌既凍朱古力啦，但係我呢排肥左，所以我就冇叫喇。我最鍾意食呢到既風沙雞同椒鹽九肚魚，但係今次想試下其他菜式，最後就叫左黃金蝦，南乳雞翼 同埋 芝士肉碎西蘭花。大食既我倆都差d食唔哂黃金蝦有好香既咸蛋黃味，份量都幾多，推介！南乳雞翼炸得幾香唔會太咸，相信會係配啤酒既佳餚。唯一可能可以改進既係個芝士汁，由於女友喜歡食芝士既關系，佢就覺得個汁冇乜芝士味。但係對於麻麻地芝士既我黎講就覺得唔錯喇。整體黎講，我地都十分滿足，食物都係有水凖既つづく。

賽螃蟹令人有d失望d急凍海鮮完全無味，真係唔加好過加，然後調味料又唔夠，結果成碟賽螃蟹就得返蛋白味，蛋白仲要有d老，唔夠軟滑唯一好處係佢無好油淋淋少鹽少糖少油，唯有當呢碟係健康炒蛋白啦椒鹽鮮魷香脆可口 鹽香味夠 值得一讚呀！（不過講真椒鹽鮮魷都好難難食嘅）份量唔算多，同朋友你一舊我一舊唔洗五分鐘就清咗火焰蜜味牛仔骨一上枱就哇哇聲啦個火好快就熄，要影相真係要快手哇完之後食，睇圖都睇到其實肉就得少少，洋蔥青椒嗰d配料就勁多，但味道唔差嘅，相影張相賺下like都可以一試