品香樓中西風味餐廳

營業中

休息中

今日非常之熱，睇男朋友喺大坑東踢完波之後，行去品香樓食下午茶。之前食同事散水飯，已經試過出名嘅忌廉凍朱古力，勁好飲。今次去食下午茶，首先叫咗個夾心火腿西多同魚柳薯條，但凍朱古力係冇忌廉嘅，有少少失望。不過西多同魚柳都好好食，食完之後仲覺得好餓，所以嗌多一個又係好出名嘅明太子炒飯，果然冇令我失望，咸香粒粒分明。品香樓裝修比一般茶餐廳靚啲，而且服務都好好，姐姐好有耐性落單，同埋複述一次，食物水準一如既往咁好味，南山邨亦係靚靚打卡位，希望呢種舊香港式建築會被妥善保存

如果約左朋友係九龍塘食飯，又唔想食又一城嘅貴價餐廳，品香樓可以算係唯一既平民又好味嘅餐廳。風沙雞算係品香樓必點菜色之一，佢用炸脆嘅香蒜舖滿雞面，而雞本身亦炸至金黃皮脆，香脆俱備。金華火腿冬菇娃娃菜嘅味道豐富，金華火腿嘅鹹味提升了整道菜嘅味道層次，令到每一樣材料都十分惹味。賽螃蟹都幾足料，帶子不下十粒，蝦仁亦滿佈成隻碟。黑松露瑤柱蛋白炒飯啲飯好好味，飯粒一粒粒，再加上面頭嘅小撮黑松露，撈埋之後提升左成個味道層次，甘香撲鼻。係九龍塘約一班朋友食飯抵食之選，非品香樓莫熟。

每次10幾個人食飯都一定會諗起呢間餐廳，因為佢嘅叫餸食飯真係好正。多人食飯又係圖枱先可以傾到計，同埋多人就可以嗌多啲餸試得多啲嘢。依間餐廳必食嘅火燒牛柳粒、蠔餅、肥牛粉絲煲、手撕雞同埋啫啫雞煲都係必叫既。佢個火燒牛柳粒真係好好食，啲牛肉一啲都吾硬，個汁都好入味。其他餸都火候都好勁撈白飯都真係一流呀。仲有佢最出名嘅凍朱古力，真係去親嘅人都會推介，佢嘅朱古力真係好濃味再加佢上邊有啲cream，個配搭真係岩岩好。

#常餐沙嗲牛肉麵+火腿奄列 $39品香樓相信大家都唔陌生 每次reu都好似有人提議咁濟🤣今次就食佢嘅常餐-沙嗲牛肉麵 公仔麵硬度正 唔會淋 有啲咬口 而牛肉又大塊可惜數量唔多 最重要嘅係沙嗲味唔算好濃☹️火腿奄列最正嘅係有啲蛋汁唔會太熟 而火腿絲嘅份量都適中唔會太少 如果大家有時行過都可以一試嘅…評分:5/10

講到品香樓相信係唔少人既學生回憶我都係其中一分子想當年 成日係度re-u 莊聚 雖然坐到迫迫夾夾 但sell既係溫情呀 明唔明今日同以前既莊員相聚 話要重拾青春喎第一步唔駛諗既一定係book品香樓！同X年前一樣 宜家都仲係好多學生既飯堂所以就算有book位都係要等呀！等到人齊再等多陣就入得嚕品香樓既餐牌依舊 我地依舊來來去去係食個兩味仍然落單第一時間叫既係人頭朱古力（即係一人一杯呀）南乳炸豬手同炸雞翼係大推 勁入味 佢炸得黎唔會食到個口油林林 個豬手唔會係炆個隻咁林但絕對容易咬開！沙拉骨亦係友人既至愛金銀蛋白菜只係為我地食咁多炸野 懶健康而叫既 但絕對唔差架！

南山邨我細細個成日會去既地方, 係街坊一名, 屋企有什麽聚餐都會去呢到食, 今晚特意帶幾位朋友到此一遊, 因為呢到唔知幾時開始變成咗打卡勝地, 所以吸引咗好多人嚟影相, 此終呢個屋邨人口老化, 大部份都已變成公公婆婆, 後生仔大多數係附近城大既同學仔過嚟食嘢, 預早訂咗位去到好快就有位啦, 原本安排坐圓枱既, 興幸咁啱有人走, 可以入座4人卡位, 呢到最有名氣既當然係凍朱, 喺餐廳內個個後生仔都必飲, 另外仲有沙拉骨, 南乳雞翼等等都係推介七味椒鹽豆腐 - 賣相不錯, 外層脆口內裡豆腐滑一滑黃金蝦 - 蛋黃味唔算好濃, 同埋唔夠乾身, 蝦肉唔夠爽口豉椒炒花甲 - 花甲都好新鮮而且好入味啫啫介蘭 - 介蘭好爽口, 咬到卜卜聲沙拉骨 - 肉質半肥瘦, 好味南乳雞中翼 - 好香南乳味, 外層皮炸到脆卜卜, 雞肉好嫩口, 不錯雜果冰 - 味道太甜, 好似罐頭雜果咁再加少少水龍鳳可樂 - 配大枝裝可樂可以飲到兩杯菠蘿冰 - 都係好似罐頭菠蘿加水咁, 好甜凍朱古力 - 個個後生仔去到必叫既, 真係好濃朱古力味, 加上面層加咗啲CREAM, 正呀!

又話品香樓好好食...名過其實宣傳嘅力量真大！今日嚟到叫左個無衰嘅福建炒飯同埋豉油王炒麵。首先....個福建炒飯唔係傳統嘢，因為佢用雞肉炒！其次，個飯好淡好干好硬...食左一半已經盡晒力...唔怪得隔離枱後生仔都係食到一半！其次係豉油王炒麵，真係好恐怖...唔知之前發生左啲咩...但係我見到個侍應攞隻手撈過麵....佢見到我望住佢！！但係仲若無其事拎碟面過嚟！！Fine!!!!!!!我未出聲，一見到碟麵我已經話唔係我嘅，因為係闊條蛋麵嚟...點知個侍應話呢個就係佢哋嘅豉油王炒麵，仲要勁串咁問唔係用呢隻麵唔通用公仔麵！你唔係香港土生土長，唔識，我唔怪你。但如果傳統食物唔係用大家以知嘅食物來做，就唔應該用舊名令人誤會。最後，我地無換碟麵，食左兩啖。然後希望今晚無事，完。

之前都黎過幾次南山村食嘢，知道品香樓都幾岀名，不過就係未有機會食，今次就因為朋友巧合提起品香樓就挑起條筋走去try try la😆一黎到就叫左呢到最岀名嘅凍朱古力，我就覺得好一般，啲粉都開唔勻，cream 都冇特別滑很普通...南乳豬手幾有肉食，唔會炸到乾爭爭又夠味😋呢個麻辣雞鍋最好食，唔會好辣又有小小麻咁，好岩我呢啲唔食得辣但又好想食麻辣嘅麻煩人😂😂😂仲有啲蒜頭超級好食，必食之選👍🏻通菜炒牛肉好有鑊氣通菜又好嫩，食都停唔到椒鹽鮮魷幾新鮮，但層粉醬就厚左啲😰大食女仔表示成餐食完都算ok，不過就係味精落得重手左啲，下次都係飲返可樂好啲😂

公公生日揀左平時都會常去既品香樓, 水準大致都保持到, 可惜係手 C 雞己暫停供應, 價錢平, 份量足, 係一個開飯既好地方 !!! 將近萬聖節連門口都有佈置到, 好有心意呀 !!!! 

品香樓原址係南山酒家，佢地接左手之後出品的菜式樣樣正唔知道係生意好定師傅問題，食品質素一路下滑~早期的黃金鮮魷好味到、 南乳雞翼、 手撕雞好食到唔知道怎形容，但而家啲品質下降得好緊要，啲餸已經冇之前咁好食又細碟價錢又貴到死，晚上客源多數係城市大學學生居多，但就真心嘈得好交關，有時候2個人想靜靜地食個飯接個電話都聽唔到，但無可厚非佢下午茶個雞翼菜飯、豬扒包菜飯真心好味個飯煮得恰當不太鹹不太油，奶茶和朱古力沙冰都好味

Lunch既品香樓食過幾次，晚市都係第二次去品香樓有幾個鋪位咁大，但晚市仍然座無虛席，可見佢受歡迎程度有幾高好多朋友都介紹呢到既凍朱古力，反而我覺得呢到既小菜更值得推介！一行五人，叫左幾個小菜，每人一杯凍朱，食到捧住個肚走我地分別叫左火焰蜜椒牛仔粒、風沙雞、椒鹽九肚魚金銀蛋蒜子浸白菜仔、芝士肉鬆西蘭花同鍋貼芝麻蝦六樣野呢到碟頭唔算大，不過岩哂樣樣都想試既我地，叫多幾樣都唔怕食唔哂牛仔粒用煲仔上，伙記會過黎用火槍將下面既酒精啫喱點著營造「火焰」既效果，引到大家都即刻相機食先所謂風沙雞亦即係炸子雞，只係面頭灑上一層炸蒜味道不算特別，但火喉控制得幾好，皮脆得黎肉唔乾有朋友唔食九肚魚，經大家推介下試左一淡佢都話好食，炸得好香脆，咬開條魚又勁滑，超正！呢個金銀蛋浸白菜仔係我暫時見過同食過最好最靚既佢用左咸蛋黃做埋湯，有別於一般淨用上湯浸，好特別而且好好味呢個西蘭花就較失色，個芝士汁只係淋上去下面既西蘭花都較生，整體比金銀蛋白菜仔無咁正鍋貼芝麻蝦即係蝦多士雖然蝦多士點整都好食，但呢到做得特別好多士炸得通透乾身，咬落係香脆而唔油膩食多幾件都唔覺得罪惡哈哈 推介！

野食熱野飲凍既，態度惡劣, 比伙記鬧 . 朱古力22蚊散叫無creamFood is horrible, and drinks are cold temperature. Staffs attitude is horrible, they even shout at you! Chocolate is 22 dollars expensive and not only that they charge full price but without cream. They only do free cream for chocolate after 6.

朋友一時興起話去品香樓食，除咗以前讀書好耐都冇去過品香樓囉，所以特登去一去回味一下以前食過嘅小菜。同以前一樣一去到會有一碟小菜，今晚係酸辣蒜蓉木耳，非常開胃嘅小菜，好好食，我食哂。我哋叫咗兩隻乳鴿乳鴿用鹽醃過，好有味，皮脆卜卜，但係！！但係啲肉好乾，講真，真係失望。左邊金銀蛋浸白菜仔，同以前一樣咁好食，首先白菜仔全部都好乾淨冇沙，而且煮到林晒，金銀蛋同埋皮蛋份量好多，有一大片，基本上每夾一條菜都一定可以沾到金銀蛋，菜湯好鮮甜，好食。右邊豪仔泡飯（碗），我哋驚一煲全部食唔晒所以叫咗一碗，一碗都可以三個人分，細食嘅朋友留意。講返個豪仔泡飯， 豪仔份量都係好多，仲有豬肉碎，成個泡飯基本上係好鮮甜，但係豪仔有啲沙。都明白，豪仔要洗得好乾淨係難嘅。不過味道搭救到。嘢食嘅水準同以前比只可以保留到一半，其實有少少失望。不過去品香樓食飯最主要都係同朋友一聚，耐唔耐一次都OK。

今日一人五行去完成城大及浸大Info Day就專登過嚟南山村品香樓享用晚飯整體食物味道為中上水平。敗筆之作是「豉椒炒花甲」 退貨改叫其他。每一碟餸份量多適合一家大細。 由於入座時人流尚未到達高峰，所以我哋一人五行嘅環境坐得比較舒服咁。 但半小時後， 位與位之間都稍為迫硤。 品香樓有迎合節日，有相當多的萬聖節佈置。 整體味道與五年前讀大學時味道相約。味道：4/5賣相：4/5環境：3.5/5 服務：3.5/5整體評分：3.5 - 4 /5椒鹽鮮魷（$98） 評分：3/5- 味道中上， 鮮魷不會太過硬福建炒飯（$56）評分：3/5- 與一般茶餐廳餐廳相約，味道可以豉椒炒花甲 評分：0/5- 見到只有幾隻花甲，因此退貨處理大家可以從圖觀看椒鹽九肚魚（$85） 評分： 5/5- 全晚最好食嘅餸菜咖哩牛腩雜菜煲 評分： 3/5 - 味道與茶餐廳相約，份量夠多咸魚雞粒豆腐煲 （$82）評分：4 / 5- 值得推介， 豆腐不會太大舊， 入口夠鑊氣合理近超值晚餐，值得推介。

是日去完又一城的blogger活動，帶了好友到我大學時代經常午餐的品香樓晚餐，好讓我回憶那些年的讀書生活~~~還記得讀副學士時合唱團在這裡慶祝表演成功都沒那麼多人等位，現在的品香樓在平日的晚餐好多人等位，甚至要book位，我和好友等了接近半小時才可以入內進餐~~~裡面的座位雖然有D擠擁，有幸我和好友可以坐卡位~~~睇返餐牌價錢，跟去二、三線的酒樓差不多，只是沒有加一而已~~~一開始上南乳花生，等咗咁耐位，少少餓在等食物上時食吓都無妨~~~場內有啤酒女郎，好友就點了細樽啤酒與我分享~~~生炒排骨飯，算係幾大份，我和好友分享食，排骨食落去跟平時食的咕嚕肉一樣，感覺幾好食~~~紅燒乳鴿，熱辣辣上，而且幾大隻，好友見我食到好滋味都忍不住食埋一份~~~啫啫雞煲，裡面比較多蒜頭和豬膶，冬菇得兩件，雞肉唔算多，我吐了不少雞骨和雞皮，但大抵上味道係好食的~~~我食食吓見到其中一位侍應哥哥係我讀大學時已經在此當樓面，品香樓可以話係我讀書時代的回憶，偶爾去食一次倒不錯P.S. 好友用餐後帶我在出口前面上一層樓梯，原來網上瘋傳的影相打卡位是我十多年來一直沒有留意過@@"