品香樓中西風味餐廳

營業中

休息中

第二次睇男友踢波而去左品香樓食下午茶，今次叫左有忌廉既凍朱，炒公仔麵同埋明太子炒飯。去到既時候係14:30應該係剛剛開始下午茶，但成間餐廳已經坐滿人，2:35落單，2:50食到炒公仔麵，3:00食到明太子炒飯。豬扒炒公仔麵好香好惹味，一啲都唔油。不過個明太子炒飯出左事，因為之前食過一次正常既版本，好香好好味。今次係睇到同食到微燶味，我諗應該係太忙太趕唔記得睇火。凍朱都係一如既往咁香滑好味，甜度適中。

品香樓中西風味餐廳 (石硤尾)石硤尾南山村南山商場平台204-205及210-213號舖-----讀Cityu ge朋友仔 對品香樓一定唔會陌生 學校canteen咁平 大家都會過黎食 當然食物質素都一定唔會差 其實B仔已經食過好多次 亦都無咩邊次覺得佢有d野特別唔好食 大部分食物都係中間or中上質素 個人覺得必叫ge有-風沙🐔 南乳炸🐷手 賽螃蟹 同凍朱古力～未食過而又去開個頭的話 品香樓確係一個唔錯ge選擇 大家都可以去trytry😊不過提提大家 因為d野份量都多 一大班fd去可以試得比較多款😄-----B仔整體評價：7.5/10個👍🏻B仔抵食程度：7.5/10個👍🏻B仔環境評分：6.5/10👍🏻B仔味道評分：8/10個👍🏻B仔回頭機會：8/10個👍🏻-----

品香樓7.5分 凍朱古力 Cold Chocolate 開sem飯必吃的品香樓，可謂是長期爆滿。相信各位大專生都一定吃過吧！雖然這裏的小菜都很不錯，但我個人最喜歡這杯凍朱古力🍫不僅是因為充滿回憶☺️更是因為它的朱古力味實在非常濃郁😳加上面頭邪惡的忌廉😆我不客氣啦🤤/同場還叫了沙拉骨、牛仔骨、椒鹽九肚魚、椒鹽豆腐等，都非常惹味，和year1時吃到的味道一樣，希望能永遠都不變！/IG:foodcityyy

1月31日 晚上9點 叫了外賣風沙雞、西蘭花、沙拉骨及白飯三盒，最後一開得兩盒飯。之後打電話落去佢話一盒兩個飯，所以有一盒係多d甘話，先唔好話一盒飯多d一盒少d，你一係比三盒飯我，一定唔會有問題，佢又比得兩盒我。你係甘支持環保嘅，大盒都可以一次過比我啦，點解要甘樣比兩盒我呢？要我比多$1外賣錢，而且大家有眼見，兩盒飯一個多d一個少d？打電話落去話大家溝通上有問題，到我攞走個時，都有問佢係未有三個飯，冇人同我講三個飯係用兩盒裝！香港地可以甘樣做生意的😡😡😡

穩世街坊🔎 鑊氣小炒🔥品香樓仲有一星期就新年lu 😁臨近新年好多飯局今次就同班舊同學飯聚我哋有11人，星期二8點鐘時間雖然話隱世，但其實識路就好易去到石硤尾站b2出口轉左，一條穿過屋村 幾分鐘就到商場平台，好快就見到品香樓既招牌門外已經聚集唔少人一到新年旺季就算有訂位，都要餓等半小時如果好食就等下啦最後果然冇令我失望👍👍一入到去座無虛席超旺埸大大聲講野都唔驚先泥幾碟前菜涼拌雲耳惹味👍風沙雞外皮夠脆唔油膩👍👍👍肉質嫩滑唔嚡口西蘭花花支帶子大大粒帶子😍😋臘味飯絕對值得一讚👍臘腸粒肥瘦適宜，好香，一食就知用靚臘腸啲辣椒 蒜頭 配料太多 唔多牛仔骨較為喧賓奪主椒鹽九肚魚係我呢餐最鍾意嘅😍外脆內軟，魚鮮四散🐟脆得泥唔油，軟得泥唔散當然唔少得啤酒藍妹vs 青島🍻

喺呢個年代想食碗菜飯唔容易，因為得好少地方有。呢間茶餐廳亦都唔係喺啲咩旺區，只係因為小編有時有野做會去嗰頭先會食。呢度啲卡位比較窄，冬天繁忙時段去食又袋又大褸咁會好辛苦，因為繁忙時段卡位要坐四個人。餐廳都有圓枱，會坐得鬆少少，不過都係預左迫啲。菜飯只做午市，應該係12:00-14:30，而且係呢個時間內賣哂就冇。佢有5個餸嘅選擇，咕嚕肉、椒鹽豬扒同瑞士汁雞髀都係比較受歡迎。$41一份，跟杯野飲。咕嚕肉偏甜，椒鹽豬扒就好油。不過整體黎講味道係唔錯。菜飯就好好食，唔會太油，菜唔會好老。份量都幾大份，一般黎講女仔可能會食唔哂，男仔就應該啱啱好。

南山村品香樓，中學時期嘅街坊飯堂，沙拉骨/咕嚕肉菜飯、南乳雞翼，幾乎每星期食3-4次 <3 後來唔知幾時開始出左名，多左人特登入去食以前食開午市，今晚試一試晚市，兩個人叫左3個小菜，乾炒牛河、炒四季豆、香葱豬頸肉，當然唔少得招牌凍朱古力加cream! 食物依舊色香味俱全、冷氣仍然是十分大、老闆如往日一樣暴躁，好懷念價錢敵不過通脹，比以前貴左，但未食過的話依然非常推薦 <3 記得帶多件外套擋擋冷氣〜招牌凍朱古力❤︎

今晚提早同屋企人食團年飯🤗品香樓一直係平靚正之選🙌🏻之前每次都會預訂手撕雞,不過近幾次打去都話冇左手撕雞,變左轉食風沙雞/沙薑雞,上星期食左風沙,今日就叫沙薑,個人認為風沙🐔比較惹味😋其餘點既小菜:西蘭花帶子炒花枝片,臘味糯米飯,炸大腸,小炒皇,黑椒牛仔骨,菠蘿咕嚕肉同蠔仔粥全部係合格以上水準,姨甥仔每次必點凍朱,7個人食左$970,人均消費大約$140,一如以往性價比極高,其實上星期三晚先食完,點既菜式完全同今晚唔同,相同既係兩餐都滿意👍🏻品香樓係值得無限番轉頭既餐廳。🥢🙌🏻

老公生日好似流水宴咁，食足三日😆星期六預祝就去左食齋，沈日正日就係咁易附近食，冇生日蛋糕，冇得吹蠟燭。唯有吹住 #火焰甜酸鱔 先啦😆一家6口，4大1小1BB , 叫左5個菜，激飽！忌廉朱古力，雷大囡當然好鐘意飲啦，飲到飽晒食唔到野😑😑本來想叫風沙雞，但食得太多，試下 #玫瑰木桶雞，雞夠滑，但唔知咩係玫瑰，開頭以為玫瑰露，但又唔覺。似一般薑蔥豉油雞。但味道係唔錯嘅，唔好諗個玫瑰的話😆#火焰甜酸鱔：個鱔好食，味道似咕嚕骨，鱔皮夠脆，肉淋又冇骨絲，唔錯。火焰嘅作用？同演唱會煙花效果一樣，加強視覺效果囉！因為啲火燒晒之後，鍋底嘅洋蔥都係凍同生嘅🤣 但洋蔥只係配角，冇所謂啦！芝士西蘭花肉碎伊麵底個汁唔錯，味道較淡，雷小囡啱食👍🏻鍋貼芝麻蝦本來以為係好似出面果啲鍋貼蝦咁，但實際上其實係蝦多士！雖然有少少失望，但當佢係蝦多士的話，又確實唔錯嘅。最驚喜係 #南脆炸豬手，炸豬手皮夠脆，脆得嚟仲係酥脆，唔係硬挖挖果隻。皮同肉之間嘅骨膠原夠黏口。邪惡得嚟總算有啲藉口食多嚿（自我安慰模式）不過唔夠入味，一定要沾南乳醬，但唔點就冇味，點左又太鹹...要啲技巧🤣 好滿足嘅一餐，盛惠五百多元，算抵食。食物夠鑊氣，炸

上次食品香樓都成年幾前，印象中非常好食，凍朱好好飲。點知今次大失所望😔首先講火焰牛柳粒，一出黎氣勢幾好，會點火係精彩，但可惜味道就無佢樣睇咁好。先講主角牛柳粒，夠入味但有少少過韌，而且肉唔多，失望。加上洋蔥煮得唔夠熟，好辣。再講南乳炸豬手... 我明白大家講既好骨膠源係點解，因為真係得皮... 同骨，我原期待南乳同豬手係入哂味，點知原來南乳醬同豬手係分開... 好失望，唔明點解可以店排行第二，極唔推薦。明太子炒飯，終於有樣唔錯，炒得香口，粒粒分明，雖然明太子味唔重，感覺同普通炒飯差唔多，但如果諗唔到點咩飯都可以一試。金銀蛋浸白菜仔，難得有一樣可以保持水準，白菜仔煮得林同入味，加上雞蛋都浸埋湯，非常好味，同朋友食極唔停。野飲一如以往點左凍朱古力，見到上面厚厚既cream都興奮🤤但可惜... 曾經好又滑又好味既凍朱，而家有唔少沈澱物，口感差左好多。　總結而言，其實食得唔係咁開心，雖然味道未去到劣，都算係中等味，但曾經既好味已無哂，當年令人食完回味既感覺都無埋，希望有日可以回到應有水準。Ps: 作為唔多帶現金出門既我地...到只收現金既地方...要禁錢先🤣🤣所以都提提大家品香樓只收現金啊！

每次放學食lunch都會去品香樓食，佢既lunch大件夾抵食！最鍾意食佢既咕嚕肉飯！咕嚕肉做得好出色，皮脆內軟，平時唔大食既我都成碟食曬！夾埋佢個到既凍零茶一流！雖然佢個到既朱古力係好出名，但怕肥既我就飲凍零茶，好似無咁肥因為朱古力有好多cream係面頭！

餐廳位於石硤尾南山邨來，鄰近石硤尾或九龍塘港鐵站。餐廳午飯時間，有很多學生來用膳，但今次相約有人與晚飯嘅時間來，試一試這裏的晚飯。火焰燒牛柳，這道餸真的有火焰在枱上，火焰包圍着錫紙，令牛柳保持着溫度，口感非常好。這裏的風沙雞亦值得一讚，肉質鮮嫩，皮脆肉滑。今次沒有是這裏招牌的朱古力飲品，但到來的朋友，可以試一試。今次沒有點的一道餸是啫啫煲，這道餸亦值得一試。但入座需要人齊才可以，這一點比較不方便。泊車的朋友，可以在南山村的屋村停車場停泊。

經過深水埗，搜尋到呢間最熱門的餐廳，附近又沒什麼好選擇，決定來試試。🌈假日也有lunch set，點了一個咕嚕肉菜飯加一個炒飯。每個ard$40，還有飲品，抵食。上菜速度快，一下單不用多等兩碟菜就上枱了。上碟時和一般的茶餐廳冇分別，味道合格，是好食的不過沒驚喜。咕嚕肉大大件味道濃郁，菜算多幾條。不過炒飯就非常普通。飯是粒粒分明不過味道非常一般。點了一杯奶茶，茶味重，不稀身人非常多座位狹窄。試一次就可。

我其實唔係poly人，但之前朋友帶我黎我先識黎～ 叫餸食飯黎講唔算勁平，但都OK，又好食。如果食完個胃仲有位的朋友，仲可以去埋出面食炭燒雞蛋仔。講返正題先，果日我地叫左黑松露瑤柱蛋白炒飯、風沙雞、賽螃蟹、蝦籽豆腐鍋、金銀蛋浸小白菜。同埋叫左兩杯凍朱古力（其實我都唔知點解，但我朋友話黎呢度一定要飲，其實係濃既但又無咩特別）叫呢幾個菜都係出名既，風沙雞一般，瑤柱蛋白炒飯好食，唔係太咸又唔乾。賽螃蟹都好食，但係一定要餸飯，我地叫得太多餸唔夠飯XD。金銀蛋浸白菜都好食，超鐘意食。豆腐鍋勁多蟹粉/蝦籽（唔記得啦）但都係果句，就咁食咸左少少，要餸飯。總結而言叫左既都好食，而且份量好多。我地3個男仔1個女仔食得超飽，環境一般。我地坐到最入，未係好多人既時候係無問題，但一多人就勁大油煙，佢得冷氣又無抽氣扇。所以食完就急急腳走左，順便食太飽要散步。聚會如果你想食完飯仲可以坐耐D傾下計既就未必太適合。

早排約咗我冇見10年嘅中學同學大家討論食啲乜我一諗起就會係南山村品香樓以前中學喺九龍塘返學夏令時間放咗學都鍾意去品香樓每次去親都要嗌牛仔骨菜飯飲品識嗌嘅一定要嗌凍朱古力加cream仲記得讀緊大學嗰陣時約朋友去九龍食飯夜晚晚餐都要介紹佢地去品香樓小菜一定要叫馳名沙拉骨黃金蝦同風沙雞今次再返嚟食就除左點左海鮮雜菜煲雜菜煲嘅蔬菜一啲都唔小最開心係有好多西蘭花另外點左火焰牛仔粒凍凍地食覺得超有feel個火好吸引好有gimmick朋友點左個椒鹽九肚魚我覺得一般般有啲油嗌風沙雞應該會開心啲短期內想再食多次！