品香樓中西風味餐廳

營業中

休息中

本來，我無唸過係呢d地方食到好嘢，重要係街市上面，心唸，老公乜料食嘢食到去街市，山長水遠楂車入去食街市d嘢，原來要去呢度食，本住一死以謝天下，點知又幾好食播，炸大腸，超趣同爽！食埋個出哂名既南乳豬手，南乳味濃，豬手又趣！好少食炸嘢既我，真係食左好多好多，加埋個通菜，無得輸，可惜無得飲凍朱，但飲呢2 杯都好好味！唯一可惜d人好唔自律，當係街食係自己屋企咁，食到拍枱拍椅，又咆哮又超大聲講嘢，座位又逼！搞到零氣氛！！

行過南山邨, 記得呢間品香樓係幾出名,有幾個朋友都推介過, 讀CITY GEI人應該都識佢一試果然名不虛傳由於人少少, 我地只係叫左一個黑椒火焰牛柳, 一個咕嚕肉同一支藍妹,個咕嚕肉比一般餐廳做得好, 唔會成舊粉, 咬落啖啖肉個黑椒火焰牛柳係重點推介,  佢個汁應該加左D蜜糖, 黑椒味得黎又有D甜甜地咁幾夾牛柳腍身唔會"UN", 以前出街食牛柳最驚食到D成粒又"UN"又痴牙,呢度GEI牛柳完全無呢個問題不次多D人可以再黎試下佢其他小菜

今日約咗女朋友同埋啲同事食呢個生日飯咁同事就話想食呢個石硤尾品香樓喎佢話覺得好食嘅咁我地就揀咗去石硤尾品香樓食啦入面都幾多位 幾大下只係衛生麻麻地價錢方面同一般大排檔酒樓就差唔多啦佢都幾多嘢可以食仲有個熱賣排行榜添我地都是但點咗幾樣食椒鹽九肚魚唔記得咗賣相唔錯 點啲椒鹽入味惹味但係佢有骨嘅南乳炸豬手豬手得幾件 冇乜肉 得啲皮南乳都一般 味道調味麻麻金銀蛋唔太掂 味道唔係淡 係直頭唔好味風沙雞幾香口 脆皮 同炸子雞一樣算唔錯嘅明太子炒飯一般般 唔覺有啲咩特別凍朱古力上面忌廉幾得意朱古力味唔算好濃甜度適中牛仔骨得幾塊 份額ok 但個汁幾好味 都唔錯總體麻麻地菜色唔算特出 但價錢唔算抵份量比較少性價比低雖然係鋪頭入面但可能位於街市上方地方比較污糟

坐圓枱真的迫到咩咁囉！背脊貼背脊、仲要有侍應從中間經過送餐，仲差過大排檔。食物質素係唔差既，不過環境就唔得囉～　我明白鋪租貴，但係環境唔得其實都係趕客囉，以為真係有咁多間澳牛咩？！繁忙時間真係不宜幫襯，寧願行遠ｄ去食貴野，都唔想貼錢買難受！

今日下午要去石硤尾上training....早上開會又遲左...的士去到已經點幾，唔駛等位就有得坐喇....平時嘅我會食雞翼或沙拉骨菜飯...今日打算試新野，食星期一快餐，叫左蝦膏櫻花蝦炒飯，熱檸茶...好快就到喇！等嘅期間，倒瀉水...都未叫，就聽到個疑似話事人，立即同佢啲伙記講「聽到聲就要去做」...伙記立即衝過黎幫手抹，仲好細心話整濕我地就唔好，我地仲要番工。個飯好大，料好足，有脆脆嘅蝦皮、蝦仁、同有少少魚肉....好味啊！

Farewell 同事食局，收工山長水遠塊南山村食晚飯，自然畢業之後都冇黎過，今年可以重拾到當年味道，好懷念。同事一早book位，預訂埋招牌菜：手撕雞我第一次食，原來係凍食，肉身好滑，而且撕得幼條，配招沙薑汁食更開胃🤤大家食剩雞骨。蝦多士，多士好脆好香口，蝦又大大隻，加上滿滿芝麻塊炸，又香又滑口，唔泡點醬都好好味，咬落口又唔會標多餘油，正！火焰牛柳粒，呢款又係長青招牌菜，有火燃燒牛柳，但牛柳粒分量略為少，汁太多，唔及當年火喉。（冇相😭）南乳炸雞翼，皮脆、肉香，送酒一流👍🏻特登叫碟清炒菜心平均一下咁多油膩食物😬

琴日諗住一家人去食飯，叫咗幾個菜，菜又小又貴，味道又唔好，得個油字，一定唔會再幫襯，自從出左名後，越來越難食，質素差了很多，不值呢個價錢，份量又小，食過一次唔會再食

品香樓位於石硤尾南山邨，平時去完九龍塘睇戲或者去完城市大學都會喺嗰度食嘢。到訪當日，我地點嘅係椒鹽豆腐、中式炒牛柳同西檸雞。雖然食物要等好耐先至上到嚟，但係係食物嘅質素都不俗。尤其是係椒鹽豆腐，外層炸得非常脆，而且配有七味粉，豆腐很軟滑。中式炒牛柳上菜的時候下面會有真的火在燒，令食物可以保持熱度。牛柳配上側邊嘅紅椒、黃椒、青椒同洋蔥，食起嚟非常惹味。西檸雞炸得，非常之好吃，配上外面酸酸的檸檬汁，又甜又酸，非常開胃。

有下次! 下次會試炸猪手伙記都有禮貌 按鐘仔就有人黎落單 但如果想加茶 就有排等喇 哈哈 實在太旺 見其他食客嘅炸豆腐 ， 炒飯同凍朱古力都好吸引 但提提大家泊車要小心 為左呢一餐 我地要俾多320呢～ 哈哈哈

不愧為城大食堂，真係好好食！叫左呢度出名既風沙雞同南乳炸豬手，另外仲叫左西炒飯同節瓜粉絲煲，一共4碟3個人食，份量十足，超滿足！味道方面4道菜都一流，夠鑊氣，風沙雞皮脆肉滑、面頭既炸蒜都好惹味。南乳炸豬手炸到脆卜卜，同埋切細塊上，易入口方便食，絕對係誠意之作。節瓜粉絲煲啲調味做得好，粉絲都煮得啱啱好，唔會太淋，又滑又爽口。西炒飯比起前三碟，顯得普通左啲，普通蕃茄醬炒飯加埋啲麻麻地既雪藏蝦，可以唔洗叫。最有驚喜既係個凍朱古力，加埋面頭一堆cream,真係好邪惡，但真係好好飲！咁濃既朱古力唔係間間茶記都做到總括黎講，係超滿意既一餐，性價比都ok!題外話，待應好幽默，雖然坐得有啲迫，但我最中意呢度既係啲卡位私隱度滿分！

食過幾次品香樓既午市印象都唔錯，今次係又一城睇完戲就一心行過去食個平價下午茶~又一城行過去都唔算好遠，大約十分鐘路程，途中南山邨馬路旁枝繁葉茂，有如走過林蔭大道，令我對呢個覓食之旅更期待。下晝3點幾，可以直入坐卡位。夾心西多士 ($31)可能睇得多其他名店既夾心西多士橫切面圖，對餡料一湧而出既畫面幾期待，迫不及待地搽上盒裝牛油、淋大量蜜糖。可惜最期待既畫面並未出現，花生醬餡少到唔多覺，亦唔係粗粒花生醬，花生味微乎其微。只可以話佢就係熱既西多士，以呢個價錢黎講有少少失望。雞脾配薯條 ($31)可能諗多左，自動假定為炸雞脾，但實物冇想像中咁香脆，細細隻亦唔太多肉，但熱同嫩滑入味既。薯條香脆，感覺較乾同確喉，整體質素一般。眾所周知品香樓最出名就係朱古力，所以跟餐飲品加左$3轉凍朱古力，但上台時驚見面頭冇最珍貴既一大堆忌廉，問左阿姐先話忌廉要再加$3，即係前後總共要加$6先飲到，都係不了。後來睇哂成個飲品餐牌都唔見忌廉朱古力或朱古力既選項，所以單價同跟餐價錢係咪好似阿姐所言咁矜貴依然係一個謎。環境同服務都不過不失，下午茶性價比不高。

今日係九龍塘附近上完堂，下晝4點有d肚餓，又唔想食又一城既貴餐，於是行左去南山邨搵食。 見好耐冇食品香樓，下午茶餐幾抵就入左去。 夾心西多士 ($31) 配朱古力夾心揀左花生醬，但炸得唔太透亦搽得唔夠花生醬，不過蜜糖、牛油、多士、花生醬呢個組口係香口惹味既。凍朱古力沖得幾濃，飲埋都幾飽，但整得唔算快，都等左10分鐘先上。　雖然明白人流不絕，但出品速度有待改善。 普通茶餐廳既座位，如果多人要坐一邊搭台，阿姐亦唔算好好招呼呢。

品香樓一直都係附近大學學生既飯堂，勝在價錢合理，份量多。我地4個女仔就嗌左3個餸加每人一杯凍朱古力。1️⃣咕嚕蝦球🦐不過不失2️⃣火焰黑椒牛柳粒🐮一放上枱既時候，見到仲有火燒住，果然係“火焰”牛柳粒。最好食係依個，好入味，好味到我朋友連配菜都唔放過，清晒。3️⃣避風塘茄瓜🍆超熱辣辣，份量比想像中多。但唔係太入味，只得外面既炸粉比較入味。4️⃣凍朱古力🍶品香樓最出名的必定係凍朱古力。佢既份量都好大杯，而且加上一大堆cream，成為成杯朱古力奶的亮點。可以見到在場既人，超過一半人都有嗌黎飲。

好耐冇黎品香樓晚飯, 黎到先知原來佢哋已經搬咗去隔籬幾個鋪位, 我哋訂咗位都要等十多分鐘左右, 今晚被安排坐在兩行卡位中間位置的圓檯, 兩邊勁窄的行人通道, 窄到一個大人行過都唔夠闊個種, 今晚背脊勁受罪, 每個人行過都會揩到我背脊或被大力撞到, 真係火都嚟埋, 但又唔怪得人家,  成餐飯感覺非常難受, 我唔介意坐逼啲, 但好介意比個個途經既客人撞囉, 相信坐卡位嘅食客會好啲, 真係新不如舊鋪, 總言之短期內一定唔會再嚟食！大眾化鑊氣小炒, 最緊要係價錢也非常大眾化, 故一直都客似雲來。椒鹽鮮魷薄薄的脆漿, 炸得頗乾身, 魷魚juicy爽口, 椒鹽落得唔多, 拈些香醋食, 幾好食。蒜蓉蒸勝瓜 ($60)沙薑豬手 ($88)全晚亮點, 豬手上鋪滿沙薑薑蓉及蒽蓉, 豬手皮爽滑, 豬手肉也腍滑, 撈埋沙薑蓉一齊食, 非常香口惹味剁椒水庫魚頭 ($88)魚頭蒸得滑嘟嘟, 剁椒香辣, 鹹度也適中, 魚頭新鮮, 完全唔腥, 味道不錯。蒜蓉大蝦糯米飯大蝦蒸得過了火喉, 有點鞋口, 糯米飯細細粒, 乾身, 口感煙韌, 撈埋蒜蓉食, 鹹鹹香香, 衹是食到底部比較多油。整體佢哋嘅食物其實唔差, 至少好味得

素來想去石硤尾食品香樓, 但不會無端端經過石硤尾,難得今日得閒,特意和外父外母上來石硤尾,試試品香樓,巴士站落車後也要上一點斜才到,六點半來到已經有六七個人喺門口排隊,心下一沉,幸好去到剛巧有張四人枱走,不用等位便可以入去,入面茶餐廳格局,幾窄,有張四人卡位,最有趣是可以按鐘叫人埋嚟,好像沙X王一樣, 新科技融入舊式食肆是改善生意的方法之一, 四人點了粟米雞茸羹$82貴錢偏貴,但份量算多,起碼有十碗,當然嗰度D碗比較細,味道幾好,諗唔到食咩可以一試南乳炸雞翼$78LEE度招牌菜,味道再鹹一點會更好,南乳味不夠,但炸得外皮香脆,有7隻雞翼仲好大隻蠔仔肉鬆煎蛋$82這個不像一般蠔餅炸得太乾,而係似菜脯煎蛋嗰隻質感, 味道好夾,人人也讚不絕口,火焰蜜椒牛柳粒$108名菜之一, 除了出名更有視覺效果,會在客人面前點火,鍚紙燒得出聲亦可保溫,牛柳粒鎖緊肉汁不會好難咬,配料洋葱和青椒都好有黑椒味,值得推介什菜煲$78相當豐富,有蝦米,生菜,白菜仔,粉絲,什菇,鮮魷, 湯很清沒甚麼油,很適合老人家,簡單的一個餸凍朱古力$21食評很多人也選,我當然也試試,點了兩杯,其中一杯走忌廉, 方便試味,其實差不