品香樓中西風味餐廳

營業中

休息中

我拎左2人飛 同我講卡位等陣先 咁我就等佢叫位入去 等緊時 我發現一直有好多人都唔需要拎飛就入得去 咁我去問佢 問佢前 仲比我發現 有2位無訂位 就直接入坐在卡位 位置 而我都好很定佢地都無訂位的 我問佢 唔喺應該我地可以入去先喺？佢話 小姐 都喺岩岩有位咋嘛 等多一分鐘姐。仲同我講 咁我岩岩喺味有叫你等呀？ 其實咁樣我拎唔拎飛有咩分別呢？當時我喺覺得喺佢態度超差 所以我決定去第間食。

今日夜晚同朋友去左石硤尾打波,打完波,朋友建議去南山邨食宵夜,一直聽品香樓好出名,終於可以去試下,10點鐘去到都幾旺場,可能咁岩附近大學完左event,見佢地好多著住一樣既衫,我地叫左南乳豬手,沙拉骨,炸子雞,炸大腸同呢到最出名既凍朱,呢到既凍朱,出名在於會有cream係上面,諗都無諗過屋村茶餐廳會有杯cafe既朱古力係到哈哈,其實大部份野食都好好食,炸子雞,炸大腸都係即叫即炸,但呢到既服務態度認真麻麻！十問九唔應之餘仲好似催你走咁,冷氣開到勁大,想同朋友坐多陣都唔得,好食係好食,但唔會有下次

食住香港地道風味❤️❤️❤️南乳炸豬手：必食！ 塊皮煙韌香脆！真係外脆內軟！一試難忘😘 😍 強勁鑊氣！ 個炒芥蘭係脆ga👍🏻 氣氛熱鬧，比較迫，但卡座都坐得舒服 👍🏻 d待應 姐姐都有禮貌，抵讚 ❤️🙆‍♀️ 上菜頗快、仲要大份量南山邨品香樓一直都廣受好評，所以一直都好想試！ 嚟到試，嘩，真係超水準👍🏻 個炸豬手真係必食，唔十分喜愛食豬手既我，連食3隻！ 仲要一邊食一邊打算買一盒做宵夜😆 每個小菜都好精彩，仲要好抵食！ 3個人8碟嘢，每人只係二百蚊 😆😆😆 小提示： 係吖book咗位都要等十幾分鐘，耐心d 啦 ～ 😆

位於石硤尾既品香樓相信係一眾城大學生同埋石硤尾打波既人既必食飯堂。品香樓到底有乜吸引之處？首先係佢有好多張大圓檯，岩哂學生re-u或者成隊波黎食飯！唔駛驚要分檯座！呢樣真係好重要。至於野食，佢大部份野食都幾好食！個人就鍾意食佢既鮑魚汁章魚雞粒撈飯同南乳炸雞翼！每次都必定會叫！雞翼大隻又juice,而且炸得香口！不過因為經常都叫所以今日就無影相。野飲方面，好多人都會叫佢既凍朱古力，因為夠濃之餘仲有cream 喺面，的確好吸引，不過我自己就鍾意飲佢既蘋果沙冰，清新又消暑！

大學既時候，幾個朋友會專門走去南山邨品香樓食野，因為抵食、大碟又好美！不過，今次重到品香樓，味道就大不如前啦 被譽為必食嘅南乳豬手，香脆可口，不過就無咩南乳味！雖然唔太油，不過份量就少好多了，等大概6粒。炸魚仔，呢個就最好食，多脆內軟，又鮮爽！送飯一流既！干扁四季豆，配有最多肉碎，絕無草腥味，整得算唔錯吧，不過，就有啲咸，愈食愈口喝呀！整體來講，等位時間不算太長，價錢比起其他大排檔貴左少少，而且整體都偏咸。

今日放假，同男朋友去左又一城行街。行到五點幾就開始好肚餓，男朋友突然想起以前食過呢間品香樓好好食，差不多有5年冇黎過，就帶左我去試下！我地行到品香樓差不多夜晚6點。聽男朋友講呢度好多人等位，早啲食好，結果我地6點多啲就入左去食晚餐我地叫左三個餸，有火焰黑椒牛肉粒，椒鹽九肚魚，仲有個翡翠象拔蚌。我個人最鐘意個牛肉粒，真係有火焰係個底到燒緊架！超特別，有熱辣辣咁，超惹味！三個餸埋單都係200幾蚊。非常抵，食得好滿意！

石硤尾都算有很多懷舊嘅地方！好似我哋呢班年過50歲和60歲嘅土生土長香港人，開始講下懷舊事，裏面很多樂趣和回憶呢！今晚友人就帶我們去食一間很懷舊嘅地方食飯，經過嘅地方都好有歷史，再襯托埋又有小小雨水，黑黑地路口穿過客窄的地方，終於到了"品香樓"飯店，外面看很普通一間食肆，入到去原來很有驚喜， 很多懷舊相掛牆， 用粗嘅木紋做抬及牆做裝飾，當然影下相留念啦！好了！都係介紹今晚食嘅餸先炸豬手呢個最好食 豬手好少食炸炸到味道好香口 再加埋南乳醬 一流避風塘九肚魚九肚魚 香口無骨(火)蜜味牛仔骨有火㗎燒住嚟食熱辣辣明太子炒飯好多蔥粒和蟹子涼瓜炆魚塊入味西湖牛肉羹清清地好好味道牆壁有懷舊相襯托埋單要撳鐘通知職員好搞笑

在附近freelance job不想餐餐天價百多元又一城食lunch，另一邊的南山邨簡直是一個天堂。同事來一般很多人一起來，叫小菜，今日人丁比較單薄，於是決定散叫。一至日會有不同類型快餐，唯獨菜飯餐日日有，有五款選擇。蜜核沙拉骨菜飯，很適合小朋友口味的大朋友，甜甜的罐頭蜜桃，越食越甜。稀稀的沙律醬扮演醬汁的角色，濕濕的很好送飯。原本以為是一間在舊屋邨內的普通茶餐廳，回家後看openrice才知這間店那麼有名，那麼多正評。

還記得以前在City university 讀書的時候，常常會和一班書友仔係趕完project 之後就黎呢度食晚餐,餐廳環境一般，侍應的服務態度也一般，但食物質素高，價錢合理，而且又大碟，係一個食晚餐嘅好地方。今次我哋一行四個人黎呢度食飯，我哋order左口水雞，明太子炒飯， 咕嚕肉，牛仔骨。口水雞又辣雞肉嫩滑，明太子炒飯炒得粒粒分明，好好食。咕嚕肉合理，不過不失。反而牛仔骨有點兒令人失望，牛仔骨煮得過火，咬唔到。

今日口㾗想食個中式晚餐，老公就提議久違嘅品香樓來回味一下，今日平日晚市，人流唔太多，所以都唔太嘈，位置都較寬敞，我地一行二人叫左乳鴿兩隻，避風塘牛仔骨，咸蛋黃炸蝦，同兩杯凍朱古力，乳鴿係有啲油，但係就好脆，唔會太咸，其實都唔錯，避風塘牛仔骨比我想像中好，因為個人其實唔太喜歡落過鬆肉粉嘅肉，覺得口感欠缺，但佢又味道搭夠，而且唔係真超軟個隻，有啲質感可以咬下，到個咸蛋黃蝦，其實我個人唔太喜歡食蝦，不過老公鍾意當然係就佢試下，佢就覺得香口夠脆，但我食落就覺得係平日在吃媽媽的住家菜一樣，鍾意食蝦嘅朋友都可以一試無償。凍朱其實都唔太多講，全世界基本上都係飲個杯野飲，我以前都覺得幾好飲，不過人大左，飲呢杯野，一飲就知係藍紫色個罐朱古力粉沖，好似無咩特別咁⋯⋯⋯

在計劃今個爸爸節食乜好時，爸爸突然提出想試「品香樓」，因為我曾經講過好食同抵食。雖然我從心底都想食，但我還是再三強調是平民中式餐館，始終是慶祝爸爸節，平價餐始終不好意思嘛😜。先講環境，當晚我們準時6點到達（要預約），以為這些節日會有3好 - 好迫、好嘈 以及 好趕，但今次比我想像好， 可能是因為擴充了，所以Set檯都鬆動左。而上菜確實非常快，明白這些日子想趕住番檯，但當我地好配合快速掃晒10個餸時，服務員又無任何舉動示意我地交檯，而且伙記都是有禮同有耐性，呢個抵讚👍最後最後，當然講下餸菜既味道，其實大部份都保持一向水準（食過3次都無中伏過），所以唔多講，睇佢版面4星以上既照點都唔會差，但我想推介當晚跑出既竟然係「炸豬大腸」，這道爸爸年代的菜式令爸爸話呢間餐館要encore 😃

品香樓，未去過，但個朋友話唔錯，亂點都入得口，我又抱住，亂入食下的心態，去試下。係石硤尾站出，行咗10分鐘，就到南山村，個屋村，好有香港舊式屋村的風情，港味好濃，好鐘意。間店係在南山村街市，重要係2樓，開頭唔識路，係禁係地下揾。7點左右到，都幾多人排隊，但門口個大姐講，搭枱即刻有位，禁我當然，即刻話ok.霸皇雞半隻($130)--- 好盞下，第一次食到有蒸魚感覺的蒸雞，幾特別，味道ok, 可以接受。椒鹽豆腐($82)--- 豆腐味唔出，冇豆味，內面唔滑，普通嘢，唔值82，42都比多。

品香樓一向都係好多大學生嘅飯堂，自從喺又一城巿大學畢業之後，好耐都冇再食過品香樓。今日翻返嚟呢度，又有一種重拾校園生活嘅感覺，可惜是日如梭，我已經唔再年輕（流淚）。以前去到品香樓，我幾乎每一次都會食蜜桃沙拉骨，雖然明知道佢係好難去骨，但係佢個醬汁真係好好食，再加埋蜜桃嘅香甜味道，令到成個沙拉骨都真係好吸引，用嚟送飯就正。今次同朋友一齊你，幾個人可以叫多啲嘢食試吓。我叫左炸豬大腸，完無羶味，十分香口，外面脆卜卜，裡面軟林林，正！之後仲要再風沙雞，蒜片嘅味道好重，而雞肉十分之嫩滑多汁，又唔會太油膩，比起炸子雞仲多咗一種蒜嘅香味，可以encore!

中午送貨經過南山邨，有D肚餓，問吓D街訪有乜好介紹，有人介紹樓上品香樓，即管試試，一到現場環境不錯，睇完餐牌，午餐椒盬豬扒飯$40，，，底即刻試試，豬扒好淋，味道不錯

今晚有外國親戚返嚟香港，就即刻帶佢去品香樓食嘢。一直都覺得品香樓好有大排檔嘅特色，而且夠晒火候，夠晒風味。我已經食過品香樓無數次，但係今晚就覺得品香樓嘅水準開始下降。蒜蓉蒸蝦糯米飯，推薦指數：2.5/5第一次食呢個飯，糯米飯好軟綿，而且落咗好多蒜蓉，味道幾香，但係啲蝦就冇咩味，同埋師傅放得太多油，好漏。蜜桃沙拉骨，推薦指數：3/5已經食過幾次，但係今次就覺得啲沙拉骨好多肥膏，好邪惡，不過都算好味，尤其啲沙拉骨炸得鬆脆。蒜蓉蒸勝瓜，推薦指數：2/5呢度餸煮得太hea，廚房只係將勝瓜加啲蒜蓉去蒸，味道好一般火焰牛柳粒，推薦指數：4/5已經食過好多次，都仲係咁好食，牛柳粒夠嫩，配埋甜蜜醬汁，好好味臘味芋泥煲，推薦指數：2/5廚房落得太多椰汁，所以好水。芋頭鬆化，好味，不過基於太水嘅原因，整體味道就變差