品坊 (已結業)

食自助餐又唔一定大時大節既 仲可以係因為平同抵 網上可以見到折實三百左右既優惠食物方面話哂酒店buffet 呢個價要好grand未必有 但係麻雀雖少五臟俱全 最印象深刻係海鮮類先講長脚蟹 兩個人攞左四碟以上蟹脚 我奮戰左小半個鐘剥哂殼先一次過食 見到堆到滿滿既蟹肉超滿足 呢度既蟹脚幾肥美下 唔會瘦猛猛 呢點好重要 咁先對得住剥得咁辛苦既自己除左凍蟹脚仲有熱蟹鉗 一樣好食 另有冷熱青口 凍蜆熱蟶子 凍蝦凍龍蝦仔 選擇算幾多 當中鼓椒炒蝦子唔係好多間有 似乎比較受歡迎 想翻兜都已經俾人清哂講起海鮮不得不提最多人排隊既主角生蠔 師傅即開生蠔 夠哂新鮮 全晚無停過手 人龍都無斷過 品種有法國蠔同愛爾蘭蠔 size唔算大大隻 不過味道絕對不俗 難得對生蠔唔多like既我都覺得入口係好食喎魚生方面相對遜色 唔係話類別少 而係無專人即切服侍埋 感覺係無咁pro 不過三百蚊仲想點 唔岩既咪食多啲海鮮回本Parma ham凍火腿類排得都幾靚 我就只係淺嘗 鵝肝無不過有鴨肝多士 其他冷盤都有試些少 例如芝士蕃茄 凍牛展熟食類除左提過既海鮮仲有羊架羊架同羊架 提三次因為我食左三幾件xP 有即切扒不過怕厚怕

我同個friend係8月18號夜晚黎食第一時段buffet，咁岩又係坐上次同一個位XD，講返正題先今次個海鮮promotion真係好吸引，熱食方面有蟹鉗、蟶子、青口、蒸魚等，冷盤方面有生蠔、海蝦、長腳蟹等，普遍質素都唔錯但蟶子腥味好重同有食到有沙好掃興，服務質素大提升，收碟快，加水快，有禮貌又有笑容，侍應Will,Mandy同另一位女同事既服務都好好，呢有三位同事都值得一讚，總括黎講今餐食得好開心

話說早排見團購做緊特價2個人$490+$179（附加費）有生蠔、泰式生蝦食就諗住試下！一去到佢真係人手即開生蠔 每人每次只限2隻重點係好咸 就連浸過清水都好咸又細隻 最多試過一次過食30隻蠔既我 都頂唔順食左10隻就唔想再食諗住去食泰式生蝦補返數啦....佢一大盤三文魚中只有20隻左右泰式生蝦 三文魚就一大堆 換句話....佢淨係換左一次泰式蝦出黎....我食過咁多間自助餐未試過咁差 超度縮...又小款式...花雕酒雞翼硬到咬唔入、豉椒聖子淡而無味、炒飯乜咪都無、所有蜆蠔聖子都有沙🤮濕紙巾都無張 野飲同飲水無分別 唯一值得欣賞既就只有果個開蠔師傅 快狠準！依家野我唔會再食 食個價錢去食放題會開心好多 依度食完好似無食過一樣 原全唔知自己食緊咩 返到屋企仲要肚痾左兩次 但同行人無事....垃圾、垃圾、垃圾......

唔駛三百蚊就食到酒店自助餐，好似幾抵咁喎。今次就嚟試一試先！book咗位六點鐘入座，餐廳都幾多人咯喎，過陣都差唔多滿座了！ 最吸引我嘅就係呢個價錢都有生蠔食，仲係即叫即開嘅！生蠔幾新鮮呀，味道鮮甜。好似唔小心食左兩打，哈哈。另外仲有唔少嘅凍盤，有長腳蟹啦，refill都幾快，唔使驚俾人拎曬。 仲有即叫即切嘅刺身三文魚，都幾新鮮，夠肥美 。另外仲有北寄貝呀，吞拿魚等刺身。 甜品都有唔少選擇，雪糕仲係haagen dazs添，雖然要自己動手筆，不過都唔錯啦。

一年一度約咗班舊同學出來聚會，本來諗住會同班朋友食個滿意嘅自助餐，難得咁耐無見，本來係想 book 另一間因 full 晒就網上搵咁啱見到呢間做緊半價，就決定咗試下呢間，到了當晚有些朋友 6pm 早到就食咗第1 round.,食物係選擇唔多，當我七點幾到，我朋友就叫我快些出去拎食物，因為話好慢先會 refill. 我出到去的確係好多都無晒，又無人來 refill. 當時應該係最旺嘅時間，但唔明白點解無晒嘢都唔加食物，但 d 嘢大部份都係平嘢，雖然我明白做得半價再加一，我唔會有咩要求，但最搞笑係每有樣嘢拎咗出來，食客個個都急急步要走去搶，唔係就無晒嘢食，一間國際品牌酒店嘅自助餐廳要做得咁平又俾唔到質素，無做好過做，食客食過一次就會無下次，包括我在內，真係未試過食自助餐食到咁勞氣，所以呢間係我食過最失望嘅自助餐。

見某團購特價2位480，加一服務費176，除番開每人328都算低，主打係食生蠔，第一時間拎每人每次限拎2隻，蠔。。。好咸都唔覺鮮甜，牛尾羅宋湯好咸，紫色豆腐湯好淡，乳豬尚算好味，剌身種類很少，吞拿魚只有一少片三文魚三片，有壽司，雪蟹腳每次拎十幾廿隻腳出來，排得隊黎都無哂，生果新鮮， 避風塘炒蝦 辣得黎好食，多寶魚都唔差，有沙律bar 有最愛薯仔沙律， 水牛車芝士配蕃茄，甜品唔好食 tiramisu 拎到自己位都溶化咗整體 唔係好多好嘢食

星期六晚冇住家飯食， 一個人上網搵嘢食，睇睇有咩優惠， 搵到呢間酒店自助餐竟然做到半價…… 計過數即係三百蚊唔使可以食到自助晚餐實在令人驚喜， 同埋註明有即開生蠔，喺香港真係好難得！ 佢哋嘅晚餐有兩輪時間， 第一輪開始時我還未放工， 於是經網上預訂第二輪(20:15~22:00)。於當天晚上自助餐開始時間早十分鐘去到，已有數十人聚集餐廳門外等候排隊入座，就坐後梗係試下即開生蠔先啦！有師傅即開每人派兩隻，魚生只得兩款， 惟獨小弟只愛吞拿魚， 咁佢哋又冇所以冇去攞，可能口味關係~感覺到呢款生蠔比一般嘅咸，就算頗為愛吃生蠔的我前後都只吃六隻便算了。其他海鮮/冷盤都不外乎例牌貨色，反而極力推薦一款熱食~葡式燒乳豬。皮脆肉嫩，不過食得多會有膩嘅感覺， 所以都係「量入為出」。另有一款熱食， 酒店自助餐都用佢做賣點嘅大虎蝦，實在不敢恭維。 唔知係咪用嚟做賣點預先煮咗好大量，只感覺成隻蝦都淋曬， 蝦肉有一點點霉霉哋，燒牛肉頗有咬口~ 要嚼好多下先咬得哂，但未至於柴皮囉！ 其他熱暈有雞、牛、魚、咖哩、飯、炒米粉、燴意粉，仲有即淥粉麵檔，算係好多嘢食！甜品選擇亦算多， 加上「H記」雪糕有六款，唔算 失禮。

忽然間朋友J和S想吃自助餐，大家在團購網上隨意選了這間，我打電話預約，由於5月差不多滿位，所以最後選擇6月的星期日來吃。大家興致勃勃來吃，但發現熱盆菜式一般。豬腳薑的雞蛋有點硬； 龍脷柳已不敢吃(在工作地方裡吃到怕)；還有不錯的焗薯仔，接著就是炒蔬菜，隱約記得種類不多。我覺得最好吃的是凍海鮮龍蝦仔、蜆及烤三文魚TAT，還有師傅現場製作的印度薄餅！三文魚刺身一般；印度咖哩都好吃，但我吃不得辣，所以只淺嚐了一次。雖然說星期六、日有生蠔供應，但質素我覺得一般，有腥味。食到這時，我真有點失望。但認真，當我看見甜品區時，我又充滿希望，但誰知等待著我是深深的後悔！左上角是意大利芝士蛋糕，它是最難吃！那陣味兒我真的捱不下去；下面蘋果卷外面的軟綿綿，毫無鬆化可言；圖上其他相比下還可接受。我覺得最為出色是這兩件好（雖然其貌不出去）。說真，這樣的價錢這種食物種類質素的自助午餐，我覺得不值。

環境清靜舒服，但食物水準非常非常一般，當日魚生不是太新鮮，咖哩牛腩應該不是當日烄煮的，十分硬，難以咀嚼. 侍應數目可以,但係只有一個廚師負責煮粉,整印度薄餅,切牛肉等等,由於當日唔係太多食客所以都唔算等好耐, 但係如果食客多就難以想像要等幾耐了.當日去試食午市Buffet係因為有半價, 但係經過今次如果再有半價都唔會再去了。

因為爸爸話想食自助餐，見用eatigo apps book呢間酒店buffet有半價，就諗住試下lunch buffet ，原價要450加一，心諗原價要呢個價錢，應該唔會差得去邊。半價左每人2百幾，但去到坐低已經覺得唔多對路，冇乜人食，又好似唔多野食，拎左第一轉野食就知道中左伏：先講熟食，有d係正常但選擇少，煎龍利柳竟然咸到苦，碗中湯其實只係有顏色嘅水。生蠔望到都唔吸引，食落又咸又腥，雪糕冇晒又冇人fill，最後係得沙律、意粉同甜品係正常。一家4人埋單都差唔多成千蚊，雖然已經半價左但lunch黎講唔平，但最後家人一致評價係難食，亦因爲咁大家都食得唔飽又唔滿足。但我上到黎呢度見到咁多好評真係完全諗唔通，呢個質素我覺得連半價後嘅價錢都完全唔值，所以希望大家唔好中伏，亦覺得作為一間酒店餐廳應該要檢視下食物質素吧？

假期可以懶床係一件幸福事，一起身已經係午餐時間，阿sir 突然話想食自助餐，好多地方都已經full，唯有努力響OpenRice 搵料，誤打誤撞搵到筍嘢，品坊5、6月網上做bookinghttps://goo.gl/VQ6pkB有機會得到5折優惠，即試見到仲有位簡直不可思議，有兩個時段，而每個時段食一小時45分，我哋揀咗6點，而當晚入座率眼見只得6成，初頭仲以為中伏，完全無期望，點知原來係一個驚喜！😃😃😃海鮮•••••即開美國生蠔、加拿大蟹腳、凍蝦、白蜆、小龍蝦～生蠔每次得兩隻，新鮮嘅生蠔我會食一打，呢度生蠔鮮甜得嚟又重海水味，超正食到停唔到口，美中不足係有碎殼；蟹腳太幼而鮮度又差dd，食一轉無再encore；凍蝦蝦味較淡，好麻麻；蜆鮮甜多汁無沙，食咗好多好多；小龍蝦係阿sir至愛，唔係隻隻多膏同大隻，但總算新鮮嘅刺身•••••三文魚、吞拿魚、𩶘魚、希靈魚～一d都唔吸引，三文魚未見肥美；吞拿魚只見過一陣子就消失咗；其餘兩款完全無興趣冷盤•••••沙律、壽司、泰式生蝦刺身、巴馬火腿、雜錦凍火腿、蕎麥麵、芝麻豆腐、芝士併盤、鴨肝醬多士、花雕酒雞翼...～巴馬火腿、凍火腿夠凍好好味；5款芝士都

屋企人見用某 apps訂有5折，所以就book自助晚餐試下 (折後每人$220)。去到行個round睇有咩野食，有d失望。。。d款式勁少又唔吸引。。。海鮮: 蟹腳好幼冇咩肉，蝦還算ok既，仲有青口同蜆壽司魚生: 三文魚和北寄貝刺身算新鮮，但壽司個度呢，一大舊飯，冇壽司醋味，好難食(呢個係我個人口味)冷盤: 沙律菜有唔同款，仲有涼拌既野或者日式海草，螺肉。另外有d好霉既煙三文魚😖，火腿片等等熱食: 食左和牛粒(冇牛味又勁乾)，其他野我覺得都好唔吸引😓 甜品:算係多款，但大部分唔好食，普通餅店質素仲好。 haagen dazs雪糕，tiramisu都ok，蘋果卷個底好似出晒水 軟晒😫，藍莓芝士餅同朱古力puff用“濟”黎形容最好，芒果班戟個皮係硬🤤,入面係一堆cream總之，一定唔會再黎。。。唉，晒錢

食野係余媽媽一家的一大嗜好！ 早前趁假期, 我地一家又出動喇! 今次到左位於佐敦的 香港九龍諾富特酒店 The Square享用自助晚餐~ 主題做梗<和牛。蠔饌。海鮮自助晚餐>, 啱晒我地口味! 如果大家也愛食肉和海鮮, 今次就有口福喇! 餐廳寬敞, 環境舒適~ 一入門口已經見到右手邊嘅長枱放滿了 色彩繽紛的甜品, 好吸引呀！ 甜品留番最後, 而家食左其他好野先! 率先試左鐵板薄燒澳洲和牛及和牛粒！ 肉質細嫩, 而且肉味香濃~ 香蒜焗蠔也是今晚主打之一, 蒜味甘香, 入口順滑, 多次出爐即時被人火速掃清~ 海鮮迷的我必食呢度嘅新鮮冰鎮海鮮, 種類包羅萬有, 加拿大蟹腳, 肉質又爽又清甜, 青口重海水味, 龍蝦仔也很鮮甜~ 刺身包括甜蝦, 鯛魚, 蟹柳和三文魚等。。。 三文魚都幾新鮮肥美, 余媽媽大愛! 各式壽司賣相也很吸引~ 還有美味的生和牛片呢~ Detox water清怡健康, 好fresh。。。 消脂去油膩一流, 飲完可以食多轉都唔怕~ 特色沙律, 水果, 各國芝士和冷盤種類更是多不勝數~ 泰式, 意式任君選擇!

本來打算4月外遊, 但買不到平機票而押後了, 復活節接連多天假期, 沒有什麼特備節目好像久了什麼似的, 某天看見九龍Novotel品坊自助餐優惠, 只要透過Table Plus預早訂立, 即可享有5折優惠, 計起來相當抵食, 一於拿拿臨Book位跟老公和女兒齊齊來吃, 當作慶祝復活節吧! ​自助餐以和牛, 蠔和海鮮為主題. ​餐廳位於酒店一樓, 座位相當多, 取食物的位置也集中, 這天可能是復活節前夕,食客也不少, 幾乎滿座. 海鮮是其中一個主打, 有長腳蟹腳, 小龍蝦, 凍蝦, 青口, 大蜆等. ​ ​小龍蝦賣相趣緻可愛, 但面對體積小巧卻牢固的蝦殼, 有點朿手無策, 不知從何拆起. 後來在我亂舞一餐後, 發覺原來吃法跟瀨尿蝦差不多, 把小龍蝦身左右扭動, 蝦殼便會分離, 紅嫩的肉輕易破殼而出. ​這是我第一次吃小龍蝦, 肉質結實有韌勁, 顏色鮮紅, 天然鹽味甚濃, 咬耐了蝦味湧出, 味道鮮甜, 相當不錯, 一口一隻, 吃得幾滋味. ​蟹腳品質也很不俗, 能帶出一絲絲蟹肉, 肉質不霉, 仍保持濕潤鮮甜. ​女兒也很欣賞, 看見巨型蟹腳已搶着不放, 但一咬到有骨位置立即以求助眼神望着我

本來係Table Plus訂枱有50%off, 但餐廳話Check唔到我有tick到個discount offer...所以只嗰個女經理話只可以比40% off（佢話好多客人都有呢個情況) 如果係..點解你哋唔諗吓有咩方法改善個reservation system??唔前一日打㴝reconfirm booking?...老實講....餐廳應該入座時confirm個價錢...宜唔係等客人坐低食緊先係reconfirm個price....好失望...如果佢一入坐時同我哋講...我根本唔會入㴝食....$300+(discounted)一位..我寧願食其他嘢!食物質素越來越差...D蠔用水沖過都非常咸....凍小龍蝦D肉霉霉地..牛油果蟹肉沙津個牛油果未熟...etc....可以入口的得印度薄餅同中湯...但如果我要食呢D嘢我就唔係去食buffet啦�收碟,fill水都非常慢(過十分鐘都未有人收碟)..幾個月前曾經㴝食過....當時非常多人..要排長龍等入座....宜家入座率得50-60%.....諗深一層..不無道理.... To conclude ...呢間餐廳已被blacklist..