品坊 (已結業)

慶祝生日食BUFFET，原本想食其他酒店但太FULL，所以試下呢間，間酒店本身都叫有D水準，但係呢度0既BUFFET真係令人大失所望。主打鵝肝生蝦自助晚餐，生蝦好微型放0係凍海鮮位置，放置於小碟中方便客人領取。但無太大特別之處，只試了一小碟。蟹腳凍了太耐，肉質已無甜味，只得雪味。翡翠螺有沙。鵝肝食左成晚都只係煎過2次，無其他菜式關於鵝肝。而且熟食選擇不多，整體食物款式亦不多。失望失望失望 ~ 無下次 .... 

最初次食約三年前了，當時二百七左右，覺得好底食，最最最吸引到我食第二次第三次不是什麼長腳蟹凍刺身之類，而是甜品中的檸檬撻，食過之後令我念念不忙，但段估也估唔到昨天的檸檬撻轉左萍果撻搞咩呀！試食一啖唔洗再食第二啖了，極失望仲要四百幾蚊位？其他食品非常一般下次我訂位前問定佢出檸檬撻.定萍果撻先訂

烤牛肉竟然係凍 無論係杯定係出面既碟都係好唔乾淨 眼見都見到既污漬...摸落去仲一達達😭成晚無晒胃口...蘋果汁甜到爆.......魚生仲出水.....總之就無下次....食物選擇又少...感覺非常差.....

朋友女兒生日所以請我們一班老友吃自助餐贈慶，大家禮尚往來送了小妹妹大利事一封。相片得幾張，因為吸引食慾的就只得這些。午市自助餐裏，有甚麼會大排長龍？ 刺身，no … 燒牛肉，no … 湯粉麵，no …答案竟然是「豬腳薑」，豬腳有皮有肉，煮得ok腍，甜酸醋是ok入味，厨師添補的速度並沒有很快。 另外豬紅也是要排大隊舀取的一項食物。凍海鮮有蝦有蛤，竟然都有「仿蟹柳」的份兒。刺身只有三文魚及鯛魚，鯛魚沒有腥氣。燒牛肉的肉質算不錯，有牛香、意式蒸嫩蛋也算特別，有蕃茄碎、青椒碎等等清新口感，煎雞翼就是煎雞翼。甜品中的蛋糕，有梨味有桃味，不乾爭已算好。反而布甸、奶凍這些杯中物，質地可以彈彈下似啫喱!?甜品部的H牌雪糕櫃把大量食客欺騙了，因為櫃內裝著的是雀巢雪糕。最後朋友買單，八卦問問每位價格: $155，另加一

前陣子挺倒霉的Dayz 家附近的水渠爆裂導致好一段時間完全沒有食水供應Dayz 跟男人只好收拾細軟搬到酒店小住兩天所幸的是， Dayz 是某酒店預約網站的會員積分足夠換取兩晚免費酒店住宿既然是免費，當然要選一間住得舒適 的酒店 lo～我們選了九龍 Novotel 諾富特酒店位於彌敦道，四通八達的無論去公司或是去逛街都非常便利Check-in 的時候看到這個餐廳介紹海陸響宴和牛虎蝦自助晚餐只需 HKD 388/ 位價錢還滿吸引的（一般的酒店自助餐至少也要 HKD 500/ 位吧！？）男人說反正省下了酒店錢，不如就吃豐盛一點吧！？Front Desk 的職員說自助餐只供應至 9:30pm把行李放到房間後（當時已經接近 8pm 了）馬上衝到1/F 的品坊餐廳原來除了住客之外，也有不少街外客呢！（其中有好幾桌在慶祝生日，氣氛很熱鬧呢！）舟車勞動後，又累又渴呢～先夾一些蔬菜水果～滋潤一下海鮮的選擇有很多呢！長腳蟹、三文魚蟹子花枝、翡翠螺、蝦、蜆...等等Dayz 特別喜歡凍長腳蟹長腳蟹厚肉、無雪味蠻鮮甜的翡翠螺的味道也不錯螺肉肉厚爽脆味道清甜鮮美值得注意的是～玻璃櫃裡面的三文魚刺身超級肥美！！三

第一次到這間位於佐敦，地點尚算就腳的Novotel食自助餐。會前來這裡的原因不外乎是兩個字：「夠平」！一般最低消費500元以上的自助美食，在這裡僅300多元，實在超值。始終是酒店的餐廳，環境、燈光都不錯，地點雖然不算大，但亦寬敞。入座時約晚上7時半，已差不多有9成入座率，證明平嘢亦不見得無人欣賞！同一般自助餐一樣，最基本的熱盤、蔬菜都齊全。冷盤方面，除左基本盤刺身之外，比較特別的是竟然有蟹子花枝和蟹柳！前者都算正路，但有蟹柳實在是較少見和特別，而兩款的味道也很不錯。此外，還有芝士相當厚的自家製Pizza，質素同坊間連鎖式Pizza店有得揮！最令人喜出望外的，還是這個美國和牛！據說由於是父親節精選才有這個意想不到的和牛，吸引長長的人龍排隊等候。和牛口感鬆軟多汁又香口，是整個自助餐的最大亮點。我最後足足排了三次隊，飽到不行了~食飽自然要吃甜品，琳瑯滿目的甜品蛋糕令女友心花怒放，不愛蛋糕的我最後選擇了Haagen-Dazs綠茶味雪糕作結。

父親節飯一定要一家大細都啱食，去食自助餐就Very Good喇！海鮮、刺身壽司、肉類、熱盤、甜品、雪糕應有盡有。而且仲有大驚喜，Buffet非常少見的⋯⋯烤和牛！必食烤頂級M9和牛！和牛真的非常軟滑，肉質幼嫩，絕不嚡口，醬汁濃郁入味，是Fine Dining的層次，與一般自助餐的燒牛肉高出幾個Grade，令這自助餐性價比值很高。海鮮冷盤有加拿大長蟹腳、油鹽水浸馬拉蜆、三文魚、凍蝦等等，選擇很多，款款都非常鮮味！另一邊有一系列的壽司、刺身、巴馬火腿，花款算多，Refill亦算快，食物盤不會空空如也。Ham伴著大大粒哈蜜瓜吃，非常開胃。除了哈蜜生瓜，還有超鮮甜的菠蘿、西瓜，水果全都十分新鮮，每人都吃了一大碟！大廚Menu的熱盤亦很多元化！本人最Like的是焗田螺薯蓉，大大羹的吃，很是滿足。咖哩也不錯，但是薄餅不夠薄而且很硬。中間有一個車仔麵檔很有特色，特意拍照留念～看介紹說有20多款甜品，但多大的胃也吃不下，只是輕嚐幾款。另外還有一看就心心眼的Häagen-Dazs雪糕，是港女最愛的抹茶味，Super Like！

是晚與家人到酒店餐廳吃自助餐慶祝生日，朋友介紹這一間，貪其在我家附近，即管一試。 前菜種類很多元化，不論是已攪拌好的沙律、一般的沙律菜及水果，全都一應俱全，準備好給大家大快朵頤。夾了很多沙律菜、車厘茄及水果配上沙律醬。蘋果沒有任何生銹的問題。菠蘿切成小方塊，每顆都可口清甜。三文魚刺身當然不可少。酒店十分大方，一碟至少四五片，片片大塊而且沒有雪味。還有即煮琵琶蝦，師傅很努力將琵琶蝦排好用扒爐煎熟。不消五分鐘便能將香噴噴的蝦送到我碟上。琵琶蝦雖然不夠肥大肉厚，但蝦身不大，也有不少肉可取，肉質鮮甜肥美，帶有少少燒烤味道，不用沾醬顏都很美味。另外亦都有羊架可供享用，大概五成熟左右，帶少少血水，香香噴，加少少肉汁已經很鮮味。場內亦有蘋果汁及可樂供享用。另外一邊亦有熱茶及咖啡自行調配。甜品方面，最吸引當然是任食哈根大師杯裝雪糕。自助餐有時真的貴精不貴多，多種類亦不代表好，要有質素才能留住客人。

其實我好中意食放題 & buffet, 因為一個價錢,可以食到好多款唔同既野, 唔洗就住就住...香港既酒店buffet大多都要大概六百蚊左右, 但呢度加埋一都係$400左右一位~刺身款式唔算多, 只有三款: 三文魚, 立魚, 八爪魚 - 刺身由廚師分好一碟碟比我地自取, 但我遲左開餐後既一個鐘去, 立魚已經冇哂~ 而八爪魚好有哨口...三文魚幾厚~有好多款沙律, 蔬果等等健康款式選擇【羊架】肉質好林, 有少許羊氈味...【螺】有口感, 食到田螺既原汁原味~【三文魚蟹子花枝】呢個配搭好特別,三文魚好靚,花枝好爽,夾埋蟹子食,口感超正！【琵琶蝦】估唔到平價酒店都有琵琶蝦食,琵琶蝦每隻開邊係鐵板上煎,但限時供應,每次可拎兩隻開邊琵琶蝦,所以每次一出都好受歡迎排哂隊等拎,先到先得！即燒熱辣辣,琵琶蝦仲有蝦膏,甘甘地,蝦肉略為爽口,幾肥美...【和牛】我個人覺得整個buffet最正的就是和牛, 幾juicy,好林！仲keep到牛既鮮甜味😋😋😋但可惜,太好食關係,好快已經缺貨【長腳蟹】稍有鮮甜味😌但太懶,要好用力剪開先食得少少蟹肉野飲款式比較少, 只有可樂同蘋果汁, 蘋果汁超甜!!!但甜品款式好

1，2年前都同朋友，同事來過2次食自助餐，這裡既自助餐比較平，以一般要500幾以上既酒店自助餐黎講，lee到係想食酒店自助餐又唔想太貴之選，係我lee 排食過幾抵既其中1間，原價388，平日有8折，折後330幾1個人，另一間遲d再介紹今晚既自助餐亦比前2次多了些款式，仲有果汁，咖啡，檸水，檸茶任飲海鮮有蟹腳，蝦，蜆，螺刺身有3款都係大路既三文魚，八爪魚，立魚，d刺身師傅已經切好每碟自己取，每碟都有5片左右，都新鮮冷盤有煙三文魚，salami, 風乾火腿，芝士有3款，油醋三文魚，中華沙律等熟食較有印象既係咖哩魚，咖哩雞配薄餅，我見有師傅即烤薄餅，但未夠鬆軟，咖哩魚有蕃茄同煮，酸酸甜甜好味，咖哩雞好香惹味揀左件雞胸位都唔會好乾連埋脆身烤薄餅食好正仲有薯蓉田螺，蒸帆立貝，飽肚之選厚批pizza，鐵板煎琵琶蝦lee 款要排隊取的，好香口湯有蘋果雪耳，好足料好多雪耳煲到d湯都杰杰地，好濃甜第1round 取左d芝士，煙三文魚，油醋三文魚，近年開始鍾意食藍芝士連埋提子干食，提子干既甜味中和左藍芝士既咸味，油醋三文魚唔會好干仲幾滑，煙三文魚唔會過咸蟹腳同蜆都細細隻但幾鮮味羊架夠嫩唔乾，蒸帆立貝好新鮮

第一次食BUFFET有和牛食, 好多次都係食嗰D碳燒牛肉乾爭爭又多血但係今次喺度食呢D和牛真係好淋好鬆化, 從來食BUFFET都係冷盤多既我, 今日食咗兩ROUND和牛仲有呢個燒蝦都OK, 香口!!不得不題呢個帶子, 好多次都會好硬好難咬, 但係呢個帶子又係好易食, VERY GOOD最後有得任食HaaganDazs, 除咗一般味道之外居然有我最鍾意既綠茶味!!!!!

現今香港吃一次自助餐普遍都要$500或以上，但有時想跟男朋友大肆暴飲暴食又不想那麼貴，可惜收費經濟的餐廳很少，而且又怕收費平的食物質素會不佳，所以都希望選擇酒店餐廳會安心得多!今晚跟男友來到佐敦的Novotel，沒想到地點不算在旺區的酒店餐廳都會爆場這裡食物種類不算多，不過有些餐廳雖然很多食物選擇但其實你又不可能每種都嘗試，所以我比較著重食物質素多於數量的。沙律大約有六款，我每款都拿了一點，每款沙律味道與特色都十分分明，沒有濫竽充數之作。凍蝦每隻外殼都亮麗光鮮，吃著也覺爽甜新鮮!估不到平價自助餐會有琵琶蝦任食，廚師將琵琶蝦一開二，在現場用鐵板即燒，琵琶蝦夠新鮮熱辣之餘蝦頭亦有膏，甘香味美 由於是現場即燒關係所以要排隊自取，不過每次都供應得很快~!來到甜品類，我覺得製作得最好的就是這個法式焦糖燉蛋，燉蛋蛋味及奶味都非常濃郁，口感亦很嫩滑。Haagen-dazs雪糕有我最喜歡的綠茶及士多啤梨味，兩款都覺要了一杯，很飽了~完場前吃了一點生果消泄，這晚就畫上一個圓滿句號了。

依家食自助餐真係越嚟越貴, 今日同朋友慶生嚟佐敦呢間Novotel試試, 雖然唔夠名牌酒店咁多款式, 但係只係3百幾都OK啦一嚟梗係要試試佢D刺身, 可能人手唔夠, 師夫砌好哂放喺度俾人拎! 食落都算新鮮合格!!唯一失望就係冇生蠔, 冷盤都可以, 蜆肉蟹肉鮮甜特別要講呢個燒蝦同和牛呢個海蝦砌兩半燒, 好香又多膏!我排咗成10分鐘先有得拎估唔到酒店自助餐有咁好食既和牛望落去真係幾血紅色,生生D,但係食落一D都唔鯹,冇血味,超林,入口有溶化感覺! 我食完隔咗廿分鐘再去食就冇哂,好想喊!!!!!!

第一次去Novotel Hotel食自助餐，入到餐廳時看見大約只有半間餐廳坐滿，心想呢舖大鑊喇; 吾通中招，再諗下或者今日係平日所以少人D啫。坐底之後開始攞食物，刺身只有三文魚，壽司款式就多D，不過味道一般; 熟食中條清蒸石班及海蝦吾錯，其它海鮮都係普通; 和牛及羊架都係一般，有一樣野食物反而覺得真係OK, 就係碗豬軟骨拉麵; D豬軟骨吾太林又吾多肉，湯吾咸而麵又吾太林。好在Haagen Dazs雪糕任食，都吾係輸哂。團購價錢$300一位，坐足三小時; 總括黎講都OK, 但如果超過呢個價就無謂幫襯。

復活節想同小朋友食個Buffet開心吓, 見到有佢有復活蛋塗色同兒童美食' Food Corner for Kids' 。就試一下, 點知.......食物 --- 一般我食野好簡單但最平既蟹柳都可以係一個Dish (注意唔係蟹棒, 係正正方方長長地一條)Food Corner for Kids 　只係在甜品區加左熱狗同整好既窩夫。點加唔擺堆碟Pizza 過去??? 服務 -- 差, 安排坐角落但因有老人家想坐近D。但被拒絕, 因為話D柖Book 哂不過最後係無人來。我見到一個疑似管理層人任在場, (因有人滑倒, 有兩個制服男女陪同個著西裝既男黎關心下) 我同佢反映, 不過借頭借路無理我　。你係我會唔會再去!!!