品坊 (已結業)

依家食自助餐真係越嚟越貴, 今日同朋友慶生嚟佐敦呢間Novotel試試, 雖然唔夠名牌酒店咁多款式, 但係只係3百幾都OK啦一嚟梗係要試試佢D刺身, 可能人手唔夠, 師夫砌好哂放喺度俾人拎! 食落都算新鮮合格!!唯一失望就係冇生蠔, 冷盤都可以, 蜆肉蟹肉鮮甜特別要講呢個燒蝦同和牛呢個海蝦砌兩半燒, 好香又多膏!我排咗成10分鐘先有得拎估唔到酒店自助餐有咁好食既和牛望落去真係幾血紅色,生生D,但係食落一D都唔鯹,冇血味,超林,入口有溶化感覺! 我食完隔咗廿分鐘再去食就冇哂,好想喊!!!!!!