品坊 (已結業)

At first I was sceptic to go to the Novotel or better to say The Square. Feedback was mixed but finally a friend who's been around in Hong Kong for years said not only do they offer great value for money but in the last month or so the dinner buffet has improved a lot...off we went.Man what a treat, Seafood dizzy! Ok, no oysters but half a lobster instead, sushi, sashimi, prawns, crabbs, anti pasti wooow. We were lucky it wasn't to busy as well, probably because they just increased their prices

今日同朋友慶祝生日, 諗唔到食咩, 食BUFFET 就最好. 早前聽NOVOTEL 有買一送一優惠, 不過去到先知有咗, 只行七折. 見佢有長腳蟹, 就try try啦.無論食物種類, 質素, presentation同以前都有好大改善，一改由以前的平民大眾化的形象，走精緻路線, 值得一試!

事因我今個月生日屋企人話同我食個自助餐做個簡單既慶祝選擇左佐敦依間酒店食今早屋企人打電話訂位食六點半到達既時候俾左個門口位問waiter 可唔可以轉入面距地都有安排到但食到未個餐廳其實唔full 環境泥講都算唔錯既每張枱中間都有啲位燈光都足夠既野食既種類覺得唔算太多味覺都唔太吸引其中一樣為左食既係生蠔我其實都幾中意食生蠔但係我食左兩隻就唔敢再食我覺得唔多新鮮味道怪怪不過都有滿意既就係個即煎A5牛好味道！（冇影相）其實啲員工係幾友善既不過唔知係米因爲唔夠手次次五六隻碟都冇人收你問我下次呢唔泥⋯?我就未必啦⋯

早前睇社交網報導逢星期一，二有有半價優惠金，打電話訂都full了，唯有訂七折的其他日子，昨晚終於去食，海鮮款有生蠔，長腳蟹，泰國辣蝦，白灼蜆，白灼海螺，白灼凍蝦。先講生蠔真係唔多掂，無鮮味，海螺同蜆有砂要慎咬，泰國辣蝦好正，其他熱食無甚驚喜。如因生蠔而來的，可能會失望。

尋日行完在逸東酒店的Le Cereuset mega sale之後就去到附近的Novotel食自助午餐，其實早在兩星期前得知下月將重返全職工作的日子，為了慶祝，上星期已經book定呢個價錢較抵的自助餐，陪我慶祝的好稱之前試過不錯，令我不用擔心中伏(^_-) 自助午餐十二點食到兩點左右，好友已經早我一步拎位，仲努力咁喪食生蠔，佢來回幾轉食咗近廿隻生蠔，之前跟他在帝京酒店食自助午餐，覺得在品坊食的較為多和好食，他去食呢類自助餐簡直係可以夠晒翻本(^_^;) 相反我就覺得熟食的選擇不算多，但總算可以~~~ 我和好友一致認為豬頸肉最好食，軟熟得來唔會韌，值得食多d~~~ 米線檔本身辣湯底，好在師傅會聽要求另外俾唔辣湯底的米線，行開一陣就有得拎來食~~~ 個人認為水果比較一般，想起舊年暑假在泰國Novotel食自助早餐有紅毛丹和香蕉等水果，如果品坊有菠蘿和橙等水果倒是吸引~~~ 沒想到甜點係令我感到驚喜，我就食咗兩件蛋糕和榴槤慕絲，甜品整得唔錯，榴槤慕絲勁有榴槤味，可惜我未病好，否則我會喪食(￣∇￣) 好友最難忘呢度的哈根大師雪糕，原來佢曾經在此跟朋友們用杯裝雪糕弄了個雪糕山拍照⊙_

環境ok碗碟洗吾乾淨蠔勁細但味道ok,蟹腳正常牛扒仔只serve左一輪,無味,差過茶記魚生三款 salmon,snapper,北寄貝明爐烏頭無煎過直接煮,腥既.......麵檔居然一直無staff唯一正既係甜品回頭指數係負分!咁做生意法,抵你無回頭客.高峰時間只坐30%客                                        明爐烏頭係:無煎過直接煮腥既!無煎過直接煮腥既!無煎過直接煮!腥既!腥既!真係要講三次個總廚真係.............          

忌廉湯淡而稀，生蠔無蠔味，無口感，灼蝦不新鮮，三文魚色淡無味，牛肉無肉味，泰式鳳爪不爽脆，西瓜已呈透明，已經不想再吃下去，全晚只吃了最正常的沙律菜，甜品和雪糕，200元也不值的一個餐埋單430左右，整體評價，垃圾中的垃圾。

睇左食評以為好好，中晒伏.... 冇咩食物可以選擇， 食評寫有既食物好多都冇... 生蠔食評影得好靚好新鮮，今日見到既灰灰黑黑..... 碟好dirty, 完全唔想比小朋友用.... 一定唔會再黎！！！！

食物好吃，環境衛生，侍應有禮貌，地方近佐敦mtr, 食物多選擇，麵包布甸，各式蛋糕，黑糯米，湯麵，薯仔沙律，蘋果，生蠔，蝦，咖哩雞，看相中食物便知好多野食，也有雪糕。可能每次食物也不一樣。但是窗有窗簾，但沒有拉下，坐在窗邊，太陽曝曬，可是也可吸收維他命D, 涼住冷氣休息下傾下計幾好。現在好似買二送－，每人約付一百八十元。

經同事介紹依加有買一送一lunch buffet 優惠所以趁着年30就圍威喂一班人去食真係好鬼低180蚊（已加一）一個人唔知道係咪個個忙著新年辦年貨所以今日特別小人，正呢到環境都唔錯，座位寬帑三五知己一齊有傾有講☺️好開心同咪服務員都很快手吃完的碟很快就收拾乾淨了👍🏼最重要有生豪食😋😋😋😋我至愛就係食生豪架啦對比其他buffet 來講呢到d 生豪都幾新鮮！好好味道❤️我地1點幾開始食，3點先離開無人吹我們交場😆😆真係低讚👍🏼最後每人真到飽飽！滿足到爆

見lunch買一送一優惠！同阿媽一齊抱著試試，準時12點才放入！平日來計，都9成滿，食物有：生蠔，凍蝦，即切三文魚，sushi ，鵝肝餅乾，印度咖哩，薄餅，沙律，味道不差！但食具就差D，未乾，有水漬，污漬

人越大就越覺得食buffet好少有驚喜，見朋友話依家有埋一送一優惠好抵食就去試吓～入到去見到地方唔係好大，食物種類唔多，熟食方面都係得好簡單嘅意粉飯之類，冇特別吸引嘅選擇，沙律吧亦都麻麻但諗住係有得任食生蠔同刺身都唔太care~至於刺身選擇好少，只有三文魚同立魚～去到重頭戲生蠔，大細好參差，蠔肉唔飽滿表面亦冇乜光澤，望落感覺唔係咁新鮮而最最最最差嘅係啲生蠔竟然有苦味，令人好質疑佢哋嘅來源同埋乾淨度～試咗幾隻，有2/3都係咁，唔知黎為咩成個buffet都冇乜出色同好味嘅嘢食，如果用返＄164呢個價錢去食其他野，應該會精彩好多 ～總括呢間buffet雖然好平但係質素好差，完全唔推介大家去試

踏入生日月。飯局不斷。多謝各方好友😊星期六就同閨蜜去食個強勁lunch再行街。12點3到。大概有一半客人。及不急待比相機食先。選擇都算多。當日最欣賞咖哩同薄餅。咖喱微辣加上牛油香嘅薄餅。正。仲有燒牛肉，雖然唔熱。但牛肉唔會韌。而且都有牛味。我食左三塊。今次buffet其中一賣點係生蠔。不過個樣就麻麻啦。因為我唔食。所以唔知味道如何。海鮮仲有蜆同蝦。沙律方面。有大路嘅沙律菜。車厘茄。青瓜。粟米。醬汁有五六款。同有麵包粒。芝士碎等等。仲有啲撈好嘅沙律。幾中意椰菜花。酸酸地好開胃。薯仔沙律都幾好。仲有茄子沙律。蕃茄沙律等等。有兩款ham，中華沙律，皮蛋豆腐。慢煮三文魚。幾款壽司。三文魚。涼伴粉絲。蟹柳。鵝肝多士。另外仲有即煮粉麵。粥同湯。甜品方面。有十多款。芝士控當然係咁食芝士蛋糕啦。桂花糕都岩我。仲芒果栗子蛋糕都好食。夠栗子味。三百幾蚊買一送一。每人唔駛180蚊。可以一試。

女朋友生日，聽朋友介紹話呢間野唔錯，黎到先知係一個局，環境一般，食物選擇少，味道一般，有D直程係難食。價錢同品質原全不成正比。係唔知點解每位多左隻大閘蟹，唯一可取之處，房客居多，服務員尚算可以。但不會在去。

朋友話有優惠$138@lunch buffet,所以黎試試，本身諗住無咩期望。點知幾好食，冷盤仲有生蠔食，但我唔食生野。所以狂食蟹柳沙律有薯仔沙律，沙律菜同西瓜都好新鮮！熱盤有我最愛咕嚕肉，魚，咖哩等選擇唔多但味道幾好。甜品有楊枝甘露雪糕杯同蛋糕等。12:00-1430，係1315佢地放左班大陸團入黎，為數好人😱😱😱但佢都公道1315先放佢地入黎，如果唔係成個buffet唔知搶唔搶到野食，埋單加埋一兩個人$303，抵到爛呀！