和牛燒肉一郎 (寶漢大廈) (已結業)

呢間燒肉店有幾間分店，今次去咗銅鑼灣分店試吓。店舖寬躺，而且主要以白色為裝修，簡潔乾淨又光猛。燒肉放題共有A至F餐，每位由$348至$1098不等，價錢越高當然食物嘅款式同質素就越來越高，豐儉由人。餐廳差唔多所有嘅食物都係以手機點單，衛生啲，另外有少量嘅食物例如沙律，甜品或者飲品就要出去攞。今次我哋揀咗D餐($648/person)，呢個餐除咗14款特選牛，豚肉，雞，壽司，海鮮，仲有五款和牛任食，佢仲有一個寶箱裝住大大塊和牛西冷，影相靚之餘又精緻，和牛普遍油脂均勻，牛味香濃而且入口即溶，餐廳都好貼心，每一種牛上面都註有佢嘅名稱同部位，方便客人分辨。至於海鮮方面有蝦，蠔同帆立貝，蝦幾大隻而且鮮甜多膏，蠔稍為太冰鮮了，仲未浴哂雪，而帆立貝就幾新鮮而且大大隻啖啖肉，佢仲有生牛肉壽司同beef tartare，生牛肉壽司有啲韌，我唔係好識欣賞beef tartare就醃製得幾香濃，連埋日本生雞蛋一齊食值得一題係佢飲品同甜品都幾多選擇，飲品除咗有可樂，茶，罐裝飲品，仲有好多健康果汁同detox water，健康啲又啱晒食燒肉去油膩，雪條雪糕亦都好多日本嘅品牌，滿足

近排最多人講嘅話題就係買餸難😫同啲肉越賣越貴。今次食肉獸再次出動😏俾大家望梅止渴！🌟 Course C ($448)呢間燒肉放題環境好，唔會逼😗 食物質素都好唔錯而且選擇多，連Course C都有成72款食物揀！裡面有肉類、海鮮類、小食、炸雞乜都有😳超級多選擇。肉類方面其實都有好多選擇！ 例如大大塊嘅壽喜燒牛里脊骨、超級入味嘅牛肋骨等～真係食！到！停！唔！到！小編去嘅時候仲可以有人幫你燒🔥真係服務滿分😝收得呢個價錢，食物擺盤都靚靚仔仔，就咁睇已經令你流哂口水。比較印象深刻嘅係😆佢哋啲雪糕都係日本牌子🇯🇵*另收加一服務費味道：🌕🌕🌕🌕🌗環境：🌕🌕🌕🌕🌗價錢：🌕🌕🌕🌖🌑

<Hong Kong🇭🇰• Causewaybay>“咬我唷！高汁和牛燒肉放題”與錫你的人在一齊，天天都是情人節唷💕宅在家中久了，差啲忘記燒肉嘅味道唷🥺睇番早排我同咪咪去銅鑼灣和牛燒肉一郎食和牛燒肉放題嘅相就覺得食肥咗都抵唷🥰餐廳有至少六款燒肉套餐選擇，最普通嘅平價套餐係美國牛為主，其他燒肉套餐都係日本和牛！嚟得呢度梗係唔可以放過和牛，我就揀咗D套餐，雖然價錢貴少少，但牛肉款式多啲，食物種類多達87款肉肉😍值得一試！首先嚟一個和牛西冷寶盒，我亦係最鍾意呢個寶盒🙈但係寶盒只可以order一次咋🥺和牛油脂非常平均，入口滿口油香😚和牛肋肉都係我自己鍾意嘅一款肉，牛肉味香濃，燒耐左都唔覺得乾柴柴唷😚你睇油脂分布幾平均！沾埋蛋漿食就正正除咗肉類新鮮之外，海鮮都好新鮮，我哋特別鍾意燒虎蝦，肉爽鮮甜！翡翠螺大大隻，簡單燒熟，已經可以😚仲可以自己燒魷魚同生蠔🦪🥰除咗燒肉，餐廳仲提供左唔少熟食例如拉麵壽司等等…但係真係太多！眼闊肚窄🤣期間有個店員Tony好好🥺見我同媽咪唔係好識燒，佢得閒少少就幫地手燒🙈仲話我知茄子要咁燒先好味😋整個感覺好親切！搞到有啲唔捨得離開😂媽咪話因佢靚女所以店員好

香港既高質和牛燒肉放題比較少見，今次試左呢間和牛燒肉一郎，我認為可以列入高質和牛燒肉既範圍入面😎環境非常合我心意，卡位既枱非常大，高椅背為客人提供足夠既私隱度👍🏻我哋揀咗和牛放題套餐C，落單之後餐廳送上船型拼盤，入面有橫隔膜、牛肋條、豚肉、雞肉、蔬菜、蝦同帶子。海鮮既話蝦比較新鮮，雞肉幾嫩滑。至於和牛方面肉味幾濃郁。牛肋肉充滿油香，脂肪比例平均，肉質非常滑溜。和牛薄炙里脊肉旁邊有一隻蛋，食法同壽嘉燒一樣。和牛略嫌太瘦，冇咩油花。牛舌係另一款我有encore既肉類。牛舌總共有兩款，包括薄切上等牛舌芯同色蔥花牛舌。前者切得非常薄，肉質爽口。後者加左蒜粒同蔥花味道幾香濃。飲品種類多到令人大開眼界，包括八款自己調製既飲品，包括西班牙特飲Sangria，不過好甜，無咩水果香味。另外仲有一堆罐裝飲品，其中檸檬可樂幾特別。小食相當驚艷，我地試左薯條同可樂餅，薯條非常香脆而且唔油膩，旁邊仲有黑松露醬，最後叫左三次！至於可樂餅炸粉幾薄，口感鬆脆，內裡軟綿綿。熟食選擇亦非常多，個人推介蛋花湯同辛辣牛肋肉拉麵，份量好大。整體而言，環境同服務令我非常滿意，職員每隔二十分鐘幫我地換燒烤鐵網。食物上菜時間亦快😍

Bookmark下次黎食燒肉放題！！！·🥄日本和牛牛筋味噌煮（$98) 想清淡少少就揀左呢款～ 加上天氣凍特別想食熱湯類.配料有🥔🥕芋絲仲有和牛粒. 湯底清淡，蘿蔔清甜.好好吃❣️❣️·🐮US牛肋肉（$118）同事點既～試左塊覺得都唔錯！所以好想黎食燒肉放題🥺🥺🥺·店內自助飲品同沙律吧種類多，眼花撩亂😆最鍾意菠蘿青瓜水，香甜解膩❣️·📍 和牛燒肉一郎銅鑼灣波斯富街24-30號寶漢大廈2樓

雖然依家晚市要變成午市，不過無損我同朋友去食燒肉放題嘅心情😂好耐都冇食燒肉啦，今次一於去食到夠👏🏻🍽食物我地揀咗course C $498（Fri-Sun)/$448(weekdays)；總共有成72款選擇，當中包了牛/雞/豬/海鮮，小舟盛合及桶盛合😍當中牛肉種類特別多，有成13款，特別喜歡以下幾款。✨大判壽喜燒牛里脊肉：牛肉入口溶化，沾上蛋漿更美味。✨牛肋肉：油脂比較豐富，牛味較濃郁。✨牛外橫膈膜：口感軟嫩彈牙。✨日本豬肋肉：脂肪較少，入口比較軟滑。✨日本雞腿肉：咬落有肉汁，嫩滑。✨帶子：燒完都唔乾，鮮甜。✨大蝦：口感彈牙，又大隻。除左肉類，仲有沙津bar/壽司/炸物等…..另外唔少得甜品😍楊枝甘露杯/木糠布甸/黑森林慕絲✨仲有好多日本雪糕及軟雪糕😍飲品：除咗罐裝汽水之外，仲有自家製嘅幾款飲品，試咗粉紅檸檬梳打和西班牙特飲都幾好飲👍🏻💥環境💥座位特別大，坐得勁舒服一啲都唔迫！而且地方好乾淨，食物分區做得好好👏🏻

佐敦新開和牛燒肉放題店，佔地7,000呎，特意引入香港獨家的「小田A4和牛」，佈滿大理石油花且口感柔滑濃郁，牛迷必吃！除了獨家供應的小田和牛外，亦同時配備不同種類的和牛，當中包括「美國和牛」及「澳洲和牛」，還有其他牛肉部位，如牛舌、牛肋條、牛里脊肉等。不好牛的還有豚肉、雞肉、海鮮等選擇。放題還有和牛刺身、手握壽司、 一系列熟食如炸雞、海鮮煎餅、燒肉丼、拉麵等。若嫌不夠，還可加配自助吧，有清新沙律、精緻切餅、雪條、自家製飲品、果汁可任拿任吃，一定滿載而歸！我點的是日本和牛套餐牛肉的質量真的非常好，有點肥但是又不膩剛剛好，肉質韌的來又很滑。本身的牛肉拼盤就有配了幾個扇貝海鮮，外加我們加了點了好多食物，炸雞，海鮮，外加雞肉豬肉等等。配上草莓綠茶，體驗真的很棒。

今日紀念日慶祝，當然要食餐好啦☺️ 朋友介紹去食「和牛燒一郎」👍🏻😋 餐廳環境唔錯，好闊落，大部分都係卡位👍🏻 店員服務好好👍🏻 餐廳主要係食燒肉任食🤤😍 有Course A-E 可以選擇，我哋揀咗Course C，可以食到72款食物😍 有13款特選牛可以點，仲有豚、雞、海鮮、熟食、飯、湯、麵、炸物等👍🏻😋 外面仲有自助的甜品、飲品～ 選擇十分豐富，食物質素同味道都好好👍🏻😍 食足120分鐘，好飽🤤 好滿足👍🏻😋 推介👍🏻👍🏻👍🏻

假日跟好友相聚跟友人點了B款的放題套餐肉類和海鮮的質素也不錯追加後的質素也能保持牛肋肉和牛舌均是私心推薦呢✔✔薄切牛舌快熟爽嫩！！有120分鐘可任吃除了烤肉 這家更有多款熟食小食可點當中有不少亮眼的驚喜呢♡♡♡必需encore的是這家的唐揚炸雞和漢堡扒！！！超脆的炸薯條配上香濃的松露醬亦是不能不點啊～還有飽撐也要點一客 香葱海苔溫泉蛋丼真的是超級讚呢☜☜☜這家提供的甜點也相當吸引derrrr有多款日本品牌的冰點外，也有幾款甜點杯和自己動手唧的牛乳雪糕呢♡

上網睇過好多人介紹過呢間和牛燒肉一郎🐮，呢間餐廳最初喺佐敦，宜家銅鑼灣都有分店。 呢度啲座位好闊落，坐得舒服之餘，私隱度極高，而且疫情之下，客人之間都唔會坐得太密集，感覺安全啲。我都好欣賞呢度嘅抽風系統，完全唔會覺得好大油煙味，空氣好清新。 飲品除咗有一般嘅罐裝飲品，仲有好多唔同款式嘅特飲，顏色好鮮豔，非常吸引。 外面嘅沙律吧嘅蔬菜新鮮爽脆，亦有鮮甜粟米、車厘茄、溫室清瓜、甘筍等。 頭盤隻船有帆立貝、海老🦐、野菜（南瓜、粟米🌽、青瓜🥒）、各種特選肉。 之後可以憑QR Code點選其他肉類，款式都幾多，有壺漬外牛橫隔模、牛舌芯、牛肋肉角、薄炙牛里肩脊肉、日本產豚、雞，唔止燒肉類，亦有一郎料理（必點炸雞，即叫即炸，燙口香脆，粉唔會太厚）、壽司卷🍣、韓式前菜、飯、湯、泡飯、拉麵🍜。 甜品有軟雪糕🍨，可以自己加toppings，仲有各種日本嘅雪糕、雪條，同埋有黑森林慕絲小杯、Oreo 木糠布甸小杯，一定要留肚食呀。 想消滯可以飲番杯茶🍵，有玫瑰花茶⚘、玄米綠茶、普洱茶、桂花烏龍茶。

自從晚市冇得堂食已經好耐冇食韓燒，今日經過銅鑼灣，決定試一試和牛燒肉一郞嘅午市放題！燒肉放題有6個餐可以揀，價錢由3百幾到1千幾都有，價錢越高選擇越多，啱晒唔同要求嘅你。今次叫咗Course B，都有成64種食物可以任叫，性價比幾高。餐廳大部分都採用手機點餐，另有沙律吧、甜品區同飲品區。飲品區除咗罐裝飲品，仲有大量自家製嘅特飲。仲未落單，店員已經將一隻燒肉拼盤船送上，豬、牛、雞、菜、海鮮每樣有啲，可以先試下邊款啱心水。個人推薦蝦同帆立貝，兩款海鮮都非常新鮮，蝦爽口鮮甜，帆立貝大粒厚身。肉類方面個人喜歡佢特製嘅壺漬牛肋肉，採用特色嘅醬汁醃製，同牛肋肉非常配襯。熟食方面亦有唔少選擇，蛋花湯、冷麵、石頭飯等等嘅特色韓式一應俱全。

新開張時試過，大家覺得唔錯，所以再嚟食過，夜晚禁堂食唔知禁到幾時，唯有下晝嚟啦～ 今次試Course C ，$498/位，除咗燒肉類，仲有其他熟食選擇，韓式食品丶日式天婦羅丶甜品丶日本雪糕丶各式果茶丶汽水等… 72款食品120分鐘任點。小舟•盛合牛肉丶豬肉丶雞肉丶帶子丶蝦丶蔬菜片等桶•盛合 (2款牛肉)涼拌菠菜丶墨魚丶一口牛丶薄切上等牛舌芯丶大判壽喜燒牛里脊肉 (店員介紹食法：燒肉後點溫泉蛋醬油食)枝豆丶吉列蝦丶炸蠔迷你和牛漢堡扒果汁丶果茶類有8款選擇沙律區全部都新鮮汽水丶甜品櫃熱飲區雪糕櫃同上次一樣，首選依然係Lotte Ghana雪糕批(右上角）

和牛燒肉一郎，係日式燒肉放題店，主打任食和牛2小時！同時亦提供多個放題Set，由最平$348 至 $1048 都有，食物種類由57款至97款! 我地選擇了Course B $398/head任飲任食2小時，送精美頭盤、自助沙律吧、飲品吧、同埋任拎嘅甜品！包括64款特選食材同埋靚仔嘅頭盤船，價錢都係$398/位！自助沙律吧蔬菜極新鮮，配料同埋醬汁選擇都多，依家菜貴，喺呢度可以食返夠本！自助飲品吧含多款自家製飲品，另外仲有罐裝嘅飲品，同埋可以Order生啤！頭盤有齊牛、豬、雞、海鮮同埋蔬菜，砌到靚一靚，打卡一流！試啱邊款就可以瘋狂Encore！肉品頭盤嘅豬肋肉同埋牛肋肉角真係唔錯，食完唔夠喉要再嗌，足足嗌多咗5 Round！熟成壺漬牛外橫膈膜入晒味，又嫩又多汁仲好易燒，必點Item！薄炙牛肋肉好肥美！薄切上等牛舌芯味道濃郁！海鮮海蝦結實甜美，一燒就香噴噴，令人欲罷不能！墨魚燒香之後，鮮味濃厚，推介！其他有得Order包肉用嘅生菜，配合泡菜、醬料等夾住嘅肥肉一齊食，真係好爽！

食過兩次佐敦店，又食過將軍澳店，今次去埋銅鑼灣店，三間分店嘅套餐都有些少不同，佐敦店C餐有拌牛肉刺身，而銅鑼灣分店係冇嘅，但佢有熱茶，仲有製水製冰機同埋軟雪糕機，所以三間分店係我心目中嘅排名係1️⃣佐敦2️⃣銅鑼灣3️⃣將軍澳.同樣地c餐有大判壽嘉燒牛里脊肉，一般食親c餐都會主攻佢，但今次可惜薄炙太瘦致肉質嚡口；薄切牛仲有兩款可供選擇，薄炙牛肋肉同薄炙牛里脊肉；薄炙牛里脊肉同大判壽喜燒牛里脊肉嘅分別係壽喜燒多個壽喜燒蛋汁，如果好中意瘦牛，又唔需要個汁，可以叫薄炙牛里脊肉；然而個人較喜歡薄炙牛肋肉，有正常分佈嘅脂肪，入口較滑身，個人比較推薦這個，同樣配上壽喜燒蛋汁，很美味。.今次終試咗佢個黑松露醬薯條，薯條新鮮滾熱辣，係幼身啲，但炸得幾好食；另外亦終於叫咗和牛漢堡，漢堡扒細細，份量的骰👍. 推介韓國冷麵，口感爽口，味道清香，比幸辣拉麵好食，幸辣拉麵味道偏鹹。仲有蛋花湯海帶湯同樣都好好味。.最後成個餐最好食嘅係頭盤包嘅和牛牛肋肉。😋

自從晚市禁堂食之後，午市就變成唯一可以出外食嘅一餐，當然要捉緊仲可以出街食飯嘅最後機會！今次決定小試牛刀，嚟到呢間開咗無耐嘅「和牛燒肉一郎」銅鑼灣分店食燒肉放題 。因為平日去嘅關係，午市入座率唔算高，而呢間燒肉店一大賣點都係比較闊落嘅4至6人卡位，所以兩個人相對坐得鬆動。呢度嘅燒肉既可以任食，亦都可以單點。放題套餐設有六個等級，由普通特選牛肉到日本黑毛和牛，而我哋今次就嗌咗相對入門嘅Course B（平日 $398/人｜星期五六日 $448/人）。先講自助區，幾欣賞佢哋設有沙律吧、汽水甜品、自家製飲品、同埋雪糕櫃，選擇都非常足夠。雖然套餐係入門版，但其實牛肉種類都有10款咁多，午餐嚟講絕對夠有餘，感覺亦唔差得過同價位和牛放題。肉類嚟講幾推薦幾款 － 尤其是薄灸牛肋肉、薄灸牛里脊肉，同埋熟成壺漬牛外橫膈膜，無論係賣相同味道質素都算係上佳。另外，熟食嚟講都完全無伏，吉列蝦、吉列蠔都相對做得好。味道: 🌕🌕🌕🌕🌑服務: 🌕🌕🌕🌕🌗環境: 🌕🌕🌕🌕🌗價錢: 🌕🌕🌕🌗🌑－－－－－－－－－－－－📍 和牛燒肉一郎銅鑼灣波斯富街24-30號寶漢大廈2樓－－－－－－－－－－－－#tiufufoodie在