和牛燒肉一郎 (寶漢大廈) (已結業)

食過兩次佐敦店，又食過將軍澳店，今次去埋銅鑼灣店，三間分店嘅套餐都有些少不同，佐敦店C餐有拌牛肉刺身，而銅鑼灣分店係冇嘅，但佢有熱茶，仲有製水製冰機同埋軟雪糕機，所以三間分店係我心目中嘅排名係1️⃣佐敦2️⃣銅鑼灣3️⃣將軍澳.同樣地c餐有大判壽嘉燒牛里脊肉，一般食親c餐都會主攻佢，但今次可惜薄炙太瘦致肉質嚡口；薄切牛仲有兩款可供選擇，薄炙牛肋肉同薄炙牛里脊肉；薄炙牛里脊肉同大判壽喜燒牛里脊肉嘅分別係壽喜燒多個壽喜燒蛋汁，如果好中意瘦牛，又唔需要個汁，可以叫薄炙牛里脊肉；然而個人較喜歡薄炙牛肋肉，有正常分佈嘅脂肪，入口較滑身，個人比較推薦這個，同樣配上壽喜燒蛋汁，很美味。.今次終試咗佢個黑松露醬薯條，薯條新鮮滾熱辣，係幼身啲，但炸得幾好食；另外亦終於叫咗和牛漢堡，漢堡扒細細，份量的骰👍. 推介韓國冷麵，口感爽口，味道清香，比幸辣拉麵好食，幸辣拉麵味道偏鹹。仲有蛋花湯海帶湯同樣都好好味。.最後成個餐最好食嘅係頭盤包嘅和牛牛肋肉。😋