和匠日式燒肉店

營業中

休息中

今次嚟左佐敦既和匠我地4位靚太一早訂左檯, 坐低左唔會太迫, 值得一讚既係, 抽風做得唔錯, 須然呢係主打係食燒肉, 但入到去唔會覺得好大油煙味。前菜我地食左個 豆腐沙律同磯煮鮑魚, 唔洗兩秒就比我地KO晒之後就開始食燒肉, 今次我地試左美國Prime 既牛小排同牛角切, 上碟個樣都唔錯, 肉同脂肪既比例岩岩好。店主細心同我地講解點樣燒先為知正確, 重幫我地燒埋, 個牛角切燒既時候, 流出既肉汁搶晒火。。。個人嚟講, 就鐘意牛角切多啲, 因為咬落啖啖肉, 其他靚太就話牛小排正啲, 各有各口味 之後就到鹽燒豚腩肉, 個腩肉側邊啲肥膏邊燒完之後脆卜卜, 完全感覺唔到自己係食左肥膏落肚 最後燒埋隻緬甸特大虎蝦, 嘩 👀👀 隻蝦長過對筷子, 由於隻蝦太大隻啦, 店主話隻蝦要燒10分鐘先熟 食落好彈牙, 每隻蝦都有蝦膏, 正!!跟住落嚟就食左個辣酒煮花螺, 啲螺重要唔係細細隻果啲, 用辣酒煮入晒味, 我連個殼都啜埋, 真係失晒儀態最後, 食埋個海膽炒飯, 我覺得佢唔應該叫海膽粉飯, 應該叫海膽海鮮炒飯先岩, 佢入面有蝦有帶子嫁埋單都係每位 300 蚊多啲, 食到我地都飽飽, 總括嚟講, 有

燒肉真是會令人沉淪，尤其是牛肉，喜歡吃燒肉的朋友，對牛肉一定會有份執著，有執著固之然是好事，但大前題是荷包都要負擔得起。和匠是燒肉店中比較有質素保証之餘還有價錢較化算。餐廳內部裝修是以木色為主，簡單乾淨企理。點了食物後，店員奉上了醬汁，再介紹用法，左邊是柚子汁，主要是點豬；中間是燒汁，味道較濃，所以點牛；右邊是日式胡麻醬，用來點雞。芥辣八爪魚粒：八爪魚煙韌彈牙，還帶點爽口，芥末蓋過了海鮮腥味，八爪魚配芥末辣味確實非常夾，而且份量十足。美國安格斯牛角切：一碟有約廿粒，份量十足，主要是用少許鹽調味，味道方面，牛肉粒色澤鮮紅，油脂分佈平均，有點雪花紋，一些肉粒的雪花紋較多，一些較少，可能是切的方法不同。美國安格斯牛角切：牛肉六邊都盡量燒一燒，能做到外層香脆帶焦香，裏面還帶點淺粉色，外脆內軟，肉汁豐盈。深海老虎大蝦兩隻：虎蝦有我成隻手掌長，廚房預早已經在蝦的後面切開去腸，方便燒熟。深海老虎大蝦兩隻：先燒好兩邊，之後再燒後背，免得後背肉厚難熟，蝦肉非常爽口但鮮味不足，蝦頭有一點蝦膏，而且蝦腸完全去除，非常乾淨。海膽冷稻庭手打烏冬：海膽鮮甜帶甘香，烏冬爽口彈牙，鰹魚汁加上葱及芥末，味道帶有魚的咸香

餐廳是我每天都行過的，但經常都大排長龍，襯著假日，一於試下。內裡有單人枱面壁，可以免卻左搭枱的尷尬。亦有四人枱歡迎兩三好友傾計燒肉。想要大伙大聚會也有長枱的。很貼心的設計！先看看餐牌，有牛排、五花腩等。亦有烏冬、拉麵、定食。選擇很多，而且午市來說，價錢也很合理。點了一份美國安格斯牛小排及五花腩。午餐不宜吃太多，所以先試試這兩款吧！牛小排紋理清晰，而且也很新鮮，絕對不是冰鮮雪死的。而五花腩亦見到有幾層，肥瘦參半。店員推介先燒五花腩，讓五花的油先逼出來。看到五花腩的油擠出來，感覺也很治癒。店員將五花腩的肥部分燒至脆口，口感像脆豬肉乾，而肉仍可保留其肉味。燒完五花腩就燒牛小排了。牛小排就算怎樣燒也不會老，它的秘訣是兩邊都燒了有部份變色就差不多了。所以肉質每舊都可以保持鮮嫩。看到別人點了一份大蝦，很吸引的。所以就試了一份。真係超大，有一隻手掌的長度。大蝦燒至皮脆，而表面雖是焦了，但肉質亦很鮮味，絕無後悔！

如果不是朋友介紹，都唔知佐敦有高質日式烤肉店，食完已經念念不忘，絕對會再encore!日式小店風格，店面比想像中小，神奇的是有不少客人在烤肉，但完全唔覺有油煙，乾淨整齊印象唔錯。再睇餐牌，由前菜到主食同飲品，選擇好多，不過我地當然專攻燒肉，海鮮同肉各點少少，試試味先上的前菜，點了芥末魷魚同泡菜，魷魚真係好大份，芥末味岩岩好；泡菜偏甜唔太辣，幾開胃。怕只食肉太滯，點了沙津，青瓜唔係常見的切絲而是切片，估唔到更爽口清甜，好fresh去到戲肉，梗係食燒肉！腩肉只係加左簡單調味，肥瘦相間，燒烤後將油迫哂出黎，好香口！牛小排單睇都見到雪花均勻，店主提醒我地燒到七成熟時肉質最靚，唔會因爲太生而韌身亦唔會乾身，牛香濃郁，可以話係必點！估唔到會用彈牙黎形容牛角切夠厚身大粒，肉汗可以鎖係入面，食嘅時候唔只彈牙仲好juicy。老虎蝦夠大隻，不過新鮮先係最緊要，蝦肉彈牙，仲有鮮甜蝦膏，完全唔洗落任何調味。帆立貝同樣大大隻加新鮮，黑松露醬味道唔會太重搶左帆立貝嘅鮮味，可惜我地唔太識燒有少少過熟。海膽炒飯仍然好足料，飯炒得均勻可惜海膽味唔太出。由前菜到飲品，係十分滿足嘅一餐，食物品質高，每樣都有驚喜嘅感覺。另外

今晚去了位於佐敦女拔後面的和匠日式燒肉店。餐廳是簡單的和風裝飾。位置間都會有一定的距離。食物方面有小食、沙律、飯及烏冬，肉類分別有豬牛雞及海鮮，牛肉會分不同級數，全部都是百多元起。有三款醮肉食的醬料，柚子甜甜酸酸是醮豬肉，燒汁味道較濃是醮牛肉，胡麻醬有濃郁的芝麻香及帶甜是醮雞肉。Peach mocktail桃味糖水溝梳打水，糖水沉底所以要攪勻先有味，但桃味比較清淡，加上落了冰，越飲越淡，如果可以溝多一點桃味糖水會比較好飲。溫室青瓜蟹子沙律青瓜很爽脆帶點瓜甜味，非常清新，蟹子份量很多，每啖都吃到蟹子的卜卜脆，加上蟹柳絲，色澤紅配綠，顏色鮮艷，配上沙律醬，帶點酸甜味，非常開胃。厚切美國prime牛小排牛小排色澤鮮明，牛肉的雪花紋很均勻，紅白相間，脂坊比例平均，厚度約為5mm。店員說一定要燒紅個爐才能放牛肉落網，牛肉肉香滲出，燒約半分鐘再反轉燒另一面，牛肉滲出血水即代表開始熟，店員建議臨食前再反一反倒走血水，食落會比較好味。牛肉外層焦香，但內裏還帶點粉紅，燒好後紋理依然清晰，牛肉肉質很腍，肉味濃郁，一咬落去油份滲出，口腔中充滿肉汁，油份不算太多，反而肉汁更甚。日本國產鹿兒島黑豚黑豚肉切得較牛

今日約友人到佐敦食燒肉，佢記得我曾經有提到附近有間燒肉很好食，就二話不説去叫我去食多次先食個豆腐沙律開開胃先但由於在香港食飛驒牛真太貴，最後點了牛角切及牛小排，價錢一ｄ都唔貴，但肉質真不錯，完全係超值之選！另外值得一讚係侍應好細心咁教我地點燒先唔會浪費咗Ｄ肉，仲試範咗一次俾友人睇！（燒牛肉重點：燒到一面滲血水才好反第二面燒呀！）鹽燒豚腩肉，唔駛點醬汁已好夠味！特大虎蝦質素繼續keep到好大隻呀！由於本人平時BBQ成日失手，唔想燒到變蝦乾，於是厚住面皮問待應點燒先啱（Ｄ蝦咁貴，唔想浪費咗）佢地超nice囉！直頭幫我地燒埋，原來要好好心機，每面燒一陣就要反一反，連蝦背位都要夾住嚟逐隻燒！磯煮鮑魚味道亦不錯！辣酒煮螺！飽肚之選：海膽炒飯，估唔到用炒飯既海膽都好鮮味！下次真的搵機會試下佢既飛驒牛先得！

I did not make any booking beforehand. I went there with a friend at 6pm, the time they just started operating. We ordered one american prime beef , a seafood udon and a fried rice with sea urchin. At first, I went there for their fried rice with sea urchin and didnt think much about their barbecue. But , I was attracted by the different types of meat available and could not resist the temptation. Therefore, we ordered a dish of prime. I think we looked kinda dumb and therefore the waite

一向喜歡吃燒肉，尤其欣賞日式燒肉。老婆真有我心，特地帶我到佐敦和匠小店一嚐。小店不大，地點隱蔽卻接近滿座，相信口碑確是不錯。我們二人胃口不大，味蕾卻比較貪心。一口氣點齊了各款肉類。等待間享用一客沙律，豆腐沙律上的豆腐軟滑，配上胡麻醬實在開胃。先來美國牛小排，沒有想到百多元一客的牛小排竟如此高質！濃濃厚厚的牛肉脂香在口腔內慢慢化開，同時牛肉亦慢慢融化，是高級的享受。這裡的雞脾肉比較特別地用上了日本進口的雞肉，雞肉味道特別突出。而且，他們很貼心地把雞脾肉起骨，方便進食。五花腩肉相對地普通一點，驚喜不大。虎蝦也成功地獲得我們的注目。巨大的size固然吸引，味道口能也不可忽略。而這小店的虎蝦很出色，各方面也是滿分。吃燒肉最適合配吃冷烏冬，可解油膩感。每一口烏冬軟滑彈牙，沾上點點 wasabi，清涼清新。很滿意的一個晚上，享用了美好的燒肉令我們彷似回到日本蜜月的時刻。

以前食親日式燒肉都係試放題形式多，今次特別選左呢間’’和匠’’日本料理試下，之前同班姊妹已經有留意呢間餐廳，想試好耐啦，難得今次訂到位，緊係要約埋一齊試下啦!! 未食燒肉前，叫左個涼食磯煮鮑魚同豆腐沙律試下先：鮑魚唔好以為涼食就無乜味！原來已經炆到入晒味，仲好林兼彈牙！豆腐沙律撈芝麻醬開胃，味道清新！ 鹽燒豬腩肉 : 侍應姐姐教我地燒的時候要見到豬腩肉面出油先可以翻轉燒，唔係就好易燶又未熟，果然燒出黎真係好正，豚肉邊的脂肪燒完後變了脆皮，但一入去就有入口即溶口感仲好香口添呀! 之後再黎係燒prime 牛小排: 侍應姐姐教我地燒牛肉就要等一面開始出血水先好翻轉另一面再燒，禁先至靚，PRIME 牛小排真係好好味，未燒前已經見到佢D 脂肪分佈好平均好靓，果然燒完一放入口，D油份好似溶左禁慢慢流出黎，勁正!! 燒完牛小排，就緊係再黎一個角切牛肉粒!! 睇個名都估到係一口牛肉粒，唔好以為係平時個種普通一口牛， 一咬落去，入口溶化，原來牛肉粒入面充滿雪花油脂，所以食落口感特別鬆化跟

想食品質好少少的燒肉，係openrice 見到呢間評價唔錯，又近公司，即刻約fd黎試試！充滿日式感覺的門口，單看餐牌已經十分期待。日式小店的裝修，不華麗但頗有親切感。餐牌選擇很多，不能盡錄。友人愛食牛，我愛海鮮，選擇多當然各自都選到心頭好。泡菜味道偏甜，不會過辣，配上烤肉恰好減輕肉的油膩。五花腩肉看似肥，但其實烤完之後油脂都被逼曬出來，脂肪燒得焦脆，帶點焦香極為美味。Prime牛小排雪花均勻，充滿牛肉香氣，燒至七成熟口感最好Prime牛角切肉汁豐富，師傅指點我們要先用大火將四邊肉汁鎖死再慢慢用熱力燒熟，果然肉汁豐富，非常美味。日本產的帆立貝Size好大，黑松露醬調味剛好，不會蓋過海鮮的鮮味。緬甸虎蝦尺寸驚人，由爽口彈牙的肉中可見虎蝦十分新鮮海膽炒飯比期望中稍為遜色，不過飯粒調味均勻，不會過乾，口感不錯。特別一提店主十分友善熱情，逐樣食物講解要如何燒烤。店主講解下才得知烤爐是特製，可以發揮食物味道之餘不易烤焦，又不會有過大油煙。呢餐吃落要$1100左右，人均550，但食物質素高，這個價錢都很合理。

話說我同3個girl friend 去食燒物，揀咗佐敦地鐵站附近既和匠頭盤磯煮鮑魚$98/2隻煮得剛好，好有口感又爽口👍🏻我地係lady ，當然會叫個沙拉食下啦😝主菜鹽燒豬腩肉望落塊肉好肥，但燒完就完全唔覺肥，加埋本身有鹽，唔使醬料都夠哂味👏🏻美國牛小排肉質嫩滑，有牛味又唔會痴牙必食👍🏻👍🏻👍🏻👍🏻👍🏻👍🏻牛角切脂肪同肉既比例剛好，入口即溶，回味無窮😍😍特大老蝦雖然要$130一隻，但真係勁大隻仲要好爽口其實餐廳有提供三款醬料，芝麻醬/燒肉汁/日本醋但燒物夠新鮮，其實不用點醬都好像味最後食埋個海膽炒飯就飽飽了個炒飯入面有大大粒蝦架，好意外👍🏻今餐真係超出預期，好滿足👍🏻整體食物質素理想，最重要係服務一流，可能見我地四個女仔，全程幫我地燒哂所有，仲一路燒一路介紹食法，真係好貼心既服務👏🏻👏🏻👏🏻

好久無食過日式燒肉，所以特登揸車去佐敦「和匠」，貪佢哋D材料出色，價錢合理，而且附近有停車場，非常方便。這裡有電影「你的名字」入面的「飛驒牛」賣。不過今晚吾係食呢種，而係食美國prime牛小排。$138好抵牙又好食$110鹿兒島黑豚食D禁肥美的牛肉和豬豬，當然要叫返碗白飯，整個牛肉豬肉蓋飯$158深海虎蝦$98磯燒鮑魚$62豆腐沙律$98鰻魚炒飯全晚食咗八百零蚊總結：肉質高，價錢合理，位置方便，而且坐得好舒適，小弟飯堂之一。

佐敦隱藏在橫街中有一間日式燒肉店，唔係朋友仔帶過我黎，我都唔識搵食搵到黎呢度。今次同老公黎食晚市，晚市氣氛唔錯幾熱鬧。環境都真係好有日本燒肉店的感覺。佢地有幾款套餐，價錢幾實惠。可惜套餐唔能夠滿足哂我地甘多個願望，所以都係單點，豬、牛、雞同海鮮都可以食到。呢度的醬汁都幾有誠意，有三款去沾唔同的肉類。右起：自家製柚子醋，酸酸甜甜，可以中和油膩感；自家製燒汁，最岩點牛肉；胡麻醬就適合點瘦肉例如豬羊雞。兩款前菜超豐富，我好鍾意芥辣八瓜魚，口感彈牙又刺激到味蕾。一路等燒肉時一路食，實在過癮。老公想食d菜，我地點左豆腐沙律。沙律菜份量好多又爽脆，都幾開胃。燒肉方面，幾款肉類各有各精彩，當中最鍾意牛小排同虎蝦。特大虎蝦真係超級大，有成隻碟甘大。而且蝦肉彈牙鮮甜，仲有唔少蝦膏添！美國Prime牛小排雖然係美國牛，亦唔係最上乘的品種；但入口完全係意想不到的好味道。牛肉肥瘦均勻，口感軟得來帶有油脂，牛肉味濃郁突出。實在非常高質，唔睇餐牌絕對會相信佢係高級和牛。燒肉過後點左一客冷烏冬，同樣令我地滿意。冷烏冬夠凍夠份量。烏冬上仲有一瓣大大瓣的完整海膽，性價比好高。兩人埋單唔駛一千蚊。高質的燒肉店，但升斗市民

今晚朋友帶左我黎佐敦一間日式燒肉小店食飯，佢話上次食過覺得好正，所以今晚專登帶我黎試下日本安曇野豆腐沙律 ($62)前菜叫左個豆腐沙律，胡麻醬永遠係沙律菜的絕配一個咁fresh的沙律成功打開左我個胃磯煮鮑魚 ($98)除左沙律，我地仲叫左2隻磯煮鮑魚鮑魚口感腍得黎少少煙韌彈牙，味道亦好鮮甜深海老虎大蝦 ($158)隻蝦有手掌咁長，好鮮甜彈牙，蝦頭入面仲有好多蝦膏tim！正呀！日本國產鹿兒島黑豚 ($110)呢個係朋友推介必食item黑豚肉肉味真係好濃同一般豬肉好唔同不過我自己就覺得瘦左少少美國Prime牛小排 ($138)呢個牛小排真係超！級！好！吃！雪花分佈好平均，入口即溶肉汁濃郁鰻魚炒飯 ($98)最後我地叫左個鰻魚炒飯(飽肚之選)，好欣賞佢中間加左菜粒、甘筍粒，令成個炒飯口感豐富左埋單每人$400，唔算平，不過確實物有所值