和匠日式燒肉店

營業中

休息中

今日放工約好朋友食日式晚餐。去到好快店員就安排好座位了，個環境都幾舒服。今日叫左以下食物：日本產帆立貝(牛油，蒜蓉，黑松露醬),美國prime牛小排，豚腩肉(味增燒),日本產阿波尾雞腿肉，溫室蕃茄沙律，深海老虎大蝦，三文魚籽海膽炒飯。日本帆立貝：爽口彈牙，配起醬去燒帶出鮮味。美國prime牛小排：牛脂分佈平均，牛香十足。豚腩肉:不是太肥膩，豚香十足。日本產阿波尾雞腿肉：雞肉彈牙，食落咬口十足，雞香味濃。溫室蕃茄沙律:蕃茄酸酸甜甜幾好味，仲有菜都算新鮮。深海老虎大蝦：爽口彈牙，蝦味十足。店員仲幫我地燒熟佢，以防有些位置唔熟。三文魚籽海膽炒飯：好多三文魚籽一粒一粒咸咸地食幾得意，海膽外仲有帶子夠香口好味道

朋友臨放工約食飯，去到佐敦食晚餐。先食溫室蕃茄沙律，蕃茄清甜味道而沙律菜就有田園味道配合起醋一起食，確是不俗。跟著就開爐燒了。美國prime牛小排肥瘦得宜，燒完肥油再蒸發晒而肉更為脆而不肥膩。阿波尾雞腿肉肉質不俗，而口感良好。豚腩肉同樣是肥瘦得宜，多剩的油被迫晒出黎，豚肉味濃。海鮮系列：深海老虎大蝦肉質非常好，實肉海蝦的味道。日本產帆立貝用牛油燒更帶出鮮味。三文魚籽海膽炒飯海膽鮮甜，三文魚籽有口感，飯充滿一層一層鮮味。

前排往捐血，篤一篤手指，想不到自己會血紅素唔夠，所以就沒辦法捐血。老婆知道了之後，靜俏俏預訂了這家燒肉店，她說要帶我去吃靚牛肉補一補，這刻真的超窩心呀！牛魔再現： 點了這款夠份量的主菜，共有三款，三種都有不同的口感，日本A4和牛肉眼有入口即溶的感覺；美國Prime牛小排及牛角切，牛肉濃，肉質較為有口感的。以前不太愛好吃番茄的我，想起有一次往日本旅遊，吃過這款番茄沙律，味道很好，沒想到在香港竟然令我尋回這一種味道，蕃茄的清甜，配上這款沙律汁，真的很滋味。重點吃燒烤同時吃沙律，確實有清熱的感覺，份外清新。

即慶下班後跟愛吃燒肉嘅朋友來試下這家燒肉店，可能未夠7點晚飯時間，所以仍然有大量座位選擇，座。一坐下來，店員非常友善地介紹餐牌，還推介了好幾款菜式for我地兩位小女生。1⃣豆腐沙律沙律菜新鮮爽口，再配上日式芝麻醬，非常醒胃。2⃣牛魔set牛角切一口一粒-店員建議先吃這個一口牛，仲建議燒的時候要用炒的方法去整，咁樣可以燒得均勻啲，這個方法令粒粒都咁甘香。這個入口有濃濃牛味，還入口即溶，我最喜歡這個。小牛扒口感較豐富，和牛有油香，店員又建議見到有燒到有血水時就反轉再燒。3⃣牛油燒帆立貝我最愛嘅帆立貝配上蒜蓉及黑松露還有牛油，味道非常鮮甜惹味。4⃣牛油炒雜菌燒一會兒已可以，聞到濃濃的牛油香，非常足料。另外更值得一讚是店員的服務，非常細心地不停教授燒肉技巧，服務非常滿意。

人生從未食過咁難食既日式燒肉。打手超多，大家勿中伏！！我人生第一次寫食評，實在係忍唔住！尋日同好朋友相約去和匠諗住補祝生日，本身滿懷期待，去到極之失望。無一樣野係食得落肚。首先，未曾見過咁難食既雞軟骨，大家睇幅圖都知咩事。無椒鹽，仲滿口腥味。neway 同red mr. 一定好食過佢十倍！仲有佢d 串燒，我真係自己燒都好食過佢十倍，無汁，肉無醃制過都算！佢d 豬頸肉同蒸熟無分別！牛肉金菇更加係難食到爆！牛係乾到不得了！大佬！俾小小誠意好無？！之後係冷烏東，未食過冷烏東係汁同冷烏東係同一個碗上！同圖差極遠！個汁係完全無味，再加cheap cheap wasabi至於燒肉，其實食材新鮮，好難會難食店家真係好厲害！我從未食過咁伏既牛舌，係明顯唔新鮮，食落係臭！！仲有雞牛。。。咁伏真係唔好推介俾人！！食左堆垃圾 2個人埋單$1115 嬲到震！！俾錢食垃圾！！大家真係唔好盡信d like...好失望貴絕對唔係問題 但俾錢食垃圾絕對係好令人憤怒仲諗緊既你 唔洗再諗絕！不！幫！襯！

最鍾意食燒肉嘅我竟然唔知道佐敦開咗間日式燒肉店 - 和匠日式燒肉店門面裝潢都好有日式格調， 彷如置身於日本一樣！餐廳牌上既選擇幾多，我地嗌咗個580嘅牛魔再現套餐。佢有提供三款味道嘅醬汁，包括柚子汁、自家製燒肉汁、芝麻醬， 啱晒唔同需要嘅客人。日本安曇野豆腐沙律豆腐好滑嫩，配埋芝麻醬和新鮮嘅沙律菜，爽脆又清新，非常開胃！美國 Prime 牛小排 色澤紅潤，而且油脂分佈平均，可以睇到清晰嘅雪花紋，入口肉味濃郁，有嚼口又油香四溢！美國 Prime 牛角切 牛角切牛味好香，食落啖啖肉汁，食完後仲有陣陣嘅餘香，非常推薦！牛肉粒 店員好好的教咗我哋要用快炒去燒，果然最後煮得啱啱好，有咬口得黎又不失嫩滑！黑松露帆立貝帆立貝好大隻同厚肉，上面舖上咗邪惡嘅黑松露、蒜蓉醬同牛油，食落好juicy，而且好嫩滑入味！蒲燒鰻魚飯魚皮燒得剛剛，再涮上蒲燒汁，魚肉口感嫩滑無半點刺，甜咸適中且入味， 配埋用咗珍珠米嘅飯，粒粒分明，味道啱啱好！

在佐敦地鐵站B2出口，3分鐘就到的燒肉店，除了有優質的和牛之外，還有優質的服務。店員會主動推介餐牌,講解燒肉的先後順序，每款牛的味道，什至會主動幫你燒埋！就一間小店來說,有這種服務是值得一讚!!經店員推介後叫左"牛魔再現",第一次試美國Prime牛,只需燒到變色就剛好,肉質好嫩,燒到好多牛油,牛味好出好香,比較之下平時多食的日本和牛馬上被比下去了,和牛肉味都好出,但個人覺得有點鞋口,可能係自己燒得衰,浪費左日本和牛黑松露焗什菌味道好出色,與街外不同的是不會只有牛油味,唔會焗得好乾,而且加上黑松露,令什菌的菇味更出更鮮甜!食完熱辣辣的燒肉之後,以冷稻庭烏冬作結尾中和番,烏冬夠彈牙爽口,冷面汁又唔會好甜,整個配合得剛好!

朋友想吃日式燒烤, 剛想起這家1,2年前吃過的頗高質日式燒烤店, 事前已訂過位, 裝修格局改變不大. 2人編排在邊位上, 剛好自成一角. 分別是柚子醋, 燒汁, 胡麻. 對應海鮮, 牛肉, 雞肉.燒烤用的爐頭頗整潔. 用上溫室蕃茄的沙律, 蕃茄爽甜多汁, 酸爽醒胃, 頗合我胃口. 帆立貝的質素不是頂級的, 但混了牛油, 蒜蓉, 黑松露醬. 味道比起新鮮的更豐富. 最好的是這裡有店員代燒, 火候能控制得剛剛好. 這個牛魔再現能吃到美國Prime牛小排, 美國Prime牛角切, 日本產A4和牛肉眼. 以2人份量來說, 點一份剛剛好. 美國Prime牛角切的肉切得較厚, 入口最有質感. 美國Prime牛小排油花豐富, 入口滋味. 日本產A4和牛肉眼則既有豐富的油花又有甘香的牛肉味. 最好. 放了蛋, 蔥, 鰻魚的炒飯, 入口都是甘香的鰻魚味道, 朋友不太愛吃鰻魚, 我轉眼已掃清大半碟.埋單的價格每人$450左右, 以牛肉的質素來說價格合理, 而且店員會勤力過來代燒, 十分周到. 

大熱天時去探病，要從佐敦站行去伊院，的確唔容易，幸好聽醫院姑娘講南京街原來有van仔上伊院。今日，行去搭van仔時，路經發現呢頭有好多食肆，探完病可以返落嚟食飯。探完病之後，我哋三個果然去了小巴站附近的和匠吃午餐。好奇怪，午市時間無咩人，好似包場咁，任坐。叫咗兩個蒲燒鰻魚丼定食 $80 和一個汁燒極上牛丼定食 $88。碟前菜昆布鹹鹹地，爽爽地。可能無咩客人關係，店員比較清閒，所以可以經常來加茶。每個定食都有麵豉湯和蒸蛋。麵豉湯比一般店舖飲開嗰啲清淡。蒸蛋味道偏鹹，但都夠滑。極上牛肉味道很好，不過略嫌切得薄同埋少。鰻魚丼的鰻魚份量較正常，不過就唔夠肥美。呢個價錢，呢個環境，呢個食物質素，勉強合格。

帆立貝跟Prime牛小排上枱，就已經令人感到這間餐廳都是真材實料的原隻北海道帆立貝放在碟上，而且還會有餐廳員工幫手燒和教你應該怎樣燒還有Prime牛小排的雪花都令人滿心的期待果然經過餐廳員工的示範之後，自己燒牛小排的時候亦更得心應手，不會出現浪費食物的機會可能大家想起燒肉多數都會想起是燒牛肉，但這裡的鹽燒豚腩肉亦十分值得推薦鹽燒令到豚肉更香，而豚肉本身亦不像牛小排般充滿油份即使食多幾塊，亦唔會覺得油膩。還有不要忽謂餐廳所選用的日本米，跟燒肉真的十分之夾

朋友特地帶我來這間和匠食燒牛肉，說這間的牛肉質素非常好，價錢又合理又可以食到非常高級的牛肉，所以今次黎試下👍👍👍我哋二話不說就點了一份牛魔再現，內面包括有美國prime牛小排，美國prime 牛角切，日本產A4和牛肉眼😋左邊第一款美國牛小排，不會太厚，方便異色，而且肉質較為彈牙，肉感香口，淡淡牛脂香味，這是我其中一款最喜歡吃的。中間人為A4和牛肉眼，肉質比兩者較為鮮嫩，味道juicy 也較為薄身一些,非常美味。右手邊美國牛角切，雖然他有咬口，但一咬就爛，非常易食，咬落肉味會慢慢滲出來。😋😋😋日本產帆立貝（牛油、蒜頭，黑松露醬）帆立貝非常鮮甜，加入左黑松露醬，香味慢慢滲出，非常多汁入味，燒到八成可以即食。食咗咁多好味肉類海鮮當然叫番碟炒雜菜食下，雜菜炒得非常有鑊氣，成碟食晒。

媽媽從未嘗試過日式燒肉的滋味，趁佢今日生日就當做孝順女請佢食一餐好的！😍望見餐牌上有各式各樣的燒肉，樣樣都想試，但眼見每台都點了牛魔再現$568各有三款牛肉，就試一試。賣相非常吸引，誘人，日本A4和牛，牛脂肪分佈均勻，但看外觀已經令人傾心醉倒。當我們迫不及待動手燒的時候，店員走過來，窩心的為我們示範正確燒烤手法，確保每費矜貴牛肉，發揮出天然好滋味。店員教我們的燒烤方法是把牛肉燒至血水滲出，約半熟狀態，便反轉至另一面燒到焦啡金黃。上碟時，牛肉油澤充分，肉的邊緣焦脆無比，內𥚃肉汁香盈，讓我們胃口大開！我們還點了日本安曇野豆腐沙律🥗豆腐好滑加入沙律菜清清淡淡，食吾停。蒲燒鰻魚飯，鰻魚燒得啱啱好，鰻魚多汁，外層燒得酥脆，鰻魚有成隻手咁大，啖啖肉，正！😋😋😋

呢日約左朋友來出去行街, 行街前醫咗左肚先~去咗佐敦食呢間 - 和匠日式燒肉店。我個人比較喜歡食牛,所以叫咗2個都係牛~美國PRIME頂級牛角切 ($158)牛的顏色好靚,睇得出的新鮮, 唔會變晒色!脂肪雪花分佈均勻,食落好多肉汁, 有咬口!美國PRIME頂級牛小排 ($138)呢個顏色一樣好靚,大理石紋的油花一樣多同分布均勻。店員仲好好服務, 行過來幫我地手燒~佢真係燒得好靚。呢個牛小排肉質鮮嫩,燒到5成熟食真係冇得頂日本國產帆立貝 ($45)日本出嘅海產, 當然係好野啦!大大隻, 加上黑松露蒜蓉牛油燒~燒到收汁乾身, 粒帆立貝唔再透明就食得喇!好味好香!我仲加咗$30配九洲豬骨湯稻庭手打烏冬,咁就夠晒飽肚啦!大滿足~

呢日同男朋友出去行街, 行街前先食個Brunch~之前我有同朋友來食過呢間-和匠日式燒肉店,覺得好食呀!呢日就同男友來食lunch, 因為有set, 相對平d一入到去坐低, 店員就拎左個中華沙律畀我地做前菜~可以係等食物來之前有d野食下~呢度爐頭係網燒來~可以燒到d肉一格格咁好靚的~日本安晏野豆腐沙律 ($55)呢個沙律好味呀!豆腐係日本豆腐, 滑之餘仲好香豆味。跟住沙律菜同車厘茄, 平時我唔多LIKE嫁~但呢度D沙律菜同車厘茄都好新鮮好甜~好食美國Prime頂級牛角切 ($158)顏色好靚,  油脂分佈好均勻。不用燒太熟, 好juicy!鹽燒豚腩肉 ($83)豬腩肉的油脂分佈都係好好!肥肉瘦肉層層分明。只係配鹽去燒, 就已好好味了燒到兩邊金黃, 食落香口又脆! +$30 可以配個豬骨湯烏冬,有粟米, 海苔同鳴門卷做配料, 夠晒飽肚

六月第四個星期四晚上，天氣炎熱。下班後跟愛吃牛肉的朋友來到這家燒肉店，雖然天氣很熱但是無阻我們對吃燒牛的渴望。店裡是日本居酒屋風格，以木製傢具為主，燈光舒服不刺眼，座位也不算擠。先點前菜，為溫室蕃茄沙律，蕃茄皮薄多汁，沙律，粟米粒等配菜新鮮爽脆，醒胃不膩。不一會服務員把醬汁上桌，左起為柚子醋，用來沾油脂較豐富的菜品、燒汁以沾烤牛肉為主，胡麻醬沾雞肉比較適合。開始烤肉之前點了一杯Asahi，清新爽口，口感暢快，烤肉怎能不配啤酒呢？大家也不太餓，點了$580的牛魔再現套餐，有美國Prime牛小排，日本A4和牛肉眼及美國Prime牛角切。服務員先幫我們烤牛角切，因為油脂比較沒有那麼多，大小適中烤至半熟，肉嫩多汁。到牛小排，服務員示範先把兩塊肉放中間，看到泛起血水之後把它翻面，再烤一會便可。肉質鮮美滑嫩，油花豐富而且均勻分佈，滿口牛香。然後是A4和牛肉眼，每塊肉中間都有一塊明顯的脂肪，所以得名肉眼。油脂最豐富，火光熊熊，口感甘香鬆化，怕膩的人可以沾一點柚子醋解解膩。多點一份日本帆立貝，日本的帆立貝加上黑松露蒜茸跟牛油，燒起來香氣四溢，肉質鮮嫩彈牙。朋友建議試試海膽手打冷稻庭烏冬，有一塊濃味海膽