味道樂居酒屋 (河內道) (已結業)

今日去左尖沙咀食飯，朋友話有間新開張日本餐廳想去試下，我就過黎同佢食餐飯啦！味道樂居酒屋，早早之前就試過長沙灣總店，今日我先知原來有間新分店開左係尖沙咀。餐廳位於K11附近，地理位置非常方便。中午人客唔算太多，反而寧靜舒服，可以同朋友傾下計。中午時間有lunch set供應，我地每人都叫左一個餐，套餐包括沙律、麵豉湯和日式蒸蛋。沙律入口爽甜，加上芝麻醬好香口，麵豉湯唔會太咸，蒸蛋好滑溜，朋友好鐘意呀！主菜叫左壽司八件配牛肉湯烏冬，壽司大小相同，魚生款式好吸引，分別有三文魚、海膽、蔥呑拿魚蓉、左口魚、油甘魚等等，魚生厚切入口肥美，飯粒如果多啲醋香會更加好啦。牛肉湯烏冬有大大件牛肉，烏冬好彈牙！另一個主菜叫左炭火燒原條鰻魚飯，鰻魚原切大大條，燒得焦香肥美，入口魚油重，焦香部分更加香口，蒲燒汁夠香甜配白飯岩岩好！朋友好鐘意食鰻魚，佢都大讚！

今日中午同朋友去食飯，行完K11出黎見到大大個紅色招牌，寫住味道樂居酒屋，朋友好鐘意食日本菜，我地就去左試下啦！新開張的日本餐廳，中午時間人客唔會太多，多一份舒適！裝修木系為主，環境好有日本風。午餐有lumch set，選擇好多呀，可以有熟食，另有壽司和刺身飯定食。套餐包括有芝麻醬沙律、蒸蛋和麵豉湯。沙律菜爽甜，味道清新夠開胃，蒸蛋好滑溜，有陣陣清甜雞湯味，仲有日式魚蛋等配料。主菜我同朋友一人叫左一個share食。炭火燒原條鰻魚飯，鰻魚上枱夠哂霸氣，厚燒魚肉夠肥美，炭火燒到焦香，入口魚香重。蒲燒汁香甜配白飯夠哂滋味，上面仲有蛋絲，賣相好靚呀！朋友叫左壽司八件配牛肉湯烏冬，壽司件件好精緻，三文魚、海膽、蔥呑拿魚蓉、左口魚等等，飯粒煙韌，魚肉入口魚味突出，牛肉烏冬最合朋友口味，烏冬彈牙掛上清甜湯底，牛肉大大一件，好滿足。兩個人share份量食岩岩好！

跟朋友在尖沙咀逛著，見到呢間門面貌似日本居酒屋嘅餐廳，我地喺門口睇餐牌時，已經有侍應姐姐熱情招呼，再睇真其實啲價錢真心唔貴，所以就膽粗粗入去試吓。一坐低，已經覺得內裡裝修都同日本居酒屋一樣，好有日本情懷啊！之後我同朋友都唔算太肚餓，所以都係打算叫啲刺身、串燒(襯啤酒一流)。呢個刺身盛，蝦同油甘魚超鮮甜，帶子同吞拿都好新鮮除咗日本，都未喺香港試過池魚刺身，配埋柚子醋，超鮮超美味兩款串燒主要用嚟送吓啤酒，但係唔可以當佢係配角，絕對上得大枱見人，由其係厚切牛脷，軟軟得嚟又唔會冇質感，正一定要提到就係呢款啤酒，超冰凍，夏天飲一流最後一提就係一整班侍應哥哥姐姐，好有活力，又主動又熱情。估唔到尖沙咀鬧市都有間咁有質素嘅居酒屋喎，讚啊！

聽聞呢間餐廳開咗張差唔多一個月， 原來呢間餐廳係非常出名，之前長沙灣已經有間，呢間已經係第二間分店，見佢咁近地鐵站咁方便，所以決定試一試。 我地叫咗都幾多嘢，刺身先係重點。裏面有吞拿魚，非常鮮甜。最欣賞嘅就係個海膽， 裏面有少少wasabi，提升咗佢哋味道嘅層次感。而且都啲海膽都好有鮮味， 再加上佢落咗好多海膽，所以啖啖海膽鮮味，好好味。 左口魚同埋鮮蝦都好好味，左口魚嘅熟度啱啱好， 有少少燒焦嘅味道 ，非常完美嘅配合。 另外我哋叫咗個鐵板牛舌，配埋蒜頭一齊食真係幾香口㗎。 我哋仲叫咗個芝士免治雞肉，芝士味好濃郁不在話下，而且佢裏面有一粒粒好爽口嘅 口感， 好特別，亦都提升咗佢嘅口感 。呢個係荔枝肉卷， 估唔到熱辣辣嘅荔枝都可以整到咁香口 。最後仲叫咗個燒大白鱔，口感好似鰻魚， 食落去有好香嘅鮮味。最上面配埋啲燒汁真係好夾㗎。呢間餐廳環境都唔錯 ，食物質素好好，我哋仲叫咗兩杯飲品，分別係白桃乳酸梳打同埋巨峰提子乳酸梳打，兩杯都好清甜好好味，所以值得一試。

朋友仔住附近，話開左間新餐廳，叫我陪佢食個午餐。舖面都好企理骨子，係傾計消閑好地方。睇下有咩食先。好，點左餐，等食中，見到隻兔仔好可愛。午市套餐包味噌湯，日式蒸蛋同沙律。蒸蛋滑滑，好味味。鰻魚飯真係百吃不厭，呢條鰻魚認真誇張，差不多半張A4紙甘長，朋友仔幫手先食得晒，適合鰻魚控同食量大既人仕。朋友仔個海膽三文魚籽甜蝦蓉都好靚仔，海膽同三文魚籽都好新鮮，甜蝦蓉呢個做法好特別，拌飯一流。套餐加12蚊有汽水。

星期日同朋友試呢間新開既日本餐廳，下午兩點唔算多人，岩岩有位坐，裡面環境唔算好大，但都坐得幾舒服，唔會話好嘈好迫，可以傾到計既地方牆上面掛左好多日本既懷舊玩具，海報做裝飾，幾得意。午餐選擇都幾多，多到有選擇困難既我都諗左好耐。。終於。點左呢個出餐既速度好快，一上呢個鰻魚飯真係嚇一跳，因為我同朋友都無認真search過呢間餐廳有咩食，只係見新開，試下新野。呢個鰻魚飯真係令我同朋友都好驚喜有成條筷子咁長鰻魚我最怕係腥，好彩呢條又大又唔算貴既鰻魚一d都唔腥，重燒得好香，加埋d汁，好正唯一係骨多左少少，但其實咁大條有骨都正常。另外呢個丼,賣相同味道都好好甜蝦蓉係賣點，真係好甜同有鮮味，甜蝦成日有，但蓉就第一次食海膽都好新鮮，唔會有苦味，而魚籽都入口彈牙蒸蛋入面有魚片同蟹柳，滑而足料另外跟餐重有埋沙律同湯，而唔係二選一。整體黎講，一個餐百幾蚊連埋加一，兩個餐三百蚊有找，我覺得都幾抵食，尤其個鰻魚飯真心好睇好食，但一個人食太大，兩個人share 兩個餐食perfect

有次行過見到佢新開，裝修好日本，拎左卡片，今個星期五就立刻去試一試。點菜（二人份）：1. 三文魚子海膽吞拿魚飯2. 鰻魚飯3. 池魚刺身4. 巨峰提子梳打三樣野食都好好食，服務好好，我地九點去到，唔洗等位就入得。特別要推介個海膽！真係好甜又唔會腥，仲要好足料，真係啖啖都有海膽！饅魚飯都好扺，好大條，有足一隻手板，仲好厚肉添。其實佢仲有好多小食同魚都好似好好食好想試，不過已經好飽，唔想浪費唯有下次再黎試啦！

新開唸住試下！刺身唔新鮮....京䓤燒豬串！竟然無京䓤，話師父燒焦左同埋未熟，所以無上，只有兩片豬肉！完全R 哂頭，最後亦只有後補京䓤😥總評：很一般，價錢與食物質數不成正比！