味道樂居酒屋 (河內道) (已結業)

老公工作好忙，放假老公話要搵地方食好啲享受下去到尖沙咀發現呢間居酒屋見到門面幾靚，日式裝修， 門口餐牌價錢亦都合理，我哋入咗去坐低。首先我哋叫左刺身有三文魚腩，特大赤蝦，油甘魚，三文魚腩好新鮮，入口夠晒肥😋特大赤蝦非常鮮甜👍🏻油金魚亦都好新鮮。我老公好鍾意食鰻魚飯，條鰻魚真係好大條， 我同老公都嘩左一聲！漫魚汁非常美味，我不太鍾意食鰻魚飯我都覺得好好食， 重點仲要128非常抵其他壽司都比較新鮮，海膽好味，叫左兩件，忍唔住再追加多一件香煎厚切煎牛脷有驚喜。煎得好香，牛脷厚得來，亦都好淋， 好味到連啲蒜蓉片都食晒鋪頭坐落去舒服， 裝修都好有心思我哋兩公婆都喜歡去這些特色小店

星期三放工想輕鬆一下，女朋友又想吃日本菜，於是決定來早有耳聞的味道樂居酒屋。餐廳裝飾有特色，十分有日本風味，留意餐廳面積不大，記得要先訂座。餐牌選擇頗豐富，刺身、串燒、主食應有盡有，還有大量時令食材，配撘不同的煮法。味道樂自家製生啤自家製的生啤總能吸引人一試，味道清澈，口感清爽滑順，非常適合下班輕鬆一下。白桃乳酸梳打女朋友點的白桃乳酸梳打，純粹天然果酸，酸甜適口，加上梳打的氣泡感，是秋日佳饌。刺身(油甘魚、深海池魚王、牡丹蝦、三文魚腩及吞拿魚腩)當晚的刺身盛合，料精而鮮。油甘魚、深海池魚王、牡丹蝦、三文魚腩及吞拿魚腩，都是空運到港。油甘魚入口滑溜柔軟有魚鮮味，池魚肉質特別油潤煙韌魚味突出，牡丹蝦蝦肉甘甜，鮮味十足，肉質爽滑，三文魚腩油脂分佈勻稱，肥美可口，吞拿魚腩肉質軟熟口感卻爽實，輕嚼油香慢慢滲出，魚味濃郁。香炸日本池魚仔整條池魚仔炸得香脆，出奇厚肉，炸得透可以連骨吃，下酒一流。黑蒜黑豚肉卷黑豚肉肥瘦均勻，脂爽肉軟，肉汁豐盈，甘腴可口，配上黑蒜醬汁，甘甜香口。芝士免治雞肉棒免治雞肉軟嫩可口，當中混有軟骨增加口感，加上半溶芝士，滋味非凡。醬油燒年糕年糕燒至外脆內軟，口感軟綿黏糯，味道鹹

香港人工作忙碌有時候都要放鬆心情，舒緩一下辛勞。今晚便和朋友去食日本菜有日本特色的味道樂居酒屋，餐廳裝潢很有東瀛風味，內部陳設的枱櫈、牆身都是木為主，每個角落都經過悉心佈置，擺設十分精緻有日本酒樽、懷舊海報及玩具，打造出傳統居酒屋的格局，令人置身在日本感覺。我們看了餐牌有很多不同選擇，我和朋友都很喜愛吃串燒和燒物所以今晚主點了不少，當然不少得我最愛三文魚籽。三文魚籽$78大大粒三文魚籽，好香脆，啖啖鮮味好新鮮。煙肉荔枝卷$48煙肉本身咸香味重，荔枝卷在內，甜味中和了整體味道，食落有層次感。鐵板牛油煎黑松露帆立貝 $88帆立貝煎得很入味陣陣牛油和黑松露香氣，咬落口感爽口，濃濃黑松露籠睪在口腔裡。贊！蒜香鹽燒赤海蝦 $98赤海蝦面頭全是蒜香鹽燒，咬落蝦殻面層已經很惹味，蝦肉爽身彈牙。芝麻雞翼 $58面層炸到脆卜卜，而且雞肉嫩滑。鹽燒翠玉瓜 $38燒的很適中，鹽燒翠玉瓜已經調味，清清地不錯。鹽秋葵 $38燒得乾身，食落脆口。最後當然舒緩一下點了一個柚子雪葩$ 28原來老闆主廚是個有豐富料理經驗，不但烹飪技巧出眾對食材的挑選亦十分講究，亦不時創作新菜式，為客人帶來不斷的新鮮感。下次也會再來試試

味道樂系撚鯛(日本紅衫魚)，厚切。$78魚名好搞笑，魚身厚切，味道清味，口感Q彈，鮮魚味足夠，好味。深海池魚王，薄切。$148件數多，薄薄地，透明度高，顯示師傅刀功出衆，味感不錯，鮮魚味濃厚，魚肉味鮮甜，又一傑作！火炙北海道帆立貝蟹膏卷。$88帆立貝厚切，味道彈口，蟹膏味濃郁，加上火炙，烤味四溢。味道樂自家制生啤，500ml。$68生啤味道特別，跟一般啤酒不同，味道淡囗，酒花味香，容易入囗，女仕喜愛。蟹膏醬燒虎蝦(一隻)。$68蟹膏味濃厚，虎蝦頭肉味淡囗，但肉身鮮蝦味足，加上火燒，烤味十足。鹽燒厚切特上牛唎。$68牛唎厚身，肉身彈囗，牛味極重，加上少許鹽吊味，非常好食。醬油燒年糕(2件)。$38年糕厚身，煙煙韌韌，口感超彈，味道帶甜，香燒後極之好味。牛肉壽喜燒。$98份量大，菜也不少，非常飽肚。壽喜湯底，甜鹹味恰到好處。牛肉厚片，牛肉味濃厚，味道不錯。煙肉櫻花蝦煎廣島蠔。$88廣島蠔尺寸合適，蠔味十足，鮮嫩多汁，加上櫻花蝦，蔥花及煙肉吊味，互相配合，味道不錯。推介總指數：9/10

又嚟生日飯呀！朋友仔好好帶我去食日本野，這間居酒屋好有特色掛著滿滿燈籠店鋪裡面放著兒時玩具好有親切感啊！打開餐牌有好多款式任你揀真係花多眼亂呀！最後我點了“原條成田醬炭火燒鰻魚飯”這個超長成田鰻魚好豐滿好厚肉多汁正，“香蒜牛肉烏冬” 嫩嫩既牛肉配烏冬好味夠彈牙，“脆炸軟殼蟹反卷”新鮮炸好脆，“鹽燒厚切特上牛脷” 只是落少少鹽吊味已經很多味肉厚，“香蒜牛油炒野菜” 蒜香好入味夠香，“清酒煮大蜆”估唔到隻隻蜆都好大隻好鮮味，“鐵板牛油煎黑松露帆立貝”熱辣辣鐵板放著帆立貝夠香濃原條成田醬炭火燒鰻魚飯香蒜牛肉烏冬脆炸軟殼蟹反卷鹽燒厚切特上牛脷香蒜牛油炒野菜清酒煮大蜆鐵板牛油煎黑松露帆立貝魚形圖案杯碟好靚

享受一下日式午餐真係堅。開心！前菜既沙律菜好新鮮，嫩綠脆口，遇到迷你甜薯，特別鮮甜沙律汁酸酸的，特別開胃！日式蒸蛋小碗上，蛋好滑，蒸得剛熟入面仲有好多配料，十分豐富味噌湯味道一流，不會愈飲愈口渴，真功夫原條炭火燒鰻魚飯，嘩一聲枱上比手仲大既鰻魚，比隻鐵义仲長鰻魚又厚身，又大大件給了我一個驚喜鰻魚燒得好甘香，肉厚有嚼口，咬落林而鬆軟味道甜甜，燒汁好香濃，鰻魚的香味十足，非常鮮味好難得遇到咁和味既午餐大大大驚喜！

今天在尖沙咀附近經過，看到這間居酒屋，所以進來試試。星期日下午2點來到，未算太多人。這裡的裝修很有日本feel，想起了以前去日本的情景。我點了一份午餐，就是北海道特上魚生飯 ，還附送沙律、日式蒸蛋、味贈湯。日式蒸蛋非常嫩滑，裡面還有冬菇、蟹柳等等。味贈湯又熱度，又有豆腐粒和昆布，十分濃郁。北海道魚生飯的魚生十分多，鋪滿整碗飯面。當中有三文魚、甜蝦、海膽、帶子和其他魚生，十分新鮮爽口。特別是海膽，是我最喜歡的。今天真的很滿足，下次會再來試試其他丼飯。

沙律有新鮮既菜，特別鮮味，甜蕃薯特別甜味噌湯好喝，日式蒸蛋好滑壽司定食八件配迷你牛肉湯烏冬大大份，好抵食！壽司好新鮮，帶子厚而鮮甜；蝦大隻鮮味；海膽好大份，金黃色的，好有鮮感；油甘魚、三文魚，吞拿魚都入口味道一流，玉子燒厚厚的，好好味配牛肉烏冬，牛肉大塊鮮味，湯底鮮甜，烏冬入口有煙刃口感，好吃黑蒜汁燒美國肉眼扒切成一粒粒厚切牛粒，一口份量入口，入囗剛好，牛有甘味且香濃，蒜片炸得金黃色脆口，木板上份外有滋味

今日尖沙咀收工，想同朋友好似日本人一樣去居酒屋食飯暢談，上網睇到原來K11旁地鐵出口就有間”味道樂居酒屋”，當然要試一試。來到餐廳門面裝潢就如日本居酒居一樣，富日本風格。入內亦同樣富日式，很喜歡。白桃乳酸梳打 $38我們點了刺身：系撚鯛 $78/2片名字特別，皮煙韌，魚肉質嫩滑。日本帶子 $58帶子厚身鮮甜味美。好肥美好大隻，蠔味鮮濃，師傅已調味。厚切，入口厚實，魚味鮮甜。看著也不用多講，入口油脂豐厚，余韻悠長。流心芝士魚餅 $48底面金黃，入口熱辣辣，流心芝士好吸引，口感一流。鐵板蒜片香煎厚切煎牛舌 $68十分有驚喜，牛舌好厚身，部位不錯，好嫩腍不會韌，配上蒜片，好惹味。牛肉壽喜燒 $98牛肉份量多，但質量就較為遜色比較韌，湯底較淡，也沒有傳統sukiyaki的味道。

星期六，相約朋友行完K11就找地方食晚餐，一出K11就見到對面有間居酒屋，我們對日本野情有獨鍾，就去看看，餐廳好有日本裝潢風味，加上又不使等位，即時入座。後來我們先知道原來長沙灣係总店，尖沙咀係分店，所以有很多熟客都到新店光臨。我們點了好幾款刺身，有深海池魚王，有分薄切同厚切，我們比較中意薄切，點了中間的少酸辣汁，非常好味，值得一試。另外點了三文魚刺身及油甘魚腩，刺身非常新鮮，而且肥美，放在口內有即融化的感覺。深海池魚刺身來到居酒屋，又怎可錯過燒物，我們一向至愛的鹽燒牛舌，脆口，肉汁鎖喺裏面，真心推薦。串燒仲叫了 “黑蒜豚肉”，平時比較少食到，味道不會太濃，呢個真係一定要試！芝士年糕又點少得，唔油膩，同平時炸個d好不同，呢個感覺係烤似的。最後，蔥吞拿魚蓉壽司，呢個真心推薦，飯內面都有蔥，食起來好有口感。整體，我們非常推薦呢間居酒屋，會再次回購，也可能成為我新的飯堂呢

之前吃過位於長沙灣的味道樂，但發現在K11旁開了分店，今晚於尖沙咀逛街後便去用膳。先點了一客五點刺身：《沖繩播磨蠔 $50/1隻》 - 肥美香郁，師傅已加柚子汁所以不用另蘸醬汁，再放有海草墊底增加口感。《油甘魚 $68/3片》 - 晶瑩爽身〈系撚鯛 $78/2片〉 - 魚皮輕炙過，使腍身香口《野生吞拿腩 $188/2片》 - 魚脂香重，有餘香《日本帶子 $58》 - 厚身鮮甜《流心芝士魚餅 $48》比較少居酒屋能夠吃到這款芝士魚餅 。芝士流心吸引，而且味道不膩，加上魚餅彈牙，整體味道口感不錯。《醬油燒年糕(2件) $38》醬油微咸製很提味，年糕燒得外薄脆內軟糯，十分惹味。《鐵板蒜片香煎厚切煎牛舌 $68》牛舌很厚身但十分軟腍而且有肉汁，牛味亦濃，加上炸蒜增加脆感之餘又更香口。《煙肉櫻花蝦煎廣島蠔(4隻) $88》廣島蠔肉肥鮮甜，蠔味濃，加上大量煙肉、櫻花蝦和香蔥，賣相佳，味道又豐富。《火炙左口魚邊(两件) $48》左口魚油潤帶脂香，醬上些少醬油更美味。《蟹膏帶子壽司 (两件) $58》帶子清甜，加上香濃的蟹膏實在提味。《牛肉壽喜燒 $98》牛肉份量多，用爐即煮保持熱度，很適合現時的微涼

今晚黎到尖沙咀食飯，又去味道樂到食啦。。之前就去過位於長沙灣既分店，口碑唔錯，所以決定再食一次，不過就黎到尖沙咀分店啦。哩間既店面明現大D, 坐都坐得舒服D👍🏻叫左幾款既刺身，都生鮮。隻蠔仲好肥美。。好想再叫多客。。。不過都係留番d 機會試下其他。咁我地就叫左幾客既壽司，分別有玉子同軟殻蟹手卷及蟹子壽司。。估唔到玉子壽司都有驚喜，似係自己煎。至於蟹子壽司，估唔到係黑色架。。都係第一次見。仲以為係黑松露壽司。。哈哈。不過又幾鮮wow,甜甜地，唔腥。另外叫左2客串燒，即燒。。上枱都嗅到陣串燒味。熱辣辣先好食！最後叫左2杯梳打飲品，分別係梅同桃味。。都係桃既好味好多。。哈哈。再食果然無失望，反而叫既食物有驚喜。

午餐和朋友食飯，係尖沙咀睇左食評先黎。12點幾，全場也只有一台食客。服務都正常，餐牌都算多選擇。我叫個$98既黑毛豬定食，個蒸蛋冇味，很淡，沙律一般，湯也乜特別。雖然個黑毛豬賣相好吸引，可惜肉質又硬又冇肉汁，我食左一半已放棄左。因為太乾太韌。好彩朋友個$88煎三文魚好少少。沒有太大腥味，肉也不算太鞋。其實呢種質素好多餐廳都做，一般只需要五六十蚊，呢個價其實一啲都唔值，主要係質素麻麻。埋單順便同個侍應反映個豬肉太韌，對方也冇乜反應，咁就算啦，冇下次。

是日約左朋友傍晚時分係尖沙咀等，見還掂都係就同屋企人出去行下街食個LUNCH，今次同屋企人試新野～居酒屋～雖然係星期六，但都有SET LUNCH!!３個人叫左３個SET 每SET都包一份沙律、麵豉湯同一盅蒸蛋！蒸蛋好味呀~好滑最驚喜既係＂原條炭火燒鰻魚飯＂呀！超大份量！原條鰻魚上，仲要好厚身，啖啖肉。。。就好似巨型壽司一樣！哈哈，又幾好食咼！雖然係百幾蚊，但咁大份量都算叫抵再叫左香煎牛油三文魚配大碗飯，新鮮熱辣 肉嫩 魚邊仲要好脆口添～正呀～賣相都相當吸引～只係有D DRY...不過大家SHARE食其實都OK～其實都無諗過個餐原來咁有份量~兩個SET已經好飽，好彩第三個SET係叫左壽司餐( ８件壽司+迷你湯烏冬)，以刺身壽司為主，但我家人唔食生野所以師父幫我地改左熟食既壽司！壽司SIZE唔會話好細～每人２-３舊都已經好滿足。總括黎講...今次LUNCH抵食而且食得好飽肚~^^~滿意的一餐!

這間食lunch都幾正！性價比高，又幾好食！我地一行3人，叫左一個原條炭火燒鰻魚飯，鐵板香煎牛油三文魚飯、壽司定食（8件）配迷你牛肉烏冬～～～原來個餐仲包沙律、日式燉蛋、麵豉湯～～～先講下個鰻魚飯！不得了，好大舊，真係原條上！好肥美，好Juicy，$118 值得一食而個煎三文魚煎得好香，賣相又靚！係色香味俱全嘅！因為我朋友唔食生野，但又想食壽司，廚師好好，比我地轉熟壽司！食完好滿足！加埋一平均每人$100鬆啲