味道樂居酒屋 (河內道) (已結業)

今日同媽咪係尖沙咀行完街之後，佢話想食日本嘢，咁啱見到呢間味道樂，唸起之前食過長沙灣果間味道唔錯，就入去試下長沙灣果間比較逼，呢間空間比較大，裝修非常日本🇯🇵風。連餐具都有小心思首先嚟左一碗野菜特濃魚湯烏冬，睇相都見到魚湯好清，奶白色，有濃郁嘅鮮魚味，非常清甜，配合埋滑溜溜嘅讚岐烏冬，媽媽讚不絕口如果蔬菜再多D就仲好～然後我地仲叫左個煙肉櫻花蝦炒飯，煙肉切碎，同櫻花蝦，蛋，紅蘿蔔碎一齊炒，成碗飯非常香口，飯粒粒分明我地仲叫左邪惡嘅炸雞，唔會有厚厚嘅一層炸粉，雞肉好嫩滑，好多肉汁，加埋上面嘅七味粉唔知點解最後先送上刺身😂我地叫左四款，油甘魚，吞拿魚腩，厚切深海池魚同埋網池刺身，我主要食吞拿魚腩魚油分布平均，入口即溶，無法用文字嚟形容佢嘅美味貴得有道理其他刺身都好新鮮，主要都係媽媽食，我就沉醉係吞拿魚腩嘅懷抱中。媽媽對於今晚嘅晚餐好滿意～

呢間餐廳吸引左入去嘅係因為佢個裝修好得意，好有feel。🤗🤗🤗Menu裡面有好多款食物選擇，有生食，亦有熟食，亦有鍋物，亦有燒物，可以話係你要乜有乜，佢有啲款式亦都有做緊優惠，所以有啲係好抵食架。🤩🤩🤩壽司叫咗牡丹蝦壽司，吞拿魚腩壽司同埋三文魚腩壽司，壽司佢即叫即整，啲刺身好新鮮，牡丹蝦大大隻好甜，而佢嘅吞拿魚腩同三文魚腩入口即溶，超級美味。🤗🤗🤗味噌蟹甲羅燒配蒜蓉多士，好多蟹膏，好香蟹味，唔會腥，味道可口，再配埋個蒜蓉多士一齊食脆卜卜，值得推薦。👍🏻燒雞骨腸，佢係用條雞骨代替竹籤，好特別，而條腸係用雞肉去整成，所以好香雞肉味，但係佢外皮就燒到脆卜卜。鹽燒雞軟骨鹽燒手羽先燒油甘魚餃，燒得好好，魚質嫩滑，外皮脆脆的，蒜香鹽燒赤海蝦，呢個值得推薦，因為佢都好大隻，一共有3隻，好入味，好正👍🏻😋😋😋

突然口痕想食串燒同芝士，於是就去搵到呢間味道樂居酒屋啦。Menu 款式真係好多選擇，漬物/小食類，刺身/壽司類，卷物類，丼飯類，燒物類，一品料理，飯/麵類，飲品類，樣樣皆有。結果，同男友睇左好一陣先揀完😂三文魚刺身 $38/3片，三文魚壽司$28/2件厚切大大塊三文魚，油脂分佈均勻，新鮮甜美，好滋味😍芝士火炙蟹柳壽司 $38/2件火炙後既芝士蟹柳壽司，芝士香帶點焦香味👍七味唐揚魷魚鬚 $68即叫即製，熱辣辣香脆魷魚鬚，好好味😋煙肉櫻花蝦炒飯 $58吾好睇佢細細碗，其實份量十足👍🏻粒粒分明，啖啖都有煙肉粒同櫻花蝦，好惹味芝士吉列海虎蝦卷 $78新鮮即炸虎蝦，上面再鋪一層芝士，外層濃濃芝士香，內裡酥脆，香口。中間仲加左d 青瓜絲，更加爽口清新😋芝士鐵板餃子 $68餃子煎到脆卜卜，加埋芝士入口，餡肉juicy,好好味🙈流心芝士燒年榚 $48/3件好正既燒年糕，熱辣辣，入面既芝士啫哂出黎，好軟綿綿牛油香煎銀鱈魚 $168 大約有3舊，肉質嫩滑，外皮煎至香脆，啖啖都有牛油香。白桃乳酸梳打 $38粉紅系果然特別吸引，淡淡白桃香，甜品恰到好處。最岩成班朋友聚一聚，大家開心share

今日去開尖沙咀搵食，係K11 附近俾我發現到呢間居酒屋！裝潢設計同係日本既一樣，決定入去試一試！居酒屋有日式前菜、小食、串燒、壽司刺身、飯拉麵 同埋甜品，好多款式！醬油淮山漬 - 開胃前菜，爽脆的淮山條原板海膽刺身 - 睇相就知份量多，海膽肥美，正火灸左口魚邊壽司 - 油脂多既左口魚邊配上特製醬油，魚邊肉入口即溶鵝肝壽司 - 香煎鵝肝，油香滲入壽司飯中火灸北海道帆立貝蟹膏卷 - 蟹膏香味好配搭到帆立貝，一口食一件，正流心芝士燒年糕 - 年糕外脆、內軟，而且一咬芝士流出蟹膏醬燒虎蝦 - 燒新鮮虎蝦，有埋蟹膏醬既鮮味，雙重享受最後仲有like fb 同收藏op 送既黑松露溏心蛋軟滑蛋白、蛋香濃既溏心蛋黃，加上黑松露醬，絕配！

味道樂上次在長沙灣光顧過，原來在尖沙咀也開了分店。店鋪比較寬敞，還有可愛的杯碟擺設。最好就訂座，不然時常客滿。牛油香煎銀鱈魚 $168，有2大件，比想像中多。除牛油香味，還有胡椒味，銀鱈魚肉質好嫩滑，這價錢經濟抵食。刺身也是必點系列赤貝刺身 $98/隻：爽口牡丹蝦刺身 $58/隻：鮮甜爽口帶子刺身 $58/隻：大隻厚肉脆炸軟殻蟹反卷 $88軟殻蟹仍是熱熱地幾香脆，再配沙律醬、黑魚子食配搭不錯。汁燒大白鱔 $68有2串，燒得脆卜卜，魚肉好嫩滑可口黑蒜黑豚肉卷 $48，也是有2串，黑蒜醬調得剛好，不會太鹹，跟香口的黑豚肉卷原來幾夾，好正。

星期日晚特登來這家味道樂居酒屋食飯就是為了聞名的原條成田醬炭火燒鰻魚飯，以這樣的份量，$138/份是值得的。估計條鰻魚有一呎長，炭烤出來，傳統的甜蜜鰻魚汁十分濃郁，碟上面足有兩碗飯，兩個人好夠食，唔怪得好多人點。我最喜歡吞拿魚腩， $188兩片，入口即化，非常肥美。蟹膏帶子壽司這個組合都幾好。 居酒屋的燒物水準之上，芝士雞肉棒、黑蒜黑臀肉卷、鐵板蒜片燒牛舌、油甘魚鮫都好好。芝士年糕，一客有三件，軟棉棉的芝士充滿口腔，我最喜歡這口感。

相比K11商場入面的連鎖式食肆，我更喜愛河內道附近一帶各式各樣的小餐廳。所以和老公去尖沙咀的這天，是試了非常有居酒屋風味的一間餐廳。菜單種類非常多，而且很多特色食物，讓我們花多眼亂。店主都很熱情推介時令刺身，看見有好幾枱客人也點了刺身，所以應該質素有點保證。於是點了八爪魚刺身和金目鯛。八爪魚刺身非常特別除了切片還有吸管！吸管口感特別，有點咬口，另外八爪魚肉質鮮甜、很彈牙！金目鯛雖然有點貴，$98兩片，但那種厚切的飽滿口感，肥美肉質，再加上稍為燒過的魚皮，讓我那嘴叼的老公也不禁讚好！串燒方面，我們點了秋葵、雞軟骨及推介的汁燒大白鱔。很喜歡雞軟骨燒得恰到好處，保持其肉汁。每次去串燒店吃雞軟骨十次有七次都會燒到全乾，所以吃到高質的串燒我們都十分驚喜！大白鱔肉質非常厚身，燒得外皮稍脆仍保持其肉質鮮嫩，加上醬汁，真的非常滿足。是我們還點了吞拿魚腩卷，油甘魚腩壽司及左口魚邊壽司。吞拿魚腩卷分量十足，十分精美；油甘魚做到真正入口即溶，超級高質！左口魚邊壽司一向是我的最愛，這𥚃的肉質很厚，火灸過後還加一點醬汁，比平日其他地方吃的味道更提升了層次！因為點了大多是刺身或小吃，為食的老公還覺得不夠飽，所以多

充滿日本風情嘅裝修，價格合理、而夠多選擇，而且地區位置又夠方便，所以呢間味道樂都有唔少人幫襯。我地首先叫左蟹膏醬燒北海道帶子同櫻花蝦煎廣島蠔。前者用料非常足料，用上非常多蟹膏，鮮味十足，而北海道帶子係都非常厚身，外表煎得香口，入口又彈牙!而櫻花蝦煎廣島蠔上枱時香噴噴，用上大量櫻花蝦更能增加香味同口感，而主角廣島蠔質感豐滿，充滿蠔隻應有嘅鮮味，係一道不錯嘅餐前小食。食日本餐點可以唔食壽司拼盤，賣相極為吸引嘅拼盤，有香蔥魚腩、鮮帶子、三文魚、甜蝦等等，相信都可以滿足到大部份人口味! 魚腩切得夠細，加上香蔥，更能增加香味; 而甜蝦晶瑩剔透，食落完全無雜質、鮮味極為濃郁。吞拿魚同三文魚都魚油味道香濃，亦無雪藏味道，非常美味。而呢個特大鰻魚飯更係呢度嘅招牌菜，用上原條鰻魚，已經係極為少有。而經過蒲燒之後加上特制醬汁，就當然更多惹味啦。鰻魚肉質細膩、醬汁又入味，用黎送飯就最適合。

味道樂居酒屋係長沙灣插旗左咁耐, 應該好多人都見識過佢既長鰻魚, 今次佢開到黎食肆林立既河內道, 比較就腳, 所以就去試下~ 之前睇過長沙灣分店既menu,發現佢雖然開到尖沙咀, 鋪租明顯貴好多, 但價錢又無因此而大大提高, 覺得幾有良心XD店面積唔大但相當有居酒屋風味。我最中意叫小食醒醒胃先, 淨係魚干都有四款, 就揀左一貫最愛既味醂魚乾, 比起平時食既無咁深色, 但味道竟然更濃郁, 而且相對厚身, 加上焦香既脆邊, 比平時既更好食呢, 另外一個魚乾就大大不同, 乾香薄脆。小食仲叫左兩款漬物, 三十幾蚊但量多。沙律以富士蘋果作主角, 富士蘋果果肉爽脆清新, 切成粒粒覺得比切成片更好, 因為可以更體會到蘋果既爽口, 配以新鮮蔬菜好健康。刺身可以揀六品七品拼盤, 但今次我就自己拼, 一次過揀哂想食既, 包括帶子、吞拿魚赤身、牡丹蝦、赤貝、深海池魚‧赤貝$98兩隻, 唔算好大隻, 但夠爽鮮, 符合赤貝最重要既條件, 當大家都愛吞拿魚拖羅, 我就中意赤身, 呢到三件夠厚切, 好正!!!!! 深海池魚可以揀薄切定厚切, 薄切就片數多D, 但厚切先食到魚肉既口感嘛!!!!鰻魚飯一上枱, 即使過幾

今日放假就比男友拉左出黎話要去海港城睇新開既玩具店，點知原來唔係睇咁簡單仲要買埋走。一早起身出黎咩都未食，買完玩具已經超級肚餓，一路行行到去河內道見到呢間味道樂居酒屋。男友又比裡面日式玩具擺設吸引到入左去，餐廳以木系顏色做主題更突出日系感覺。由於餐廳剛剛開門，立即捉緊時機影下入面環境啦。窗邊有超人機械人擺設。牆身更掛有日本特攝超人面具，可惜冇一個我係識。分別同男友點咗2個唔同既午市套餐。每份套餐都會跟一份 沙律、日式蒸蛋、味噌湯味噌湯 – 湯中有豆腐，而且味道不會太鹹。沙律日式蒸蛋 – 值得一讚係日式蒸蛋蒸得幾滑，而且食到底會有其他餡料，幾好味!原條炭火燒鰻魚飯鰻魚真係好大條，個形狀就好似一件巨型鰻魚壽司咁，面上仲有切碎蛋條。燒汁味道剛剛好，鰻魚肉厚身加上飯一齊入口，只可以講超滿足。北海道特上魚生飯丼飯有多種不同剌身，分別有蝦、海膽、三文魚、鯛魚等等。刺身擺滿係醋飯上，份量幾多，而且整體魚生都幾新鮮，味道鮮甜，蝦就夠哂大條又爽口。珍珠米飯夠飽滿，入口黏糯，醋味亦剛剛好，呢個價錢食到咁多魚生係區內黎講已經算係超值!餐廳食物質素高，特別係招牌午市鰻魚飯! 果然尖沙咀都係我美食地帶第一位。

係長沙灣好出名既「味道樂居酒屋」終於喺尖沙咀開分店啦，香港人食晚飯又多一個好選擇！星期日嘅晚上帶左好鍾意食日本野嘅媽咪黎，餐廳裝修到好似真係去左日本居酒屋咁！餐廳人氣度都幾高，光顧嘅客人男女老幼都有，仲有少量日本人餐牌設計得井井有條，分門別類，圖文並茂，好貼心啊玉子壽司 & 黑松露糖心蛋(宣傳活動贈送的)玉子燒係餐廳自家製的，送上桌時微溫，所以入口特別鬆軟有蛋香！參與餐廳宣傳活動而贈送的糖心蛋都幾流心，加左黑松露醬使到整個蛋嘅味道昇華左三文魚刺身(兩客)刺身係厚切的，色澤光鮮，非常肥美，好新鮮，充滿着魚鮨香極上壽司盛盒(十件)呢個壽司盛盒真係不得了，包括左多種新鮮時令季魚，鍾意食壽司嘅朋友必點！最喜愛當中嘅吞拿魚腩入口即溶；海膽鮮甜一啲都唔腥；同埋牡丹蝦好新鮮！其他魚類壽司都好鮮味！亦好欣賞壽司嘅飯量不多，令顧客更能品嚐到魚鮮味之餘又唔會太飽滯日式炒雜菜蔬菜嘅種類都幾豐富，七彩繽紛的，有冬菇、金菇、紅蘿蔔絲、洋蔥、椰菜絲等等，成碟菜炒得香口唔油膩，好健康的啊。面上加左芝麻、七味粉同木魚絲所以更加滋味芝士鐵板餃子幾精心製作嘅鐵板餃子，廚師巧妙地將細塊芝士痴落餃子上面，使到每一口餃子都充滿

味道樂居酒屋之前係長沙灣食過一次，食過之後已經覺得佢樂有水準。知道原來尖沙咀都開分店，所以點都要黎試一次😋😋地點位於尖沙咀k11對面，實在太方便了👍🏾👍🏾店鋪內既裝修都係悉心既佈置，成間鋪既裝修都係以木為主，而且擺放了很多日本酒樽、面具、懷舊海報等等，充滿了日本的風味。餐牌簡單精美，而食物既種類非常多，有各式各樣既壽司、刺生、串燒、燒物等等，而且價錢一d都唔貴。我地刺身、卷物、串燒樣樣都叫左d🤤🤤1. 七點刺身盛合$428叫得敏七點刺身，即係有七款，當巾包括三文魚2件，甜蝦4隻，帆立貝2件，油甘魚2件，中吞拿魚腩2件，2款時令魚2件，今日既時令魚深海池魚王同真鯛魚，而呢2款時令魚係日本🇯🇵空運到港的，所有刺身都好新鮮。經老闆指點後，食刺身既次序應該由淺色既魚開始食起，因為愈淺食既魚就愈淡味。果真如此，真鯛魚味道相對較淡，但都好清新。而中吞拿魚腩非常肥美，魚身既花紋都好均勻👍🏾👍🏾👍🏾火炙北海道帆立貝蟹膏卷$88一客有六件，蟹膏味好濃郁，最岩一淡擺落口，蟹膏既香味先可以完全覆蓋味蕾，為味蕾帶來重大既衝擊🤭黑蒜黑豚肉卷$48原來一客有2串，成串串燒嘅重點就係喺黑蒜醬裏面，黑豚肉面充滿着黑蒜

每次食日本嘢，都會想食下串燒、炸物依啲熱食，又一定要食刺身壽司所以居酒屋就成日都成為左我同朋友既選擇今日放工又去開尖沙咀，一出地鐵就見到佢，位置咁方便就揀左依間食Menu好多頁好多選擇，所以我同朋友都睇左好耐😂侍應見我地咁有困難，都主動走左過嚟問我地需唔需要介紹下😂😂😂最後就每類嘢食都嗌左啲杯碟碗都有條魚係到，同一個系列，又幾和風海膽壽司($38一件)大大片海膽啊一啖啪落口真係好正，成個口都係海膽味刺身方面就揀左三文魚腩($48)同油甘魚腩($78)厚切既刺身真係有種魅力，食落口啖啖肉既感覺令人好滿足依兩樣嘢做前菜真係一流，令人食慾大增另外都嗌左好幾款熱食蟹膏蟹肉炸豆腐($58)平時食炸豆腐通常都係中式既椒鹽炸豆腐，依個日式配上蟹膏同蟹肉，都係第一次試炸豆腐原本比較清淡，配上濃味既蟹膏，味道又幾夾明太子雞翼($48)去親居酒屋都會嗌既一樣小食芝士免治雞肉棒($48)雞肉棒原本既味道已經濃郁，再加上熱溶左既芝士，畫龍點晴黑松露和牛炒飯($58)原本以為五十幾蚊會係細細碗，但原來份量都好多下，細食既女仔應該食一碗就飽仲好細心，一上枱已經會拎多隻碗比我地，方便我地share食炒飯炒得好香，落

味道樂落腳尖沙咀, 之前已聽朋友推介過, 刺身或串燒食物味道都出色, 當然要來一試大玩日系童年玩具 食物款式多得眼花花, 令人心多多, 樣樣都想一試小白兔陪開飯先來味淋魚干, 醬油香甜,  魚干有咬口, 而且燒得好香, 帶非常輕微的焦, 好好味道; 用來送啤酒絕對一流是日推介 - 燒刀貝蜆, 沒想過蜆會有這種香甜, 像帶少少的奶油味, 四隻不夠吃!蟹膏醬燒虎蝦 - 蟹膏醬放在熱辣辣的蝦身上, 蟹膏香味頓時颷升; 將蟹膏放在蝦身上混在一起咬下去, 兩種海鮮香味充斥口腔, 不得了.鐵板牛油煎黑松露帆立貝 - 味道樂的燒海鮮真的出色, 這個鮮帆立貝加上黑松露及香菇幾種香味都特濃的食物上, 吃下去幾種香味滲在齒峽之間; 加上帆立貝的鮮, 吃得味蕾都在跳舞吃完一輪海鮮, 就來一些肉類及菜類, 當然不少得受歡迎的煙肉荔枝卷外型討好的醬油燒年糕幾個菜類 - 鹽燒翠玉瓜, 冬菇及鹽燒秋葵另一個出色的燒物 - 牛油香煎銀鱈魚, 魚皮不太油膩, 但魚肉卻保留香滑的魚油, 令肉質非常軟滑, yummy yummy這裡另一出色的食物, 就是各種刺身, 不過今晚已經額飽, 所以只叫了三文魚籽; 魚籽味濃, 咸香