味道樂居酒屋 (河內道) (已結業)

今晚約左多年無見嘅舊同事食飯, 住喺長沙彎嘅朋友話有間區內高質居酒屋喺TST都有分店, 既然有人食過guarantee就更好唔使煩, 尖沙咀地鐵站N2出口就係, 勁方便.•七點刺身盛盒 (HKD428)等緊人齊時叫住刺身先, 好多款刺身, 最吸引當然係正中間兩件拖羅吧! D刺身要用”件”而唔係”片”因為全部都起碼成cm咁厚, 一啖油香四溢, 新鮮到不得了. 長過隻手指嘅甜蝦☝🏻, 然後食油甘魚刺身, 口感好柔軟, 都未食其他野已經感覺半飽.•醬油燒年糕 (HKD38 for 2件)一串兩粒圓咕碌嘅日本🇯🇵年糕, 口感香Q.•大葱特上呑拿魚腩卷 (HKD78)一碟6件壽司, 由內到外勁多呑拿魚腩肉呢, 抵食之選.•火炙北海道帆立貝蟹膏卷 (HKD88)喺門口睇到其中一張menu嘅廚師推介已經想order, 又有帆立貝又有蟹膏, 一次過滿足唒兩個願望, 壽司飯包住松葉蟹棒, 味道由淡至濃, 蟹膏份量就如店家menu一樣, 大滿足.•原條成田醬炭火燒鰻魚飯 (HKD128)朋友喺長沙彎店食過話li個鰻魚飯係必食item, 令我唸起成田山食過一間叫”川豐”嘅超正鰻魚飯. Li個thumb up

窮遊香港-好大條原條燒鰻魚飯.尋日初一路過尖沙咀 睇花車開既餐廳都唔多 入左一間 竟然冇加價 😭好感動店內好有日本居酒木屋風味本日晚上6點人唔算多 7點爆場.....講講野食 一定講下呢個⭐️原條成田醬炭火燒鰻魚飯$128😱好厚好長既燒鰻魚 拉直大概有半個手臂長👍🏻魚肉完全唔乾 👍🏻皮下面小小肥 可以用滑黎形容👍🏻中間有小小骨 係咬得爛既程度👍🏻鰻魚燒汁好入味🤔味道直接食有d重甜‼️係重甜👍🏻表面有d蛋絲 加埋餸飯食岩岩好😍係一個高質鰻魚飯⭐️推介‼️叫埋朋友分享比較好（‼️注意：係冇炭燒味）.⭐️三文魚腩刺身$48👍🏻勁勁勁厚切 （可睇圖）👍🏻仲要好肥好滑 油脂味重 爽.⭐️火炙北海道帆立貝蟹膏卷$88👍🏻蟹膏味幾香 完全唔腥整體幾夾既.現在人在內地 坐車中...番黎再打 窮遊深圳🙈.#味道樂居酒屋地址：尖沙咀河內道2號地下.⭐️評分：味道：4.5/5環境：4/5服務：4/5衛生：4/5抵食：4/5.‼️想睇更多資訊‼️openrice ： 歡歡增肥之旅.

見到IG有人post條鰻魚相，女人嘅感性直覺就話俾自己知，我好想食呀！去完林村，碰下運氣，walk in睇下有無位，鬼叫我地無訂位，六點開舖，我地六點四到，即刻俾張枱我地，個半鐘交枱，太好啦！見到條鰻魚，實叫，多汁又「林」，多D白芝麻就好，不過好易入口，配埋珍珠米，放係聖誕樹碟上面，超cute（實際上係年初三）。心癮想食火灸左口魚，入口即溶，無須多講。相反個呑那魚相對上失色，雖則都可以做到入口即溶感覺，但感覺上俾青瓜味槍晒味，突顯唔到呑那魚嘅鮮味。最後就係泡菜芝士雞，唔⋯⋯⋯⋯我曾經係葵涌廣場食過，泡菜加芝士汁烏東，以為好古怪嘅配搭，但點知好夾，所以我地先試呢隻雞，誰不知泡菜加芝士片就真係多左，而且凍得快，好快磚，雞又煮過左龍，所以真係麻麻。四樣野加埋都係三百七去食居酒屋，而且全場爆，都相信佢有佢selling point，如果大家有興趣去試就記得訂位啦！

味道樂居酒屋喺正尖沙咀K11隔離，交通十分方便。店內外都充滿大量的木元素，感覺溫暖舒適。味道樂自家制生啤 $68自家製的清啤，很清爽的！富士蘋果蟹子沙律 $78蘋果爽口清甜，蟹子提升了鮮味，仲有啲又腍又香甜嘅小蕃薯，同埋新鮮的蔬菜，加上大量嘅沙律醬，極度開胃，兩下清哂！牡丹蝦刺身 $58 each勁大隻，肥大肉厚！師傅已去殼去腸，超級甜美，正呀！三文魚刺身 $38大大片，表面有一層魚油的光澤，味道濃郁！三文魚腩刺身 $48勁肥勁濃味，食到滿口油香，超滿足！大蔥特上吞拿魚腩卷 $78肥美的吞拿魚蓉灑上蔥花和芝麻，令香味進一步提升，新鮮就是王道！鐵板金菇牛肉卷 $68牛肉煎至香口，卷著爽口多汁的金菇，加上香濃嘅醬汁同埋適量嘅黑椒，好食到停唔到！鹽燒特上厚切牛舌 $68牛舌香口多汁，味道濃郁！68蚊有兩串高質牛舌，真係好抵！野菜牛肉湯烏冬 $78牛肉上菜時還是粉紅色的，由熱湯慢慢慢浸熟，軟腍好味！臨走前見到呢張poster，二話不說，即Like！黑松露日式溏心蛋 $0一Like一份，香濃美味，大家記得唔好錯過！

夜晚係尖沙咀搵餐廳食晚飯，見到呢間居酒屋非常爆滿，一於排隊等下睇下係咪咁好食！好彩唔係等左好耐，大概15分鐘就有位。小食方面，點左個螢光魷魚，上面仲有放咗幾片金箔！螢光魷魚嘅味道唔係人人接受到，而我就好鍾意，所以我成碟食晒！巨型原條成田醬炭火燒鰻魚飯個鰻魚真係超級大條，又厚身，又好長！鰻魚肉質都幾亂滑，好味！同埋咁大碟真係好抵食！芝士粉紅魚鬆燒蠔魚鬆真係粉紅色，好靚！食落甜甜地咁，生蠔都好新鮮，幾飽滿。香煎鵝肝，鵝肝煎得外脆內軟，唔錯。燒白鱔，咬落好爽脆，醬汁都好惹味！

到尖沙咀唔想食太貴的東西，但又帶住個外國回來的朋友，見到openrice 咁多人like, 見set lunch 價錢系80-120左右，裝潢都唔錯，那就進來了。 蠻多款可以叫，熟食例如和牛及饅魚丼都可以挑選。刺身壽司都有。我叫了個有壽司拼盤和烏冬，一定夠飽。朋友叫了海膽丼，一直說很便宜，坦白說，這些不是價格太高檔的餐廳，我不敢叫海膽。首先給了前菜，有沙律和湯還有茶碗蒸。沙律新鮮，湯是熱辣辣的面鼓湯。茶碗蒸有鼓，蒸的水份剛好，吃完已三成飽。最後來了我們的主食。壽司拼盤的魚生都好新鮮，烏冬好大碗，上面好多肥牛，好好味。朋友的海膽丼簡直無得輸，推翻我之前的expectation, 哇好大塊海膽，同埋好甜，朋友只願給我一塊小海膽，雖然我果份餐都好好味，但隔離飯香，仲有三文魚都好正。下次我都要食。

呢間居酒屋一直都好想試，因為每次放工經過門口都覺得裝潢好特別，好吸引。今晚就同左個同事放工一齊來試試，一入到去個環境令我好似真係去左日本既居酒屋一樣，而且比日本既居屋既裝潢更細緻，店內側邊的牆上掛上一排日本燈籠，牆上也掛上一排排的超人面具，主要係以日本懷舊既公仔，真係好喜歡。以食物質量&份量去計算，這食店的價格是非常化算，食物是非常有水準，對比某一些再大型店鋪，相同價格也吃不到同樣質量的食物。而且，這食店的餐具也設計得非常可愛，餐具也可以為店內增添一份食慾，店主對客人非常細心。我同同事正在考慮吃什麼的時候，店內經理已經好快地走過來介紹今晚推出的食物，原來每逢星期一都會有最新鮮的魚生到貨，所以最好提前預訂。我們選擇了一個‘七點刺身拼盤’分別有厚切三文魚，厚切中吞拿魚，厚切油甘魚，厚切池魚王，厚切帶子，厚切真鯛魚，大大隻甜蝦，仲有好名貴的日本紫菊花（是由日本直接運到），用來夾住粒大大的帶子刺身，吃進口內，淡淡清香，帶有微微的花甜味，真是激讚！ 所有刺身都非常新鮮，因為厚切既關係，令到刺身入口非常有口感，中吞拿魚入口即溶，其他刺身好鮮甜。火炙北海道帆立貝蟹膏卷侍應一放下，一碟6件，每件都是疊

之前一直想試呢間尖沙咀的味道樂，難得得閒經過，就入去試吓🥰雖然只係兩個人，但都叫咗好多嘢食🤤1) 煙肉櫻花蝦煎廣島蠔2) 蟹膏蟹肉炸豆腐3) 芝士免治雞肉棒4) 火炙北海道帆立貝蟹膏卷5) 鹽燒厚切特上牛舌1) 面頭既煙肉煎到金黃鬆脆，食落好香口，重有側邊有櫻花蝦做點綴，配合埋煎過都食到鮮美既生蠔做頭盤真係唔錯。2) 豆腐炸到外脆內軟，口感好新鮮，另外入面仲有蟹肉，加埋面頭既蟹膏，除左食到豆腐既青新之外重食到蟹肉既濃味。3) 蝦卷上面鋪左一層好厚嘅燒芝士，芝士味好香，食落啖啖芝士亦都好有咬口，另外燒烤味既雞肉棒亦都啖啖肉好香口。4) 食得多串燒就要食下飯落肚。帆立貝好新鮮，雖然好細片但都食到佢嘅鮮味，雖然面頭有濃味既蟹膏但整體都好夾。5) 雖然係鹽燒但又唔會燒到太鹹，牛舌雖然好大塊，係厚切。但燒完都唔會好韌好老，牛味都好重，再配合埋啲串燒香料真係好夾。最後叫咗一杯梅酒，好正！

鋪頭係尖沙咀K11隔離，尖東站N2出口一上黎，唔洗十秒就到，附近都有唔少日本餐廳，味道樂既風格樹然不同，充滿日式居酒屋既感覺，木製既裝修配埋暗黃既燈光，好似深夜食堂入面既裝修亦都以日式居酒屋做主題，覆古既貼紙同埋燈籠，位置有十多張4人檯，今日黎得早不用排隊，但未到八點已經差唔多坐滿，建議星期六日要預先訂位呀-三文魚腩壽司/燒左口魚邊壽司前者不過不失，魚生唔會太凍，飯亦都冇握得過實。後者有驚喜，入口香氣溢出，蔥白令鮮味更加突出-帆立貝蟹膏反卷帆立貝大大粒，好鮮甜，而蟹膏有小小甘味，兩者夾埋岩岩好-燒魚乾香口，如果可以再脆小小同濃小小就更好了-海膽飯下面係吞拿魚蓉上面大大片海膽，另外再配埋三文魚子，雖然價錢比較貴，但絕對價有所值，海膽全部原片好大塊，三文魚子既份量亦都好多，完全都好新鮮。

友人剛在聖誕節期間去了東歐，見到她面書上的相片很吸引，當然馬上相約分享一下，邊吃邊談最好啦！十多日的旅程，友人食西餐食都厭，就揀了日本菜。店子招牌高高掛在正中，門面以木材建構而成，設計有特色。按門而入，裝潢好有特色，四處擺放了不同種類的日本酒、懷舊玩具，亦掛上日式門布、超人面具、日式燈籠，還貼滿日本的postcard、日式海報等等，的確設計成一間居酒屋，富有心思。長方形格局，設有數排二至四人枱，入一點就有個半開放式，旁邊有排二人枱。座位不少，但枱與枱之間的空間不多，不過播放着輕柔的歌曲，感覺也輕鬆。餐牌也設計精美， 附上一些菜式相片，分有沙律、漬物/小食、刺身/壽司、卷物、燒物、一品料理、飯/麵、飲品和甜品，仲有期間限定和廚師推介，選擇不少。 ******************************三文魚腩 Prime Salmon ($64/4件）相當厚身，滿佈油脂，極之肥美油潤，一咬便爆出魚油，鮮嫩帶微爽，質素不俗。******************************鐵板牛油煎黑松露帆立貝 Teppanyaki Scallop With Black Truffle ($

兩口子喺尖沙咀行行下街到食晚飯時間，就上OpenRice 隨意睇下有咩日本嘢食。因為我倆都好鐘意食饅魚，見到li間未試過的有原條碳燒饅魚飯，就立刻book左試下。環境以日式和風木式為主，感覺舒適，但座位偏窄。而食物方面~碟饅魚飯到的時候，我倆心心眼同口水都出曬黎!!!!!!!!好大條呀!!!!!!味道確係美味多汁，邊位又夠脆，而飯份量都幾多，所以吃太多飯的美美，落單時就叫少飯，免浪費啊!!!!!!我地仲叫左個熱氣小食。但味道和口感，本人就覺得一般同好似食緊圈圈薯片咁......還有那個壽司], 蟹膏分量多，一啲都唔孤寒~~~~最後要讚下這裏的員工，我哋不停叫他們加茶，都無嫌麻煩大滿足~

見個個都食左呢個海膽丼👀當然要嚟試下喇💁🏻‍♀️ 今晚就去左👉🏻味道樂居酒屋👈🏻食下先👅..必點”滿到溢出嚟既海膽丼”(HK$258)😍滿滿既海膽，食落好新鮮一d 都唔腥，仲帶有鮮甜味😌加埋魚蓉同魚子，係正既💥

歲月就像神偷，不知不覺認識K君已經十年了，十年前我同K君在日本的居酒屋相識，為左慶祝與K君相識十周年的友誼紀念日，我地揀左味道樂居酒屋食餐飯聊聊天。餐廳好火爆，好在我地一早訂左位，入到餐廳朋友好喜歡呢度既擺設，話好有特色。好多野食選擇吖！二話不說先叫一個招牌原條炭火燒原條鰻魚飯。真系超壯觀！原條架！鰻魚肉頭好厚，勁juice!原條鰻魚飯夠晒滿足！米飯都系精米吖！衫得起高質的鰻魚！正！來一碟刺身，我地揀左帶子刺身。好鮮甜吖！帶子肉質好厚，口感一級棒！無論系燒野定壽司，呢間店都整得好好。牛油鐵板燒鱈魚，鹽燒三文魚頭，系我既至愛！燒得好入昧，欣賞佢地食材夠高質。櫻花蝦炒飯，粒粒米飯爽口，櫻花蝦好香口。送飯一流。小食都有好多選擇，抵食好味。

先來個甲羅燒味道較濃而且份量較多，有多幾塊包就好啦！芝麻雞翼係我最愛💖💖三文魚子壽司富士蘋果蟹子沙律，呢個沙律同出面有唔同嘅就係佢哋冇青瓜，但係用上紫薯仔，所以食起上嚟更加有飽肚感，仲好甜蜜蜜💕💕流心芝士年糕，真係好流心㗎！雖然表面有少少過咗火，但係食起上嚟真係芝味十足😊呢度個個都會叫嘅鰻魚飯💕鰻魚飯我會建議大家一嚟到就即刻食！如果唔係擺多陣攤凍咗就會有腥味。所以千祈唔好浪費廚師嘅一番心機呀💝

見到味道樂係tst咁就腳所以就入咗去試 之前都有聽過朋友介紹 😆首先我哋食咗兩個迷你飯 一個係三文魚子加蝦蓉 覺得佢既蝦蓉樂獨特 雖然蝦肉整左做蓉但仍然樂有鮮味 以蓉既口感食蝦係第一次😬 另一個就係左口魚飯 有岩岩好夠既魚油 亦好香好新鮮 上而淋左一層有啲似鰻魚汁既醬 有加分🥳兩個飯都擺得好精緻 好有心思 賣相相當好我哋都試咗唔同嘅壽司同刺身 金槍魚碎壽司都係好似魚蓉既口感 好多肉好滿足 🍣 芝士燒蟹柳壽司都幾好食 暖暖地 另外三文魚刺身非常之厚切同飽滿 都係非常推介既 最後仲食左啲燒物 有一份係煙肉燒荔枝 咸咸甜甜咁好新鮮😳最後仲食咗柚子sorbet!! 超級推介因為佢入邊係有果肉 😍 巨峰提子梳打水都好好飲 唔會太淡味 下次都會再尼食😍