味道樂居酒屋 (河內道) (已結業)

拍拖食飯嘅嘢，尖沙咀銅鑼灣呢啲梗係鐵膽，女友話想食日本野，做男友點會話反對呢，不過荷包又要出血啦間餐廳位置好好就係河內道，尖東站出口好易搵如果以日本餐廳來講，價錢來講還算可以嘅，啲時令推介都幾吸引和牛啊！好想食呀！串燒嘅選擇都好多女友就揀咗佢鍾意嘅海膽，呢種大片嘅我都好鍾意，另外點左吞拿魚腩，新鮮程度完全有日本食嘅質素清酒煮蜆酒味好清香，啲蜆肉都唔會煮過龍呢個係侍應推介嘅小龍蝦刺身，完全冇介紹錯，又新鮮又好食串燒就叫咗啲大路嘅最後唔夠飽叫多咗個壽起燒，果汁非常濃郁，好食！

呢日其中一個比較熟嘅同事last day，我地成team人同佢食咗個farewell lunch，之後夜晚我地三個再一齊食晚飯盡興一下，預祝佢喺新公司有更好嘅發展。我地去嘅呢間居酒屋，七點半左右入座率已超過8成，好彩我地book咗位👍🏻餐廳環境舒適，黃黃嘅燈光令人感覺輕鬆自在，入面有好多日式小裝飾，燈籠，超人面具，日本懷舊小玩意，好有日本居酒屋嘅風味。✨七點刺身盛盒HKD428嚟到居酒屋又點可能唔叫刺身😂呢個刺身盤有三文魚，中吞拿魚腩，甜蝦，帆立貝，油甘魚，同埋兩款季節時令魚。每款刺身都好新鮮，食落鮮甜甘香。最鐘意食呢件吞拿魚腩，厚切個口感好正，入口油香大爆發，魚味濃郁👍🏻✨脆炸軟殼蟹反卷HKD88蟹籽青瓜軟殼蟹沙律醬呢個係開胃嘅無敵組合👍🏻軟殼蟹外脆內軟，蟹籽青瓜脆卜卜，食落清新開胃，唔油膩。✨火炙北海道帆立貝蟹膏卷HKD88蟹膏嘅份量都唔少，每件卷物上面都有大大點，蟹膏嘅咸鮮味，令帆立貝嘅鮮味更突出🤤✨鐵板蒜片香煎厚切煎牛舌HKD68次次食日本嘢都必食牛舌，今次冇叫串燒牛舌，因為見到有呢個厚切煎牛舌，啖啖肉餸酒最好。食落蒜味香濃，牛舌質感軟腍。✨香蒜牛油炒野菌HKD68一上枱就聞到

一直都好想試呢間 今次紀念日就決定係呢到食嚕😁果然無令我失望 值得推薦俾大家🤗.日本生蠔🐚 $88是日精選點少得日本特大生蠔😍😍鋪頭唔係日日有size仲大過打邊爐食個款美國桶蠔✋🏼成隻手板咁大😁由於係日本直送 味道好新鮮👍🏼主廚亦都有心思將微辣既蔥蓉放係蠔上身 食蠔前先食蔥蓉 配合清新既檸檬汁 將隻蠔既鮮味帶到極致🤤我習慣先食裙邊 第一啖食落去完全唔鞋又唔腥 非常嫩滑同埋好易入口🥳必叫🤗海膽壽司 $38 (1件) 三文魚刺身🍣 $88 (3片)要睇餐廳既魚生新唔新鮮 一定要試試佢既海膽😜海膽帶甘甜唔會有苦味，而且每件海膽壽司都好足料架😆另外都點左三文魚刺身 肉質肥美而且好新鮮 仲要係厚切添🤭我地顧住影相影到刺身既冰融融地 好彩有貼心既侍應埋黎提醒我地 😁呢間餐廳既佈置好細緻 檯唔係好多 但係氣氛令人好似真係置身於日本既居酒屋咁呀😍

尖沙咀有一間好出名嘅居酒屋入面嘅壽司就都好好飲而且好日本嘅感覺所以我見都幾歡迎附近嘅OL黎食仲有好多唔同嘅朋友佢哋都一齊嚟食傾吓計所以我哋就揀咗呢一間日本嘅居酒屋你做我哋嘅gathering啊我哋好早嚟到所以座位都比較多而且我哋10個人嚟食都可以坐得晒唔使分開幾張枱坐呢一點都覺得好欣賞啱晒我哋成班朋友傾計成田醬照燒鰻魚反卷$$78我哋叫咗一個鰻魚嘅卷超大塊鰻魚而且佢哋鰻魚汁都好香好鮮甜牛油香煎銀鱈魚$$168超香超滑嘅魚油香啲魚肉啖啖都好滑而且佢都煎得唔算好濃食落去嘅魚味仲好鮮甜好香再加上一個鐵板係個底度令到魚油繼續有熱力可以保持而且仲有兩舊啱晒同朋友分黎食鐵板金菇牛肉$$68同樣係我啲鐵板金菇牛肉嘅汁好香好甜佢嘅燒汁係好好味嘅而且牛肉亦都唔係肥牛所以食落去就會瘦啲再加上既肉味咩都好鮮甜脆炸軟殼蟹反卷$$88係我最鍾意嘅軟殼蟹可以見到佢嘅係佢炸得好趣而且仲有好多沙律醬同埋蟹籽件件都係勁足料勁多火炙北海道帆立貝蟹膏卷 $88面層嘅蟹膏係好出味而且嘅帆立貝好滑好鮮鍾意食海鮮味就可以揀呢款啊而且佢哋嘅賣相都非常之好可以吸引到我哋拎用嚟打卡鹽燒翠玉瓜$38笑得好香唔會好濃好油煙肉櫻花蝦煎廣島蠔

對日本菜有情意結，間唔中就會想回味一下日本既味道同感覺。呢間居酒屋設計用心，餐廳裝潢以木材為主，店內掛上小燈籠同埋擺放左各款清酒瓶、玩具擺設等，別有一番風味。火灸左口魚邊(兩件) $48左口魚魚肉彈牙，燒一燒表面令油脂更甘香馥郁，愛吃油份高魚類既朋友大推薦！海膽壽司(一件) $38要分海膽新唔新鮮，第一步就係睇吓佢有冇溶化既徵狀。壽司上既海膽色澤鮮明、肉質飽滿，唔蘸豉油先試一片原味海膽，食得出海膽既甜味，食材咁新鮮，抵讚~火炙北海道帆立貝蟹膏卷 $88蟹膏真係蟹味既精華所在，味道較濃。相對黎講帆立貝味道較淡，厚度適中。卷物餡料係蟹柳同青瓜，整個配搭相得益章。鹽燒厚切特上牛舌(兩串) $68呢樣野係我每次食日式串燒必點既！牛舌肉興嫩滑，咬落爽口，加上少少鹽調味再燒至微微焦香，食之前灑上檸檬汁中和肉既油膩感，讓人一吃愛上。牛肉壽喜燒 $98鍋物加上大量娃娃菜、洋蔥、大蔥等熬煮，味道帶甜。牛肉舖滿表面，再打上一隻晶瑩剔透既雞蛋，鍋內配料仲有冬菇、苟蒻麵等，好足料。底下有個火爐仔保持加熱，同朋友一邊傾計一邊慢慢食都唔需要擔心食物會凍曬~牛油香煎銀鱈魚 $168鱈魚係連埋個好熱既鐵板一齊上菜，表

約咗另外三個姊妹喺尖沙咀食飯，好開心我地四個又可以一齊去食好嘢👸🏻👸🏼👸🏽👸🏾今次我哋試嘅呢間居酒屋，係其中一個尖沙咀返工嘅姊妹提議，佢之前食過，話好味又抵食！當晚我地約咗喺尖沙咀站N2出口等，點知居酒屋嘅位置直頭就喺N2出口嘅前面😂好近好方便！我地四個為食👸🏻👸🏼👸🏽👸🏾點咗好多嘢食😂因為本menu有大量相片，每款睇落都好吸引，樣樣都想食，忍唔住越叫越多🙆🏻🔥七點刺身盛盒$428三文魚(2切)，甜蝦(4隻)，帆立貝，油甘魚(2切)，中吞拿魚腩(2切)，兩款季節時令魚(各2切)擺盤精美😍睇到已經知刺身好新鮮😍😍每件刺身都好有亮澤。三文魚吞拿魚油脂甘香濃郁，帆立貝同甜蝦清甜鮮味🤤🔥火炙北海道帆立貝蟹膏卷$88每件壽司卷上面都有一大點蟹膏，蟹膏鮮味帶點咸香，食落清新得嚟帶點惹味👍🏻🔥脆炸軟殼蟹反卷$88軟殼蟹炸得脆卜卜，沒有多餘油份，食落唔會油冧冧，配埋青瓜蟹籽沙律醬，越食越開胃😋🔥鹽燒雞軟骨$38呢碟嘢我食唔到🙈掛住食其他嘢，雞軟骨就無聲無息俾另外三個為食妹消滅咗😂佢地話口感爽脆，一啲都唔硬，唔小心食食下食哂，留唔到俾我😂🔥鐵板蒜片香煎厚切煎牛舌$68蒜片炸得香脆，蒜香十足。平時食開薄燒

之前一路都好想試呢間餐廳，但見喺長沙灣，唔係成日經過，不過原來尖沙咀都已經開咗分店，咁方便，梗係即刻去試吓，好在有book位，夜晚超爆場。海膽軍艦好鮮甜，紫菜脆卜卜。油甘魚腩刺身，好厚切，幾爽口。鵝肝多士，超推介！ ！好大件，好有油香，面頭少少脆，入面好甘香。原條炭火鰻魚飯，見差唔多枱枱都有叫果然燒得好香，鰻魚汁有少少甜，撈埋飯食就啱啱好。Hv 完，平安不回帆立貝蟹膏卷，蟹膏好香，帆立貝都幾新鮮。明太子雞肉串，明太子醬好creamy，都算幾大串。

專程搭車黎到尖沙咀就係為左食佢既鰻魚飯。入到鋪頭見到星期日中午只得兩枱客都心感奇怪，但慕名而來就照入內食啦。唔洗諗即叫左個鰻魚飯同火炙丼，火炙丼不過不失，鰻魚飯就要等足四五個字先上枱。一望個樣已經知唔掂，燒得勁燶，食落肉質又鞋又乾身。成條鰻魚勁硬身，硬到直頭我用筷子夾起一部份，個型都係違反地心吸力維持不變。懷疑佢為左遮醜仲落左超多醬汁黎掩飾變左炭既表面，令到過咸。總括而言口感及味道都係不堪入口。鰻魚飯算係招牌菜色，何解咁都攞得上枱俾客人食？太失所望

尖沙酒居酒屋都的確唔少，今日去咗間位於K11附近。見門面都幾多人，但鋪頭唔算大，會有少少迫，同埋唔算好大間，如果多人聚餐，感覺上空間有限。但睇menu食物款色都尚算好多，所以鍾意食日本嘢嘅，相信唔同種類嘅日本食物都可以係到搵到。鐵板牛油帶子帆立貝 $88份量還可以，牛油都蠻多，鐵板上熱辣辣。帶子帆立貝嘗算大粒，但食落都幾咸，大家可能要飲多少少水。但味道都幾惹味。牛油銀鱈魚 $168發現自己都真係幾鍾意食牛油。銀鱈魚煎得剛剛好，整條魚都充滿油脂，食落啖啖牛油香，size都可以，但價錢略貴一點。鐵板蒜片牛舌 $68幾欣賞佢哋個蒜片，因為可能炸咗所以特別食唔停口。牛舌好大塊，呢個價錢嚟講係幾抵食，味道剛剛好，呢個反而唔覺太咸。牛舌fans一定要試。🍽6/10🔎 味道樂居酒屋 (尖沙咀)尖沙咀河內道2號地舖

今日老婆同我慶祝生日  係尖沙咀行街拍拖  食過下午茶之後到夜晚差不多8點左右  想搵間日本餐做生日晚餐 曾經2年多前係尖沙咀上班  今日行到黎河內道 有新發現有間叫做味道樂居酒屋   應該是剛剛開業  老婆同我都決定入去試下先講講店舖裡面既裝潢 周圍主要都是用木造的  門口、牆身、檯櫈從吊飾 不多不少的日本畫報 一排排擺滿的清酒樽 展現出深度日本風格與味道菜單上 款式非常多燒物 炸物 小食 漬物 前菜 刺身 壽司 卷物等等 通通有齊特別在菜單上的七點刺身盛合較為吸引 決定試一下七點刺身中 有大眾受歡迎的魚肉刺身包括三文魚 中吞拿魚腩 油金魚 各2切以及季節時令魚2款各2切另有刺身帶子2只以及甜蝦4只新鮮度非常高 完全沒有一點魚腥味特別讚賞每片刺身的厚薄度比較厚絕對性比價高 非常滿足然後點左胡麻醬豆腐野菜沙津 比較豐富有沙津菜 車厘茄 一些甜薯 以及豆腐豆腐入口非常滑 反而胡麻醬稍為咸了一點沙津份量對於2個人品嚐 剛剛足夠最後點了 火灸北海道帆立貝蟹膏卷 總共有6件 卷物裡夾著青瓜條以及蟹柳 上面放著大蔥絲蟹膏同帆立貝一齊入口 蟹膏味道不會搶過帆立貝鮮味非常不錯我同老婆最後埋單 6

今日去完尖沙咀附近食嘢 同朋友嚟咗呢間位於k11隔離嘅居酒屋一入去就已經感受到日本風味湧緊出嚟 用上好多木枱櫈 而且牆上仲有好多得意裝飾物 例如幪面超人面罩等等 童年回憶返曬嚟-清酒煮蜆/甲羅燒配多士蜆完全都好大隻，淡淡清酒味，另外甲羅燒配多士亦都不過不失，兩樣配啤酒都一流-生蠔 本身想叫大真蠔，但賣曬，於是叫左普通生蠔，意外地好味，夠鮮唔洗再落其他野，不過就凍左小小最後燒芝士年糕同柚子雪葩必點！滿分！芝士年糕燒到外脆內軟，岩岩好，入面芝士流心一啲都唔膩。面柚子雪糕好香柚子味，啖啖都有柚子肉，兩樣都一啲要試

情人簡諗住簡單啲過但又想食下好西平時好少食日本野 難得一日就下男朋友 之前已經成日係ig見到個巨型炭燒鰻魚飯好吸 引😍上openrice搵下 發現竟然係零負評😂所以就book咗呢間試下 原來真係幾full爆曬場咁.今次試咗個原條炭燒饅魚飯 勁大條勁肥美 好正 個汁夠多 只係太甜 如果調味輕手啲或者多啲飯就好😛.牛肉壽喜燒就中規中矩 冇乜特別 唔嗌都得.仲有個芝士吉列海虎蝦卷 都幾好味 天婦羅夠膽 同芝士又夾 正常發揮～ 野食係okay但唔好彩坐正水吧隔離 成餐飯啲staff係隔離行黎行去 又逼 所以好快食完就走了

上次食過一次要味道樂居酒屋， 覺得好唔錯所以再尼。今次嚟到叫咗好多嘢食， 刺身有三文魚同埋油甘魚腩刺身三文魚同油甘魚腩刺身都係厚切， 尤其是油甘魚咬落去淡淡嘅魚油香真係好好味， 亦都欣賞佢係新鮮嘅， 食刺身嘅時候唔會有一種陣陣嘅雪藏味喺飯方面就叫咗一個迷你三文魚子蝦蓉飯， 同埋一個迷你左口魚邊飯， 三文魚子非常多， 咬落去啲汁爆曬出嚟非常好， 左口魚邊日都配上一種特製嘅燒汁， 配合埋魚， 啲魚油味爆曬出嚟亦都叫咗好多款壽司， 包括芝士火炙蟹柳壽司， 火炙左口魚邊壽司， 金槍魚肉壽司， 兩件海膽壽司， 特別要提一提嘅係海膽壽司嘅海膽非常多， 一啖食曬感覺好滿足

今日收工去K11買野，順便去味道樂居酒屋食飯。7點左右去到，好彩坐埋最後一枱，如果遲少少就要等喇。雖然人多， 但環境都幾舒服，牆上的9個面具充滿玩味。滿滿幸福海膽丼　＄258冇改錯名，呢個丼飯真係會令客人感到滿滿幸福，材料都裝得滿滿的！個碗睇落唔大，但就好足料，海膽足足有兩層，極鮮甜，完全唔腥！海膽下面仲有一層吞拿魚蓉三文魚子是另上的，鹹度適中，最緊要係唔腥～呢個丼飯真係大推薦！深海池魚薄切$148池魚刺身都係唔錯的選擇，薄切咬落爽口，配上池魚特有的油香，點少少蔥油已經好好味～火炙北海道帆立貝蟹膏卷 $88帆立貝切成薄薄一片，很鮮味，搭配松葉蟹膏，味道好夾。飯卷內的青瓜絲和蟹肉絲也很清新，搭配不錯，可以一試！大蔥特上吞拿魚腩卷$78愛吞拿魚的朋友絕不能錯過的一款!看到吞拿魚的顏色就知道很新鮮了吧!因為香港好多餐廳嘅吞拿魚都唔好味，呢度絕對係水準以上!黑蒜黑豚肉卷$48黑豚肉燒得好香，但又唔會好乾身。加左黑蒜油更加惹味。無論刺身定係燒物嘅水準都好穩定，整體感覺唔錯，怪唔得坐無虛席啦!

Booking幾full的一家居酒屋，食物種類繁多，卻每一種也做得幾出色。用餐時間大概分兩輪，內外裝修都極具日本氣色，真的尤如置身日本。刺身先叫了一份三切三文魚，厚度一片大概有1cm而且大塊，沒有太肥膩，味道偏甜，感覺新鮮肥美。整板海膽非常壯觀，實際份量遠比看上去多，已經用紫菜包住食，都係食極仲有。海膽口感creamy, 無腥味，鮮味濃，味道會在口中維持一段時間。香蒜牛油炒野菌是用石鍋裝住的，放好耐都可以keep住熱辣辣，菌類起碼有5種，金菇，冬菇，牛肝菌，秀珍菇，松露等，食完都記唔到咁多，總之就好爽好香好有鑊氣。醬照燒鰻魚反卷的鰻魚邊邊燒到有點脆，醬汁搭配香脆的鰻魚濕度剛剛好，鰻魚唔擔心有骨，卷內大量青瓜，新鮮感覺出晒黎。炸軟殼蟹反卷，軟殼蟹比飯還多，炸粉沒有特別厚，脆是很脆，仲熱辣辣的，滿滿的飛魚子和沙律醬，增加了一點creamy的味道。醬油燒年糕的外層粘住一塊紫菜，濃而不咸的醬油味，應該是搽了好多層再燒先有咁香濃的醬油味。年糕燒得外脆內軟，粘粘又不痴牙的口感幾成功。鐵板蒜片煎牛舌十分厚切，都大概有1cm厚，牛舌是較軟肉肉的質感，肉質鬆化，鐵板煎加上蒜片的關係，格外香口，而且好香牛