味道樂居酒屋 (河內道) (已結業)

早排經過尖東， 見到有間日本餐廳好有日式居酒屋感覺， 決定要搵日去試試。 約咗朋友7點， 去到都立即有位， 唔使等。 望咗瑋陣餐牌， 見二人餐都算多選擇， 價錢又合理， 就點咗二人餐。 前菜有三小碟（魚仔， 酸瓜，8瓜魚）， 最喜愛係酸果， 味道好似平時食壽司個堆拌碟酸薑一樣）。 跟住再嚟一個蘋果沙律， 好鐘意食沙律醬嘅我當然忍唔住食咗大半碟， 蘋果爽口， 唔係用「粉」蘋果， like！再嚟五款刺身， 有兩種季節時令嘅魚， 其中一種係連埋魚皮上碟， 賣相麻麻但味道最鮮甜。 海膽， 甜蝦全部都好高水準。 燒物嚟講不我不推介蟹膏醬燒虎蝦， 廚師好重手， 成隻蝦都鋪滿蟹膏， 味道同隻蝦又冇衝突， 好好味，淨係望到都流口水！ 最後嚟多個飯， 日本米係特別香口好食， 如果個飯有小小飯焦就更好。仲有兩球綠茶雪糕做甜品； 味道比一般餐廳嘅綠茶雪糕濃好多！。

今日同男朋友係尖沙咀行街 忽然想食下日本菜 就入左呢間味道樂入面裝修好靚 好有係日本既感覺我地都好想食sushi 所以今餐就主力叫sushi食叫左帶子 油甘魚 吞拿魚赤身 大蔥特上吞拿魚腩卷 脆炸軟殼蟹反卷帶子大大件 鮮味十足 油甘魚好香魚油味 值得一讚係d sushi全部唔會好大舊飯 而大蔥特上吞拿魚腩卷同脆炸軟殼蟹反卷係我既至愛 每一啖都好滿足我地仲叫左個左口魚迷你丼左口魚燒到好香 d魚油入哂d飯到雖然係迷你丼但女仔食一個都已經好飽好滿足！

今日喺尖沙咀做完野，同事話有間味道樂居酒屋吾錯，咁就黎食下飯啦！門囗裝修同內部設計都同日式居酒屋差不多，感覺自己去左日本出trip！入去坐左無幾耐己經有不少客人，看來人氣都吾錯，餐牌種類都好多選擇下，放工來到梗要啤一啤啦！😉選左一輪點了盤五點刺身盛合$298，食物質素很好，很新鮮！每樣刺身肉質好厚實！👍👍點左份蟹膏帶子寿司$58，非常惹味，蟹膏味幾出，食完陣蟹膏味仲會留係口腔中叫左份煙肉櫻花蝦煎廣島蠔$98，配合得非常好 蠔都好肥美 煎得岩岩好 唔會過熟😜😜另外同事介紹左必須試下原條成田醬炭火燒鰻魚飯$138，單睇賣相成條鰻魚展現係眼前巳經好震撼，味道仲要無得彈！炭火燒嘅香果然係無法取代嘅😍😍😍下次再來呢一區必定會再來食下其它菜式！

呢間鋪想試好耐，次次係地鐵站一出就見到，但有時6 點幾已經full哂比人book滿哂，今次終於試到。我好中意入面既裝修同decoration, 睇得出好有心思係以前玩過既日本玩具，好懷念仲有好多唔同既sticker野食方面，水準都唔差，帶子好新鮮，甜，肥美蟹子同魚子都好新鮮，卜卜脆海膽手卷，都好甜，唔會腥軟殼蟹卷，好大件，炸粉唔算厚，好多蟹肉再加滿滿蟹籽呢個牛舌都超好食，好厚，外面燒得好香，仲有黑椒做調味明太子雞翼，呢個同出面食既差唔多，入面讓左啲明太子，辣辣地幾好食都叫左啲豬肉串燒，燒到外脆，內都keep到肉汁呢個黑蒜豬肉卷好好食!!! 肉好稔，應該係豬腩肉片，食落好多肉汁同甘香，黑蒜畫龍點晴我仲叫左個炒飯，我覺得必食，因為佢啲飯粒粒分明，而且都好足料，食落好似出而鐵板燒店炒出黎既咁，有陣特別既焦香味

今晚突然想食日本料理 記起之前搵餐廳時見到呢間食評不錯 決定黎試一試週末為左避開食飯時間多人要等 通常都早食 今日6點多少少黎到 唔駛等位就坐到 食到一半餐廳都差唔多滿座叫左芝麻雞翼芝士免冶雞捧蟹膏帶子飯卷黑松露和牛炒飯芝麻雞翼 炸得剛剛好 好乾身又唔會炸到鞋口 好入味 不過$68得3隻有點貴芝士雞捧有日式醬油味做底 上面有芝士 燒完之後芝士半融 好食！飯卷既帶子都新鮮 蟹膏都唔算腥炒飯就覺得偏油同好重胡椒味 食唔出黑松露味 牛都唔覺有幾粒 $58得一碗整體味道唔錯 可惜份量少 性格比不高

朋友生日佢非常喜歡食日本菜，我就用心上網四周搜羅人氣日本料理餐廳，在openrice見到尖沙咀河內道有間「味道樂居酒屋」，很多讚好，而且經常滿座，梗係要帶朋友嚟食番個人氣優質日本菜啦～牛油香煎三文魚扒$148，用牛油煎的三文魚扒金黃色，煎得外脆，魚肉彈牙，不唔太乾太鞋口，而且仲keep住好多魚油，超yummy~牛肉壽喜燒$108，份量十足，有肥牛、冬菇、粉絲、 娃娃菜及洋蔥，仲要加埋一隻雞蛋。湯底超甜，肥牛不算太肥，其他配料浸透了湯味，十分甜美。清酒煮大蜆$88，清甜可口，大蜆肉質肥美，正!煙肉櫻花煎廣島蠔$98，櫻花蝦加上蔥香好惹味，廣島蠔見鮮甜，沒有腥味，加埋用鐵板上更令味道加倍惹味。蟹膏蟹肉炸豆腐$68，豆腐好滑溜，蟹膏同蟹肉鹹香，令味道層次感豐富。鹽燒雞翼$38，雞翼燒的外脆內軟，非常香口。煙肉荔枝卷$58，煙肉的油脂加上又甜又多汁嘅荔枝，不油不膩，食極都唔討厭。黑松露溏心蛋$28， 溏心蛋蛋黃晶瑩 ，入口滋潤，加上黑松露增添滋味感。

呢間居酒屋真係好神奇，近排生意難做左，少咗人出街食飯，但係呢間小店竟然都係依然一樣，一到食飯時間，外面都梗會有食客排隊，我都已經係第二次黎食，仍然好impress，所以要寫返篇食評介紹下。我最鍾意嘅係呢度嘅氣氛，感覺上真係好似去咗日本嘅居酒屋咁樣，而且水果酒嘅選擇唔會話太貴，啱晒我呢一啲唔係好飲得，但又會想飲下酒嘅女仔我推薦白桃燒灼梳打，甜甜地好啱女仔飲，朋友叫嘅梅子燒灼梳打都唔錯，另一個朋友飲清酒好chill～嘢食方面我十分推薦呢度嘅串燒， 性價比夠高，每個價錢都係有兩串㗎！而且調味真心正～雞軟骨串、大蔥雞肉串、煙肉荔枝卷都是必點。之後我哋仲叫咗新鮮嘅燒蜆，朋友食到讚不絕口，有淡淡既牛油香同燒烤既口感，等於一個字：「正」食日本野緊係要叫下刺身，我地叫左三文魚、吞拿魚、帶子，全部都好新鮮，對得住個價錢。芝麻雞翼都係一客好正既小食，炸得酥脆，入面又會保留着juicy嘅肉汁。最後最後梗係要有主食啦，我哋叫咗牛肉壽喜燒鍋，味道正路，牛肉質素ok，係飽肚之選黎～總括來講，呢間餐廳真係好高質，所以真係要推多次比大家，哈哈！希望大家都同我一樣食得開心～

約左朋友係尖沙咀行街，所以ＢＯＯＫ定味道樂食晚餐，食食下見到Ｄ人ｗａｌｋ　ｉｎ都無枱，人氣真係超高！餐廳裝修非常有日本氣氛，ｍｅｎｕ都有好多選擇！去居酒屋梗係啤啤佢，同埋叫左ｄ小食，炸魷魚酥炸得好好食，脆得黎唔厚粉，同埋都幾多條，送酒一流！另外叫左燒魚鮫，有魚油香得黎又幾多肉，真係好好味！不過都要推介呢到既大熱，原條鰻魚飯！好似係＄１１８，真係超大條鰻魚！！影相一流雖然食落都係普通既鰻魚，不過配埋鰻魚汁一定好食架！

今晚同同朋友約左喺K11 shopping，行到肚餓當然要喺附近覓食啦。 行過對面街，見到有間日本居酒屋，就決定試一試啦今日雖然係平日晚上8點幾，但係裏面都係滿哂場，而我哋都要等左一陣先入得去。睇吓本Menu花多眼亂，決定試一試味道樂二人套餐。講下個富士蘋果蟹籽沙律先，蘋果非常甜，蟹籽嘅份量亦都唔少，醬汁亦都非常足夠。食完前菜好快就上咗刺身拼盤，我最欣賞係三文魚，非常之鮮甜加上厚切嘅關係所以好有口感。 另外甜蝦都係非常新鮮，我哋連蝦頭既膏都食得乾乾淨淨😋再嚟就係壽司，左口魚入口即溶，海膽亦都非常鮮甜，一啲腥味都冇。 蟹膏醬燒虎蝦好岩我口味，因為整舊蝦肉都係用蟹膏去包住黎燒， 味道都唔會話有好多調味，反而食到蟹膏本身嘅味道。最後就係美國牛柳粒石鍋飯，本身我對呢個飯都冇乜期望，但係牛柳有驚喜， 牛味好濃，肥瘦適中👍🏻👍🏻👍🏻👍🏻👍🏻整體來講，成餐飯都好滿意，一定會再次幫襯😃

呢間日式餐廳食物質素真係幾高質，唔怪得吸引咁多食客，黎親都係滿座，要訂位先唔洗等咁耐，佢地既刺身好新鮮，每樣都食得出刺身既鮮甜同新鮮既質感🥰🥰帶子刺身好大粒，一份兩粒，呢度既吞拿魚同三文魚都好正架😋😋之後叫左幾個串燒，有雞肉同雞軟骨，雞肉燒得外層好脆，肉質又唔會老，醬汁岩岩好！雞軟骨用鹽燒既方式，食落好脆口好正☺️仲有呢串煙肉荔枝卷，選用既煙肉唔會太大陣煙熏味，肉質結實。呢款芝麻雞翼整得好好食，都係皮脆肉嫩，仲帶少少辣味，上面既芝麻香口令整體增加左口感既層次🤤今次叫左杯梅子燒酒梳打酸酸地好開胃😋😋呢間餐廳係值得黎試多幾次其他食物的～眼見仲有好多未食到😂😂

呢間餐廳一眼望落去就充滿和風感覺！木系嘅裝修，牆上擺滿日本酒樽同懷舊海報，再配合柔和燈光，真係好有日本居酒屋氣息  菜式非常多，睇餐牌揀野食都揀咗好耐！先來一個黑松露帆立貝沙律，值得一讚係有啲番薯仔好甜，帆立貝都好新鮮。但黑松露嗰陣味略為太搶，同沙律好似唔太夾，而且蓋過左帆立貝 既鮮味   成田醬炭火燒鰻魚飯  鰻魚份量係幾足 原條上好震撼 鰻魚配上醬汁同埋大大粒嘅米飯超好味   鹽燒厚切特上牛利燒得啱啱好，勁厚切，非常肥美 軟殼蟹反卷，好大件 件軟殼蟹香脆內軟又夠熱，沙律醬又夠多好味本身想嗌個靜岡一夜干燒的鯛，但因為太受歡迎賣晒，轉嗌燒赤魚  燒赤魚  好厚肉，  但好似燒得過左火，太乾身，麻麻地仲有兩杯好正嘅乳酸梳打梅子梳打有少少似咸檸七，幾特別！埋單734，食咁多好野，好值！

黑松露和牛炒飯(碗) Wagyu Fried Rice with Black Truffle ($58) 和牛炒飯看落份量不大，只有一整碗。黑松露醬的緣故，飯本身香噴噴，松露的香味四逸；還有和牛提升口感；加上炒飯乾身味美，值得一讚。鐵板牛油煎黑松露帆立貝 Teppanyaki Scallop with Black Truffle ($88) 送上時鐵板微熱，可以保持帆立貝的溫度。帆立貝質素不俗，加上香菇和黑松露的襯托，既香又滑又彈牙，口感也有層次感也有，結果我連作為配菜的香菇也沒有放過，通通也吃掉！鐵板蒜片香煎厚切煎牛舌 Teppanyaki Ox Tongue ($78) 以鐵板作底，送上剛剛好的燒牛舌。牛舌口感好，好咬得來爽，還有一陣陣油香味。五點刺身盛合刺身 ($298) 價錢都幾進取，不過睇到實物已經感覺也不錯，刺身的質素卻遠放題好；值得一提的是，三文魚嫩滑，但不算最高質素；帶子好滑；油甘魚有油香，蝦都大條，仲唔少喎！火灸北海道帆立貝蟹膏卷 Seared Hokkaido Scallop with Sea Urchin Roll ($88) 卷口感豐富，除了有帆立貝的鮮味和蟹膏

。今日小編收工同朋友去食飯，係尖沙咀行行下街見到哩間日本菜好多人試，所以我地都入去試下，睇下會吾會有啲咩驚喜☺️。5點刺身盛合 $298 有三文魚、甜蝦、帶子、油甘魚同堅魚。厚切好肥美好鮮甜，好新鮮好好食😋。。3色蠔 $100/3隻芝士：好重芝士對芝士好味改簡直一流，而且芝士味並冇蓋過蠔嘅味道，簡直一流 👍🏻。辣蒜：蒜中帶有煙肉粒好香好脆，但略嫌唔夠辣🤔。櫻花蝦：櫻花蝦同煙肉學炒得好香，鋪滿蠔上面，同個蠔好夾😊。脆炸軟殼蟹反卷 $88 軟殼蟹大大嚿分量好足，而且炸得好香脆，外脆內軟，咬落好juicy😝。。火炙北海道帆立貝蟹膏卷 $88好多蟹膏，好新鮮鮮甜。另外帆立貝燒得啱啱好，成個mix埋一齊好夾好好食😍。。白桃燒酎梳打 $58好有桃味，梳打中帶一點點酒，成個感覺好fresh好正。味道⭐⭐⭐⭐⭐價錢⭐⭐⭐⭐環境⭐⭐⭐⭐⭐服務⭐⭐⭐⭐⭐推薦星數⭐⭐⭐⭐⭐。味道樂居酒屋尖沙咀河內道2號地舖

喺Openrice搜尋尖沙咀區日本嘢，見到依間居酒屋評價不錯，決定同好友一齊去試試。餐廳地方唔係好大，但裝修同日本居酒屋非常似，感覺就好似置身於日本傳統居酒屋一樣。朋友有事要遲少少到，所以我哋就先叫住啲小食邊食邊等，叫咗個小食"味淋魚干"，依個真係意外驚喜，通常魚干好多餐廳都會燒得過乾，令到肉質失去水份，食落口會覺得好韌，但依個完全唔乾，咬落去肉汁會浸出嚟，非常適合作為酒邊小食。火炙北海道帆立貝蟹膏卷本人好鍾意食帆立貝，新鮮嘅帆立貝用火槍輕輕燒至微微金黃色，以濃郁嘅蟹膏配合清甜帆立貝，味道真係一拍即合，成個口感有好多層次，值得推介。大蔥厚切日本煙豚腩燒到一啲都唔燶，時間啱啱好，咬落去個口充滿豚肉汁，唔錯。五點刺身盛合刺身非常新鮮，盛盒刺身擺放亦富有美感，必點！滿滿幸福海膽丼重點項目，本人係一個海膽控，海膽色澤呈金黃色，而且海膽肉半乾半濕，不會像不新鮮的水狀，海膽配合埋少少吞拿魚肉感覺一流，成個口都係新鮮海膽味。如果唔係留肚食其他嘢，我真係想再嗌多個嚟食！系撚鯛成碟刺身嘅擺碟好靚，好似朵花咁，師傅刀工十分好，每一塊都切得好薄，鯛魚非常清甜，推介。原條成田醬炭燒鰻魚飯一睇菜牌見到咁大條鰻魚

Ajidouraku is a pleasant place for a small group of friends gathering provided with a good quality of food. In general speaking, their sashimi and Japanese skewers are above average within Tsim Sha Tsui district. Most of time when trying a new restaurant, I would choose from their chef's recommended list first. However, an almost one feet long grilled eel attracted my eyeballs once I stepped into the restaurant, it looked thick and juicy, covering on a bowl of warm pearl rice. Fortunately, it di