味道樂居酒屋 (河內道) (已結業)

是晚放工去咗尖沙咀嘅味道樂吃日本菜，我真係好鍾意食日本菜😃味道樂裝修也富有日本風呢。かわいい🐰いただきます在FACEBOOK LIKE同去openrice收藏會送半隻黑松露蛋蛋，我梗係唔執輸😄 黑松露好香，蛋又夠入味😋再嚟一客黑松露帶子刺身沙律$118，黑松露令整碟沙律好出，帆立貝鮮甜😋又試了小黑板上嘅食物酒煮刀貝蜆$118好少地方有得食仲有兩種整法我就揀咗酒煮刀貝蜆，甜甜甜！南非鮑魚 $148/2只 一隻鹽燒一隻汁燒各有千秋本來仲想食北海道真蠔，可惜無晒，但太想食生蠔，就叫了一隻日本生蠔$50，比起北海道真蠔細尐，但又比廣島蠔大尐尐。都肥美喎蟹糕醬燒虎蝦$68/隻看看蝦肉上那烏卒卒的蟹羔😃醬油燒年糕$48/2件醬油燒年糕一定一定一定要食，真係好好味好好味好好味！ごちそうさまでした

味道樂既小食係我至愛,今日帶左朋友黎食,佢都好中意。我叫左個梅子梳打,有少少梅肉。小食就叫左醬油燒年糕,SOYSAUCE既味已好搭夠,唔需要再點SAUCE,年糕好CHEWY,好味。枝豆有少少調味,都好好味。今次叫左好多海鮮,有蛋黃SAUCE燒帶子。帶子切成粒同D SAUCE一起燒,好入味。今次叫左北海道刀貝CALM,個樣好得意,味道都好得意,好味,應該用左清酒煮,飲到酒味,好特別。鮑魚叫左隻食,2種食法都咁好味。另外仲叫左細細隻既日本燒薯BB,好甜好好味,細細粉有咬口。七味魚翅都好好食,好香,送酒一流,不過我同朋友唔太食得SPICY,所以反而中意冇左七味粉既魚翅。呢間好多選擇,好岩只愛小食既我。

收工同朋友去行K11，一出K11就見到係對面馬路既<味道樂居酒屋>一於去試下！外觀非常有特色，一入去就見到牆上貼咗啲日本poster又有細燈籠🏮好似置身於日本既居酒屋咁。黑松露帶子刺身沙律 🥗 沙律採用柚子醬，而且搭配日本蕃薯仔🍠，酸酸甜甜，非常清新而且開胃，另外帶子係沙律菜上面，份量都多有好多舊連埋一齊食好match又滿足五點刺身盛合刺身非常肥美，三文魚同油甘魚好厚另外蝦既刺身好甜而且非常之新鮮，帶子都好大粒火灸北海道帆立貝蟹膏卷帆立貝配蟹膏非常特別，蟹膏冇腥味薄切帆立貝用料都新鮮原條成田醬炭火燒鰻魚飯呢個要重點要推薦，鰻魚非常大條而且好入味又淋，138真係超級抵食到舔舔脷辣蒜，芝士，煙肉櫻花蝦燒日本播磨蠔芝士味非常濃，蒜味方面口感非常刺激，有小小辣，櫻花蝦味道鹹鹹地，炒得好香總括黎講刺身方面全部都好新鮮，重點推薦鰻魚飯，性價比非常高

早幾日同朋友補祝生日，就揀左尖沙咀呢間味道樂諗住豪食返餐魚生慶祝下！富士蘋果蟹籽沙律首先點了道沙律，加上清甜多汁嘅富士蘋果，味道更加清新。五點刺身盛合我地得兩個人所以只叫了個五點刺身盛合，魚生材料新鮮，件件厚切食落好肥美，特別鍾意呢度嘅甜蝦夠晒鮮甜。日本生蠔因為我唔食生蠔，所以只叫了一隻朋友食，一送上枱已經傳來好濃烈嘅生蠔鮮味，生蠔有拳頭咁大，我朋友食完亦大讚呢隻生蠔好鮮味，食完餐飯後佢都繼續念念不忘呢隻生蠔。大葱特上呑拿魚腩卷跟著就到我最愛嘅吞拿魚腩壽司，魚腩碎口感綿綿的唔會有筋，而且亦好夠原本的鮮甜味，唔駛落調味料就咁食都夠好味！味淋魚干起初以為係普通燒魚干，食落發現口感煙靭之餘，有趣嘅係味道甜甜的，呢碟小食送酒一流。明太子免治雞肉棒串燒嚟講我一向最鍾意食免治雞肉棒，好鍾意食落有啲軟骨粒脆脆的口感，加上仲有我好喜歡嘅明太子鋪面，簡直係夢幻組合！蟹膏蟹肉炸豆腐最後仲要左個蟹膏蟹肉炸豆腐，蟹膏嘅份量真係毫不吝嗇，食落唔會有腥味反而好鮮，配以淡味嘅豆腐食十分不錯！

一入到去好有日本嘅感覺鋪頭入面有好多擺設 ^_^例如牆上掛左好多個面具同黏咗貼纸忍唔住要影低餐牌上面有好多種類嘅食物刺身壽司小食炸物串燒應有盡有芝士吉列海虎蝦卷88蝦卷好大件 幾經辛苦先可以一啖一舊虎蝦肉質實淨彈牙 即點即炸的 配上燒過嘅芝士 每一口都是滿足牛肉壽喜燒108入面有多種不同嘅蔬菜 份量都好大牛肉肉質嫩滑 牛味濃郁 壽司盛盒八件248係每一舊都好好食呀😍😍😍😍😍酒煮刀貝蜆148上枱嘅時候嚇親 估唔到咁大隻刀貝蜆完全冇沙 而且好鮮甜三文魚腩刺身58帶子刺身68刺身都幾新鮮 三文魚腩大大片鐵板金菇牛肉卷 68呢個反而普通 醬汁略多睇嚟講呢間日本野都出色嘅不足係二人枱太細枱面根本擺唔晒啲嘢食不過下次絕對會再返嚟食👍🏻👍🏻👍🏻👍🏻

一個人放工又唔想番屋企煮飯食，反正番到屋企都係自己一個人，所以決定食埋飯先番屋企。經過K11發現到一間門面好有日式風味既餐廳，原來是味道樂。我就入去食個晚餐先番屋企。7:00到餐廳已經滿座，，人客非常多。我一個人食唔到咁多，所以叫左小小野食。五點刺身，厚切刺身好新鮮，件件光亮唔會好暗色，最愛帶子，入口鮮甜好嫩口。我叫左安格斯牛肉串，牛肉牛味極重，牛肉唔鞋口，好腍。我叫左蟹膏帶子壽司，蟹膏好濃好香，帶子爽嫩。

今晚好多餐廳都無開，七點左右，唔打唔撞見到呢到有開門！好好彩嘅情況底下無訂枱都有位(之前好幾次過黎無訂枱要九點先有得食嫁)餐廳嘅款式好多，但基本上款點都要試嘅就係三文魚腩刺身隻碟的的式式，相對下令三文魚腩更顯得肥美啊然後試下店員推介嘅時令北寄貝 （好似有的專名嫁，但我忘記了）旁邊嘅係秋刀魚壽司🍣 另外叫左碟黑松露溫泉蛋食落去黑松露同蛋汁熔合左仲有一款創意卷物，就係帶子鵝肝卷不過我就覺得帶子味搶左鵝肝嘅味🤨可能太少鵝肝？ 因為帶子應該屬於淡味嫁嘛，所以呢個可以試可以不試

早早兩星期預約，總算約到，平日晚上座無虛席，即使walk in 客也應接不暇，由於享用時間只有1.5小時，所以坐下馬上點菜。先來壽司類，點了蟹膏帶子卷，蟹膏很濃，不錯。再來特長鰻魚飯，鰻魚大大條，很肥尾，3位女生分著吃，吃到尾真的有點膩，但真的不錯。烤雪魚片，香香熱熱，佐酒一流烤煙肉荔枝串，又咸又甜，咬下荔枝果汁滿滿，很不錯芝士魚餅，趁熱吃芝士半溶狀，配上烤得香脆的軟軟魚餅，好吃烤豬肉串，塗上特色醬汁烤雞翼，普普通通整體而言食物：全都新鮮製作，夠熱辣辣。今次點的菜式以佐酒為主，下次試試其他服務：快捷，餐廳滿座，也沒有漏單情況環境：日式風，坐位較窄但坐得還自在。

🔷黑松露帶子刺身沙津配柚子醬 💰108 💙80/100黑松露放左系帶子上面，帶子又厚又鮮而且都有好多舊，再配埋放系底既沙津菜一齊食好match，仲有日本蕃薯仔仔好甜好甜，柚子醬個柚香味好清新而且醬汁份量無太多但成碟野都食到柚子醬個香。🔷五點刺身盛合 💰298 💙80/100刺身包括左三文魚、大甜蝦、油甘魚、帶子等，刺身切得厚身所以食落第一感覺好滿足，個蝦好出色又大又鮮甜，卡比同朋友食到連個蝦頭啲膏都幾乎唧乾哂。🔷原條成田醬炭火燒鰻魚飯💰138 💙85/100賣相贏哂分之餘個性價比高到有6尺高了，物超所值。鰻魚長長又厚肉，重點系整到成條又淋又嫩入哂味，飯粒日本珍珠米再配鰻魚醬汁簡直nice xi nice xi呢。🔷牛肉壽喜燒 💰108 💙72/100配埋個火一配上，火滾下滾下之中整談埋啲牛肉，牛肉無乜明顯脂肪正正子。個味道食落同卡比學生時期成日食既一間lunch 餐廳好相似，但相比之下味道屋呢到個油分量小之又小，岩哂吾想飲油既親朋戚友。另外底部有菜類，有吸到哂湯底個甜味。

味道樂居酒居Happy Friday 就想同好友聚一聚，啤一啤，為忙碌既一星期充充電。味道樂居酒屋嘗試營造日本居酒屋既環境，讓人可以暫時置身異地，一解煩憂。.📍鹽燒澳洲羊架$128🔸獨特方法去醃製，燒出來的羊架，無需再蘸任何醬汁，都唔覺得膻，怕吃羊的朋友絕對都值得一試 ! .📍煙肉櫻花蝦燒日本蠔(3隻)$100🔸辣蒜、芝士、煙肉櫻花蝦燒日本播磨蠔🔸第一次吃肥美的日本播磨蠔加上辣蒜、煙肉櫻花蝦及濃厚芝士經過燒烤，燒至外皮香口，內𥚃蠔味鮮甜多汁，一口放入口有令你想再食多幾隻。.📍炸軟殼蟹蟹籽沙律$98🔸軟殼蟹炸得脆而不感油膩感，蟹籽如果比例多一點，就同青瓜絲形成黃金比例，絕對令你食指帶動。.📍香炸日本池魚$58🔸最有驚喜。個人不喜歡吃魚，擔心魚骨卡喉，但店內香炸日本池魚仔细细條，香口而不油膩，十分厚肉，炸透後可以連骨吃，炸鱼仔可以配上特制沙律醬，伴酒首選。.📍鵝肝帶子卷$128🔸鵝肝煎得香濃， 帶子鮮味十足，一口一件放進口，濃郁油香在口腔中彌漫著，一試難忘，必食推介。.📍安格斯牛肉串$88/2串🔸安格斯牛粒厚切，牛味香濃，會用黑椒及秘製醬汁等配料來即叫即燒，熱辣辣十分好吃，口感一流，令你一

為慶祝朋友生日所以帶左佢去試下呢間居酒屋。最鐘意係佢個明太子免治雞肉棒，雞棒混入左雞軟骨，味道一流又有咬口，明太子醬又出色。香炸日本池魚仔好特別，送酒一流！火炙北海道帆立貝蟹膏卷賣相ok 但味道好普通，蟹膏冇咩蟹味，帆立貝亦好薄身，失望。清酒煮大蜆好好味，蜆肉又大又juicy不過得10隻左右，有d貴。鹽燒雞軟骨燒得岩岩好，味道口感都好出色，我地最後叫左4串！到主菜喇，我地叫左原條成田醬炭火燒鰻魚飯同牛肉壽喜燒，條鰻魚大到oh my god，肉質仲好鮮嫩，鐘意鰻魚既必食。牛肉壽喜燒就普普通通冇咩特別。最後埋單大概$700, 其實偏貴但真係幾好食，如果有折一定會返黎食！😂

依間位於尖沙咀嘅居酒屋，齋睇門面已經好有日本嘅感覺，入面仲掛咗唔同日本舊時嘅海報，好似真係置身喺日本嘅居酒屋！嗌左主打既原條成田炭火燒鰻魚飯，真係超級大條嘅鰻魚，食落有少少炭燒既香味，調味就甜左少少，無咩細骨，勝在啖啖肉！卷物嗌左火炙北海道帆立貝蟹膏卷，帆立貝同蟹膏都幾夾，味道豐富！最有驚喜嘅反而係清酒煮大蜆，越簡單嘅嘢其實越難煮得好，大蜆肉質好嫩，好有鮮味，配埋清酒去煮真係一流！小食香炸日本池魚仔，坊間比較少有，咬落香脆好啱送酒，而比較期待嘅明太子雞翼就燒得唔夠熱，少少失望！串燒嗌左雞軟骨同明太子免治雞肉串，燒得好香又夠熱，味道唔錯！最後仲嗌埋牛肉壽喜燒，湯底甜度適中，食落唔會甜到渴喉！整體食物質素唔錯，上菜速度好快，雖然張枱比較細，但侍應好細心，會因應你用餐既進度先再上另一道菜，真係好貼心，雖然坐迫D，但幾有風味！

男朋友帶左我黎食日本野, 本身見到OPENRICE個個都黎食鰻魚飯, 不過黎到見到有2人餐, $788好似唔平, 不過由前菜, 刺身, 串燒, 乜都有, 岩晒大晒既我地, 又唔洗揀, 決定豪一豪啦!!太多野食, 唔逐樣講, 刺身好大盤好新鮮, 我特別鐘意甜蝦, 好新鮮好甜! 壽司仲有我最愛海膽, 係香港比較難食到鮮甜海膽, 呢個都好好食呀! 另外仲有串燒, 每人有3串加1隻燒蟹膏大蝦, 串燒做得好好食, 調味相當唔錯!!!最後仲有飯同甜品, 超滿足呀!!!

今日係K11 shopping完，約老公食好西，老公話想食日本野，見K11對面這間居酒屋6點未夠就有幾個人等開門，我同老公一於試下。6點準時開門，職員好快安排我地入座。Menu有好多選擇，老公心大心細，諗左一陣先order我叫左個滿滿幸福海鮮丼俾自己，一次過有晒我最愛的海膽，三文魚籽和蔥tuna好正呀好正呀好正呀！！！新鮮！鮮甜！必食！老公再叫左芝麻雞翼，大蔥雞串，燒蠔&帶子鵝肝卷全部都好好味今餐真係大滿足，滿滿幸福啦！

最近去左呢間喺k11對面嘅味道樂食日本嘢，呢間係居酒屋，所以咩都有得食，我就叫左未下呢d螢光魷魚-只要我見到都會叫嘅食物，但係我朋友唔食，所以我一個人食哂，大滿足，哈哈左口魚邊壽司-入口即溶，好正呀，加埋燒汁，好正鵝肝壽司- 外面個皮煎到好脆呀，好香口火灸北海道帆立貝蟹膏卷-呢個有蟹膏，帶子同蟹柳，多種口感同味道呀迷你火灸左口魚邊丼-呢個其實係左口魚裙邊壽司嘅加強版，一碗大概等於5-6舊壽司，啱晒我呢個咁中意食左口魚裙邊嘅人呀明太子&芝士免治雞肉棒- 雞肉棒入面有少少雞軟骨，好有咬口，明太子同芝士兩個topping都好食，推介呀流心芝士燒年糕- 呢個個芝士流心做得唔錯呀，就算凍左都好軟淋淋呀蟹膏醬&鹽燒虎蝦- 兩種口味，鹽燒就食到蝦嘅原味，蟹膏有幾正就唔洗講啦