味苑 (已結業)

好耐無食中菜喇！朋友介紹呢間酒樓 位置好近灣仔MTR，放工去食岩晒！一入去俾佢裝修吸引好有中式氣氛 特別係餐具，超靚！仲有埋餐廳名印係上面！全店食物價錢中等，以呢個餐廳環境黎講食物吾算貴！特別抵食推介有2樣 第一係個孖寶套餐 $300吾洗有晒龍蝦同雞食！ 先講龍蝦 ...上湯底無禁滯胃！個汁都吾算咸，食落同個龍蝦幾夾！而龍蝦size吾算大但都有肉食既！至於隻雞值得一讚 肉質超嫩滑！個豉油味入晒落雞！但食多幾舊就會覺得鹹左小小！叫碗白飯一齊吃就岩喇！全晚另一又平又抵推介就係個雞包翅 （$38一盅 ）完全真材實料！一大開蓋...大大塊翅！底下仲有雞肉，有咁重料自然d湯都好濃味！啖啖都好鮮甜！飲得出味道全黎自翅&雞， 無落味精！食到飽飽埋單都係大約$150 ，超值

其實想試好耐！但平日午餐真係太多人！今日星期六難得少左上班一族，就等我過個慢活下午啦！入左先發現有2層。我坐左係地下。午市都真係唔貴！真心估唔到50幾蚊都有！因爲想食點心，所以叫左個點心便當，咩都有d，勁開心。等緊上菜個陣見到d碗碟都好用心。係好傳統既公雞碗，仲要係一個collection架！ 而且餐廳播住啲中國特色嘅歌，成個感覺都係好傳統。所以見到唔少外國人都喺呢度食嘢。便當上嚟嘅時候好似一個日本嘅飯盒。真係咩都有㗎！包括有：奶皇包、叉燒包、菠蘿包、蛋沙律、春卷、我最愛嘅紫芋波波、珍珠雞、同埋馬豆糕。其實本身仲寫住有鹹水角添！不過一陣再講呢個鹹水角事件。 成個賣相都好吸引！而且應該會好夠飽 個菠蘿包唔係一般既菠蘿包。菠蘿包入面好似夾咗啲沙律咁樣既野，感覺幾特別！上脆內軟都幾好食 至於另外嘅叉燒包同埋奶黃包，兩樣都係材料好豐富嘅！同埋個包皮一食就食得出應該係師傅自己搓既！而唔係係係大陸買返嚟嗰種！好鬆軟，好甜！叉燒包入面啲叉燒有肥有瘦，口感好好！奶皇包係流沙既！ 第一次見珍珠雞入面會有鹹蛋，好似食緊粽咁，好搞笑不過佢好香嘅荷葉味！糯米都煮得好痴！ 入面都好足料，除咗有雞絲，仲有好多冬

着自由行增多，灣仔已由昔日的紅燈區變成現在的遊客商業區，區内亦多了數間精品小酒店。位於駱克道128號勵駿酒店地下新開張的*味苑酒家*，地點適中，由灣仔地鐵站C出口步行若一分鐘就到達。二點正剛好是下午茶的優惠時間，地下的一層滿座，就在侍應引領下上了二樓的一層。坐下就叫了一壺鐵觀音，嗒一口濃濃的茶香味，最喜歡所有茶具碗碟全印有公鷄的圖像，兼酒家装修帶有點古典味道，頓時令我想起很多兒時的回憶呢。想得太多就差點忘記了叫點心，首先點了鮑汁鷄脚$38，懷舊灌湯餃(精)$32.5，流沙三小豬(大)25.8，味苑蝦餃皇$15(二件)，水晶鮮蝦腸粉(精)$32.5，秋天天氣乾燥，最後叫了冰花燉津梨(大)$25.8滋潤吓。這道鮑汁鷄腳加入花生一起炆，時間火喉一定要適中，鮑汁炆鷄腳看似简单，但時間一定要炆得夠火喉，雞腳才會淋身兼入味。灌湯餃用古老的鐵殼，把大大隻的灌湯餃放在鐵殼上蒸，總覺得這種傳統的灌湯餃是很考起點心師傅的功力，如果餃子皮薄涵多，裏面的湯就很容易從餃子溜出來，相反若皮厚，灌湯餃就完全不是灌湯餃，衹可以算是一隻灌湯包了。蝦餃皇用上味苑冠名，相信應該是酒家的招牌點心之一，有二隻或四隻的蝦餃選擇，

親愛的見到朋友post左「三隻小豬流沙包」喺fb 之後又話要去食，所以我地今日去飲茶！但晏左起身去到岩岩2點有下午茶，都好哦，又免茶介又無加一！2個人食左6樣野：流沙三小豬 （大）- 親愛的影左好耐相先有得比我食，但好彩仍然流沙，味道又唔太甜，食多個都得！懷舊灌湯餃（精）- 第一次甘樣食，但好似無咩湯，唔知懷舊係咪甘既呢？不過餡料好多，食完一隻都有點飽～香芒沙律盞 （特）- 熱氣野岩我，脆卜卜既皮上面有芒果肉同沙律醬，食落無甘熱氣，幾fresh. 水晶鮮蝦腸粉 （精）- 飲茶慣性要叫碟腸粉。呢碟既腸粉皮有點厚但蝦大隻，不過不失。肉鬆蛋煎糯米雞（特）- 之前食過類似既但太油，呢碟反蛋煎左兩面都唔油膩。多肉鬆之餘入面又有肉粒。千層薑汁糕 （小）- 發覺女人好鍾意食薑味既野，佢食晒3件，話好煙韌，甜甜地小小薑味。我地兩個後生去飲茶一d都唔怪，因為眼見好多食客年紀都唔大，外國人都有，而位於酒店既酒樓嚟講呢間幾抵食。

餐廳光猛明亮，以木色作為主調！牆上掛有字畫，播著中國琴弦音樂，為環境添上幾分高雅浪漫感！中國特色之一既公雞碗碟，係宜度都見到！海味雜菜煲材料好充足，份量又夠多！有西蘭花、冬菇、蝦米、粉絲等等...比其他酒樓優勝之處係食材質素較高，例如蝦米有鹹香，唔會太硬無味！冬菇又夠厚肉又充滿濃濃既菇香味另外值得欣賞既係宜個雜菜煲既湯底唔會好重味精，飲完d湯都唔會口渴！奉上既甜品有桂花糕，晶瑩剔透既桂花糕賣相吸引，口感彈牙，甜度剛剛好！但個人認為桂花味唔夠重，美中有不足！

又到展覽會忙碌既日子, 收工特別肚餓, 所以響附近食埋野先返屋企.行到地鐵站附近睇下有咩食, 見到呢間餐廳特別光猛, 睇真D係之前食過既荃灣"味苑", 原來灣仔都有.以為剩係得地下果層, 原來仲有2樓, 地方好大下, 坐得舒服. 睇睇餐牌除左小菜燒味, 仲有開胃小吃, 海味, 燉湯之類. 有款小食叫葡萄冬瓜, 從來未見過食過, 侍應話係用冬瓜整既涼菜, 既然新上市又試下先.就咁睇係紅色一粒粒冬瓜, 但影完相先知原來廚師將佢擺到成串葡萄咁, 好靚好得意.  冬瓜球用葡萄汁浸泡過, 帶淡淡既葡萄味, 酸酸地但唔刺激, 涼菜反而更覺開胃. 冬瓜好爽口, 夠清新. 中菜最鍾意食燒腩仔, 呢間個皮燒得好脆卜卜, 但又唔會太硬, 就算食到凍左個皮都無韌. 而脂肪同肉一層一層分開, 食落特別軟嫩, 唔肥膩.同事對紫薯著迷, 所以睇餐牌有款紫薯炸鮮奶, 佢話一定要叫黎食下. 外表炸至金黃色, 夠乾身唔油, 咬落好脆. 食到入面紫薯奶, 好軟滑, 奶味唔算好濃, 紫薯味幾出, 而且唔會太甜, 好易入口. 平時出面D炸奶食一舊已覺好甜好漏, 但呢個一D都唔覺, 甜度調配得剛剛好.除左散叫仲有晚市套餐, 都

平日比較少係港島食晚餐 感覺比九龍貴今次意外發現呢間平價好西菜式選擇多 價錢又低選擇困難症既我見到菜單上有禁多揀都吾知食咩好就跟住個廚師推介嗌 吾洗煩特別值得一試再試就係清湯蝴蝶腩($118)一上菜好香清湯牛杭腩既味睇番menu來係豬肉黎湯底好香黑胡椒又吾重味精 忍吾住不停禁飲個湯白羅白同豬肉吸晒個湯既精華好入味兩者都煮得好冧好易咬 豬肉每件連住小小邊既根位 好有咬口而且豬肉份量好多有成十幾舊最後叫左個白飯撈埋湯飯好好味

又到星期日，又係帶兩老飲啖茶、食個包既時間，今次揀左一間喺灣仔新開既茶樓同佢地飲「下午茶」，無他既，因為地點勁方便，就正正位於灣仔地鐵C出口轉左20步內。新開當然乾淨企理，雖然地方唔大，但坐得舒服已經加左分。有兩層，下層滿座職員就帶我地上二樓，原來喺酒店樓上，感覺即高級晒～枱面仲已經放齊4種醬汁～價目清晰，**「下午茶」仲唔收加一**添，抵！肚仔餓，畫點心先～《鮑汁鳳爪 $38 （廚點）》重點既鮑汁好夠味，令到鳳爪都好入味，而且鳳爪夠稔身可以食得好乾淨；花生都好多，但再稔身d會更好。《懷舊灌湯餃（精）$32.8》唔係間間茶樓有灌湯餃食，呢間有當然要試下。佢用舊式外賣上枱夠親切，餡料好多，但可能d湯比餡料吸晒所以用個鐵塊拎起食都唔會溜汁。呢款未做到舊式皮薄多湯，但茶樓仍新，相信會好快有改善。下次要再試試先～《流沙三小豬 （大）$25.8》呢款流沙包賣相太可愛，而且唔係得個樣，咬開真係流沙架～*記住要襯熱食，涼左唔流沙唔好怨XD*《味苑蝦餃皇 （2件）$15》蝦餃&燒賣呢兩款點心好flexible, 因為可以選2件or4件（價錢唔同）。蝦餃算大粒同新鮮。《水晶鮮蝦腸粉 （精）$32.8》腸

中式酒樓一般俾人感覺唔夠潮，後生仔女一定唔會去食！但我宜個年青既吃貨就好中意去味苑！裝修富有中國特色，但菜式一點都唔守舊！佢係提子？佢唔係提子？宜碟賣相成個提子咁既係叫葡萄冬瓜！除左賣相似提子之外，粒粒冬瓜肉都吸滿提子汁，非常juicy!作為前菜，酸酸甜甜夠清淡開胃！嘩!!打開燉盎果一刻真係好難叫人唔好"嘩"出聲!菜膽雞燉翅真材實料，燉翅真係有一排大大既翅!!絕對唔會係攝牙罅only!~菜膽雞燉翅除左有一排大大既翅之外，仲非常足料，加入左白菜、雞件、瘦肉一齊去燉!!難怪湯味咁濃香喇!!