味苑 (已結業)

灣仔區入夜多彩多姿就係人都知，有時想搵個清靜嘅地方食中菜都唔係容易嘅事⋯⋯今次竟被我遇到呢間係鬼佬區入面嘅特色中菜館，零舍吸睛睇落個menu，初步估計以潮州菜同粤菜為主，而當中嘅菜多數都非一般的有特色同創意！首先第一名係葡萄冬瓜，相信大家都係第一次聽，因為我都係⋯⋯基於呢個菜打個卡就有，又未試過，當前菜試下都唔錯！賣相同味道都好似葡萄子，但其實佢係冬瓜黎，入哂提子味嘅冬瓜，口感勁爽口！！！絕對係創新又好食嘅菜式。經典潮州菜，大良炸鮮奶，而今次呢個有dd唔同，佢係紫薯炸鮮奶我都係第一次食，但食完一次就一生難忘！一咬落去個心係紫色，有紫薯容，皮炸得好薄脆，師父功夫好好，裡面好軟好熱，奶味係超超超重！口感似乳酪，味道因爲有紫薯，整體唔會太甜，奶味中帶薯香！整體價錢合理，質素創意優良，有下次！

閒時最愛跟媽媽四圍飲茶, 老人家最鍾意一盅兩件, 網上無意中發現呢間中菜館既點心幾特別, 唔會剩係得蝦餃燒賣咁普通, 放假就帶左媽媽一齊黎嘆下.香芒沙律盞, 沙律面加左芒果汁, 酸酸甜甜夠開胃, 個盞係炸雲吞, 脆卜卜唔油膩, 入面仲有隻大大既蝦, 爽口彈牙, 食完感覺清新無飽濟感.泰式墨魚腐皮卷, 一條條放得好精緻, 腐皮鬆化唔油, 墨魚肉夠爽口, 清清地既墨魚味, 配埋泰式酸辣醬夠晒開胃.仲有流沙三小豬,  係奶黃流沙飽, 賣相吸引. 隻隻小豬都好軟熟, 皮唔會太乾, 奶黃不算太甜太漏, 好有流沙感, 而且奶黃份量幾多.呢幾樣特式點心都精緻, 好味. 餐廳環境樓底高唔壓迫, 而且唔會太嘈.

去個客公司開會, 開到連飯都無得食, 終於捱完, 同同事一落樓下就搵野食.入左呢間中式餐廳, 雖然過左午市時間, 但仍有飯食亦可叫點心, 辛苦完要嘆番一盅兩件lo.. 先要左水晶鮮蝦腸粉, 腸粉皮夠薄夠晶瑩剔透, 較落軟滑唔會一舊粉, 而且夾起唔易散開. 餡料隻蝦夠彈牙之外, 加埋D菜粒,蝦膠等等夠爽口.燒賣, 基本上飲茶必備, 豬肉軟滑, 唔鞋夠爽口, 大大粒好味.飽肚D要埋揚州炒飯, 飯一粒粒夠乾身, 無一patpat, 配料亦足, 蝦仁, 义燒粒, 蔬菜粒, 蛋絲等等, 每食一口飯都有料, 唔會剩係得D飯, 味道亦剛好, 唔洗加調味.一路食隔離枱好多人食燒味飯, 應該幾出名, 下次要叫黎食下.

同男朋友去食飯，最近食得太多放題同埋韓燒都食到厭，所以就想揀返中菜兩個人浪漫傾吓偈食吓飯。不過其實都有少少驚中伏，就好似之前去長洲食中菜一啲都唔好食（可以睇我長洲遊記食評），啲嘢食又唔新鮮，好彩返到港島區有好嘢食，一於要寫食評。環境光猛又乾淨。見到呢張牌仔又幾吸引，最尾就揀咗呢個二人餐＄298脆皮燒腩仔份量適中，最主要係外皮香脆之餘不會過鹹，雖然裏面肥肉份量唔少，但係排列井井有條，比例適中，入口即溶所以不會有那種令人不想吃的感覺。總之越食越吸引，質素屬於中上。不過那個芥辣醬汁就比較普通，因為汁身比較稀。是日滋潤燉湯兩位用裏面有豬骨之外也有菜，清清地非常滋補，仲有螺肉好補身呢！金蒜銀絲蒸元貝粉絲元貝加蒜蓉一直係最好嘅配搭，元貝係中間切開咗一刀，比較快蒸熟之餘食用亦比較方便。蒜蓉好香但係呢種係食完唔會口臭，粉絲就好有彈性但係唔夠稔；元貝都好滑！蝦球翠花枝蝦球爽口之餘亦已經去腸，調味不錯；翠是指翠玉瓜，又的確幾香脆；花枝就係魷魚嘅意思，好有彈性，成碟餸都做得唔錯。鮮百合雲耳淮山淮山爽口之餘有少少沙沙的感覺，口感真好，而且雲耳亦都索左軒汁味道，加上荷蘭豆口感豐富。精美甜品原來係雪梨雲耳糖水，不

同朋友係灣仔揾野食，估不到原來灣仔開咗味苑，仲係地鐵出口！十分方便！唔哂迷路！餐廳內裝修都唔錯！餐牌仲有很多特式工夫小菜！難得難得！我就揀咗一個蜜汁燒排骨～雖然係燒烤，但仍然肉質嫩滑！面頭舖蜜糖味！特色瑤柱櫻花蝦炒飯～賣相唔錯，櫻花蝦同瑤柱都很多！隔什脆玉瓜一齊，味道清新得嚟有海鮮味！加上濃味的燒排骨！絕配！加上一個炸鮮奶難得～宜家不多廚師識做架，外脆內面濃濃嘅鮮奶！裡面仲加入紫薯，懷舊得嚟又加新嘗！仲有葡萄冬瓜～清新得嚟又清甜，令人食了更加開胃！

吃完麻麻的湯包就同車爸爸去灣仔行街街，經過呢間味苑發現同荃灣嗰間好似喎！原來真係分店嚟㗎，因為我兩個都好鍾意荃灣分店的出品，所以就決定在這裡晚餐喇。細看餐牌跟荃灣分店一樣抵食，車爸爸一見菜膽雞燉翅即時嚷著要吃，而我就睇中新鮮大元貝，好先揀呢兩樣超抵食嘅特價菜先。車車爸爸嘅評語係這個菜膽雞燉翅$38，湯頭好清甜，內裏除了真翅（罪過）外還有鮮雞和菜膽，呢個價錢確確實實冇得輸呀！而我選的新鮮大元貝$28/隻，用了蒜蓉粉絲蒸個子不少的元貝鮮甜美味，而且師父蒸得啱啱好，一D都唔會靭，而且調味亦恰到好處好好味呢！！😋好喇到咗飽肚嘅食物我哋就揀咗燒味，今晚食豪DD點份鴛鴦脾飯$98，切雞加燒鵝脾看見已吸引，切雞很鮮嫩皮下脂肪少味帶香好掂檔，而燒鵝脾香氣亦不輸蝕，鵝肉酥軟可惜鵝皮就未算香脆！最後點份上湯浸豆苗$88🌱，味道不俗上湯浸不會油膩，清清腸胃十分舒服。最後店方送上蓮子雪耳糖水夠晒足料，滋潤非常。

星期日剪完髮同老婆大人行街街過了一個輕鬆的假期，晚餐她想食燒味當然即刻揾吓附近有咩正燒味，想去再興不過地方麻甩咗啲同老婆食梗係揾間坐得舒服啲架啦！終於揾到呢間味苑，我哋成日去荃灣嗰間食，出品不錯一於食佢。裝潢如出一轍的味苑同樣光鮮舒適，無獨有偶跟荃灣店一樣係兩層的格局。叫到一檯嘢食都不過$364埋單，有咩理由唔去食呀！這盅特價的菜膽雞燉翅$38係呀38蚊仲保證真翅，湯頭味道香甜那片翅唔係碎濕濕的，絕對物超所值。又係特價嘢蒜蓉粉絲蒸大元貝$28/隻，真係抵到一個點呀！元貝新鮮鮮味，蒸到啱啱線好嫩滑，調味香口惹味功夫一流切雞，燒鵝鴛鴦脾斂$98，切雞皮香肉嫩滑，燒鵝啖啖肉味道不會過鹹，但皮未算脆口。整多碟上湯浸豆苗，味道清清哋豆苗都算嫩口ok啦！最後送的蓮子雪耳糖水好足料架！食得好滿足呀期待下次再同老婆大人去拍拖食好嘢！

昨天和朋友們覓食，朋友在OpenRice 找到這家食肆，見其評價良好，故特地前來，去到門口，見其莊橫，想必一定很貴，但為了醫肚，也不能考慮那麼多。首先試了打卡fb 贈送的葡萄冬瓜，其清新感覺朋友讚不絶口。接著是店員大力推介的雞燉翅，$38一盅，翅大大塊，燉湯又很入味，簡直超值！再來餘下的食物都甚有水準，店員又為我們的蒸魚拆肉，最後還有好客店員額外贈送的雪梨糖水，為這餐劃上完美句號！以裝修，服務，食物的質素和價錢而論，簡直是超值！大力推介！

今日中午黎左味苑飲茶，呢度開左唔係好耐，裝修不錯空間感大，唔會好似平時d茶樓咁嘈，令Vi suprise既係午市好抵食!2個人點左一個午市套餐同2個點心，午市套餐$58有炒粉面飯仲有湯，我地要既黃金蝦炒飯好大碟，2個人share都好夠，炒飯加左咸蛋黃咸咸地好夠味，蝦粒亦爽口，質素唔錯，而配既中湯都好清甜，唔會好油膩。另外要皇牌雙脆，姐係燒汁炸蝦餃燒賣，好special既點心，第一次見，蝦餃燒賣炸左外皮脆脆地，點埋甜甜地既燒汁幾新穎。而金紗米網蝦腸亦大件夾抵食，係腸粉包住米網蝦卷，腸粉皮做得唔錯，入面脆卜卜，好香口。2個人食到飽飽都係$150, 幾抵食!

今日同事話想食新野，知道公司附近有間酒樓新開，就book左枱去食。一入到去，已經覺得好高級，因為裝修精緻，d枱櫈又闊落，同平時去開既酒樓係兩碼子既事。我同同事都好鐘意佢既餐具，餐廳係用一個系列既full set，從細微中就睇到餐廳既用心。本身都諗緊會唔會中伏，怕埋單好貴，但打開餐牌一睇，又ok喎。$58一個粉麵、點心就$15-$40到。我地兩個女仔食，叫左一個中式套飯(炒飯+湯)，兩碟點心，已經夠飽。黃金蝦炒飯 跟湯或飲品 $58今日例湯係豬骨湯，煲得好夠火喉，好飲。飯炒都唔錯，炒到粒粒分明。餸亦都好足料，好多蝦同瓜粒。略嫌鹹蛋黃可以再多少少，咁就更香口。金紗米網蝦腸粉 精點依個係我地睇到其他食評推介，專登點黎試。佢係腸粉皮包住一層脆網，然後最中間係蝦肉。依個我個人非常鐘意! 腸粉好滑溜，同入面既脆網形成強烈對比。蝦肉亦都好彈牙，唔腥。不過佢都幾大碟，一碟有六舊，有多d人share會好d。流沙三小豬 大點小豬造形可愛。咪睇佢包仔細細，但入面都幾多陷，一搣開就即刻有流沙效果。陷料蛋黃味香濃，食唔停口。提外話，師傅擺底籠點心既時候介紹佢係小豬，好可愛lol雖然餐廳裝修別緻，野食質素又高，但

味苑的荃灣店以中菜館為主，提供了燒味、粉麵、小菜。而在灣仔又有一間味苑，多了點心的選擇，點心的菜式食材帶點特別，確實有點吸引。無論是一個人，幾個人，或是一家人，都可以有一同的選擇擇供。味苑食物味道也有水準，，還沒有加一收費，更提升了其吸引力。*****************************味苑就在灣仔地鐵站附近，門面和荃灣店的一樣。味苑內裏的裝修和荃灣店一樣，樓頂高而空間感多，讓坐的人也感覺舒適。食具也是用上雞公的，非常之讓人懷念。味苑餐牌內的午餐提供款式雖然簡單，還有些套餐選擇，只要和店內要求取小菜餐牌，便有小菜之選。下午茶選擇有所不同，點心在下午茶也有提供，只是收費相對平宜。餐廳也提供限定優惠，只要2人或以上同行，根著條款要求，便可以享受葡萄冬瓜，只可惜只有我一個前來，不能享用。點心的選擇也不少，款色也很特別。除了點心之外，還有小食粉麵飯類。看著點心太多都想食，在餐牌中看見一個點心便當，二話不說便要了一份便當。還有名字如此可愛的流沙三小豬，便一拼選上。當點心送上面前時，才發現如此精緻吸引。味苑的辣椒油辣度十足，愛吃辣的我必定加一點在醬油之中。入座沒有選上喜愛的茶水，只飲用

一出灣仔港鐵站，就榅到間舖，超方便！炸春卷，外皮炸得夠晒脆，極香口，D饀都係落足料，蝦肉都好實好鮮，值得推介！香芋球，一流，必食，色澤金黃，咬落外脆內軟，內裡香芋蓉不會過甜！食完一個又一個，真係愛不惜手！

今日做個孝順仔約爸媽飲茶,順便試下間新开的舖頭。見到個裝修都好企理,而且光孟,座得都舒適。紫心香芋丸很特別的名,就叫黎試下。外面看下是金黃色的圓波,咬落口外皮脆而煙「un」,中心放左紫薯,不太甜,很夾,很好味。蝦餃餃皮很通透,望到入面一隻隻的大蝦,食入口外皮不厚,蝦肉很彈很新鮮。榴槤春卷,一上台已嗅到榴槤的飘香,外面炸至網蚊,比一般春卷更鬆化,入口榴槤超幼滑香甜,超正。炸雲吞沙律好特別的佩答,在一般酒樓的炸雲呑上加雜果沙律,冷熱口感一起集口在咀內的感覺很特別,亦很夾。

放假同屋企人去轉海洋公園, 玩完出番灣仔食飯, 有老有嫩最好揀中菜. 上網睇左一輪, 呢間一出地鐵站隔離就係, 唔洗行咁遠就黎呢度食.爸爸最鍾意食柚皮, 自己好難整得好食而且唔係度度有, 所以有蝦子柚皮一定要叫啦. 呢兩舊柚皮比拳頭仲要大, 又厚身.  密密蝦子鋪滿整個柚皮, 香氣撲鼻. 一切柚皮腍身軟熟, 入口一點苦澀味都無, 細緻嫩滑, 應該花左唔少心機處理.  蝦子個汁濃稠帶黏, 淡淡咸香味, 非常入味. 因為有人唔食牛, 所以要唔到脆炸坑腩, 但有款清湯蝴蝶腩係豬肉黎, 又要左呢款. 腩連筋位夠軟腍, 富肉鮮味, 份量十分足, 清湯濃濃既胡椒香, 清甜帶微辣. 仲有白蘿蔔, 莞西墊底, 簡單烹調已經好好味.完結前仲有桂花糕甜品, 清香桂花味, 齒頰留香.

放工放半日，平時系灣仔都數食粉麵，因為比較平，但今日行經見新開呢間餐廳，套餐點心都系呢區黎講抵食，甘就膽粗粗試下，環境又坐得舒服，快餐價錢，但不似快餐嘈吵。炸蝦春卷即炸的，皮好脆口，蝦大隻彈牙鮮甜炸沙律蝦上台樣特別，食落生果比較酸，皮脆，似食炸甜酸雲吞，但呢款裡面隻蝦好大隻，蝦鮮甜彈牙加上外皮脆口，再配酸沙律，食落就酸酸甜甜，就無左傳統要點醬甘。楊洲炒飯望都望到炒飯炒到一粒粒，食落又不太乾，再配上叉燒粒，蝦粒，脆肉瓜粒，食落甜甜的又彈牙。炒飯系套餐，有湯或餐飲送，送餐湯都好清甜，瓜煲肉老火湯。