影片
更多
2016-10-22
3179 瀏覽
其實想試好耐！但平日午餐真係太多人！今日星期六難得少左上班一族，就等我過個慢活下午啦！入左先發現有2層。我坐左係地下。午市都真係唔貴！真心估唔到50幾蚊都有！因爲想食點心，所以叫左個點心便當，咩都有d，勁開心。等緊上菜個陣見到d碗碟都好用心。係好傳統既公雞碗，仲要係一個collection架！ 而且餐廳播住啲中國特色嘅歌，成個感覺都係好傳統。所以見到唔少外國人都喺呢度食嘢。便當上嚟嘅時候好似一個日本嘅飯盒。真係咩都有㗎！包括有：奶皇包、叉燒包、菠蘿包、蛋沙律、春卷、我最愛嘅紫芋波波、珍珠雞、同埋馬豆糕。其實本身仲寫住有鹹水角添！不過一陣再講呢個鹹水角事件。 成個賣相都好吸引！而且應該會好夠飽 個菠蘿包唔係一般既菠蘿包。菠蘿包入面好似夾咗啲沙律咁樣既野，感覺幾特別！上脆內軟都幾好食 至於另外嘅叉燒包同埋奶黃包，兩樣都係材料好豐富嘅！同埋個包皮一食就食得出應該係師傅自己搓既！而唔係係係大陸買返嚟嗰種！好鬆軟，好甜！叉燒包入面啲叉燒有肥有瘦，口感好好！奶皇包係流沙既！ 第一次見珍珠雞入面會有鹹蛋，好似食緊粽咁，好搞笑不過佢好香嘅荷葉味！糯米都煮得好痴！ 入面都好足料，除咗有雞絲，仲有好多冬
午市都真係唔貴！真心估唔到50幾蚊都有！因爲想食點心，所以叫左個點心便當，咩都有d，勁開心。
等緊上菜個陣見到d碗碟都好用心。係好傳統既公雞碗，仲要係一個collection架！ 而且餐廳播住啲中國特色嘅歌，成個感覺都係好傳統。所以見到唔少外國人都喺呢度食嘢。
便當上嚟嘅時候好似一個日本嘅飯盒。真係咩都有㗎！包括有：奶皇包、叉燒包、菠蘿包、蛋沙律、春卷、我最愛嘅紫芋波波、珍珠雞、同埋馬豆糕。其實本身仲寫住有鹹水角添！不過一陣再講呢個鹹水角事件。 成個賣相都好吸引！而且應該會好夠飽
個菠蘿包唔係一般既菠蘿包。菠蘿包入面好似夾咗啲沙律咁樣既野，感覺幾特別！上脆內軟都幾好食 至於另外嘅叉燒包同埋奶黃包，兩樣都係材料好豐富嘅！同埋個包皮一食就食得出應該係師傅自己搓既！而唔係係係大陸買返嚟嗰種！好鬆軟，好甜！叉燒包入面啲叉燒有肥有瘦，口感好好！奶皇包係流沙既！
第一次見珍珠雞入面會有鹹蛋，好似食緊粽咁，好搞笑不過佢好香嘅荷葉味！糯米都煮得好痴！ 入面都好足料，除咗有雞絲，仲有好多冬菇！仲有蟹柳！
冇諗過喺呢一度都可以食到我放題最愛嘅紫芋波波 佢個站係做得好出色！春卷都係炸得好香脆！
跟住就要講呢個鹹水角事件啦！話說佢個menu上面係寫住鹹水角嘅，但係我搵黎搵去都搵唔到鹹水角，之後就以為呢舊係，一咬落去，一大陣榴槤味就湧上嚟！原來佢應該俾左榴槤炸奶我！但係我其實係唔食榴槤㗎不過我 最後竟然成個都食得曬！因為佢炸奶嘅味道比榴槤嘅味道更香濃！好容易入口而且出面炸得好脆，好好食 所以真係超有驚喜！
最後想講，晚市嚟呢度facebook like一like就有呢個葡萄冬瓜送。個人覺得呢個都幾特別，下次嚟試下先！
張貼
