影片
更多
2016-10-17
927 瀏覽
又到星期日，又係帶兩老飲啖茶、食個包既時間，今次揀左一間喺灣仔新開既茶樓同佢地飲「下午茶」，無他既，因為地點勁方便，就正正位於灣仔地鐵C出口轉左20步內。新開當然乾淨企理，雖然地方唔大，但坐得舒服已經加左分。有兩層，下層滿座職員就帶我地上二樓，原來喺酒店樓上，感覺即高級晒～枱面仲已經放齊4種醬汁～價目清晰，**「下午茶」仲唔收加一**添，抵！肚仔餓，畫點心先～《鮑汁鳳爪 $38 （廚點）》重點既鮑汁好夠味，令到鳳爪都好入味，而且鳳爪夠稔身可以食得好乾淨；花生都好多，但再稔身d會更好。《懷舊灌湯餃（精）$32.8》唔係間間茶樓有灌湯餃食，呢間有當然要試下。佢用舊式外賣上枱夠親切，餡料好多，但可能d湯比餡料吸晒所以用個鐵塊拎起食都唔會溜汁。呢款未做到舊式皮薄多湯，但茶樓仍新，相信會好快有改善。下次要再試試先～《流沙三小豬 （大）$25.8》呢款流沙包賣相太可愛，而且唔係得個樣，咬開真係流沙架～*記住要襯熱食，涼左唔流沙唔好怨XD*《味苑蝦餃皇 （2件）$15》蝦餃&燒賣呢兩款點心好flexible, 因為可以選2件or4件（價錢唔同）。蝦餃算大粒同新鮮。《水晶鮮蝦腸粉 （精）$32.8》腸
新開當然乾淨企理，雖然地方唔大，但坐得舒服已經加左分。有兩層，下層滿座職員就帶我地上二樓，原來喺酒店樓上，感覺即高級晒～枱面仲已經放齊4種醬汁～
價目清晰，**「下午茶」仲唔收加一**添，抵！肚仔餓，畫點心先～
《鮑汁鳳爪 $38 （廚點）》重點既鮑汁好夠味，令到鳳爪都好入味，而且鳳爪夠稔身可以食得好乾淨；花生都好多，但再稔身d會更好。
《懷舊灌湯餃（精）$32.8》唔係間間茶樓有灌湯餃食，呢間有當然要試下。佢用舊式外賣上枱夠親切，餡料好多，但可能d湯比餡料吸晒所以用個鐵塊拎起食都唔會溜汁。呢款未做到舊式皮薄多湯，但茶樓仍新，相信會好快有改善。下次要再試試先～
《流沙三小豬 （大）$25.8》呢款流沙包賣相太可愛，而且唔係得個樣，咬開真係流沙架～*記住要襯熱食，涼左唔流沙唔好怨XD*
《味苑蝦餃皇 （2件）$15》蝦餃&燒賣呢兩款點心好flexible, 因為可以選2件or4件（價錢唔同）。蝦餃算大粒同新鮮。
《水晶鮮蝦腸粉 （精）$32.8》腸粉皮唔算薄但幾滑。
《肉鬆蛋煎糯米雞（特）$29.8》幾香口唔算油膩，表面放上肉鬆，糯米兩面用蛋煎香，入面夾著雞肉粒，口感幾豐富。
《千層薑汁糕 （小）$14.8》口感唔錯，幾鬆軟彈牙，薑味唔濃，唔鍾意薑味既都可以試下～我本人就偏愛濃薑味既。
《香芒沙律盞 （特）$29.8》個盞好薄脆唔油膩，兜住芒果肉同沙律醬作調味，咸甜味道撞埋都幾夾。
《冰花燉津梨（大）$25.8》最後點左個甜品潤一潤作完結～清清甜甜唔會太甜，入面有燉過既津梨，好新清滋潤～岩晒秋冬季節食用～
服務：有禮貌，職員會詢問食客意見。
整體來說還不錯！
張貼
