味吉長龍

營業中

休息中

拉麵店內藏出色的配搭與小食炸牛蒡完全是畫龍點睛之物!!新開的拉麵店,是由石亭及沃川兩間尖沙咀居酒屋的新分店,兩間居酒屋經歷20多年屹立不倒可見實力!簡單直接的風格同樣注入新拉麵店,湯底主要使用清湯加入鹽味,味噌或鮮蝦等簡單的帶出鮮味!極喜歡【辛辣香肉慢煮叉燒濃清湯拉麵】內的兩條長長炸牛蒡,炸得香脆而咬落爽口,同時帶出辛香味道非常獨特!而且薄片叉燒非常軟腍.更貼心的把辛辣醬料分開,配合個人辣度.另一款【特濃蝦湯拉麵】湯底鮮紅,滲透着鮮蝦濃郁味道,每隻蝦都爽彈比起拉麵個人卻被小食驚喜了! 【自家製魷魚豚肉餃子】外皮煙靭好咬,內裏粒粒飽滿,塞滿大粒新鮮魷魚粒及帶有肉質的豚肉!必叫必叫! 【鮮蟹肉忌廉薯餅】外脆內裡綿密,上面間放滿蟹籽非常有誠意!

典型拉麵店格局，超有日式風味。🫶🏻坐係一角享用拉麵🍜，牆壁有佈置幾靚。見到餐牌有兩款限定拉麵，望落都吸引🤩。鹽味濃清湯蜆肉拉麵🍜：鹽味提升味覺👅，但唔會過鹹。湯頭清清地又幾好飲。蜆肉唔會有沙，而且除左一邊殻，賣相會更美觀。濃湯蝦🦐拉麵🍜相對蜆肉拉麵會濃烈很多。蝦🦐肉彈牙爽口。拉麵好嫩滑，食到嗦嗦聲！煎餃子🥟底部有層薄片連帶著，好得意。薄片好像薯片咁超脆身。餃子剛煎起，外皮很脆，內餡juicy。

呢間係石亭同沃川兩間尖沙咀居酒屋嘅新分店，同一個老細經營，行簡單路線，主打清湯拉麵，喺香港比較少見，主食可因應個人喜好選擇麵嘅軟硬程度、湯底味（海鹽、醬油、特製味噌）、香蔥、香筍等配料。私心推介海龍，則鹽味濃清湯蛤蠣拉麵，湯底清得嚟帶微微鹹度，麵條吸滿精華，好掛汁，若叫硬嘅口感會更煙靭，旁邊放上新鮮，鮮甜又飽滿嘅蜆，食完都唔會覺得膩。食嘅濃味嘅朋友仔可以叫金龍，則濃湯海老拉麵，賣相一流，紅噹噹，蝦已剝殼去腸，幾貼心，湯底濃厚，十分惹味。小食方面都有唔少選擇，自家製魷魚豚肉餃子，有冰花效果，脆底，餡料足、炸洋蔥圈外層金黃酥脆，咬落彈牙。飲品更有日本果汁同汽水供應，蜜瓜、白桃、西瓜、芒果、綠茶可樂、柚子汽水等，解膩解暑。

一直知道尖沙咀有多年歷史的石亭和沃川這兩家居酒屋，他們同一老闆最近它們開了新分店味吉長龍，趕緊約朋友去品嘗。到店點了午市套餐，拉麵加小食38港幣的價格十分親民。先說拉麵，特濃蝦湯拉麵的湯頭簡直絕了，濃郁的蝦鮮味，像是把大海的精華都濃縮進去，入口滿是醇厚感，麵條也很有嚼勁，掛著蝦湯，每一口都鮮香無比。辛辣香肉慢煮叉燒濃湯拉麵也很出彩，叉燒煮得軟爛，肉香在濃湯中釋放，微辣的湯頭刺激著味蕾，越吃越上癮。小吃方面，自家製魷魚豚肉餃子，外皮Q彈，內餡魷魚和豚肉搭配得相得益彰，鮮香滋味在口中爆發。新增的炸雞更是驚喜，外皮炸得金黃酥脆，咬下去“嘎吱”作響，裡面的雞肉卻嫩滑多汁，調味也恰到好處，鹹香中帶著微微的辛香，讓人忍不住一塊接一塊。味吉長龍延續了石亭和沃川的風格，走清湯路線，在香港市面上獨樹一幟，不搞花俏那一套，靠著紮實的味道俘獲人心，值得推薦！

香港拉麵店多數主打濃厚豚骨或魚介湯底，但尖沙咀兩間老牌居酒屋26年歷史嘅「石亭」同23年歷史嘅「沃川」新分店——「味吉拉麵」卻主打清湯路線，專注食材本味。🌟濃湯海老拉麵 $128湯底以蝦頭、蜆殼熬製，湯色金黃，入口鮮甜帶淡淡海鮮焦香，唔會過鹹或油膩，比一般「濃湯」更輕盈。拉麵嘅口感軟硬適中。配料有彈牙大蝦、慢煮叉燒、溏心蛋、筍乾，蝦肉新鮮。呢款拉麵適合想試海鮮湯底但又怕重口味嘅人，鮮味突出但唔會搶喉。🌟特盛慢煮叉燒濃清湯拉麵 $108湯底係味噌湯，清醇味噌，鮮而不膩，而且唔會過鹹。慢煮叉燒有成6大片，薄切慢煮豚肉，肥瘦適中，脂肪入口即溶，瘦肉部分軟嫩唔柴。 加$38升級超值套餐小食自選左韭菜雞肉軟骨餃子，皮薄煎得脆，餡料有咬口，韭菜味香但唔會太濃，點醋食更開胃。 而名古屋雞翼，外皮酥脆，醃得入味。至於飲品揀左日本Tomomasu Soda桃味，清爽微甜，解膩之選。而富士柚子汽水，酸甜清新，配拉麵好夾。

今晚在尖東附近搵食時，醒起同事推介呢間剛開的日式拉麵，原來係石亭同沃川居酒屋🏮，同一個老闆所開嘅分店（歷史悠久有約廿多年），咁質素一定有保證啦，主打用清湯做拉面🍜，於是我哋就進入品嘗一下，確係唔錯啊👍！特盛慢煮叉燒濃清湯拉麵🍜，上枱時已聞到陣陣香味，叉燒鋪在碗邊很吸晴，配搭流心雞蛋🥚跟炸牛蒡，叉燒肥瘦適中，肉質咸香有咀嚼感，彈牙拉麵🍜吸收了鮮甜的湯汁，飲落不油膩令人食得滿足！濃湯海老拉麵🍜，蝦新鮮爽彈有4隻，配料的半熟流心蛋好正，仲有叉燒、旬同香蔥，麵質爽彈，湯底鮮甜濃郁，入口鮮咸香的口感，好捧啊！自家製魷魚豚肉餃子🥟，餡料是魷魚跟豚肉，入口彈牙帶豚肉的香味，外脆內軟😗。日本椰菜沙律，健康又抵食。飲品我們選了啤酒🍻，爽快清凉。

食過之後絕對唔係講大話，呢間嘅拉麵真心唔錯～喜歡濃郁湯底嘅朋友可以試下依間位於尖沙咀既拉麵店！濃清湯係用鮮豚肉豚骨配日本蔬菜同埋秘制香料慢火熬足12個鐘頭，香濃但唔肥膩～湯底清澈冇渾濁感，飲落夠晒味！唔用急凍肉，新鮮度有保證！辛辣香肉慢煮叉燒濃清湯拉麵 $108叉燒嫩滑多汁，辛辣香肉另上可以自行調配辣度！辛辣香氣撲鼻但唔會辣到傻，配埋個濃郁湯底，啖啖都係幸福感～濃湯海老拉麵 $128海老鮮甜彈牙，湯底吸晒蝦味，一啖入口就知道唔係一般嘅拉麵！而家仲有午市套餐，淨係加$38就可以配埋小食同飲品。我地選擇了椰菜沙律同鮮蟹肉忌廉薯餅，飲品就揀咗日本TOMOMASU SODA，白桃同埋蜜瓜兩款口味清新解膩，啱晒夏天飲！

在尖沙咀的味吉長龍拉麵店，這次的用餐體驗非常特別。雖然麵底是壽司郎拉麵的標準款，但整體味道還是相當不錯。特別推薦的是牛蒡，外脆內韌，口感令人驚喜，讓人忍不住多吃幾根。牛蒡原本是插在麵裡的，現在分開上桌，不會浸泡在湯底裡，仍能保持其獨特的口感。此外，蟹肉的搭配也讓人印象深刻，搭在薯餅和蟹子之間，口感層次分明，讓人感受到海鮮的鮮美與薯餅的酥脆，真是一道不錯的前菜。總的來說，這次的用餐體驗雖然有些地方可以改進，但整體的味道和新鮮感讓人滿意，值得再次光臨。

尖沙咀係一向都係香港著名嘅美食區，日本餐更加係多不勝數。今次我哋去咗一間滿滿日式風格裝潢嘅日式拉麵小店到食午餐🍜原來依間餐廳係同石亭&沃川兩間尖沙咀居酒屋嘅新分店（歷史26年同23年 ，佢哋係同一個老闆）佢哋一直都係以清湯路線為主，老闆想「簡單直接」唔想玩花臣，風格係同沃川&石亭一樣📍 @ajiyoshichouryu🍱 辛辣香肉慢煮叉燒濃清湯拉麵👉🏻 辣香肉將成個湯底變得更加濃郁更惹味👉🏻拉麵索埋啲辣湯之後，入口嘅辛辣感爆發出嚟好過癮👉🏻拉麵麵質好有咬口👉🏻慢煮叉燒軟腍入味，雖然有2大塊，但係唔係好夠喉🤣🍱 濃湯海老拉麵👉🏻湯頭係用咗赤米蝦等大量蝦熬製，湯汁濃郁到掛哂汁，超級鮮，唔覺意飲哂成碗湯🤣👉🏻拉麵索咗啲湯之後仲係好彈牙🌟Lunch set +$38有齊小食&飲品🌟🍱 自家製魷魚豚肉餃子👉🏻人手逐隻包👉🏻外皮煎到好香脆，內餡鮮嫩多汁👉🏻魷魚好Q彈🍱 鮮蟹肉忌亷薯餅👉🏻賣相勁靚，面頭鋪滿蟹籽👉🏻加上炸到金黃香脆嘅外層👉🏻內裏係錦密嘅薯蓉同埋分量滿滿嘅蟹肉👉🏻口感層次好豐富📍 味吉長龍 尖沙咀漆咸道南17-19號帝后廣場地下7-8號舖#小店分享 #尖沙咀 #尖沙咀拉麵 #拉麵

今晚朋友帶我嚟尖沙咀食拉麵，呢間拉麵店以清湯路線為主，香港真係比較少見，原來仲係石亭同沃川兩間居酒屋的新分店，咁質素一定有番咁上下好味～辛辣香肉慢煮叉燒濃清湯拉麵香濃味噌湯底配上特製的辣肉醬，香辣而濃厚，加上鮮嫩爽滑的叉燒、軟嫩流心蛋及酥脆清爽的山藥，滋味而細緻北海道豚足鹽味濃清湯拉麵鹽味濃清湯意想不到的充滿鮮味～配上軟滑爽嫩的豚足膠原感十足，鮮嫩叉燒、美味流心蛋及爽脆山藥，做就一碗完美的拉麵～非常推薦～鮮蟹肉忌廉薯餅外皮香酥脆脆而內裡軟滑忌廉薯餅，再配上多到滿瀉的蟹籽加滋味蛋黃醬，十分滋味～自家製魷魚豚肉餃子色澤金黃又帶脆皮的煎餃，內餡軟嫩彈牙而濕潤，味道香脆可口且肉汁豐盈～拉麵、煎餃配上美味啤酒真係滿足～富士柚子汽水帶有清香柚子味都係唔錯～整體環境充滿日式風情，食物簡單而美味，服務不錯，值得再來～

路過尖沙咀，睇到新開既拉麵店，拉住朋友一齊黎食，聽店員講係沃川和石亭呢兩間歷時20幾年既居酒屋新分店～ 店內有好多款拉麵同小食可以選擇，以清湯款式為主🥰我們選擇左一款清湯款，白松露慢煮叉燒濃清湯拉麵，白松露既味道很香，慢煮叉燒口感嫩滑，保留原味唔油膩，仲有炸牛蒡條、香筍、糖心蛋😋 麵底可以選擇硬、軟同普通適中，個人鐘意拉麵偏硬一些～仲揀左一款期間限定款特濃蝦拉麵，香稠濃郁，濃厚蝦汁，叉燒在蝦湯中一樣美味🤤 💕明太子芝士焗薯角🍟明太子芝士包裹住薯角，綿密濃稠～自家製魷魚豚肉餃子🥟好靚既冰花煎餃，而且有大大粒魷魚在餃子餡裏面，味道不錯～x

今次來到尖東海旁一間日本街角風拉麵小店，推開門就聞到撲鼻的豚骨香氣，店內的裝修彷似穿越到東京拉麵老店。🏮👨‍🍳🍜 ✨ 特濃蝦湯拉麵($128)，這款拉麵是期間限定，經多小時熬煮的「蝦魂湯底」，令整鍋湯呈現橙黃色，濃郁卻不膩口，蝦味蝦膏甘甜，搭配彈牙中粗麵條，隻隻蝦肉彈牙可口，絕對是原汁原味的湯底。🦐🍜✨ 特盛慢煮叉燒濃清湯拉麵($108)，片片叉燒整齊地排列在碗邊，叉燒經慢煮肉質軟嫩，選了特製的味噌湯底，味道唔算好濃郁，亦都唔會感覺咸味重，炸牛蒡幾爽口，半熟的溏心蛋很滑溜。🐷🍜✨ 自家製魷魚豚肉餃子($48)，餃子煎得微微香脆，連同脆脆的冰花底一齊上碟，這款餃子混合了一半豚肉、一半魷魚，味道豐富，口感特別。🦑🥟✨ 味吉炸雞($38)，外皮炸得酥脆，肉質鬆軟，配上沙律醬夠哂滋味。🍗💥✨ 富士柚子汽水($28)，樽裝的包裝非常懷舊，柚子的味道很清爽，帶有透心涼的感覺。🍋🗻✨ 靜岡綠茶可樂($28)，這款飲品第一次見，可樂加綠茶的甘甜配搭，兩者的味道幾難忘。🍵🥤

今日放假出去搵好嘢食，行過見到呢間拉麵店門面好吸引，於是就入咗去食，入面裝修有日本懷舊風（昭和、平成時代）嘅感覺。知道呢間拉麵店係石亭同沃川兩間尖沙咀居酒屋嘅新分店（歷史分別26年同23年，仲係同一個老闆）。呢度係以清湯路線為主 , 香港市面上無咩人會做，想「簡單直接」唔想玩花臣，沃川同石亭個風格都係一樣。而個湯底師父每日係用火腿，豬骨，沙蟲乾熬製而成，所以非常鮮味。午市套餐+$38 跟小食同飲品今日我哋叫咗以下套餐：-1）濃湯海老拉麵 $128蝦味湯底鮮甜濃郁，海老肉爽甜有蝦味，唔同出面嗰啲雪藏蝦，薄身嘅叉燒，肥瘦適中，流心溫泉蛋做得有水準。2）巨龍～特盛慢煮叉燒濃清湯拉麵 $108鹽味湯底清澈不油膩，薄身嘅叉燒，肥瘦適中。最讚係個拉麵質地，夠厚實，有（硬、普通、軟）選擇，我哋點咗普通硬度，麵到枱時當然相機食先，玩了差不多十分鐘，拉麵冇變得淋和發漲，就算食到最後一口，麵身都保持到挺身。小食：1）名古屋雞翼炸到外脆內嫩，好滋味。2）明太子芝士焗薯角 薯角外皮炸到金黃酥脆，配上明太子嘅鹹香好夾，好美味。飲品：日本Tomomasu SodaUCC咖啡整體：水準一流，地方舒適，店員服務態度親

平時答巴士經過見到有間新開拉麵，打開OpenRice 見到好多正評，所以打算搵日試下一入到去見到得一台客人，坐低左之後見到地下有d曱甴🪳仔，所以冇擺手袋落個籃，叫左白松露醬油拉一個特盛味增拉麵一份九菜餃一份魷魚餃子拉麵份量正常，湯底2碗都偏酸，完全食唔出其他foodie 講嘅行清湯路線，蛋味道正常，不過出品唔穩定一隻偏熟一隻偏生，最好食係果兩條牛蒡，岩岩炸好浸住d湯，有脆有軟兩種口感另外明明只有兩三台客人，都可以將我先點餐嘅餃子送錯比較遲入座果台客人，我等到成碗麵食哂餃子都未到魷魚餃子口感好特別，彈下彈下，九菜餃子同一般餃子店果d冇乜分別結論係可以試下個魷魚餃子，不過冇下次了。

味吉長龍、石亭同沃川兩間尖沙咀居酒屋的都是同一個老闆味吉以清湯路線為主，簡單直接，與沃川同石亭個風格都係一樣Lunch time 嚟食仲有套餐可以揀 每款拉麵湯底仲可以選擇鹽味還是醬油🔆巨龍- 特盛慢煮叉燒濃清湯拉麵 呢碗就點咗醬油湯底 第一啖飲咗湯底 醬油唔會太鹹 濃淡適中 特盛有極多薄切叉燒鋪喺碗邊 每塊叉燒肥瘦適中 拉麵面底係我鍾意食嘅幼麵 🔆白龍- 白松露慢煮叉燒濃清湯拉麵白松露醬鋪在湯上 撈上鹽味湯底清香 🔆味吉炸雞 炸雞外層炸粉唔會太厚 炸出嚟雞件都仲喺好嫩滑多汁 🔆自家製魷魚豚肉餃子🥟用魷魚做餡料嘅餃子市面上好少見 食到每一嚿餃子都有魷魚粒 餃子外皮煎得香脆