吞POT 雞煲火鍋.住家菜 (已結業)

其實黎到呢間吞pot食雞煲邊爐是一個偶遇無聊等朋友既時候見到吞pot個名夠搞笑，所以就決定食呢間反正就係一大班朋友係到烚下烚下平日唔蛇王既我都要來下呢到吞下pot💪🏻呢到有好幾層都係食肆，所以下次應該會再黎試試其他層 ✨正我成日都同朋友講「夠膽乜都要試下，人一世物一世，唔試唔知伏唔伏！ 」✨一出lift就會見到個大魚缸，入面有好多種魚，不過我唔曉分 但唔知餐廳會唔會係拎黎食架呢？正好坐左係電視前既位置，可以有電視撈飯 唔怕悶，不過同班朋友吹下幾句又好快過至於揀咩煲，我地就叫左個辣酒花螺雞 ($148)，半隻的，其實唔夠喉酒煮螺配雞，諗起都覺得惹味，重口味既野我一樣岩食因為有同行既朋友都唔食得太辣，就話不如叫BB辣啦，有d辣，過下口癮，但又不至於辣到食唔落不過建議唔係好食得辣既朋友都係叫番BB辣，因為BB辣都食到有d嘴紅 呢到既醬料是要加錢的，每位十蚊，但有齊豉油、麻辣醬、生蒜、指天椒、豆瓣醬、芝麻醬、沙茶醬、炸蒜、蔥花9款，任你溝，任你加 不過因為呢個花螺雞已經好夠味，所以後期覺得可能稍微加d炸蒜豉油豆瓣醬已經好足夠 飲品方面叫左支柑桔檸檬，一大支$15會抵飲d雞煲來來來，

旺角呢個地方搵野食容易至極，今次黎到呢度，就一於先雞煲後打邊爐！你都梗係飲返罐野飲先，汽水最緊要係冰凍，就叫左罐ZERO relax下啦！豉油方面，都有多達八款既醬料mix and match可以mix到最適合你既醬汁。招牌雞煲方面，叫左個花雕藥膳雞煲半隻。一睇個樣就知呢個雞煲好補啦！果然好足料，有唔同類型的藥材，尤其有我最喜愛既杞子添！雞肉份量充足，又嫩滑，索晒d湯底既味道。飲一啖湯，唔會太鹹而且又好濃既藥膳味。重點要介紹下幾樣火鍋配料。食得多墨魚丸就食得多，黑色既你又食過未呢⚫墨汁墨魚丸爽口彈牙，比普通既墨魚丸多左份墨魚汁香味。好少打邊爐會食花膠，今日就豪一豪佢啦價錢又唔會太貴喎，擺落去淥一陣就食得！見到餐廳張poster有$1肥牛，就叫左碟啦。牛肉既肥瘦分佈得好均勻，份量亦都幾足夠。食到最後梗係要叫返個烏冬黎食啦，呢度既烏冬係讚岐個隻，煙煙韌韌。

睇完新樓示範單位，覺得肚餓，見到上面有間打邊爐餐廳叫吞pot, 因為個名有趣，就試下!間野係23/F, 當日7點上到去都唔係好多人,但個VIEW就真係唔錯食物種類同一般差唔多，價錢反而唔算太貴叫左個招牌魚湯鍋,一份豬頸肉,一SET海鮮雜錦拼盤魚湯,無咩特別,唔腥,因為無魚係入面,可能佢餚魚餚到入味,但我就FEEL唔到..入面有蕃茄,豆腐同菇,開頭飲無乜味,但之前落左D海鮮煲多陣,D味就出晒黎!好清,我打邊爐從不飲湯底(大佬,德X/牛X果D點飲得落阿...無特別),但呢度我都試左幾啖,你地都可以一試(但唔好乜都未落果時試,否則你會失望…豬頸肉: 同其他任食果類唔同,咬落比較爽口新鮮,但個人感覺都係一般,如果你想叫,建議叫其他既性價比會好D之後到既係主菜, 海鮮雜錦拼盤2人份量,其實夠晒食,可以唔洗加野都OK有4隻蝦,2隻蠔(好大隻,見圖),一隻細既蟹,2隻花甲,2舊響玲,手打牛丸/墨魚丸/蝦丸/黑墨丸, 4片肥牛,4片豬頸肉,2片鯇魚腩, 3隻菇,2隻鮮蝦雲吞,2隻韭菜餃,2隻魚皮餃,2隻蛋同大量菜份量真係唔少蝦-好新鮮,因為果時重見到4隻既腳仔都郁緊,蝦肉好鮮甜,好正蠔-好大隻,重好有

話說果日同班兩年冇見既frd子聚舊，呢排興雞煲，有個frd就提意食吞pot。當晚雖然訂左位，但在場人數亦爆滿，冇辦法即時入座，不過都係等左10幾分鐘左右就有得入。味道方面，我地叫左麻辣重慶雞煲(1隻)，傳種辣係熬煮左出既果種，吾係系湯加辣果種，麻味仲好重添，而且雞亦好嫩滑！美中不足係D配料，我個人認為食物對價錢吾成正比，d野吾係話好好食，仲要係好一般果種，例如d邊爐丸子咁不過，環境衛生同服務態度絕對係No.1！

呢間餐廳位於23樓，有大玻璃窗，可以比我一邊睇住日落，一邊比我食海鮮!醬料有好多選擇！我地2個人叫左一個海鮮拼盤，海鮮拼盤足2個人食，拼盤好多料，包括：海蝦、蟹、大蜆、大桶蠔，魷魚、鯇魚片、肥牛、豬頸肉、手打丸、魚皮餃、韮菜餃、雲吞、響鈴、雞蛋、鮮冬菇同菜, 每款都起碼有2件或以上, 一定唔會爭嘢食！海鮮好新鮮，虾上枱時，虾腳仲郁緊！大桶蠔同大蜆熟後都冇縮水.響鈴係自家炸, 好脆，唔油膩！手打丸好彈牙！魚湯好足料，有好多滑豆腐，秀珍菇，番茄! 不過之前睇openrice食評話海鮮盤會送68蚊以下的湯底，而家應該冇左呢個優惠了 建議: 如果食海鮮拼盤可以唔需要立即order菜, 因為拼盤裹面有大量的菜, 應該足夠2個人食.

成班朋友去食晚餐，一於打邊爐。叫左四川麻辣湯底！爽湯底嘅豬紅，豬皮超級入味！而且超足料！鮮淮山鮮淮山以前只係喺大陸先食到，依家喺香港都開始普及！打邊爐首選！$1雪花肥牛呢碟肥牛其實味道ok！唔好以為佢價錢平就唔好食，牛肉味濃！而且份量都唔細芝士牛丸芝士迷必食，手打夠晒彈牙！午餐肉係近年邊爐必食！同平時煎係2種食法，吸味得黎，又夠港式！芝士響鈴新鮮炸起超脆口，裡面嘅芝士亦十分流心，芝士味濃郁，超正！

今日同朋友去旺角食雞煲，今次佢地帶我去我未食過嘅地方食，呢間雞煲個名非常得意，叫“吞POT”，哈哈，唔知去到食完之後會唔會返工“吞POT”呢﹖同平時出去打邊爐一樣，都係有調味料俾你自己搭配，當然我最愛當然係麻醬喇，哈哈辣酒煮花螺雞煲(半隻) - 好……主角出場，呢個辣酒花螺配雞煲，幾特別，有時食打冷，我都會叫辣酒花螺食，因為佢沾海鮮醬真係激好味，不過今次個花螺有啲雞煲味，真係第一次，而且呢個合作絕對唔差，另外我地食完之後發覺，半隻雞唔夠食，早知點一隻，因為個雞煲汁太好味十全大寶丸 - 手打芝心牛丸、手打黃金海膽墨魚丸、手打生拆蟹粉墨魚丸、手打三文魚籽墨魚丸、手打香煎鵝肝蝦丸，呢幾個手打丸真係無得頂，我尤其鍾意啲墨魚丸，好彈牙，而且重非常好味自創爆花響鈴 - 響鈴就食得多，入面有芝士嘅食過未﹖今次我地就第一次試，好特別，而且呢間店啲響鈴全部都係即叫即炸，非常新鮮，不過，我覺得就咁食會好味啲，脆口嘛

無論咩時候都會有舖打邊爐嘅癮，見呢度有藥膳雞煲食，當然想試下！一上枱，就聞到好濃嘅藥材味，由細到大我都吾抗拒藥材味，仲覺得好正氣😂雞好快就食得，好滑嘅雞肉，藥材滲透曬係入面，但一d遺和感都冇，好夾😋另外，醬汁都係由自己調製，一般醬汁配料都有。首先送上黎嘅係芝士響玲，亦都係我嘅最愛！店員送上枱會溫馨提示叫我地盡快食，同其他響玲一樣，落水碌一陣就食得，入口一陣香濃嘅芝士湧左出黎，配合炸到薄脆嘅響玲，真係味覺嘅一大享受😋😋😋另外，羊肉亦都好出色！我本人吾鐘意咁多脂肪嘅肉🙈呢碟羊肉脂肪比例就好啱我，羊肉浸落藥材湯底度，好快藥材味就滲晒係d肉度，但又吾會搶左羊香，好特別嘅味道！仲有呢個手打蟹粉墨魚丸都好讚👍🏻丸身好彈牙，仲間中食到墨魚肉粒粒！食到中間仲有驚喜，蟹肉好多，配合墨丸一齊食，啖啖滋味😋呢度環境都好好，有一大塊落地大玻璃，可以望住街景食野，感覺都冇咁焗促！

星期四一家人去左「吞Pot雞煲火鍋．住家菜」度食晚餐，一入門口就見到好靚嘅魚缸。同埋因為位處23樓，望落去個景都認真唔錯！夏天太陽比較遲落山，所以7點半都可以見到夕陽嘅餘暉，睇完心情即刻靚曬！心情好，一坐低就叫左兩支酒：樂天雪中梅有氣梅酒，雖然寫住有10%酒精，但味道係清爽，淡而香，容易入口，完全唔覺係10%酒精。另外支真露酒精濃度更高，係阿哥嗌嘅，我就無試過啦～😝咁飲酒就當然需要搵D野送酒啦，可能因為我鍾意食Wasabi，呢碟Wasabi味牛柳粒真係辣得黎幾好味！之後就開始準備之後點食物用嘅醬料，大愛蔥花嘅我當然狂加啦，哈哈 XD湯底叫左四川麻辣同埋招牌魚湯，我幾鍾意個魚湯，個煲一黎就全部人各飲左小半碗，搞到個水位即刻低咗，哈哈～左邊係一般打邊爐比較難少少搵到嘅鮮淮山（好有益架），右邊係$1優惠價雪花肥牛（1-3人限1碟，4-6人限2碟），肥牛味道唔錯！比一般打邊爐肥牛厚身同牛肉味濃。估唔估到呢碟係咩呢？其實係芝士牛丸啊～煮好之後就係呢個樣啦！雖然裡面嘅芝士略嫌不夠流心，但係勝在夠特色，而且手打亦夠誠意，可以一試。黎啦黎啦！Last but not least，呢個簡直係全晚嘅主角！

放工去食吞pot雞煲火鍋叫左個海鮮拼盤，d蝦插左係枝竹籤度d腳仲旭下旭下，好生猛。雖然佢寫住係2人份量，但就有好多料，例如丸、生蠔、花枝、牛栢葉、牛肉等等。樣樣都好新鮮(當然最新鮮係4隻蝦啦xdd)之後叫左珊瑚蚌($98)、鮮准山($38)同娃娃菜($28)，最正係個珊瑚蚌，超級爽口，不過一碟夠曬數啦，如果唔係就唔夠錢埋單啦。xdd不過唯一既建議就係d金菇要洗令少少。

另一篇之點解審批成個月都無郁但其他人嘅已經刊登咗，再寫過😒辣酒花螺雞煲半隻蘋果乾我近排真係成日OT，趁得閒啲即刻追番啲食評先😢上星期二，約咗老朋友食飯，當然食好野，去咗POT~留意間餐廳好耐，似乎評價唔錯，膽粗粗黎食；餐廳位於商業大廈內，而大廈各層都有各式各樣食肆，又係一個新食點！大約7點到，客人唔算多，店家都好好提供window seat！見著個美麗嘅夕陽，真係食野都有feel啲🙈朋友一到即刻快手快腳點餐，起初諗住試下新野所以點咗辣酒花螺雞煲，酒味欠缺，但份量足料；諗住點完雞煲再點湯底打邊爐，但店員就提議可加豬骨滑底就好（驚我地2個人食唔晒😂），見到推廣$1肥牛，雖然我唔食，但都有8片，友人都說唔錯（其實$1，都唔敢點有咩期望😂），點咗山水豆腐，黑木耳，芋絲同娃娃菜等等，值得一提係蟹子墨魚滑，蟹子都多而墨魚彈口；自制鮮蝦雲吞好大粒好足料，皮薄啖啖豬肉啖啖蝦肉👍🏻；自創爆芝響鈴，未煮前已經見到響鈴入面佈滿芝士，響鈴亦炸得香脆，可惜煮時湯底已經覆蓋晒芝士味，有芝士嘅口感但卻失去味道，但不失為一個好嘗試。有驚喜：店家居然有韓國水果味嘅燒酒提供，店員態度親切，價錢合理！難得店家沒有限時，可以

冬天都要食雪糕。飲凍野。。。夏天當然都可以去食雞煲啦！只要係好味的野，咩時候都值得去食！調味料調味的款式都很多！辣酒花螺雞煲 (半隻)小辣的雞煲有不同的香料，相當惹味！雞肉得滑嫩，完全吸收雞煲內的精華，雖然小辣對我黎講都有點辣，但只要係好味，就會一度叫辣，口又會不停食。食。食，這就是吃辣的樂趣！大部分雞煲內的雞食哂後，就可以麻煩店員加湯。。。十全大寶丸十全大寶丸共有五款，包括: 手打生拆蟹粉墨魚丸、手打三文魚子墨魚丸、手打黃金海膽黑墨丸、手打香煎鵝肝蝦丸及手打芝心牛丸，各款兩粒。我只係食左兩款，手打香煎鵝肝蝦丸。蝦丸非常彈牙，配合鵝肝，鵝肝的味道充斥著口腔，頗香口！手打芝士牛丸。手打的果然特別彈牙，加埋香濃芝士，是不錯的配搭！花枝片新鮮的花枝片，每片都薄薄的，輕輕在鍋中滾一滾，清甜爽口自創爆芝響鈴響鈴是即叫即炸，放在鍋中兩、三秒便可以食得。。半融香濃的芝士加上脆卜卜的響脆，絕對係芝士控必食之選！不過個人覺得有點油，但都可以值得一試！大咸檸七七喜加半粒咸檸檬，係解辣的幫手！

之前去彌敦道726呢棟大廈某一間cafe食飯。見到呢棟大廈好多餐廳架原來。有一間叫吞Pot既雞煲 個時同友人講笑話 搵日就吞pot去食吞pot啦。今日將呢個笑話付諸行動 哈哈。環境俾左我一個驚喜 除左因為餐廳有一缸魔鬼魚 重點是有落地玻璃 感覺好開揚。雖然望既係旺角樓境 但已經覺得好開心。餐廳7:30前結賬 或者9:30入座全單有七折。好抵噃。另外 有兩個優惠可以二揀一。1. $1 一碟肥牛。2. $298 二人海鮮拼盤。我見張張枱都有叫呢個海鮮拼盤 我地都唔執輸 決定試下。而且兩個人 散叫既話 唔叫到咁多。嘩嘩嘩～海鮮拼盤*四隻蝦好生猛咁踢住腳 好驚。哈哈 呢個拼盤都好多款式 海鮮類～有蝦 膏蟹 蠔 蜆 鯇魚片。最鐘意係海蝦 好鮮甜。同埋膏蟹 肉質好之外 蟹膏好鮮甜。肉類～肥牛 豬頸肉。豬頸肉幾好食喎。好嫩滑手打丸類～ 大讚。手打丸全部大大粒。有蝦丸 墨魚丸 黑墨汁丸 鮮牛丸。鮮牛丸好香牛味。蝦丸食到一粒粒蝦 兩款墨魚丸都彈牙爽口。餃類～有雲吞和韮菜餃 鍾意韮菜餃的多菜少肉。拼盤仲有牛柏葉 鮮魷魚 雞蛋 響鈴。響鈴都幾脆口。其實拼盤兩個人食 真是乜都夠。但我們初時唔知咁豐富 仲叫多左

這個星期又再一次吃雞煲火窩，又一次的增肥大餐，今天就去了吞pot雞煲火鍋。一進去就有一大缸魚，每條都好大，好吸引。由於時間尚早，所以客人不算太多，而且餐廳很大，坐得很舒服。先點了一個辣酒花螺雞煲，要了BB辣，但吃得時候就覺得很辣，不過幸好我們還吃得到。而酒的味道不很濃，所以就不用怕會醉了。由於很久未吃過螺既關係，所有人都爭住吃，很快就吃完了。每顆螺都很大顆，味道很好，而且很容易把肉弄出來。之後再叫兩枝韓國牌子既酒，柚子味同真露，大概10幾%的酒精，柚子味的酒甜甜的，味道不錯，而真露就有濃濃的酒香，沒有果香，所以就不太合我的口味。

1️⃣辣酒花螺雞煲 $148 半隻 $238全隻花螺都幾多😏雞夠哂肥美嫩滑，今次要左中辣～吾算話好辣，但食落都幾惹味2️⃣十全大寶丸 $118一碟十粒，有5款手打丸😍生拆蟹粉墨魚丸🦀三文魚子墨魚丸🐟黃金海膽黑墨丸🐹香煎鵝肝蝦丸🐤芝心牛丸🐮最正係鵝肝蝦丸！入口超香👍🏻味道最出3️⃣爆芝響鈴 $56/6件即炸，黎到暖暖地，見到芝士外露出黎😍入口芝士味勁濃👍🏻罪惡感好大😈浸一秒岩岩好，但脆囗d就更加好4️⃣頂級安格斯牛小排 $178薄薄一片，牛味重👍🏻索埋辣湯好食5️⃣大凍飲 - 西柚特飲 $28吾算好大杯，飲慣左一品個個超大杯🙈但邊飲凍野邊打邊爐係正既6️⃣優惠: 每晚1930前埋單或姐2130後入座，全單享7折😎星期六、日及公眾假期，午市就全單7折