吞POT 雞煲火鍋.住家菜 (已結業)

高樓落地玻璃市區景觀下...估唔估到會有雞煲食？答案係有的：）兩個人叫半隻足夠有餘了，雞好滑好濃味 叫左小辣嘆吓 今晚唔想食太辣 哈有調味醬盤 我就只係要左麻醬咋 因為煲本身好夠味嚕✅有四寶餃 最特式係蟹肉餃 好味👍🏻有出面未食過嘅芝士響鈴📯芝士本身有咸味 所以喺雞煲輕輕一點就夠喇 或者就咁脆口襯熱食又得。最開心係第一次食呢種冰菜 質地睇落乾爽但煮後會變 仲好似秋葵🙂🤔安格斯牛排靚靚好正 如果切厚啲仲好 放入濃汁夠咬口😋大碼西柚特飲 鋪頭好貼心 因為飲管都相對地加長 唔會飲飲下沉底😂超大魚缸配巨型魚 有幾條好似係鯊魚🦈？呢兩條好特別 一條豹紋一條黑白波點

天氣又凍返... 又係打邊爐食雞煲嘅好時機喇！朋友帶咗我嚟旺角呢度，原來成棟都係餐廳，個view都好正呀！仲有個好霸氣嘅魚缸調味料有九款，除咗有大路嘅辣椒、蔥花、沙茶醬等等之外，仲有麻辣醬，正呀！不過冇芫茜令我有少少失望...［青瓜特飲，$28］原來係冇新鮮青瓜嘅，而係用青瓜糖漿加上梳打水，不過都非常清新解辣，不錯［重慶麻辣雞煲（半隻），$128］面頭居然有唐芹，令成個雞煲更加香噴噴！上枱時已經係滾緊嘅，侍應話可以食得，我好開心，唔洗等雞肉每一嚿都好滑，而麻辣汁亦非常惹味，不過唔太麻（我哋叫咗BB辣）食哂啲雞之後就可以加湯打邊爐喇！［餃餃陣，$88］呢個陣有齊鮮蝦雲吞、韭菜餃、蟹粉蟹肉雲吞、魚皮餃各兩粒，兩個人食啱啱好粒粒都包得非常飽滿，皮薄餡靚［頂級安格斯小牛排，$178］排盤排得好有心機呀！油脂都分佈得非常靚，呢盤肉簡直就係賞心悅目食落口肉質嫩滑，牛味頗濃［冰菜，$28］上年喺朋友屋企食過一次之後就冇再見過，居然喺呢度撞返佢！我非常推薦呢個冰菜呀！佢可以生食，口感爽脆；怕生亦可以淥一淥。有趣嘅係淥得耐咗佢會變滑劣劣好似潺菜咁［蜂巢豆腐，$38］佢特強嘅承載能力等我可以食落口時滿口湯

平時都係食開放題火鍋，單點仲覺得要就住就住咁，食得無咁享受。但因為朋友極力推介，所以一於試下啦點了一個重慶麻辣雞煲，一上菜時香味濃郁，真係好正試一舊雞真係好麻辣呀，好香好滑，真係好正呀點左好多配料食，但有幾款真係印象深刻同難忘第一款一定係佢地自創嘅爆芝響鈴啦！首先店員溫馨提示係即炸的，要盡快享用，所以就連相都未影就已經夾起咬啖啦！一咬係暖嘅，外皮好脆，好似識薯片咁，而內面嘅芝士就慢慢咁滲出嚟，有少少似心太軟嘅朱古力醬慢慢滲出嚟一樣第三款印象深刻就係佢地自家製嘅丸同餃，佢地嘅餃都好好好足料，皮唔會太厚，而且餡料都好豐滿。絕對無欺場

一早已網上訂枱，今晚同朋友們整完甲，就去食雞煲啦～我地一行三人，叫左唔算太多食物，但樣樣味道都唔錯，食材睇得出新鮮。大滿足的一晚特別推介: 香辣雞煲、牛肋片、冰菜、芝心牛丸

由於上次食完吞pop呢個超強雞煲帶比我地味道上非常強烈既衝擊之後,今日再同小胖女去挑戰多次,由於當日非常多人,我地好早就上左去,照舊坐係窗邊位置一望住旺角夜景黎嘆雞煲今次轉戰麻辣雞煲開場,味道比上次更強更好味,雞肉唔會老,食落彈牙又夠辣好快就清左個雞煲,轉打邊爐啦,邊爐配料點左安格斯肥牛,象拔蚌片,同新鮮蔬菜肥牛一放落去滾一滾就食,有齊哂雞煲內既麻辣汁同牛肉既鮮味,食落真係又爽口又夠辣,再黎就係象拔蚌片啦,份量都好多,滾到佢開始縮細之後就食得,由於無咁索味,但表面都係好多辣油,食落爽甜又夠咬口,食到呢到辣辣地,當然要飲返杯巨形咸檸七同西柚特飲,解渴又止辣,清埋d菜就非常之飽,一路嘆住野飲一路睇下旺角夜景真係好完美

一入去見到冇咩野已經霖緊點解咁少人,唔通係伏?其實服務,野食都冇問題,最大問題係收費。本來霖住200元內,點知收錢嗰時見到茶芥要20元。我呆曬,姐係+1都算啦,好正常,宜家到到都有。問題係我由坐低到走都冇飲過茶但收茶錢?定係佢係要個客出聲話要水先會有?講真如果你話哩d係醬料錢,你寫到明我都覺得算。我真係r曬頭野其實好普通,唔係話特別好食,但真心貴,唔值哩個價囉。下次唔會再來,一個人250既話真係食放題好過。唯一覺得幾好既係環境,都幾大。

是夜我、老公，還有兩位閨蜜，三女一男的飯聚，因爲大家都很喜歡打邊爐，也特別愛吃響鈴，所以便來了這裡一嚐雞煲和招牌的現炸響鈴！店子位於旺角和太子交界的一座高樓大廈，從旺角站走過來，不算好找，而且位處高層廿三樓，等+搭lift都用上五六分鐘，頗費時，但換來的，是在這附近難得一見的大夜景！用夜景來配西餐吃就試得多，配雞煲吃還是第一次，可謂別有一番滋味，胃口大增呀，加分！有好胃口，都需要有好嘢食，這才對得住我的胃！菜單選擇都唔少，雞煲款式抑或火鍋湯底，加起上來合共十多種，而且光從名字聯想材料配搭，都很有水準似的，雖然我們早鎖定要吃雞煲，也討論了好一陣子，才最終在辣酒花螺雞煲和重慶麻辣雞煲之間，選擇了後者！等待雞煲來臨時，最好用來打發時間的就是混醬！這裡用來混醬的料有九種，感覺不多不少，每款都放一點，混完就剛剛好有雞煲吃了！我們只叫了BB辣，所以味道一點也不攻鼻，但就從遠遠就聞到濃郁的洋蔥香，眼看我們四個第一件夾起的不是雞，而是洋蔥，就知道那味道多麽誘人！那片洋蔥看起來有光澤，厚厚的，吃來起，既香甜多汁，也非常入味！接下來再吃一件雞，肉質嫩又滑，肥瘦適中，而且大小也切得剛剛好，這點很重要的！因爲

時下一大班人去食飯，唔係打邊爐就係多數依雞煲，竟然有朋友想食辣，好自然就揀咗雞煲，加上晌街頭見到宣傳單張下，就上咗去呢間位於彌敦道726號23樓嘅「吞pot」一上到嚟嘅第一感覺唔錯，事關佢唔係好大陣雞煲味，不過呢個都係個人一個無聊要求，哈哈……安排座位後我哋揀咗重慶麻辣雞煲，味道配搭得唔錯，味道好香好吸引，至於雞亦都嫰口，大家好快就係咁搶食，值得一提係個雞煲唔係好多油，之後打邊爐感覺上好似健康啲其後打邊爐都叫咗好多款嘢食，有叫到蟹粉蟹肉雲吞、黑松露墨魚丸，兩者都不過不失，另外牛方面雪花肥牛好新鮮同薄身，燙幾口入口有牛味熔化感覺，至於值得同大家推係爆芝響鈴，雖然一上碟感覺佢炸得太over，不過燙幾秒入口唔覺得好油，依然脆口再加埋剛剛熱哄哄的熔化芝士，非常吸引最後大家好滿意捧著腹離開，滿足晒! 

妹妹幾星期前吃過後，曾說過如果不怕略貴的話，這店的雞煲值得一試，於是找了一晚上去。閒日上去的好處是，不用等位，雖然人不少，但又未至於高朋滿座，而枱與枱之間有一點距離，在香港的雞煲/火鍋店來說，算頗難得。開始時會有一盤調味料，雖然我見過有些地方有更多選擇，但其實通常會用的，這裡都有，應能滿足絕大部份食客的需要。因為有一位朋友吃辣的程度很低，所以雞煲選了bb辣，最後對很愛辣的我來說當然不辣，但的確頗香。我特別喜雞裡面的洋蔥，可能因為吸盡了鍋中香料的味道，令洋蔥吃下去有本來的微甜外，還有其他香香的味道，結果我在加水變火鍋前，已吃掉大部份的洋蔥，留一點for火鍋湯底的味道，而最後當然是把所有洋蔥都吃得乾乾淨淨。 響鈴是每次吃火鍋必點的食物，這裡除了有平常的響鈴外，也有個芝士響鈴，於是便試試新事物。結果也不錯，中間的芝士也能吃到，不過比平時浸久一點點會較好，令芝士溶得更好。另外一味印象深刻的是魚皮餃，因為吃過一粒後，大家再放下鍋後都很著緊魚皮餃的下落，足以說明大家有多喜歡。而我點了一個青瓜特飲，繼續貫徹品嚐一些較少見的食物 / 飲品的習慣。本身對青瓜也有點好感，而這個特飲也meet到預期目標，清

襯天氣未轉暖之前約朋友食下雞煲先，網上見到呢間食評唔錯，所以決定試下！呢間雞煲係彌敦道，係地鐵站附近，好易搵因為幾日前已經訂咗枱所以唔駛等，即刻安排入座，呢侍應都係手快腳，而且上菜時間都好快！ 我地叫咗重慶麻辣雞煲（BB辣），個汁唔肥，仲有好香嘅麻辣味，D雞煮到啱啱好！食完雞煲之後，我地另外叫咗個手打黑松露墨魚丸，特級雪花肥牛（呢個抵食，好有牛味），魚皮餃，芝士響鈴美國桶蠔，而另一亮點係蟹粉蟹肉雲吞，最後加個雜菇菜拼盤，飽晒！

喜歡呢度打邊爐除了有窗外繁忙鬧市街景之外，仲有令你心曠神怡既大魚缸，有如置身一個迷你水族館一樣，有的是龍吐珠、魔鬼魚等美麗到不行既魚伴著，頓時眼睛都漂亮起來講到食物方面，花膠螺片雞煲確是不錯既選擇，幾滋補養顏，味道不俗；餃餃陣，名稱得意，2人的話，每人1粒，共4 款，很好的安排，貴妃蚌同珊瑚蚌都很新鮮；不得大讚的是炸魚皮，熱辣辣，脆卜卜，又薄又鬆化，超正

星期日中午正好媽媽放假，她從朋友口中得知吞pot火鍋有花膠雞湯底，而且口碑不俗，故她想去試試看，當然我也樂意奉陪。我們為了這花膠湯而來，花膠豐富的天然膠原蛋白，將所有的精華濃縮在湯中，忘懷的香醇濃郁。雞肉的軟嫩，光吃已經很滿足。肥牛色澤漂亮，香甜帶有油脂的美味，超薄吃起來不韌，涮起來牛肉香氣濃郁口感佳，十分滋味。皇帝菜的味道特別香，吃起來還保留獨特的清脆口感，很有水份。鯇魚腩的魚肉沒有調味，保留了鯇魚最原始最新鮮的味道，魚肉非常綿密，很好吃。還有魚皮很滑彈，魚肉也沒有太多魚骨。象拔蚌相當新鮮，味帶鮮甜，口感爽脆，配合花膠湯底鮮上加鮮。

今晚豬小姐約左兩位姊妹食晚飯 是晚為慶祝大眼妹嘅生日 而壽星女就揀左尼度烚下烚下 齊來「吞POT」！今晚寒風吹襲 毛毛雨令天氣更冷 打邊爐就最適合不過啦位於彌敦道726號23樓 交通方便易搵 成棟大廈都係食肆一上去見到個大魚缸 好多條好生猛嘅🐟🐠🐡游來游去我地三個揀左個BB辣嘅重慶麻辣雞煲半隻豬小姐近排食得太多雞煲啦 天氣凍嘛哈哈 絕對可以作一下比較吞POT嘅雞煲惹味香濃 即使揀BB辣 舌頭亦有著過癮痲痺感 不過味道方面偏咸 重手左啲雞件頗滑溜入味 件件雞都披上邪惡嘅雞皮 質素算是不錯呀！食完雞雞 當然要叫配料打邊爐啦招牌十全大寶丸 名都改得古靈精怪過人丸全部係手打嘅 分別係生拆蟹粉墨魚丸 黑松露墨魚丸 黃金海膽黑墨丸 香煎鵝肝蝦丸同埋芝心牛丸 每款兩粒 一共十粒手打丸好似乒乓波咁大粒 表面亦非常光滑！ 手打丸彈牙就一定架啦 而且每款材料都獨特有新意黃金海膽黑墨丸除左整粒係黑墨汁之外 裏面亦有墨魚細粒去增強彈牙感 內裏海膽帶微甜 幾特別嘅配撘愛「芝」之人一定喜歡尼個芝心牛丸 芝心餡多 一咬爆發 芝士可以話係多得誇張！芝士味流心濃郁只需烚五秒就可以食嘅象拔蚌片口感欠爽口 沒有鮮味 似雪藏

家母教過有魚缸養咸水魚賣的食店是為高級雖則吞pot 養的龍吐珠和熱帶美魚不是給人客吃的但也令人深呼驚喜價值不菲！！事實上我並非貪圖虛榮的根本就是極精明的靚女食客老友一來即point out 不是半價嗎⋯⋯星期六午飯原來所有火鍋料和小食都半價湯鍋酒水就沒有遂點了女人十二分喜愛的胡椒豬肚雞鍋半只128$很多雞件豬肚、玉米、枝竹白蘿蔔也不少總的來說好飽滿⋯⋯半價再點了一菜菜籃金菇 冬菇生菜小白菜四色菜蔬朋友要我當然要了吞pot 相當受歡迎的十全大寶魚丸我是有備而來看晒open rice 一切食評而指定來一客原價128$十大粒虾墨魚旦加入黑松露蟹粉鵝肝等心機釀製應該給個高分讚許尾聲兩個美女十 二點半坐到3:20pm共花274大元午飯開心放鬆價真抵！

花多眼亂，眾多食肆，突然有選擇困難症添朋友說天氣凍，吾使諗緊係打邊爐啦於是上左23/F，吞Pot 。吾知係咪天氣凍嘅關係，平日都要等位好在十分鐘左右就有位喇嗱嗱聲混醬四圍望下，差不多每檯都有叫五顏六色嘅肉丸，睇下Menu 先原來係<十全大寶丸>聽個名都吸引，緊要叫返個顏色鮮豔奪目，緊要相機食先啦每款兩粒，撐檯腳食就最啱喇<手打生拆蟹粉墨魚丸>名附其實的手打丸爽墨魚肉新鮮，份量多，才能打出如此爽甜的墨魚丸，中間是蟹粉，真材實料<手打芝心牛丸>咬開爽口嘅牛肉，芝士慢慢沁出，好特別，好有創意<手打香煎鵝肝蝦丸>蝦肉爽口彈牙，吾似凍肉鋪買的粉壘壘，餡的鵝肝煎得好香，從未試過的配搭，好味又特別，真值得推介<手打黃金海膽黑墨魚丸>混入墨魚汁嘅墨魚丸，夾著份量不少嘅海膽，外爽內林香，口感有不一樣，但味道很夾，真虧吞Pot 能想得出這些做法<手打黑松露墨魚丸>雖然看似平平無奇，但味道出奇的香，每口都有黑松露的香味，墨魚丸亦因混入了黑松露而質感不一樣，不再是爽口彈牙，而是林而香滑打邊爐當然少不了美味嘅雪花牛