吞POT 雞煲火鍋.住家菜 (已結業)

天氣稍為轉涼少少，又想打邊爐。之前見朋友食過呢間嘅花膠雞煲，覺得好足料。又見到個環境唔錯，係二十幾樓，可以望到旺角嘅夜景。所以就早左幾日卜位，來呢度食飯。（記得記得一定要卜位！閒日餐廳七點已經開始滿座，嗰日都見到有唔少人特登上嚟，但係因為冇訂位，就摸門釘。）呢一間餐廳可以揀打邊爐或者雞煲。本身一心來都係諗住打邊爐，但係聞到成間舖都有好香噴噴嘅麻辣味，就轉左去食辣酒花螺雞煲。BB辣係好微好微既辣，下次可以叫小辣。落左多款香料，惹味非常。花螺好大隻肥美，都有差不多廿隻。洗得乾淨，冇泥。配埋辣味醬汁食簡直一流。雞肉（半隻）好滑，就算雞胸位都唔會好鞋！好正（好後悔唔食小辣🤤😛）叫咗個蜂巢豆腐，用嚟配埋湯底食。豆腐好有豆味，但覺得溶雪可以溶得再好d。老闆人好好，做咩都親力親為。店員服務態度唔錯，始終太忙有時都要等一等。覺得餐廳環境真係好舒服，食物嘅味道都算幾精緻，記得要食就一定要卜位啦！

今日涼涼地老婆話想打邊邊，咁咪搵下附近有咩好食。老婆最鍾意食炸響鈴，見到呢間有芝心喎，咁就決定黎試下啦。呢座野另一買點就係窗口位可以睇到一望無際既旺角景上到去一開𨋢門就見到大魚江，上面就有招牌喇，我地冇BOOK枱，都可以即刻有得入，可能我夜啦，但裡面都坐咗8成客今日唔想食辣，就叫咗個滋陰螺片花膠雞煲食，再叫埋個咩十全大寶丸，牛柳粒，仲有唔小得既爆芝響鈴啦個煲黎到個侍應話D雞已經煎熟可以起筷，一開蓋就見到好多花膠，仲要唔細舊咁我地就好努力食晒D雞就諗住烚烚下，我地叫咗半隻咋，但係食極都仲有咁既，經過一輪努力，終於清晒D雞同花膠，D雞都算滑，但係D花膠你唔好諗住係漿口個隻，但都大舊既。呢個爆芝響鈴就真係唔錯，平時呢D只有油益味，今次冇不突止，裡面仲有車打芝士，聽侍應講係即炸，所以D芝士先咁正。五款丸一野放晒落去，唔知邊粒打邊粒LU （其實侍應有介紹，但係邊記得吖）D丸佢話自家制，都應該係既，粒墨汁丸𥚃面真係有海膽鵝肝蝦丸都唔錯，幾彈牙牛柳粒就正正常常，都有牛味。呢杯咸檸7 ，解渴一流，唔飲啤都可以有其他野飲。又係走先見到，原來9:30 後有半價下次叫多D人一齊黎烚，可以試多D其他野， 我地

11.1訂 11.10晚九點半食飯，當日下午無confirm電話 都奇怪。 當晚8.30分到樓下時 有人打俾我話今晚無枱俾我，話幾張大枱都係岩岩入座，有排都交唔到枱。咁即係話 我訂唔訂枱都無關係？仲大條道理話訂枱唔一定有枱俾我，仲要叫我行過油麻地分店 睇下有無位，但過到去都未必有位喎，喂大佬丫，嗰晚有朋友生日 你玩野都唔好呢啲日子丫Fine, 你咁好生意 睇你好幾耐我就永久blacklist呢間野 有幾好食 幾平都好，都唔會幫襯你FYI, booking 最好笑係當你去左喎

約一大班朋友食飯，真係好難約到仲要考慮咁多人，食啲咩好，地點方唔方便，今次我朋友介紹呢間位於旺角嘅火鍋店一次過解決曬所有問題，一大班人出嚟慶祝非常開心 除咗位置方便之外 因為屬於高層，而且仲有好多落地玻璃，完全同平時火鍋好似酒家一樣密室嘅感覺一啲都唔同打邊爐打到咁hiclass真係第一次 火鍋嘅選擇都非常之多，太多不能盡錄所以介紹幾樣我覺得最好食嘅俾大家，另外亦都附上餐牌畀大家睇下 首先介紹嘅係，牛魔王我嘅最佳拍檔牛柳粒，牛柳粒非常之香滑 價錢亦都非常相宜，如果你都鍾意食牛嘅一定唔可以放過佢 另外即炸響鈴亦都非常之好食，響鈴已經成為香港人近年最受歡迎嘅火鍋配料，呢間火鍋店為咗突破，推出咗即炸爆芝響鈴，響鈴裏面，有一嚿芝士擺落火鍋616一咬落去芝士醬標出嚟，令人一試難忘去到一定要試，小弟就覺得非常之好食 另外哈話爽口彈牙 配上上面嘅蟹子攪勻，涮佢大概分量兩分鐘，非常之好味 火鍋嘅缺憾就係要等佢水滾，但呢間火鍋店非常之窩心，有啲即時食嘅小食，我哋叫咗個即炸豬大腸，好食到不得了，爽口彈牙之餘外面嘅脆皮咬落去颯颯聲直情係正呀 有朋友話打邊爐飲王老吉可以解熱氣，我就話打邊爐飲一杯巨型檸檬茶，先至

雞全部都係雞全部都係雞我一入黎呢間鋪就諗起呢句歌詞，因為真侒有好多雞雞公仔一入門口就見到雞仔，心情大好但好對唔住 我要吃你們了同場仲有一缸魚，好好風光呢，睇住d魚游黎游去，真係幾正的都有不少鍋選擇，我就揀左半隻雞+螺既煲睇落已經好辣咁，其實係小辣黎（當然雞煲係愈食愈辣的！）醬油配料都幾齊全 有我最愛的麻醬！仲叫左鮮支竹同埋蝦丸，唔叫多太配料了，半隻雞其實份量都好多的，最後都差d食唔哂的由於我食辣唔太勁，所以係要叫野飲的呢度d飲品係用大大杯的，算係抵飲！總結一下，睇住d雞仔同魚仔食雞煲，都真係幾享受，同埋有電視睇！d雞真係愈食愈辣，愈辣愈正，價錢合理，不錯！

座落旺角中心地帶交通方便一定要去吞pot 仲要記著book位，因為呢度位置有限，眼看熟客很多，因為目測90％係book位訂枱萬家燈火，旺角看到彌敦道的夜景，十分優美所以我哋話:香港的夜景幾時都咁迷人先叫咗個椒鹽炸豆腐份量很多，大大碟，十分抵食，新鮮炸很有豆腐味另外叫咗韭菜雲吞餡多到，脹卜卜，大大粒，入口很香的韭菜瘦肉材料份量十足，真係勝價比高藥膳雞煲湯湯底有北芪，黨參，紅棗，當歸，杞子，生薑，香菜，陳皮雞煲用老母雞我們慢慢打邊爐都不怕肉質太換韌了有助血氣虛的女人要常喝，老母雞營養價值高

我家雞煲王最近成日扭吃雞煲，咁岩經過見到有間上樓雞煲，我地整完野又好肚餓，仲唔拿拿聲上去醫飽左先咩雖然係旺角，街邊太多人與車有景睇下都幾CHILL呀哈哈哈手打/自家既都幾吸引，款式都幾多始終海鮮同其他野食都輕易食到 滋補螺片花膠雞煲雞湯係金黃色的，面頭泛着一層厚厚既黃油。雞湯齒頰留香，雞有雞味唔係雪味個人建議先飲湯同食雞，花膠愈滾膠質愈多，愈軟滑。大大舊花膠湯滾起 黃油溶化哂，好正手打四寶丸牛丸/ 蝦丸/ 黑墨丸/ 墨魚丸丸類口感淋身，並非彈牙個種，帶鮮甜味真手打～牛丸最好味，牛味濃香。其次係黑墨丸，有墨魚鮮味，仲有墨魚粒粒。爆芝響鈴熱辣辣上檯，炸得又酥又脆內裡包住流心既芝士。我覺得就咁食已經好好味，因為響鈴本來就已經係主角了。皇帝菜正常食物，估唔到咁大兜咁抵食。食物頗有水準，到咁上下會幫你加湯，唔係加水係加湯！真心抵讚

天氣稍為涼涼地又即時挑起我條打邊爐根, 即刻去睇下附近有咩正野試下佢。滋補螺片花膠雞煲 - 第一啜飲落去錯覺好似好咸, 原來係非常入味先真。打完一埸邊爐竟然一點口乾都無,所以我相信係無味精O既 。螺片就切到細細塊, 花膠好厚身而且好有咬口,成個湯底都非常入味, 好好飲。問過老細佢話煲呢個連瘦肉都無, 淨係用雞去淆個湯,而螺片同花膠就差唔多煲好先落, 唔怪得咁好味啦。不過我得2個人去食,飲完兩碗之後根本無可能飲得曬, 所以我打包左一大碗返屋企。飲完就加返普通湯開始打邊爐,頓時覺得無曬味。叫左個頂級雪花肥牛–唔係此店最貴O既牛但都已經好好食, 有牛味, 唔肥而且鬆化的。自創爆芝響鈴(3件)$32- 新野可以一試, 不過我覺得鍾意食芝士的可以一試, 感覺係MATCH 但我喜歡原裝響鈴多D。 棉花魚肚- 呢個魚肚我們早早就O係雞湯時落曬去吸湯, 索曬D湯味之後大大啖咬落去精華度咁,真係好正…我覺得魚肚配呢個雞湯真係一絕, 推介!!脆肉鯇腩令我鐵定會ENCORE的配料, 因為我係超愛脆肉鯇, 呢個價錢看似係一般打邊爐配料的價錢但就非一般的份量 >首先非常新鮮爽口就不用多說, 二黎係佢

今日同朋友慶祝生日 去咗食雞煲之前都食開任食個啲但其實個啲質素好麻麻 啲肉又勁差所以今次朋友介紹就試咗間特別啲既佢有自己特式手打丸雖然就貴咗少少 但係幾特別既之後啲肥牛又質素好啲排得咁靚一靚同埋唔會好多肥肉而值得推介係呢個響鈴佢唔係一般我哋買到個啲但新鮮即炸出嚟 同埋中間有芝士夾心幾十蚊先得個6條所以都知唔少野但都值得一試最後就到主角雞煲我哋嗌咗bb辣 都算係咁唔錯唔錯但好可惜 可能個人本身唔食得太油🤦🏻‍♀️所以出咗鋪頭10分鐘都無就肚痾了仲要痾得幾嚴重下不過就只係我有事，2個朋友都無事🙈

九點多來到旺角，就在openrice 隨便找了一家雞煲去試。來到這兒，雖然說是九半後入座配料有半價，但人龍長長的，看到就退縮了。侍應說如不享用優惠可馬上入座，心想我們也要吃雞煲為主，配料次要，太餓太累不想再等就先入座了。第一樣點的就是雞煲，很快就來了，香氣十足，未吃已垂涎三尺。吃著是有些少咸的，所以同時點了支椰青水，順便下一下火，這樣就剛好了。半份雞不多不少夠我們兩人吃，當然也要加些配料。鮮炸的響鈴入面是芝士，外面脆到不行雖然明知很熱氣，但也忍不住拼命在吃。牛就比較一般，以它的價錢來說，不算很值，或者都當所有客人都是用配料半價來買吧。蔬菜籃反而比想像中重份量，我們最後竟然吃不完。最後是最失望的手打丸，肉質是霉的，每人吃了一口就吃不下去了，這碟東西沒記錯都要八九十蚊總結，雞煲是可以的，配料只可算是合格。

下午一點多，甚麼都未吃過好肚餓，剛巧朋友也是，所以就想吃heavy點飽點，就臨時決定去食雞煲所有火鍋配料都半價，那麼抵食，又比夜晚少人，無選擇錯！原來都不少人在午間吃雞煲和火鍋是我們大鄉里而已~除了雞煲，這裡的午餐也有小菜選擇。吃火鍋少不了調味架，混出最合適自己的醬。午餐就不吃太辣了，BB辣就好。雖說午市火鍋配料半價，但兩人都不是吃到很多東西，所以只點了兩項~重慶麻辣雞煲一上來就香味四溢。它所用的醬汁量頗多也頗稠的，味道濃郁帶微辣，恰到好處，不會覺得嗆喉。雞斬成小件，有大約半隻的量，全都被醬汁包裹，煮得入味讓我們吃得好滋味呢吃完全部雞後就加湯，因為他們的雞煲汁量好多，所以加湯後味道同樣濃郁，愈煲愈辣，爽呀！火鍋配料當然要吃店家手作的才有特色。看到這個自創爆芝響鈴第一時間就點了。芝士和響鈴這組合我有想像過，但這裡讓這成真了！響鈴新鮮炸起超級脆，內裡半溶芝士又香又軟滑，口感味道都具層次非常適合直接吃然後就是自製鮮蝦雲吞，一碟有8粒，兩人吃都算多了。這樣已看到雲吞皮薄，都能看到餡料了~每粒雲吞都約有一隻蝦仁，頗爽口的，豬肉末味道甜甜的，好吃啊！雖然不是吃了很多東西，但已經非常飽了，晚餐都不用

朋友介紹這間吞pot好食，所以前去一試。地點唔難搵，在大拇指隔離，搭上23樓，一上到去見到特大魚缸和大大嘅魚。坐在窗邊枱，可以俯視旺角街境，甚至大角咀都見到（見到公司了＝0＝）雞煲用傳統gas爐，有種住家打邊爐嘅感覺，雞煲有6款，有辣和滋補選擇。胡椒豬肚雞煲BB辣級數有胡椒香僻走腥味，帶出豬肚和雞的鮮甜煲裡仲有腐皮、粟米、菇……純食一個煲都夠2人食，但出黎食點都要加菜另外加左其他餸：爽滑彈牙嘅手打四寶丸和鯪魚滑鮮甜嘅淮山新鮮嘅菜菜藍除左食物，聚餐又點少得啤一啤

因為見到openrice嘅一個人食飯一折優惠，所以就好毒咁自己嚟左食，話說一坐低就影左張街景，個景唔錯，第一次由日頭食到夜晚首先我已經做過功課睇過下想食啲咩，到食店後唔使幾耐我就落左單喇。之後有店員攞左嗰九宮格比我自由"畢"啲醬，有我最鍾意嘅芝麻醬，正呀！第一樣野叫左個花膠雞煲，一食就覺得好足料，花膠大大舊，啲雞亦好好味第二樣叫嘅係頂級雪花肥牛，配埋我最愛嘅芝麻醬真係冇得輸呀！全碟話咁快就食哂喇～最後叫左碟脆肉鯇魚腩，聽職員講係剛剛先買返嚟😂食落好脆好爽口成口都係魚油😋其實一開場叫左杯大檸樂，不過唔記得影相，大大杯嘅檸樂一杯就夠哂我飲成晚

今次喺openrice seach到呢一間好似有幾多好評嘅火鍋小店。佢位於彌敦道76號個building到，地方細細，不過都乾淨企理，唔算太迫。我地一行八人，叫左小辣雞煲，又叫左芫茜皮蛋火鍋。雞煲都幾麻，而且每人都分到兩三舊雞肉，都幾足料。而火鍋好足皮蛋，而且清清地，最岩食完濃味雞煲，食個清味過下個口。同大家介紹同推介下佢d食物，真係兩個字，新鮮！！ 一定要食魚皮同響鈴，即炸，超好味，完全無油益味，又好脆，唔油膩，宜家講起都好想再食👍🏻。叫左兩款牛，忘記了邊款，每碟二百幾蚊，勁大碟，岀面大型d hotpot店一定食唔到。d牛好嫩好鮮，要講句好有牛味先得😂其他丸，餃就普通，唔算話太岀色，不過不失。佢d嘢食整體都好大份足料，而且價錢唔貴，當日叫左at least 10幾樣嘢，每人$250 。好抵la, 仲叫左桶蠔，珊瑚蚌同象拔蚌。下次約其他friend去再encore先

第一次黎甘高的地方食雞煲，感覺幾特別，真係好似搭lift返咗自己屋企咁.整醬料好方便，有人拎埋俾你。住家菜果然吾同d，花膠雞都有，湯底都幾清淡，又多花膠，同埋仲會另上多一碟俾你自己再加，甘樣補法，咩膠原蛋白都反哂黎，雞肉新鮮，嫩口，螺肉口感適中有d軟，容易咬口，另外仲加咗D秀珍菇入個雞煲,依個配搭都吾錯。雖然，係冰凍生蠔，但食落感覺都仲可以保留到蠔肉中的水分同蠔味。桂花蚌望落已經好新鮮，食落就更加無得口感爽爽的，好味道，又大片。有時，打邊壚雞煲會習慣性叫一個烏冬，今次食的鳥冬煮耐咗都依然係好彈口。生菜-好新鮮，淺綠色，一落即上，又爽口。