吞POT 雞煲火鍋.住家菜 (已結業)

呢間位於旺角的吞POT雞煲，雖然店鋪唔算大，但可以見到個旺角夜景，空間感好好，完全唔會覺得好迫，而且打住邊爐睇住夜景感覺好正。醬料盤選擇都好多，一般的醬料都好齊全。呢間餐廳唔係任食火鍋，不過價錢算實惠，湯底價錢大約港幣60-90元，配料都好便宜。今次叫了芫茜皮蛋鍋和四川麻辣鍋，芫茜皮蛋鍋好香，但四川麻辣鍋一點也不辣不麻，下次可以在醬料盤中預留多D辣椒，放曬係湯底中。叫左的食物有自制鮮蝦雲吞、魚皮餃、蟹子墨魚滑、桂花蚌、特級美國肥牛、皇帝菜、蜂巢豆腐。自制鮮蝦雲吞D蝦好大集，好好味，又新鮮。魚皮餃和自制鮮蝦雲吞份量都可以，各有8隻。蟹子墨魚滑好彈牙，唔會好散，而且新鮮好味。特級美國肥牛唔會太多脂肪，厚度適中，不會太薄或太厚。另外，桂花蚌十分鮮味，可口肥味。菜方面叫了皇帝菜和蜂巢豆腐，份量多價錢便宜。雖然麻辣鍋不算辣，但蜂巢豆腐放在麻辣鍋中，蜂巢豆腐吸了湯的味道真的好十分好吃。可惜，打更邊爐時發現抽風系統未必太好，一路吃一路有種煙霧彌漫的感覺。

冬天到，一係打邊爐，一係食雞煲最過癮，因為可以驅趕寒冷嘛。旺角雖然多餐廳，但想揾一間抵食而且有質素既雞煲火鍋好似比較難。今次朋友帶左我上彌敦道726號呢間雞煲，感覺好似踏足新天地！呢度成棟大廈有唔少餐廳，而朋友帶我去既呢間吞pot雞煲係23樓，坐係窗邊仲可以俯瞰高層夜景，幾爽。我地去既時候比較夜，所以一入去就有位。入到去即刻俾餐廳既一大缸魚吸引眼球，d魚超級靚，仲有條黑白波點既魔鬼魚（雖然唔關食野事哈哈哈）餐廳入面座位算寬敞，而且有電視，可以一邊食一邊睇電視劇。餐牌有得揀火鍋湯底，或者雞煲湯底，選擇好多，而且辣湯全部都有得揀辣度，可以跟返自己口味。我咁鍾意食辣，當然要叫個辣酒花螺煮雞煲試下佢，可惜同行朋友唔係幾食得辣，所以淨係揀左小辣。一點完湯底，d侍應就會拎個醬料兜過黎，自己整返岩自己口味既醬料。食雞煲當然要叫杯超級凍既飲品飲下，先至夠爽。於是叫左杯凍檸茶，哇，原來好大杯，同我隻手一樣咁高，正！唔洗幾耐就上雞煲，配料好足。花螺都好多，食極都仲有，而且隻隻都大大粒，一啜，連埋辣汁一齊吸曬，好過癮。d雞都非常嫩滑，不過我鍾意煮耐d，等d肉吸曬d汁再食！食得咁上下，就可以加湯打邊爐！每次打

人氣之選: 滋補花膠螺片雞煲,眼看數張鄰枱的客人都點了這個煲!份量十足,雞夠嫩滑,認真滋味!!!• 蔬菜籃,各種菌類蔬菜都有些!!!• 愛吃牛肉的朋友不可錯過這裏的牛肉!!!小食: 泰式生蝦,排放精緻,伴蒜片吃除腥,蝦肉新鮮爽彈!!!• (滑嘟嘟) 即蟹籽墨魚滑+蟹籽蝦滑+鯪魚滑。• (十全大寶丸) 即生拆蟹粉墨魚丸+黑松露墨魚丸+黃金海膽丸+香煎鵝肝蝦丸,五款手打丸各兩粒。款式新穎,味道亦不錯!• 脆鯇魚片,晶瑩剔透,味道鮮甜,魚片切得較厚身,灼時不易散!!!

今日又到和舊同事一齊食飯傾下計,之前在這個大樓食過西餐,見到原來都有吾少其他食市,其中就是這間,見個名幾特別話下次過來試試,黎到大約8點鐘都已經有吾少人在打邊爐中,這餐廳有分雞煲和打邊爐,今次我地就選擇2個湯底的邊爐黎食,每人大約二百七十蚊,這價錢都可以,都話下次可以再試這裡的雞煲..食物方面我地都叫左吾少而且仲要吃不完,比心目中多份量..冰菜係近排先有而都係我和朋友最愛當然就叫啦,夠脆又新鮮..正..之後我地叫左半隻雞,黎到份量超足,當食落去沒想到雞肉會咁嫩滑而有雞味,好新鮮,有驚喜喎,必食!~我地打邊爐叫左一半辣一半吾辣, 味道慢沒想到牛肉十分新鮮又有牛味,而且數量都吾少,以一百四十元都不用都抵食喎.響鈴係自家制,黎到熱呼呼勁新鮮喎,即時放入去再拿出來吃仲有少少脆口又冇油益味....芝士腸的芝士勁多又香濃,好味道.當然仲有吃朋友最愛的雲吞,大隻蝦又多而配辣湯鍋帶點辣味道吾錯.飲品方面選擇有罐和枝裝,也有即制飲品選擇....地下已經有海報十分易找到位置係旺角同太子中間都方便,下次可以再黎試下雞煲先....

早前到過油麻地的分店用餐,印象良好,今次試試這間旺角分店,看看水準是否一致,位置同樣交通方便,營業時間同樣開至零晨!• 齊全的調全調味盤(每位客人需收$10醬油費) ,當中麻辣醬十分香十分野味!• 動手混了超多指天椒及麻辣醬的調味料出來,辣得過癮!•湯底: 招牌鮮魚湯• 魚湯鍋裏有蕃茄和豆腐,奶白色的魚湯味道鮮甜!• 火鍋蔬菜之首選: 皇帝菜!• 豆卜• 蟹籽蝦滑• 豬頸肉• 開心樂園餐,即蟹柳×雞肉腸×芝士腸×午餐肉• 象拔蚌,只需灼四至六秒即可食,口感爽彈!• 日本廣島蠔,蠔味濃郁!整體來說:環境舒適,座位分佈並不迫挾!店內分男女獨立洗手間,清潔程度合格!價錢親民,食物新鮮!店員有禮有笑容!

在譽發大廈吃午飯，由底層試到高層，今日上到22樓，試下「吞pot雞煲。住家菜」，中午提供是午市健康住家套餐，晚上是吞pot雞煲火鍋。套餐裏的中式餐湯有豬骨、紅蘿蔔、粟米、瓜......清甜。右上：籠仔醬皇菜甫五花肉飯，雖然我很抗拒五花肉，但醬皇菜甫令五花肉帶出好好味道。梅菜蒸肉餅中：很滑的肉餅配合甜口梅菜，大家都喜歡。右下：魚湯鮮蝦銀針粉，有煎香魚滑、清甜白蘿蔔、冬菇薄片配清甜魚湯，很棒！蛋黃肉碎蒸滑豆腐湛江白切鵝煲每位套餐一碟菜心，讚！我們每位加$3，都同樣要熱檸蜜，人均消費$45，抵食！

吞POT喺23樓全層，一出𨋢就到餐廳唔算好大，但都坐都好多人，仲好闊落嘢食方面，除左雞煲，仲可以淨食火鍋，仲有小食今次嗌左莞茜皮蛋鍋，湯底仲有啲菇，好香四寶丸包括牛丸、蝦丸同埋兩款墨魚丸，全部都好彈牙，值得食頂級雪花肥牛都幾正，唔會太多肥膏，又有肉味，可以一試個人推薦脆肉鯇腩，肉質厚實，又唔多骨，非常好味蜂巢豆腐一共有6塊，全部都切得好厚身，口感煙韌，唔錯響鈴係自家炸，所以擺上枱嘅時候熱辣辣，誠意十足最後皇帝菜份量都好多，兩至三人食啱啱好

見到餐廳個名咁得意，其實一直都想試下今日終於有兩個朋友陪我打邊爐啦！餐廳位於人來人往嘅彌敦道嘅一棟大廈裡面，雖然要上樓但位置十分方便餐廳勝在選擇多，除左傳統嘅惹味辣雞煲之外，有唔少健康嘅選擇，老少咸宜今日因為有一位朋友唔食辣，所以我地叫左養生花膠雞煲，打破左‘打邊爐就等於熱氣’嘅觀念個湯底真係無得輸，花膠同雞都夠曬足料，個湯十足十好似住家老火湯咁濃味同滋陰，飲完覺得好幸福啊火鍋材料方面，我地叫左好多野食，其中嘅爆芝響鈴真係必食首選我平日一向中意食脆卜卜嘅響鈴，而依個響鈴嘅口感同味道都一流響香脆嘅響鈴裡面壤左流心嘅芝士，連一向唔特別中意食芝士嘅我，都覺得成個配搭好新鮮，好好食啊雖然爆芝響鈴嘅價錢唔平，不過真係值得一試！下次再黎都會再叫

旺角有幢新嘅商廈726裡面有好多新開嘅餐廳， 其中一間就係呢間， 見佢個名好搞笑， 而且又係我最鍾意嘅火鍋 就上去試下。一入到去原來餐廳係23樓我哋座位安排喺窗邊 望向大角咀方向居高臨下個景都幾靚。見網上食評推介花膠雞煲 我哋呢啲女仔梗係一定唔可以走寶啦。 雞煲嚟到一睇已見到啲雞湯嘅顏色非常濃郁而且湯料非常足。 大家記住先飲咗湯先開始打邊爐因為個湯真係好正。飲咗一輪湯又食完D花膠同雞件後就開始打邊爐。我哋叫咗一碟特級雪花牛肋片，上到枱一睇真係好鬼大碟。D牛片塊塊D雪花都好靚，入口更有豐富既牛味，嗜牛一族必試。此外仲叫咗一碟蜆蚧鯪魚球， 上枱熱辣辣睇得出係啱啱整好，好好味。 雖然我哋唔係叫咗好多嘢食但係佢碟碟啲份量都好大食到好飽。飲品方面， 我哋叫咗杯咸檸7(大), 上到枱見到嚇一嚇，因為真係好大杯。整體嚟講其實食物質素幾好而且份量足，扺食推介。

天氣開始轉涼，FIF口痕想打邊爐，所以想約埋三五知己打邊爐！聽講呢間吞pot好特別，因為有花膠雞煲！ 今日係平日，唔係周末，所以等位都好快～間野係23樓嫁！都好高下今次好好彩可以安排坐係窗邊位，可以欣賞香港夜景，都幾正～ 好啦！講重頭戲啦！叫左個花膠雞煲，湯底非常濃滑，又甜！花膠同雞件數量都好多！但其實我地只係叫左半隻雞，哈哈！每人都起碼可以飲幾碗靚湯，好滋味啊！雞件亦都非常滑！！ 飲哂d湯之後，店員就加返湯打邊爐啦！同行既朋友都叫左唔少配料！首先緊係要叫肥牛啦～擺放得好靚，食落去肉質都係靚嫁～仲好有牛味另外有叫手打牛丸，都好有口感同牛味！另外有芝士響鈴，超特別啊！脆爆既響鈴入面有芝士！都叫左韭菜餃～好惹味！娃娃菜同金菇都好鮮甜！ 仲有幼薯粉！加少少自家制既麻辣醬，成晚就滿足哂！總結黎講，成晚都好滿足！有花膠湯、滑雞、靚肥牛……口痕想打邊爐，下次應該會再黎！

第一次見咁多配料嘅雞煲，好特別好新鮮的配搭~而且雞肉好嫩好入味~今日係紅日，好多朋友都放假，所以就約朋友一齊打邊爐，我哋同行有三個人，今次就試咗呢間，我哋叫咗個滋補螺片花膠雞煲，我哋首先叫咗十全大寶丸食住先，呢份寶丸不得了，海膽、餓肝、黑松露都有齊，簡直食到停唔到口。炸魚片頭我地餐前小食叫咗個炸魚片頭，前後叫咗兩次，同出邊食嘅魚片頭口感唔同，非常之爽口，佢啲醬汁又好好味即炸響鈴 即炸響鈴 食雞煲必吃～ 熱辣辣 薄脆 落雞煲3秒 沾滿辣汁 食得 yummy!特级雪花牛肋片3個人唔叫太多，我地叫了特级雪花牛肋片，勁厚但又勁滑， 份量頗多 肉片厚度適中 肉質不錯 就算烚內左都冇老 肥膏比例剛剛好。食到我好興奮，因為真係勁好食啊！個湯底真係一流！ 三個朋友飲下 傾下計 咁就一晚～

星期日一家人出去食雞㷛，所以選擇了坐得比較舒適的吞pot。座位間有一定的距離不會有壓迫感。加上室內環境整潔又企理，難怪會如此受年輕人的歡迎。而最重要的是這裡的雞㷛，除了可以選擇正常辣度的傳統味道，又可以選擇唔辣或者少辣。不管是環境還是食物都很適合一大班好友相聚時，不用擔心大家因口味不同…在點菜時為此煩惱的問題。醬料按個人喜好就好啦~超多選擇，一盆取來，自行條較喜好嘅酱料。我們點了炸蜆介鯪魚球來開開胃我地仲叫了脆肉鯇片，唔多骨，好滑，仲有d爽口！雞煲-半隻雞-小辣黎了雞煲，味道勁香，叫了小辣，原來仲有麻味。湯底味道酸酸的，基本上沒有什麼辣味，不太能吃辣的人選這個應該沒錯了~而且因為酸酸地所以好開胃。雞肉嫩滑…另外也一定要食入面的菇菜，超入味。呢個雞煲真係唔錯！下次會帶D人黎試吓！

天氣轉涼，忙中呑pot同屋企人打邊爐就最好不過喇！於是今日又同兩老一齊去旺角食雞煲打邊爐！我地星期日中午去食，點菜紙上面所有火鍋配料同小食都有半價優惠👍🏻率先品嚐ge就係雞煲! 今次同兩老食，所以點左走辣，下次再黎食一定要試下麻辣過下口癮！雞煲熱騰騰香氣撲鼻，雞肉好入味，我地唔洗一陣就食晒！辣酒煮花螺: 好耐無食花螺，今日老爸興致勃勃話想食，一於點黎孝敬下佢！花螺少少辣夠入味，見到老爸食得津津有味就最開心！打邊爐必點響鈴，因為全家都好鍾意食！響鈴新鮮炸起，正！打邊爐都可以好健康！之前食左雞煲已經唔少肉，所以應老媽要求，點左較多素菜，黎個健康邊爐！我自己幾鍾意食冰豆腐同竹笙！冰豆腐索晒d湯，放入口啖啖都係湯底ge精華！竹笙就非常爽口，美味又健康，而且份量都唔少！丸類我就最鍾意蝦丸同墨魚丸，仲係手打ge添，好彈牙，口感一流！另外魚皮餃雖然無咩特別，但都好好味，我個人係好鍾意食魚皮餃ge！

又到屋企人放假的日子，近日天氣轉冷，我哋一致認同要打個近近地既邊爐，上網睇咗發現呢度午餐打邊爐有半價，覺得非常抵，於是一家人向目的地-油麻地呑pot 一番。彌敦道726號之前嚟過，地鐵站行4分鐘到就到啦，地點非常方便。一出電梯門，見到大大個魚缸，優哉游哉，非常應景，放假就係開心！開飯！先來一份雞煲(半隻雞)，雞肉鮮嫩，味道香辣。特別值得一讚嘅係廚師充分表現出皰丁解雞嘅刀工，每一啖雞塊啖啖肉，骨肉比例很好。打邊爐最開心就係見到成枱都係餸，每份半價之餘，分量十足。樣樣新鮮，令我大開口戒的就係呢份脆皮炸大腸($29): 炸大腸外皮真係做到脆卜卜，內裏柔軟，非常香口，比坊間食開嘅更美味，令到一向唔鍾意炸大腸呢啲肥膩野嘅我都食唔停口。今日最大開眼界嘅係冰菜($14):冰菜係冬日限定，我從來未食過，今日第一次食！冰菜菜身有霧水點，原來煮完之後冇水點依然依附在菜身上，非常神奇，而且食落脆卜卜，好爽口，將會成為我最鍾意嘅菜！辣酒煮花螺＄29一大份花螺，份量足，味道好，有誠意。仲有我最鍾意嘅棉花魚肚＄34，好滑而且索晒湯底嘅精華，過足口癮。打邊爐不能少嘅各類丸：手打蝦丸、魚皮餃、手打蟹粉墨魚丸等，都具自

同一班兄弟食飯，唔係放題就係雞煲。友人負責話事，由佢搵餐廳卜位。辣酒花螺雞煲$168（半隻）好食到流晒口水，雖然辣。但係又停唔到口。個湯底用嚟打邊爐真係一流！食啲咁滋味嘅嘢，送罐韓國黑啤就更加透心涼啊！成間鋪頭都好多人飲酒傾計，真係好正！不過始終都會嘈少少，但係又唔算話係好嘈嘅，我覺得係熱鬧多啲囉～鮮魷魚$68新鮮爽甜，一陣就食得！頂級美國肥牛（$168）牛肉脂肪均勻，脂肪唔算好多，所以唔會覺得好肥膩。質感比較有嚼勁，充滿牛肉味。估唔到份量都幾多，好似食極都食唔晒咁😂自創爆芝響鈴（$58/6件）響鈴已經係自家製，即叫即炸係唔同d!更加鬆化！仲要配上流心芝士！口感夠哂rich !!!’極力推介！今晚結果都係飲酒多個食飯😂雖然叫嘅嘢唔係好多，但係質素都好好。下次好想試吓啲手打肉丸。餐廳仲有Wi-Fi，啱晒我呢啲要打機嘅人😂仲有個好大嘅魚缸，等位嗰陣都睇咗一陣魚😂😂😂😂裝修幾特別。