吞POT 雞煲火鍋.住家菜 (已結業)

又一次嚟吞pot 食嘢, 天氣咁凍當然係打邊爈啦.沙爹湯底有驚喜, 初頭好差咁諗, 都係湯底包, 洗唔洗70蚊咁貴, 但估唔到入面原來有料架, 係我鐘意食的大豆芽同木耳, 而且仲要好多. 同埋湯底好香. 得.爆芝響鈴上次食唔到, 今次終於可以食到了. 好多芝士係面, 放湯同唔放湯都好好味. 但好快飽肚, 所以建議2人叫3條, 咁就可以食多d嘢. 手打黑墨丸我的至愛, 可能今次2個女仔, 我地一碟墨丸都食唔晒. 不過好好味, 好彈牙又大粒. 但建議用公筷放入鍋, 因為筷子都會變黑呢.花枝片好多, 慳抵食. 厚切爽口. 必食.唐生菜正常, 新鮮, 大細適中.紅薯粉特別，好滑好味，配合湯底，一流

今晚九度 ，終於寒風又來了，應承了同兩隻小魔怪早些去打邊爐。一早已在此apps 揾食，準時上到去，門一開已見一大缸漂亮的風水魚吸引着，當然我家小孩也一樣。 再望望四周 ，發現此餐廳打邊爐不像我平時去開的火鍋店 因為這裏不是燈火通明 而是偏暗的燈光凝聚着， 原來窗外是很迷人的夜景 幾好情調啊！本來愛好食雞煲 ，但為咗小朋友著想唔食得辣 ，所以叫咗個鴛鴦鍋香茜皮蛋同埋蕃茄濃湯！呢度係自己放啲調味醬主角出場沒有叫特別的海鮮 ，也沒有叫其他花巧嘅嘢， 在這裏打邊爐其實望到隔離枱大部分都食雞煲或者其他煲類之後打邊爐，看似好吸引！食材ok 中規中矩， 加上迷人夜景 ，加了不少分，值得捧場

打波之前去打個邊爐先呢度雞煲真係好多選擇淨係湯底我地都揀咗好耐好多喺出面食都冇揀咗胡椒豬肚我打邊爐成日都會飲埋個湯個湯底靚 可以令嘢食入味 又唔會太咸下次想試藥膳雞肉好嫩滑 趁佢滾得老得滯之前就清哂豬肚亦好爽口得兩個人 餸淨係嗌咗個羊肉片鵝肝蝦丸同棉花魚肚羊肉好新鮮 睇見咁鮮紅已想食鵝肝蝦丸估佢唔到真係有一舊仔鵝肝喺入面加上蝦丸又彈牙 碌起咗咬落去係成舊都有油分好香 下次可encore嗌棉花魚肚我覺得簡直係must因為打到最後佢同你索哂個湯底啲汁最後食埋個煲入面啲蘿蔔好細心呀 佢同你切到細細舊 又冇渣又清甜埋單一人2百5其實嗌餸邊爐都唔貴過任食邊爐好多 但又唔趕又乾淨啲好食好多餐廳位置又方便 又好坐又有電視睇

一年前在朋友介紹下已經黎過旺角呢間吞POT雞煲，今次第二次再黎，環境及食物質素依舊咁好！踏入餐廳已經聞到雞煲香味，餐廳都差不多坐滿人，但好彩我之前已book位，唔洗等就可以入座。坐低後，依舊店員會呈上自助配醬料盤，九宮格有九款，辣椒，豆辨醬，生蒜，炸蒜，沙茶醬，芝麻醬等一應俱全，隨自己喜好調配，好貼心！記得上次黎食嘅時候都未有花膠雞煲，應該係新野，所以今次決定一試。相比一般雞煲，花膠雞煲感覺好似比較抵食，因為有花膠同雞之餘，仲可以飲埋個湯。湯膠質重，夠鮮味，而且唔鹹，飲完都唔會口渴，感覺吸曬d骨膠原入身體。不過由於湯底唔鹹，所以花膠同雞都一定要配醬料食先好味。 除咗主角，呢度嘅火煱配料都係好正！食完個雞煲，當然唔少得打邊爐。食材新鮮亦係呢度嘅賣點，我哋叫咗肥牛、鯇魚片、牛柏葉、菜同嚮鈴，嚮鈴真心推薦，因為係自家新鮮炸，所以特別香口，特別鬆化。當晚先知，原來晚上九點半後入座，火煱配料有半價。半價有高質素嘅食材，可謂超值。打邊爐亦唔少得叫凍飲，呢度d飲品比較大杯，唔洗擔心唔夠飲。我鍾意鹹檸七，足料有半粒大大粒鹹檸，味道正，好飲。

朋友介紹去旺角打邊爐，話呢度裝修幾別字而且個夜景幾靚，就去試吓一入去見到個大魚缸，入邊有龍吐珠，同埋魔鬼魚，好似置身係水族館內呢度有好多嘢食，除咗打邊爐之外，又有各式各樣嘅雞煲，我哋因為怕熱氣，叫咗番茄同埋皮蛋芫荽湯底，呢度啲湯唔似出面好重味精味，值得一讚如果鍾意食西班牙黑豚肉嘅話就要試吓呢度嘅黑臀肉豬腩片，佢半肥瘦，入口即溶，怕肥可在encore羊肉冇羶味，而且肥瘦適中，適合女士一族另外依度都有好多其他嘢食，好似魚滑，魚蛋，腸仔餐肉，包你盡興而回

我成班朋友最鍾意食辣，今日約埋成班老友去食麻辣火鍋，見open rice 評語幾好，咪一齊試下先呢度除咗有麻辣火鍋之外，原來有唔同嘅雞煲食，好似辣酒煮花螺雞煲，胡椒豬肚雞煲，重慶麻辣雞煲等等，重慶麻辣雞煲等等，最啱食辣一族我哋叫咗個四川麻辣鍋，湯底味濃，又夠辣，加乜餸都正，值得一讚嘅係象拔蚌，雖然唔係好大碟，但係夠新鮮，而且好爽口，好有鮮味，我哋都encore左2 碟呢另外呢度嘅魚皮餃同魚滑都冇腥味，而且款式多，真係要諗清楚叫邊種，心大心細啊！

今日天氣凍凍地，同朋友行完街最好就係打邊爐，見到呢間個名好特別，叫‘ 吞pot 火鍋‘而且又有雞煲食，就去試吓先。搭lift 嘅時候見到原來七點半前離座，同埋九點半後入座有半價，真係好抵啊，不過今日太肚餓啦，我哋等唔到啦！我就最鍾意食魚旦嘅，我見到呢到有各式各樣嘅丸類，墨魚丸、蝦丸、鵝肝蝦丸，芝士丸...... 林林總總都有，真係好想食晒佢最後我叫左滑啫啫，入邊有唔同嘅暇滑同魚滑，同埋魚片頭，正啊! 可惜因為兩個人嘅關係都唔敢叫太多，驚食唔晒。另外值得一讚嘅係羊肉片，佢真係好瘦又冇乜肥膏，而且有冇羶味，最啱我哋班女仔食啊!

天氣凍最岩就係食啲熱辣辣嘅野 同朋友食飯又想坐耐啲傾耐啲 於是走左去食雞煲🤤一入去見到個好靚嘅景 心情大好坐低侍應就拎左一個架黎上面裝左多款醬料 連我最愛嘅芝麻醬都有好多選擇望下menu 雞煲唔似平時只可揀辣度咁 有多款味道俾我地揀 今次我地就試左bb辣嘅辣酒花螺雞煲估唔到個辣酒同雞又幾夾 好好食 煲耐啲個汁仲愈黎愈濃 愈黎愈入味 幾好食花螺都唔係hea我地 都幾多粒 拎住竹籤篤佢出黎再沾啲汁 真係好好食🤤🤤🤤佢有得揀半隻定全隻雞 我地叫左全隻 所以就無咩叫丸同肉試左碟有齊牛脊牛柳同肥牛嘅 都幾多 唔係得兩三片 食完雞煲當邊爐咁打 索哂啲辣酒雞汁 意外地仲食得出濃厚嘅牛味 唔錯啊仲見左啲大嘅牛柳粒 都唔差章魚滑都幾特別幾好食 叫埋薯粉索哂啲汁一次過食 飽肚好食 非常滿足如果想食雞煲邊爐 都推薦黎試下 但記得早啲黎啊 因為都幾多人等位架！

平時多數食親雞煲個環境都好嘈，又迫！今次真係喜出望外呀！一上到去，店員都好nice，帶位，安排入坐。好彩我地今次訂左位食六點半，遲一個鐘已經見到好多人等位。我地坐係一塊大落地玻璃隔離，座位都好闊落，而且望住旺角個夜景，同朋友傾下計，食下飯，真係好開心！雞煲既份量好大，如果怕少人食唔哂，仲可以嗌半隻添！今次我地試左辣酒花螺雞煲，辣得尼酒味唔會太濃，但一邊滾陣酒香就明顯，岩哂我呢啲唔鍾意太重酒味既人食！而且佢都落足本，除咗雞既份量好多，亦都有好多花螺！花螺好新鮮，再加埋啲螺索晒啲雞煲嘅湯，又帶點辣，真係好好食！由於今次我哋四個女仔食，食完雞煲已經飽左一半，不過我哋都試咗兩碟牛！而且佢提供多款拼盤，俾你有機會一次過試晒牛柳、雪花肥牛等等，不得不提嘅係牛肋片，好特別仲要好好食！最好既係，基本上每種種類既配料都有拼盤選擇，啱晒啲想每樣試少少既人！而且仲有二十多款既飲品選擇，岩哂一邊食一邊飲！

好耐冇食雞煲啦！呢幾日凍到亞媽都唔認得，唔係打邊爐就食雞煲，Facebook見到朋友share 個post ，感覺好似幾好食咁，幾個偷偷溜走去吃雞開𨋢見到個大魚缸，d魚好靚，嘩！條魔鬼魚好靚好可愛，我好鍾意黎到當然要叫返個，重慶麻辣雞煲-小辣，半隻雞夠兩個人食，個煲幾香濃，小辣更惹味見到推介個自創爆芝響鈴，梗係要試吓，係好香口，芝士流出，好鬼正，不過食一件已經好足夠，有啲膩梗係食返個飽肚嘅紅薯粉，都叫彈牙冰菜係近期鍾意左嘅一個菜，好鮮嫩，放落湯底好出味仲叫埋呢個推介十全大補丸，有蟹粉墨魚丸、海膽黑墨魚丸、鵝肝蝦丸、黑松露墨魚丸、芝心牛丸，個人比較喜歡海膽黑墨魚丸，海膽味較出，整體都弾牙

呢排天氣咁凍，當然最好就係打邊爐同食雞煲啦！今晚我就同朋友去咗位於旺角一座大厦嘅23樓-吞pot雞煲...𨋢門一打開，就見到一個大魚缸，好多好靚同好特別嘅魚..同埋位於23樓，所以會睇到旺角閙市嘅夜景..整體感覺好舒服...👍👍首先我叫咗個重慶麻辣雞煲，個煲一上就已經聞到濃濃的香味..雞都好入味..仲有d麻辣，最啱咁凍嘅天氣食...之後我地仲叫左個豬頸肉，花枝片..兩樣都好新鮮最後不得不提嘅就系佢地嘅十全大補丸（蟹粉墨魚丸、海膽黑墨魚丸、鵝肝蝦丸、黑松露墨魚丸、芝心牛丸）全部都系手打...配搭特別得來又吾會好怪..非常好食..😋😋最後埋單兩個人大約$500左右..價錢尚算可以...

難得大陸朋友黎香港玩, 梗係要同佢食下飯啦,問佢想食咩, 佢已經講埋想食D間吞POK雞煲, 佢話係佢D大陸朋友之間好出名, 好想試下,佢咁講完即刻好想試!!!見識下都好!門口一入去有個大魚魟, 有好多好特別既魚, 而且因為有個魚肛令個門口透光都特別好, 令人特別開胃入到去可以居高臨下咁睇到旺角同太子個景, 大陸朋友話D個景係佢地之間好出名, 當然要見識下啦12點幾已經人山人海, 好彩我地早黎有個靚位坐除左雞煲, 當然仲有打邊爐啦, 其實都有唔少LUNCH SET, $5X起, 但今次當然要食雞煲先啦辣酒花螺雞煲(半隻)-$168: 辣酒花螺同雞煲分開黎食就食得得, 放埋一齊就真係第一次食, 食落辣酒煮花螺同雞煲係異常地夾, 酒香味令到雞味更香, 雞肉鮮嫩, 香味四溢, 醬汁都幾濃郁, 有少少麻籽增加左口感, 辣得黎幾過引, 之係唔會嗆喉既辣, 而且份量都唔少, 都算幾抵食白飯-$8: 因為大陸朋友一定要食飯, 我就因為個汁太正所以叫個飯黎送, 雞煲, 白飯, 良朋, 美景, 人生一樂也食雞煲梗係要叫埋野飲先爽, 佢就左王老吉($14), 我就叫左大檸樂($28)星期六日公眾假期LUNC

冬冰冰嘅時候，問我想食咩我諗我淨係會答打！邊！爐！今日約咗友人去旺角行街，行完肚餓就去咗試一間叫「吞pot」嘅餐廳。火鍋店環境寬敞舒適，行年輕路線。食物方面，除咗各款雞煲之外，亦有純湯底邊爐，滿足唔同食客口味需要！配菜方面選擇亦包羅萬有，價錢唔太貴，唔洗就住食！點完餐之後，會遞上調味盤，要濃要淡，自己話事！我地揀咗個花雕藥膳雞煲（$138半隻）。一上枱雞已經熟透，不過如果想熱辣辣食，當然都要「滾兩滾」！雞煲超足料！啖啖藥膳味道，感覺暖笠笠！由於得兩個人食，為免浪費，都唔敢叫太多配菜！點咗午餐肉、讚岐烏冬同一個菜菜籃！每樣都非常新鮮！大滿足！仲有呀，如7:30前埋單，好似仲可以全單半價呢！

今日午飯大家都同意吃住家飯，甫坐抵，中式餐湯先上。真係冇諗到欖角蒸黃立倉魚咁好食，少許鹹香的欖角和鮮嫩魚肉的確很滋味。花膠雙菇豆腐煲，我們四人同行，花膠竟然有六件之多，炸豆腐夾起不會「散修修」，是不錯的好餸。籠仔蝦乾菜圃排骨飯，大大隻蝦乾真係好味道又得體，菜圃排骨很清爽的有味飯！較後上枱的土魷蒸肉餅忘記拍照，土魷都很冶味配合腍滑肉餅又一佳餚。每款客飯跟湯、時菜、餐飲，我們每位加$3，都同樣要熱檸蜜，人均消費$55，抵食！餐廳裏的大魚缸，加入新成員，很可愛的魔鬼魚，不要誤會，牠們都是觀賞魚，我們的好朋友。

曾經跟朋友食過花膠雞煲, 一試難忘, 所以對花膠雞煲情有獨中。見吞POT 雞煲火鍋.住家菜有花膠螺片雞煲, 所以放工專程到旺角跟男友拍拖食雞煲。一坐低下, 見到餐紙, 有確定了兩個目標 - 滋補螺片花膠雞煲 & 自制爆芝嚮鈴。首先說說滋補螺片花膠雞煲。一上桌, 顏色很美, 但不知道是否只點了半隻雞的關係, 份量比較少, 但煲又太大, 建議使用小一點的煲會更美觀喔雞湯味道濃郁, 花膠數量都很多, 但雞湯的膠質感略嫌不足, 而且可能花膠真的很多, 顯得螺片好少喔~另外, 建議大家一開始不要加入其他配料, 因為之後只可添加魚湯, 所以記得先品嚐美味的雞湯, 飲完後再加魚湯打邊爐呢~他們的魚湯超適合用作打邊爐, 味道清淡, 不用擔心下太多配料後味道變得太咸呢!之後有自制爆芝嚮鈴。爆芝嚮鈴很特別, 從未食過呢~ 所以決定點一客試試!其實是腐皮卷著片裝芝士一起炸, 味道好特別...另外, 因男友愛食韮菜餃, 難得地每一粒都很足料, 足料到剛來時有點像石頭呢~最後, 為了雞湯點了紅薯粉, 但最後原來不能添加雞湯, 而我一開始又太興奮飲光了所有雞湯.......所以唯有紅薯粉加自制的辣鼓油, 紅薯粉爽