吞POT 雞煲火鍋.住家菜 (已結業)

已經好耐冇食雞煲啦 估唔到朋友都係 於是就食返呢間佢之前食過覺得好食既餐廳 果然冇推薦錯一入去就見到個大魚缸 坐低食野咁啱又望到 感覺幾特別 都幾靚估唔到鋪頭雖然唔大 但空間都幾舒服 枱與枱之間有充足空間 又幾舒適 甚至近窗位仲望到高樓大廈既景象 相信日間黎會更靚呢度都有幾多選擇 仲有好多自家制食材 咁當然都要試下啦先係BB辣既重慶雞煲唔記得走芫茜添但真係好好味 好正宗 好後悔淨係叫左半隻 啲雞肉好多 好滑 又好香麻辣味 可惜平時好少食辣既我就覺得BB辣都好辣 不停咁飲野 但都忍唔住繼續食一定會再黎食多次雞另外都試左兩款自家制既食材 分別係滑嘟嘟（墨魚滑 蝦滑 鯪魚滑）同埋芝士響鈴兩個都值得一試 味道唔錯 不過可能我同朋友唔太鐘意食魚 就偏愛蝦滑同墨魚滑多啲 真係好滑 好彈牙 而芝士響鈴真係要趁熱 入面既芝士同響鈴好夾

今晚一行四人諗住食雞煲，俾朋友發現咗呢間吞POT雞煲，決定試一試。由於係樓上舖，地方唔算好大，但勝在環境舒服，相比一般雞煲火煱店無咁嘈，可以慢慢吹水同享受美食。我地到達時大約7:30pm，但餐廳都坐滿九成，原來因為7:30pm前埋單或9:30pm後入座，火煱配料及小食都有半價。但我地入座時間係7:30pm，所以無優惠了……嗚! 難得同3個friend食，就唔理得咁多喇!原本想叫麻辣雞煲，但見menu竟然有花膠雞煲，出面唔係度度有得食，比較特別，所以決定試。花膠雞煲可以揀一隻或半隻，半隻$168 / 一隻就要$258。我地四個人，緊要一隻先夠。講真，呢度嘅花膠雞煲超係好抵食，因為真係超大煲。我諗花膠應該係淡水花膠，雖然無海花膠咁腍及滑，而係帶少少爽口，加上夠厚身，所以口感都唔錯。湯底，呈乳白色，感覺冇精味，飲落喉龍好舒服，有膠質，飲完成身暖笠笠，滋補又有益，正呀！至於雞件，數量真係超多，我地四個人食極都仲有，好似食唔完咁，哈！呢個雞煲可謂大件夾抵食！火煱配料全部都好新鮮，更值得大讚係手打丸，新鮮又彈牙，個人特別喜歡墨汁墨魚丸，不可不試。雖然無特價，但埋單都係$1000左右，唔算貴。下次再

11-2-2018星期日！放假探完屋企兩老，同呀哥細佬出旺角行街兼食晚餐，當晚唔知點解好想食雞煲，就上網4圍搵吓食邊間好？我上（開飯）搵到呢間吞Pop雞煲，比呢個花膠地煲吸引左，所以行完街就直接去食，不過呢間唔係任食放題，一坐低我就點左呢個花膠雞煲真係好鬼正！個雞湯超濃，我地每人各自都飲左2碗湯、但怕飲太多會食唔落其他野，另外叫左幾樣配料，肥牛，響零，雞子，脆骨腩，炸魚皮，南瓜片，豆腐，芫茜，今次點既份量岩岩好，可以食晒所有食物，所有食材都好新鮮，除左個湯濃之餘都漿口，雞肉都好嫩，而且都有8-10塊花膠，花膠比我一個食晒😋同埋店內有個超大魚缸，有幾種我不知名既靚魚，一邊開餐一邊賞魚，的確扮晒悠閒🤣而且仲有大玻璃，可以望夜景，當然夜景就無野好睇啦！至於服務就不過不失！呢間食店唔算大，眼見行三個樓面，但可能我地坐既位置比較偏，叫人要叫幾次先有人應，希望店員可以多留意一啲坐得偏埋既枱。

約咗舊同事收工去食宵夜，天氣凍冰冰打邊爐就最啱啦，三個人一邊傾一邊十下十下。今次我哋揀咗去旺角嘅呢一間吞pot火鍋，聽講呢到D手打肉丸最出名。我哋叫咗個花膠雞煲，啲雞湯味道濃旭，花膠數量都唔少，不過我就覺得個雞湯膠質感唔夠，另外建議大家食曬煲裏面嘅配料先至再嗌火鍋料。之後我地仲叫左幾款手打嘅丸，海膽丸啦、墨魚丸啦、芝心丸呀、牛丸等等。我自己就最鍾意嗰個西班牙頂級黑毛豬腩片，肉色都好新鮮，放入湯度滾一滾即刻拎上嚟食，「搞掂、食碗麵」，最後仲ENCORE咗一碟。

呢排天氣咁凍，打咗好多次邊爐，食到都厭曬，但係啲天氣咁凍，又唔想食其他嘢，最後我哋都係決定打邊爐，但係打邊爐之餘梗係要搵間有多啲特別嘢嘅地方去食啦！咁我哋上網揾倒旺角呢間吞pot雞煲火鍋，呢度除咗火鍋之外，仲可以食埋雞煲一舉兩得，我哋叫咗 佢哋嘅招牌菜式十全大補丸，果然有驚喜，全部矜貴嘢喺曬度，黑松露、蟹子、鵝肝，應有盡有，貴就貴了少少，但係物有所值。每次打邊爐都話唔好食咁多嘢要減肥，啲天氣咁凍又少運動 ，但係最後都係飽到攬住個肚走。呀！唔記得咗一題嘅，係佢呢度啲嘢飲仲好抵飲，杯咸檸七，超大杯超抵飲!

今日天氣凍凍地就同老婆去搵雞煲食,咁我哋就走咗去旺角搵左朋友介紹嘅吞pot雞煲，一去到比我感覺好乾淨好舒服冇諗過雞煲都有咁嘅環境.我同老婆叫左半隻香辣雞煲食啲雞整得好入味好香😋之後我哋就叫咗一碟雪花肥牛我感覺碟肥肉好抵148好大碟雪花仲好靚好好味😍再叫左一碟好有特色嘅餃餃震特別在有四款唔同嘅餃一共八粒兩個人啱啱好😁仲有四個層次的感覺，最後我叫左1664啤酒我老婆就叫咗杯大檸茶.....嘩！杯大檸茶真係好大杯好抵飲真係食得開心又飲得暢快😂

我本人喺一个鸡煲忠实爱好者，一直以来都致力于尝遍多间鸡煲店，希望可以多撞到几间满足我口味嘅鸡煲店。旺角嘅呢间店铺真喺性价比超级高，里面亦都人气颇高，生气兴隆，店铺虽不大，但喺食饭氛围恰到好处。一开始，店员会提供调料卑食客自己选择，自己调制。巨哋嘅餐牌其實同其它雞煲店相類似，亦都喺传统幾種。我強烈推薦巨哋嘅招牌重慶辣雞煲，兩人半隻完全足夠。配菜包埋手打丸，餃類，肉類，海鮮類，蔬菜類同特色小食。我同朋友是次主要品嘗蔬菜類配菜，譬如土豆片，冬瓜，蘿蔔片，同鮮腐竹。配菜食材極其新鮮可口，加落去雞煲中，再配住白飯吃，真喺好享受。最終我哋兩個都有飲店里嘅健康飲品祛辣。喺一間性價比好高嘅餐廳。

諗住平時都係凍兩三日，點知今次一凍成十幾日，啲天氣咁凍真係唔想出街，朋友又約出去食飯，我哋都係決定去打邊爐。 來到旺角呢間食雞煲兼打邊爐嘅，一嚟到我哋仲好肚餓，叫咗佢一個小食叫蜆介鯪魚球，估唔到啲小食都好有水準，啲鯪魚球幾好食，魚肉好鮮甜彈牙。我哋跟住叫咗辣酒花螺雞煲，咁凍嘅天氣梗係要食下辣嘢去保溫啦！我哋叫咗大辣，果然好舊辣，而且辣得離又唔會遮蓋咗雞煲嘅味道，廚師果然了得 ，啲雞都好滑，其餘肥牛嗰啲配料都做得好好，啲肥牛唔會太肥，肥膏均勻 。跟住我哋當然亦都買叫咗好多唔同嘅打邊爐配料啦！其他嘢都ok，不過不失 。咁凍嘅天氣果然冇選擇錯，一定係打邊爐，仲要食辣雞煲，食完之後成個人都暖曬。

團年食雞煲團年飯都唔一定要食中餐嘅，今次我哋揀咗食雞煲團年，我哋屋企人都唔係保守思想嘅人，同阿媽講團年食雞煲打邊爐，呀媽話冇所謂所以喺咁凍嘅天氣，就一於去咗食雞煲。因為要就大家有啲人唔食辣，所以我哋叫咗 花雕藥膳雞煲 ，不過食雞煲唔食辣，又有啲奇怪 ，不過冇計啦！要就一家人，總有人食辣、有人唔食辣。等咗十分鐘個雞煲終於嚟啦，估唔到一嚟到巳好香花雕味，食落去啲雞好嫩滑，而且好香藥材味， 啲酒香同埋藥材味滲透曬落啲雞到，估唔到原來雞煲唔係辣先至一定好食。今晚大家都食得好盡興，下次一定會再來。

天氣繼續嚴寒，繼續係打邊爐嘅日子搵到呢間吞pot 火鍋舖面唔太大，大概十張枱左右，今晚全院滿座， 但係都有足夠空間所以一D 都唔迫，餐廳full 哂。好在book 咗枱啫！安排咗窗邊位，有夜境伴食混醬時間～都係果d 必有嘅辣椒蔥蒜之類，不過要讚下個麻辣醬，香得黎又夠辣！二話不說，揀咗最愛嘅螺片花膠雞煲omg~勁勁勁足料，好多雞件，好嫩滑花膠塊塊都好厚身又大塊，螺肉鮮甜有咬口煲出黎嘅湯變咗奶黃色，超濃超鮮甜，連續追飲咗3大碗！點餸時間～肉類，海鮮，配料有好多選擇，打邊爐必備嘅牛肉都有好多款！另外餐廳仲有好多自製嘅獨家配料只怕你食唔哂而唔會驚點唔到嘢食！另外有D 小食，不過2個人食唔落lu牛肉揀咗韓國1++牛肉眼切得好均勻，厚薄適中。有超濃郁嘅牛味！份量其實足夠3-4人炸芋頭，新鮮炸起。唔落湯即食都好好食食材全部都好新鮮叫咗好多索湯嘅配料配個濃湯，好滿足！另外要推薦個雲吞。係蟹肉蟹粉雲吞～濃濃嘅蟹味，食落好驚喜～鍾意食蟹又懶得剝絕對要點呢個！珊瑚蚌舊舊都好大舊，熟咗都有手指公咁大件又爽口又鮮味價錢唔算係大眾化，但係食材全部都好新鮮，用料靚，環境又舒服。哪怕俾多小小對自己好D~

咁凍嘅天氣梗係同朋友打邊爐最開心啦！今日我哋揀咗旺角呢間打邊爐，打邊爐之餘又可以食埋雞煲一舉兩得。呢度啲雞煲啲雞都好滑，而且原來隻雞好大隻，我哋食到最後都食唔曬，超抵食。我哋叫咗佢有一隻叫做韓牛嘅牛，都幾貴，但係物有所值，果然啲牛好靚，入口即溶。除咗打邊爐估唔到呢度仲有泰式生蝦，我哋叫咗一碟，好新鮮 ，跟住仲唔夠再叫多碟添！另外仲叫咗個小食，蜆介鯪魚球，估唔到呢度除咗打邊爐之外，啲小食都好好味，個蜆蚧鯪魚球啲魚肉一啲都唔聲，而且啲蜆介仲好香。估唔到打邊爐之外，今次呢度仲有好多其他好嘢食。

香港啲天氣成日忽冷忽熱，今個星期有突然間有話寒流，咁嘅天氣當然唔少得食雞煲打邊爐啦！今次揀咗旺角嘅樓上雞煲，啲裝修幾新穎，啲座位都幾寬敞吓！呢度有好多款唔同嘅雞煲，打邊爐嘅嘢就都應有盡有，最特別之處係啲丸類，係手打嘅，同埋啲餃類都係自家做嘅，咁當然要試下啦！我哋叫咗手打芝心牛丸，啲牛丸好大粒，裏面啲芝士味好香濃，流哂出來，果然一流！仲叫咗自家製韮菜餃，啲餃大大粒裏面仲好多蝦肉添！臨走先見到張枱側邊，有盤雀巢，裏面有好多雞仔，唔知係咪裝飾來的，好得意！！

喺旺角，行完街，喺樓下見到好多人等𨋢，於是咪跟埋人群，是但上去一間食囉！冬天成日都打邊爐，今次就試下食雞煲，但係食雞煲之餘又可以打埋邊爐，我都係第一次 。呢度有好多款唔同嘅雞煲，仲有好多唔同嘅打邊爐配料，我哋就叫咗其中一款雞煲試吓！個雞煲啲雞好嫩滑，唔似平時打邊爐啲雞咁硬，好滑而且好入味。侍應叫我哋食完啲雞之後，就同佢講，然後就加咗啲類似魚湯畀我哋繼續打邊爐，打邊爐啲配料都好多元化，而且好多種類都係自家製嘅，特別係啲手打丸，果然好彈牙！而且仲有好多好特別同矜貴 嘅口味㖭！估唔到樓上鋪，都有咁矜貴、豪華嘅火鍋食，下次一定要介紹朋友嚟試吓先。

朋友放工，一於吞下pot先，今次無叫雞煲，靜係打邊爐only！睇睇menu先！其實都唔平嫁！我地無食雞煲，直接點左沙爹湯底！至於食物，叫左個芝士響玲，豬頸肉，手打蝦丸，唐生菜和開心樂園餐(蟹柳、腸仔、芝士腸和午餐肉)，少少地過下癮就算，主要係傾計多！個湯好香沙爹味，夠晒味！入面重有芽菜，黑木耳等材料，d食物未黎就已經比我地食晒咁滯！芝士響玲，必食！但如果得2人最好點3條就好！因為食完好滯！好似芝士竹輪咁，好多芝士！就咁食同浸一浸食都係咁正！新鮮炸起，待應講響玲同魚皮係唔會用同一鍋油炸！所以如果同時叫左炸魚皮同響玲就要比多d耐性！豬頸肉都算厚切，漉完重好食！有咬口，可以點的一道食物，但得8塊。。唔夠候阿！之後黎手打蝦丸，粒粒大過乒乓波！蝦肉十足又新鮮，正！個開心樂園餐，就係咁！62蚊比出黎不太抵，下次單點重過癮！材料正正常常，無咩特別！最後唐生菜，30蚊，得10塊左右，唔抵！下次叫菜藍都好d野食！由於無食雞煲同牛，所以價錢不是太貴，每人200就有找！高質，但不太扺食！另外醬料每位10蚊

翻風就想食辣野，search到咁多好評就即管試下，用openrice訂位7:30前埋單所有配料小食半價。想試多d配料，就捨棄左雞煲，叫左中辣麻辣湯加豆腐魚湯，豆腐湯淥菜一流，配埋冰菜食好好食。麻辣辣度剛好，係我喜愛既辣，所有配料好新鮮，十全丸每款都美味，推介芝士響玲，炸魚皮亦不錯配辣湯一流，牛肉新鮮，半價係超值。叫左小食生蝦刺身，不過不失，但個汁點解似點薫蹄既......服務由電話confirm位到埋單都一流，下次會返去試佢個雞煲