影片
更多
2018-04-23
102 瀏覽
今日約咗朋友食雞煲，可惜朋友突然間喉嚨痛。查一查openrice，原來唔食麻辣，都仲有選擇，於是就照去食啦😋升降機裏面見到呢張宣傳，原來七點半之前埋單，配料同小食都有平價，非常抵食。一出𨋢門就見到個好大嘅魚缸，食之前從來冇諗過呢度嘅裝潢浮誇到咁。加埋位處23樓，自然光打入嚟，仲可以俯瞰旺角，認真心曠神怡。餐單在此：喺未上菜之前， 職員已經好快手攞咗調味盤嚟。每次打邊爐都會好用心咁樣整調味豉油，呢度嘅調味品就夠晒多啦，炸蒜生蒜指天椒蔥花豆瓣醬芝麻醬等等都有。提提大家，醬料係每人要收＄10嘅。既然朋友唔識得辣，我地就叫咗個花雕藥膳雞煲啦(半隻$138)。食雞煲梗係要試個湯先。藥材係真材實料，有香濃嘅當歸香，紅棗杞子黨參當歸都喺湯裏面。至於花雕味，就要食雞先食得出，應該係用花雕餣過先煮嘅。雞係嫩滑嘅，不過就略嫌有啲肥，雞皮都幾多，未能夠做到啖啖肉。配菜我哋都想食得健康啲。所以就叫左鮮蝦雲吞(8隻，折扣後$30)，龍口粉絲($10)，皇帝菜($15)，蔬菜拼盤($30)。個人來講幾鍾意佢個蔬菜拼盤，係會有廚師決定嘅兩種蔬菜同埋三種茹類。一個價錢五樣嘢食，啱晒我呢啲選擇困難症患者。皇帝菜夠新鮮。
升降機裏面見到呢張宣傳，原來七點半之前埋單，配料同小食都有平價，非常抵食。
一出𨋢門就見到個好大嘅魚缸，食之前從來冇諗過呢度嘅裝潢浮誇到咁。
加埋位處23樓，自然光打入嚟，仲可以俯瞰旺角，認真心曠神怡。
餐單在此：
喺未上菜之前， 職員已經好快手攞咗調味盤嚟。每次打邊爐都會好用心咁樣整調味豉油，呢度嘅調味品就夠晒多啦，炸蒜生蒜指天椒蔥花豆瓣醬芝麻醬等等都有。提提大家，醬料係每人要收＄10嘅。
既然朋友唔識得辣，我地就叫咗個花雕藥膳雞煲啦(半隻$138)。食雞煲梗係要試個湯先。藥材係真材實料，有香濃嘅當歸香，紅棗杞子黨參當歸都喺湯裏面。至於花雕味，就要食雞先食得出，應該係用花雕餣過先煮嘅。雞係嫩滑嘅，不過就略嫌有啲肥，雞皮都幾多，未能夠做到啖啖肉。
配菜我哋都想食得健康啲。所以就叫左鮮蝦雲吞(8隻，折扣後$30)，龍口粉絲($10)，皇帝菜($15)，蔬菜拼盤($30)。個人來講幾鍾意佢個蔬菜拼盤，係會有廚師決定嘅兩種蔬菜同埋三種茹類。一個價錢五樣嘢食，啱晒我呢啲選擇困難症患者。
皇帝菜夠新鮮。食火鍋最鍾意食皇帝菜，貪佢夠快，滾一滾就食得。
蔬菜拼盤有白菜生菜，金針菇秀珍菇鮮冬菇。全部都好新鮮。
鮮蝦雲吞都唔錯。半價時段＄30有8隻，nothing more to ask for. 粉絲如果係配麻辣湯底係正嘅，今次我哋嘅湯底冇咁濃就稍為失色了。
最後埋單兩個人$276，飽到上心口，超抵食！
張貼
