名門私房菜

營業中

休息中

環境5分：有D西化嘅私房菜格局，兩條友都可以坐四人圓枱，D位隔得又夠開，非常之舒服，可以畀五分。衛生5分：餐枱舖曬白色枱布，環境衛生，每人兩對筷子，枱上有任用紙巾，非常之乾淨，滿分。服務5分：服務員年紀可能大，但非常專業同爽手，成日不停加茶加水同換碟，都畀滿分！味道5分：1) 招牌杏汁燉白肺湯非常清甜，飲得出絕對無落味精，真材實料。湯入面有白肺，豬肉同白果，杏汁味都非常之出。2) 蓮藕餅炸到脆卜卜，非常之爽。炸鮮奶好特別，椰汁味非常之濃，當然鮮奶非常之滑。3) 原條遼參扣鵝掌賣相非常之靚 ，有鵝掌，柚皮，遼參同生菜，非常高級嘅食材擺埋一齊。鵝掌炆到非常之淋，同埋好肥美好入味，應該炆左唔少時間，遼參發到大大條，食落口小小爽爽地，食得出係高級貨。4) 蝦乾魚肚大芥菜煲裡D大芥菜非常新鮮，真係不能錯過個湯底，非常鮮，加埋Ｄ爽魚肚，非常清新。5) 鮮蝦瑤柱荷葉飯份量超大，一打開塊荷葉已經聞到清香嘅荷葉味，蝦同瑤柱嘅份量都算多，食落去又唔會太濕口，濕度啱啱好。抵食5分：精緻嘅食材用心機用時間慢慢炮製，例如鵝掌遼參每人一份，又有其他食材例如蔬菜同飯就大大份，份量足，整體嚟講算係非常抵食。

因為附近餐廳太多人太嘈，今日朋友帶我來吃私房菜，環境比較舒適，可以傾吓偈。今次是朋友負責點菜粟米魚肚羹每人一碗，魚肚好爽口，正常發揮。黃金蝦多士炸蝦餅超好食多蝦，好爽好彈牙，厚厚的一塊多士裏面再加一隻大蝦。加上鹹蛋黃蓉的鹹香，蝦味更加突出，真的非常好味！酥炸陳皮豬肋骨，肉質鬆軟，雖然很大塊但很入味， 炸得香脆可口。啖啖都是肉，，好吃！燒汁洋蔥雞柳，很大碟好多料，本人很喜歡吃洋蔥， 洋蔥炒得很好味。雞柳嫩滑，送飯一流。鮑汁蝦子生扣柚皮 ，很少見的菜色，食得出煮了很久，很入味。 白灼生菜只是油菜一碟，正常！甜品是番薯糖水，不會太甜，夠火候，味道不錯！

前幾星期較多工作應酬，與外國同事交流，吃了不少西式晚餐。過了這忙碌的時間，特別和好朋友找間中菜館，品嚐中國味道。名門私房菜位於灣仔道83號，灣仔地鐵站走大約十分鐘便到，地點方便就腳。疫情關係，餐廳入座時也有量體溫，而且提供酒精搓手液，令到客人吃得安心。我們一行二人共點了幾道小菜，一起互相分享。杏汁炖白肺湯(⭐⭐⭐⭐⭐)真材實料的老火湯一飲便知龍與鳳，味道濃沃，有著淡淡的杏汁味，喝起來十分滋潤，進補一流。豬肺是難清潔的食材，準備十分花功夫，但廚師仍然清洗得十分乾淨，連平日不愛吃內臟的媽媽也讚不絕口。黃金蝦多士(⭐⭐⭐⭐⭐)十分邪惡的一道菜式，蝦膠十分厚身，而且十分彈牙，炸得十分鬆軟，裏面還有原隻鮮蝦。 配上金黃色的鹹蛋黃醬，每一啖都是鹹香味。順德焗魚腸(⭐⭐⭐⭐💢)另一度少見的手工菜，地道順德菜的代表。洗好的魚腸配上雞蛋，陳皮絲，芫茜等等焗至金黃色，吃起來魚腸味道帶少少甘香，質感十分特別，配上白飯吃十分不錯。 陳皮豬肋骨(⭐⭐⭐⭐💢)陳皮骨炸得鬆軟香口。雖然豬肋骨本身比較油，但是陳皮的微酸中和了。肉質非常鬆化，是因為处理功夫做到足所至！師父說之前豬瘟取消了供應， 是近期才恢復用豬肋骨的，

今日難得同朋友一齊食私房菜, 當然要曬一曬。畢竟私房菜真心少吃, 平日上下班為趕時間都是吃開連鎖的,  這種真心要推一下。畢竟朋友吃過, 還帶我來, 證明有一定既質素。叫左個二人套裝~果然沒有令我失望, 第一道就是杏汁豬肺湯, 有夠特別。用杏汁煮糖水就多, 熬湯就真心少。這湯味道很清, 因為有豬肺及其他湯料, 絕對不淡口。就是兩種不同的感覺混在一起, 香而不膩哈。另外佢既冰鎮鮑魚先正~ 夠爽口彈牙! 一食就先食材夠鮮先有咁既口感。再來個蝦多士, 炸過超香脆,上邊都是流沙蛋黃, 嘩, 先夠咸香味。好食!之後3個主菜都正, 分別有鼓油雞啦, 釀鯪魚同菜煲。都是有夠惹味既菜式, 可惜分量太夠, 我朋友又小食, 不然送飯一流。就咁食都超開胃~ 我個人覺得釀鯪魚有d驚喜, 無骨架! 看得出餐廳超用心!而且煎得好, 好香口。最後來個腐竹糖水, 有夠清甜, 解膩食完又舒服~ 真心很不錯呢間私房菜。

之前曾吃過這間私房菜，難得約了朋友去灣仔，便順便預約推介下食好西～吃完朋友都滿足說有機會約家人慶生食飯（≧∇≦）二人餐先來碗熱騰騰的湯-杏汁豬肺湯。杏汁令湯汁跟平日喝開不同，既鮮甜又不膩，但料多所以味又足～好喝養生。之後就是冰鎮鮑魚，鮑魚很新鮮，肉質相當彈牙爽口，又不會硬身難咬。夠鮮甜！然後是蝦多士，上邊是咸蛋黃，特別咸香，然後蝦多士炸得剛好，相當香脆，配咸蛋黃非常惹味。之後是煎釀鯪魚，魚骨都起掉再做魚肉砌回整條魚。色香味齊全～煎得很香口，配上醬汁味道更香濃好食。啫啫菜煲，時間剛好，菜又不會很軟淋淋又很爽身。味道又夠入味～配飯一流。鼓油雞則皮脆肉嫩，鼓油味又不會太過覺太咸或濃，時間掌握不錯相當鮮味。最後還有腐竹薏米糖水，香甜度剛好，又夠滋陰養顏～清清甜甜飯後吃很適合！來前一定要預約，畢竟私房菜預料會最鮮～預約了才一定吃到最時令的～

我們鍾情吃中菜, 更喜歡家鄉特色菜.近排吃了很多套餐, 不外是乳鴿, 片皮鴨, 雞, 活魚兩味.今晚去 名門私房菜,  期望食家鄉小菜.名門私房菜, 私隱度高, 食堂比較清靜, 適合家庭聚會, 公司聚餐.   疫症期間去私房菜更好, 因為環境乾淨衛生, 人流唔會雜. 朋友很食得, 先點了 秘制和味粉絲煲.他獨愛粉絲的特別煙韌滑膩口感, 而我最仲意粉絲吸盡了醬汁精華, 好惹味的感覺.配料好豐富, 有瘦肉絲, 冬菇絲, 芹菜, 加鹹蛋黃, 炒得美味.酥炸陳皮豬肋骨一個好香口的家常菜,   廚師將陳皮味融進豬肋骨裏面, 那家鄉老陳皮, 有助化痰止咳, 理氣開胃功效.豬肋骨經慢火酥炸, 冇油膩感, 入口惹味好食.順德煎釀鯪魚 釀鯪魚我們很喜歡這道煎釀鯪魚, 順德經典名菜.  特別欣賞廚師的刀工, 把魚肉和魚骨起了出來, 保留魚頭, 魚尾和皮囊.  再釀入剁爛的鯪魚.魚煎得香, 肉質嫩滑, 味道鮮美, 最好是啖啖肉, 無骨啊 !蝦乾魚肚大芥菜煲.  用瓦鍋盛載, 好存熱.魚肚含高蛋白質,  口感好滑, 做燉湯一流,  加上蝦乾更滋味.大芥菜 圓熟豐潤, 柄枝厚實多肉,  回甘味覺令人百吃不厭,

其實一向都好鍾意食中菜，見到灣仔有私房菜館，朋友之前已經預先訂左位今次我地試左幾款菜式，分別係冰鎮鮑魚配燒汁芥辣醬、欖角陳皮牛肉餅、鮮菠蘿咕嚕肉同哈哈哈芥蘭煲 冰鎮鮑魚配燒汁芥辣醬鮑魚用清酒醃過，所以食落去會有淡淡嘅清酒香，口感唔韌好爽！建議大家試咗原味先，之後先再加醬汁，加咗醬汁之後味道甜甜地，仲有少少芥辣味，更加好味欖角陳皮牛肉餅呢道菜真係令我好驚喜，起初以為只係普通平時食嗰d窩蛋牛肉飯嗰啲肉餅，但係一擺落口之後，個牛肉味好香好濃，仲好彈牙，估唔到一個咁簡單嘅菜式都可以煮到咁出色鮮菠蘿咕嚕肉咕嚕肉係即叫即炸，所以入口真係好脆，採用既肉都好腍，但唔會係成舊肥羔，醬汁酸甜度啱啱好哈哈哈芥蘭煲 呢個芥蘭煲除咗有用蝦乾之外，仲有用到鮮蝦，好符合佢既菜名呀！芥蘭爽口唔會硬同苦！最後就係甜品紫米露，煙煙韌韌，帶奶香味，甜度岩岩好！

今晚約了朋友去食中式小菜，但酒樓小菜已經食到厭，所以我訂了一間高質素的名門私房菜，享受下高質小菜，又可以同朋友坐低傾下計。餐廳位於灣仔，由灣仔地鐵站行過去，不需10分鐘，非常方便。而且每晚的餐牌也不一樣，可以於訂位時問下店員。清酒浸冰鎮鮑魚，天氣開始轉熱，作為前菜，這個冰鎮鮑魚，非常適合。鮑魚非常大隻，但一點也不韌，而且重好爽口。入口有淡淡的清酒味，十分吸引，如果想味道濃啲，可以加上特製的燒汁芥辣醬，甜甜的，令人食唔停口。欖菜陳皮牛肉餅，餐廳堅持用新鮮食材，不加味精，所以可以食到好新鮮嘅牛肉味。加上有陳皮在牛肉入面，為牛肉增添一份甘香嘅味道，用來送飯，一係一流選擇。鮮菠蘿咕嚕肉，這個菜同出面酒樓，茶餐廳食到的唔一樣。入口第一舊咕嚕肉已經食到係新鮮豬肉，而且係即炸而成。咕嚕肉的外層脆皮薄而不硬，吸收了醬汁也能保持脆口，非常好味。醬汁的甜酸度亦做得剛剛好，配上新鮮菠蘿，質素實在太高了，我覺得是必食之選。哈哈哈芥蘭煲，入面有芥蘭同埋新鮮嘅蝦肉，芥蘭非常新鮮，翠綠爽口，應該經過篩選才用作烹調。蝦肉也很鮮甜，令人越食越開胃。這一間私房菜的出品質素非常高，下次一定要帶屋企人去食多一次。

出街食飯成日食西餐，今次約了朋友食公司附近的私房菜。幾surprise有好多少見的菜式可以食。招牌杏汁炖白肺湯炖豬肺的工序繁複，豬肺要處理得好，燉出來的湯才會清澈，沒有腥味，而且湯的味道十分清香，餐廳很貼心附上豉油可以沾來吃豬肺瘦肉。特色冰鎮鮑魚冰鎮鮑魚肉質十分彈牙，味道十分鮮甜，望落水潤有光澤，食材十分新鮮。配有自家調配芥末燒汁醬，少少辣很開胃。金錢蓮藕餅 拼 大良炸鮮奶蓮藕餅的蓮藕炸完好脆，加了少少鹽已經好夠味。炸鮮奶外脆內軟，金黃色好靚，食落奶香醇厚。蝦子生扣柚皮柚皮嫩滑鬆軟，而且好厚身，用筷子輕輕一夾就開，放落口就溶，加埋蝦子味道好鮮。順德煎焗雞一上枱香氣撲鼻，雞煎完好香，入面的肉質依然好嫩滑。麵醬啫啫生菜煲菜煲煮到最熱端上枱後，店員會即場幫你翻煮生菜，加了麵醬的生菜加熱後十分香，還有滋滋聲，十分吸引。

有時唔得閒煮飯，出街食都想食住家餸，灣仔嗰度有間名門私房菜，裝修簡單，但係就有好多唔同種類嘅住家餸選擇。/招牌杏汁炖白肺湯🌟炖豬肺湯出面好少見，因為剩要洗淨豬肺都好花功夫，而且這碗炖湯能夠這麼清，相信豬肺真的洗得好乾淨，味道清清地，帶少少杏仁味，十分補身。/特色冰鎮鮑魚🌟冰鎮鮑魚很大隻，十分厚肉，咬落去十分彈牙爽口，配上酸酸地的汁。十分新鮮好味。/金錢蓮藕餅 拼 大良炸鮮奶🌟蓮藕餅入面夾左免治豬肉碎，煎到表面金黃，咬落脆脆地幾好食。炸鮮奶依家好少地方有整，食落甜甜地奶香味幾濃。/蝦子生扣柚皮🌟朋友第一次食的蝦子扣柚皮，覺得好新鮮。柚皮煮得好稔，十分入味，好容易就咬得開，配飯一流。/順德煎焗雞🌟炒完好有鑊氣，舊舊雞都金黃色，帶煮得過熟，所以肉質好嫩滑，調味岩岩好不會太鹹。/蝦醬啫啫生菜煲🌟生菜十分新鮮爽脆，用煲的熱力煮唔會過熟變得太稔身，而且加了麵醬很惹味。紫米露🌟飯後的糖水是中餐廳必吃的。十分足料，味道不會太甜而且很香。

朋友住灣仔區, 佢帶我去 名門私房菜 食晚飯.   這私房菜館位於 灣仔道商廈二樓,  真係識途老馬, 識飲識食才找到 !!館內裝修好清雅, 有貴賓房及大廳,  朋友訂了檯, 我們二人安排了坐大廳.   侍應帶我們入座,  服務不錯.朋友叫了四個家鄉小菜,  有魚有肉.  正合我心意.名門陳皮豬肋骨豬肋骨賣相好, 夠傳統帶家鄉陳皮味,肉質鬆軟,  炸得香脆可口,  不咸, 好食, 也不油膩.順德煎釀鯪魚 很久沒有吃這個順德菜, 淡水鯪魚已拆骨, 煎得香口, 伴著冬菇粒及蔥花, 増添美味.  鯪魚肉釀得飽滿,    啖 啖有魚香,  味道鮮美, 調味非常好.秘制和味粉絲煲  好熱, 份量足, 有瘦肉, 冬菇絲, 芹菜粉絲吾會過稔又吾硬,  有嚼勁, 秘制功夫是混合了鹹蛋黃,  粉絲味道好突出.蝦乾魚肚大芥菜煲,  有我喜愛的魚肚, 好滑.  蝦乾好味.用上大芥菜, 夠甘味, 翠綠嫩滑.  我們連湯都飲清. 椰汁香芋紫米露    每人一碗,  熱熱的送上,  椰子味香濃. 有彈牙西米, 香滑芋頭粒, 越食越好味.食私房菜, 不但食物,  廚藝有保証,  而服務也有賓至如歸感覺.

好耐冇食中菜，有朋友介紹，灣仔有間叫名門私房菜嘅順德中菜料理非常唔錯，於是就早兩日訂位。訂位先知有啲菜原來要預留，咁就即刻訂咗杏汁燉白肺湯及黃金蝦多士，其他餸可以去到先至叫。所以坐低之後再叫咗冰鎮鮑魚，煎釀鯪魚，砵酒汁洋蔥煎雞扒同埋麵醬啫啫唐生菜。杏汁白肺湯果然出名，杏仁磨得又滑冇渣，豬肺又冇騷味，好飲。冰鎮鮑魚有淡淡的白滷水味道，但又不會掩蓋鮑魚本身的鮮味，再點少少Wasabi豉油食，有提鮮的作用。再上枱就係黃金蝦多士，蝦是每日新鮮拆肉打成蝦滑，而黃金就係用鹹蛋黃炒香，再鋪在蝦多士上面，可以稱之為極度邪惡的美食🤪煎釀鯪魚是順德的傳統手工美食，首先要將魚拆肉打成魚溶，再釀返入鯪魚入面，鯪魚皮完全冇破損，所以非常之巧手功，之後再整條魚煎香，淋上豆豉果皮豉油汁，濃香惹味。另外一味是店員推介的砵酒汁洋蔥煎雞扒，出奇的好食，洋蔥生熟度剛好，雞扒煎得香脆，淡淡的砵酒汁送飯一流。最後上枱係麵醬啫啫唐生菜，唐生菜係用瓦煲上，上枱時應發出吱吱聲，香味整間餐廳都聞到，而唐生菜選取最嫩的部份，生熟度剛好又爽口，令人食不停口。最後餐廳還送上腐竹薏米糖水，潤肺又潤喉，為完美晚餐畫上句號👍

疫情期間經常去灣仔街市某參茸海味店入貨，今次相公相伴一起前往，他提議先吃過午膳後入貨。他帶我去一間不起眼的私房菜飯店，入到飯店侍應員有禮地給我們一張二人枱，坐下相公先點菜，侍應員先奉上兩碗花生眉豆雞腳湯。相公點了一碟我已有三丶四年未吃過的大良炸鮮奶作小食，咬下有點脆又熱，可能夠熱奶味香而濃～正。再來一碟順德煎釀鯪魚，鯪魚爽口汁亦清；剛好蜜餞欖角骨及白飯一起來，咬落排骨有蜜糖的甜亦有欖角的香，用來送飯很合適。隨後來了上湯浸青菜及欖角陳皮牛肉餅，上湯浸青菜不油膩，整碟菜很幼嫩和爽，好清。牛肉餅浸出很香的陳皮味，咬口甚好，也許放了馬蹄罷。吃完飯相公再點了兩碗蛋白杏仁茶一齊享受，飄香的杏仁味加上蛋白滑，非常滿足的一餐。吃完這頓飯，感覺廚師很有熱誠地鑽研菜式，先前看見餐單有很多不同款式的懷舊菜式，找日再約三丶倆知已來晚膳。

經常路過這條人流大的橫街都注意到這樓上食店的廣告牌，今天下午和太座终於找上樓。簡單而整齊的堂座，剛坐下例湯(花生眉豆雞腳)已經奉上，極有家中媽媽㷛湯的味道，實而不華。大良炸鮮奶作小食，外脆内軟，奶味十足。😋必食順德煎釀鯪魚是考工夫的手工菜，這廚房水平很好，魚肉煎得軟脆適度，芡汁濃淡中和，我的首選。👍👍蜜餞欖角骨甜口而帶欖角香味甚為討好。😋😋太座意尤未盡再試了欖角陳皮牛肉餅，牛肉好有陳皮甘味亦加了馬蹄更見爽口。👍👍附送的上湯浸青菜清甜可口每棵都是幼嫩菜薳，厨師應加分👏👏。蛋白杏仁茶杏仁味足蛋白軟滑手工抵讚。👍👍

家鄉小炒吃得多，街頭巷尾都有餐廳吃得到！ 明天放假 與老婆阿女到的這間主打家鄉菜的「名門私房菜」叫點小菜一家人慢慢品嚐，放輕鬆一下～ 這裡經典的家鄉小菜落足傳统功夫做！一點也不馬夫！真是吃過便知龍與鳳！ 地方又好坐！不少 矜貴套餐～足料老火燉湯杏汁燉白肺湯好鮮甜滋補潤喉！名門陳皮豬肋骨肉質非常鬆化，是因為处理功夫做到足所至！ 味道更出色，陳皮甘香，肉有似話梅味道但又沒有酸味甘甘甜的！釀金鑽黃金蝦爽口蝦肉很新鮮鹹蛋黄混和麥片香脆可口！蝦干魚肚大芥菜煲湯汁有蝦干的鮮甜，魚肚吸收了十分好味！大芥菜甘甘的味道中和了油膩感，口感很舒服！污糟鷄這個菜我在家鄉順德必吃的，家鄉條件好有走地新鮮鷄，好吃是當然的事！而今晚这個菜， 我覺得也不遑多讓！鷄肉嫩滑，調味和蒸的火候剛剛好，大頭菜，紅棗作配料，有荷香，主菜配料發揮都恰如其份融匯成一味好菜式！很享受的晚餐！欣賞師父廚藝精湛，對傳统功夫的堅持精神！稱得上真正的順德家鄉菜代表！