影片
港鐵灣仔站 A3 出口, 步行約4分鐘
繼續閱讀
電話號碼
28933033
25732668
營業時間
今日營業
12:00 - 15:00
17:30 - 22:30
星期一至日
12:00 - 15:00
17:30 - 22:30
以上資料只供參考, 請與餐廳確認詳情
食家推介
-
冰鎮鮑魚
-
順德煎釀鯪魚
-
蛋白杏仁茶
-
冰鎮鮑魚配燒汁芥辣醬
-
鑲鑽黃金蝦+26
相關文章
今晚預約左灣仔呢一間私房菜同屋企人一齊食飯，主要係食順德菜，之前已經同老婆兩個人曾經試過，味道唔錯，但可以嘗試既菜式唔太多，所以今次就帶埋屋企人黎，一共有8人，可以食多好多餐廳既環境唔錯，有足夠私隱，枱與枱之間有足夠距離，而且俾我哋既枱仲係圓枱，中間有塊大玻璃可以擺菜式方便大家夾黎食由我哋點菜式到食物黎到只係大約15分鐘左右，第一道菜式就黎到，係豆腐魚蓉羹，羹既湯質濃郁又滑順，而且散發出淡淡既魚鮮香味羹中摻入左嫩滑既豆腐同細緻既魚蓉，令到相得益彰，為口感增添左層次之後有冰燒雞，呢道菜以手撕雞為主，搭配青瓜絲、香脆芋頭絲、薑粒同海蜇等多種食材，層次好豐富，口感極佳特別係加入左青芥醬，微辣既味道為成道菜增添左獨特既刺激感，令人食指大動呢個係黃金蝦，以金黃酥脆既外皮包住鮮嫩既蝦肉，搭配燕麥作為點綴，賣相既高雅又充滿層次感蝦肉既鮮甜同外皮既香脆形成左絕妙既口感對比，令人一啖接一啖停唔到再黎係煎米餅，用左香脆既米餅搭配蝦仁同蔥絲，視覺上幾吸引米餅煎到金黃酥脆，外層帶有微微焦香，而內部則保持柔軟，形成完美既口感對比呢個係順德既名菜，釀鯪魚，以鯪魚為主角，魚身完整，但內部填滿左魚蓉，搭配豆豉汁魚肉十分鮮嫩，醬汁濃郁，入口層次分明，令人回味無窮，好快就清晒成碟跟住係蝦子柚皮，柚皮經過處理去除左苦澀味，再燜煮至軟嫩，吸收晒濃郁既蝦子汁，既鮮又香柚皮口感細膩，入口即融，而蝦子既鹹香則為整道菜增添左層次感，令人回味無窮呢個係鮮菠蘿油炸鬼咕嚕肉，用左酥脆既炸豬肉配搭菠蘿、青紅椒同洋蔥，淋上酸甜適中既汁，每一啖都充滿層次感豬肉既外皮炸至金黃酥脆，但裡面仍然保持嫩滑，醬汁都調配得岩岩好，酸甜平衡，令成道菜更加開胃重點既洋蔥鴨終於出場，份量好多，真係有成隻鴨，店員仲幫忙切開添，鴨肉燉煮至嫩滑，吸收左洋蔥既甜味，入口即融加入左洋蔥唔止增添左層次感，仲有自然既甜味，同鴨肉完美融合，果然係招牌菜然後有啫啫唐生菜，唐生菜好爽口，而且幾惹味，個鍋仲係熱辣辣添，咬落去唐生菜仲有水份，未至於乾晒最後仲有荷葉飯，份量好多，8個人都食唔晒，因為啲飯塞滿晒喺荷葉裡面，充滿荷葉香，而且有好多配料，啲飯粒粒分明，食落去好豐富，食埋真係勁飽！！
繼續閱讀
人愈大就愈愛吃中菜，特別是一家人聚會聚餐時都肯定會選中菜，在圓檯上分享美食，聊一下生活瑣事就會過了一個晚上，今天經長輩推介來了名門私房菜和家人吃晚餐餐廳樓下是繁忙的灣仔街市，但嘈雜聲絲毫傳不上位於2樓的用餐區，長廳式佈局，用餐空間頗為寬敞，佈置雅致得來帶點貴氣，相信請客都相當合適，內裏氣氛舒適，大家都是輕聲交談以下菜式比較推介👍🏻🌟鑲鑽黃金蝦球在大蝦裹粉後加上鹹蛋黃漿去炸，最後再加上麥皮，外脆內軟的滋味令人上癮，蝦肉非常彈牙夠爽🌟順德煎釀鯪魚眾所周知的手工菜，大廚將魚肉和魚骨起出，而留下魚頭、魚尾和皮囊，將魚肉連細魚骨剁爛釀入魚身，回復魚的形狀，將鯪魚唯一的缺點多骨消去，品嚐到最味道鮮美、肉質嫩滑的優點🌟鮮菠蘿咕嚕肉家宴上有小朋友就必點，配飯一流，裹滿酸甜汁的肉粒外脆內嫩，肉味香濃，配料亦很豐富，有油炸鬼、馬蹄、紅椒和青椒等，配肉吃另有一番風味🌟蝦籽柚皮工序相當繁複的，居然在這裏也有，事先最好預訂才有一嚐風味，將柚皮削到剩白肉，再用火烤處理柚皮油脂，之後多次浸發搓洗，加上秘製蝦籽醬汁熬煮。入口腍滑，柚子澀味全無，只剩蝦籽的大海鹹香味在嘴內環繞
繼續閱讀
一班朋友聚會，人多最適合食中菜😋我哋揀咗呢間位於灣仔，主打順德私房菜嘅中菜料理，每一道菜好有地道風味。🐟順德豆腐魚蓉羹好足料，啖啖新鮮嘅魚肉，鮮甜美味🐔青芥冰燒雞大大碟冰燒雞，手撕雞肉配搭青瓜絲、香脆芋頭絲，最特別撈埋少許芥末，味道更提升🐟順德煎釀鯪魚順德傳統菜，將魚肉拆骨分離，再做成鯪魚蓉釀入魚皮內，重現原條形狀，好花心機製作🐷鬼馬咕嚕肉咕嚕肉排帶有焦糖香甜，炸得香脆，仲有油炸鬼，口感豐富🐟順德焗魚腸熱辣辣的缽仔焗魚腸，外脆內嫩蝦子生扣柚皮傳統手工菜，呢道菜好考功夫，入口完全無苦澀味，仲有蝦子嘅鹹香🦐懷舊蝦多士配大良炒鮮奶 懷舊小食金黃香脆蝦多士，蝦肉好厚身，入口爽彈，仲有柚子醬，酸酸甜甜好開胃大良炒鮮奶用鮮奶、蛋白而成，奶香濃郁🦀污糟蟹配椒脆米色香味俱全，新鮮大蟹肉質鮮嫩又鮮甜。椒香米炒得惹味，同時充滿蟹的鮮香🍳名門炒飯炒得夠哂鑊氣，粒粒分明，配料非常豐富
繼續閱讀
公司食開年飯，搵左間高質私房菜‼️為呢一年作個好嘅開端杏汁白肺湯冬天必飲潤燥靚湯，清熱養顏潤肺！洗豬肺好麻煩, 所以屋企好少煲。名門處理豬肺好細心洗得超乾淨，白滑得來又無怪味，明顯係用白獲煎過，因為有輕微燶邊，細心之作。杏汁湯的香氣濃郁，入口醇厚濃郁，完全能感受到廚師的用心。這碗湯不止好味，飲完之後，整個人都暖和舒服，實在係冬天必試的滋補佳品！冰鎮鮑魚配燒汁芥辣醬鮑魚好大隻，見到都開心, 入口鮮味彈牙，慢慢切, 慢慢品嘗佢既鮮味，之後試埋佢個燒汁芥辣醬, 係一個好有新意同埋特別既味道，燒汁有少少甜，芥辣有輕輕刺激味蕾作用， 令鮑魚鮮味升華左，突出整個鮑魚既鮮味。鑲鑽黃金蝦鑲鑽黃金蝦」真係好正！金黃的大蝦外面包住香脆的麥皮，光淨係睇就令人流口水。食入口，麥皮的酥脆加上咸蛋黃的香味，味道絕配！完全唔油膩。蝦肉厚實又彈牙，吃起來就像在品嚐龍蝦，超滿足！大家都不停扒麥皮蛋黃碎，根本停不下來！這道菜真係必試。生煎鯪魚餅外層金黃酥脆，魚餅厚身又彈牙，咬下去時鮮嫩多汁，魚味濃郁。每一口都有豐富的味道層次，生煎的方式更是增添了香氣。雖然有時會吃到輕微的魚骨，但這點完全可以接受，反而更添了真材實料的感覺！薑蔥焗桶蠔新鮮的桶蠔肉質鮮嫩，搭配薑絲和蔥段，香氣四溢。焗出的蠔皮微脆，蔥和蠔的味道完美融合，每一口都充滿蠔味，真係好好食的配菜！焗蠔的火候掌握得宜，表面略微焦香，內裡卻保持鮮嫩，整道菜唔覺得油膩，適合大家口味。古法瓦罉豉油雞雞肉經過瓦罉慢煮，香氣撲鼻，味道醇厚，雞肉保持鮮嫩多汁。雞皮表面光滑，色澤紅潤，豉油汁調得恰到好處，微甜帶有甘香，雞肉完全吸收了豉油的精華。雞肉軟滑入味，唔鞋口，入口即化。古法製作保留了傳統的風味，這道菜搭配白飯簡直是一絕。招牌名門炒飯招牌名門炒飯色香味俱全，炒飯中有蔥粒、叉燒粒和雞蛋，香氣四溢。每一粒米飯均勻包裹著食材，夠乾身，香口唔咸，恰到好處。就算已經非常飽，仍然忍不住食了半碗。甜品係蕃薯糖水蕃薯糖水的姜味非常明顯，微微的辣，飲一啖成個人都感覺到一股暖意。蕃薯煮得非常軟爛，輕輕一咬就能化開，口感滑順，甜味適中。
繼續閱讀
🧨新年前我哋8個朋友一齊食團年飯，除咗之前打邊爐，或者叫小菜茶餐廳，今次揀咗呢間私房菜，我哋一班人去食，心情特別好，聽聞佢雪菊石榴球，好好食，仲有鬼馬咕嚕肉都係我嘅至愛，所以揀咗灣仔呢間 #名門私房菜，開咗好多年今日終於book到枱，大家超開心！！。。。▫️▫️▫️▫️▫️▫️▫️▫️▫️▫️▫️▫️▫️▫️🐷鬼馬咕嚕肉咕嚕肉亦都好大嚿，炸到勁脆，再燴埋個酸汁真係好好食，仲有菠蘿同青椒沾滿汁先好食！🐔秘製啫啫雞煲秘製醬汁，令到啫啫雞更加入味，而且啫啫雞勁大鍋，仲有青椒同菠蘿配菜，配備白飯一流！🥬特色小炒王呢碟有蝦乾炸脆咗嘅白飯魚同韭菜花同埋雞肉，呢碟真係可以愛嚟送酒食，或者配白飯！🪿臘香蠔豉酥將啲臘味臘腸同啲蠔豉切粒炒香佢，再用生菜將炒香咗嘅臘味同蠔豉碎包住你食，個口好滿足！🥟雪菊石榴球用類似雲吞皮包住入邊係蔬菜同馬蹄切咗粒再加埋肉碎，燴咗個芡汁唔會令到個石榴球乾身 ，非常Juicy！🍞懷舊蝦多士 拼大 大良炒鮮奶蝦多士，勁趣一口可以試到蝦嘅味道。而大良炒鮮奶，亦都非常之滑嫩，鮮奶嘅香味撈埋下面金菇非常之好食！🍲一口鮑魚豆腐件豆腐好明顯係用慢火煎到乾身，再會咗個鮑魚汁加咗隻鮑魚上去，令到成個豆腐精緻咗，一口咬落去，豆腐更加香滑！🐔青芥冰燒雞非常特別，有少少芥辣味，再加埋海蜇薑粒同芋頭絲撈埋一齊食，非常之開胃清涼！大家可以撈起嚟食呀！🦐蝦乾魚肚浸大芥菜超香蝦乾味，魚肚大大塊，再配芥菜好啱而家呢個天氣，呢味餸一家大細適合！🍲順德豆腐魚蓉羮超濃嘅魚香味，原來佢將啲魚肉整到變蓉，再加埋豆腐青瓜香菇，飲嘅時候有非常之濃烈嘅魚味！好飲度滿分！值得推介👍🏼🥣餐後每人都有蛋白杏仁茶同紅豆沙作結尾，非常滿意 ，簡直係完美嘅一餐！
繼續閱讀