同撈同煲 (堅拿道西)

營業中

休息中

今日去咗銅鑼灣同撈同煲打邊爐，一去到已經見到門口有個大魚缸，右手邊有茶水檔，裝修得古色古香，好有以前80 年代大排檔孖煲兄弟嘅感覺！我哋叫咗花雕醉雞邊爐湯底，花雕湯底唔會太濃，酒味亦唔會太甜，打邊爐亦都唔會搶到其他海鮮或者肉類嘅味道。雞同湯底係分開上可以令到雞肉食落去更加嫩滑香甜！安格斯牛肉 唔鞋口，肉味香濃，油脂分布平均！黑牛柏葉爽口新鮮！份量足，黑牛柏葉唔係度度有，嚟到一定要試吓！牛胸爽爽脆唔太油膩，放入湯10秒左右食得。肥美鵝腸充滿油脂香味，爽口唔係而且冰鮮！鮮味十足蟹子蝦滑好足料！用新鮮蝦打成，淡淡都有大隻爽口鮮蝦。瀨尿牛丸有睇過食神嘅朋友都知係乜嘢，裏面嘅濃湯亦都好滋味。總括嚟講到十分抵食，份量亦都好足，金菇菜同埋油麥菜都有驚喜，好新鮮爽脆。地方寬敞帶有懷舊香港味道，絕對值得一試

約齊腳已經難，終於上個月約到2個fd岀黎聚…點知琴日突然話禁堂食好彩唔影響今日姐！變咗幸存者咁好鬼死蠢嘅我…要靠Google map導航，再望一望，原來係上樓梯2樓🤣我兜咗勁耐食物美人鍋。雞湯烏冬呢個好食！好彈牙❤️脘魚腩蝦多士原來佢都有小食同點心類，小朋友呱呱嘈，可以叫呢啲即食嘅塞住佢哋把口先😆封門柳呢個好食！好重牛味！米粉個米粉又係勁幼，勁好食！黑松露蝦滑好彈牙！超濃黑松露味！抵食！爽口墨魚滑貴妃蚌手打芝士蝦丸以為蠢咗🤣又蝦，但芝士蝦又係另一種風味！個芝士同蝦勁夾！服務勁好服務❤️一去到就幫我哋淥啲餐具，同埋拎醬料俾我哋另外我哋叫左個美人鍋，一半隻雞，哥哥仔都幫我哋剪開一件件🥳又會不時黎加湯同撇浮油🤣環境一入去登記就見到係D類食肆👍🏻仲都BB櫈，啱晒家庭聚會👍🏻啲BB櫈好懷舊🤣同我細個飲茶啲櫈一樣架

啲佈置+哥哥嘅歌，好懷念湯底叫左花雕美人鍋，即係醉雞鍋！未落野食之前飲左兩啖，好香濃嘅鮮雞湯底！同一般湯底好唔同。配料方面叫左唔多，人均$250，質素唔差，好過放題多多聲，係貴左少少牛肉就叫左個特級盛牛大拼盤，整體都幾有牛味，牛嘅油脂分布平均最特別係美容餃，有椰菜同桃膠係入面，感覺落足料。最值得一提嘅係有懷舊遮仔Jelly，再聽住許冠杰歌，童年回憶返哂黎呢條似年糕嘅糖不甩，原來要浸入湯底入面，咸咸地又幾過癮

天氣凍，一定要打邊爐！呢間打邊爐係樓上舖，sell懷舊，野食高質，不過有少少偏貴～1. 湯底：花雕醉美人鍋（醉雞鍋）呢個湯底高質，放完啲雞之黎，一定要趁熱飲一兩碗先！佢個湯底餚左好耐，雞味好鮮甜，冇味精！加左魚湯之後就味道淡左，可以正式打邊爐🤭2. 特級盛牛大拼盤上盤好岩打卡，🤪牛肉黎講最好食係牛柳粒同安格斯牛肉，雪花好平均，唔算好肥，牛味亦香濃3. 梅花黑豚肉呢個豚肉份量少，不過真係有鮮豬味，而唔係得蘇味🤭要試4. 養顏美容餃想試下新鮮野，叫左一個好似伏伏地嘅餃，整體黎講比較普通，冇咩特別5. 黑松露墨魚滑黑松露味濃，墨魚滑都壓得幾實🤪6. 脆鯇魚魚骨腩骨腩真係做到冇骨，脆卜卜，唔腥，好鮮甜！

25 號同家人去食，經 OpenRice 網上訂位，6:00 入座 7:30 前埋單有 85 折。心諗大時大節未必有折啦，但在九龍城食過一次水準不錯都想同家人試下。食物份量同質素都比坊間火鍋好，價錢就中等，裝修環境好有 feel！點左本地牛同封門柳，成日食肥牛都悶，呢兩款剛剛好！仲有海鮮拼盤，好新鮮，大大隻帶子、蟶子同海蝦，非常好味！另外要提下我地點左兩個蔬菜，勁大份，六個人食極都有仲要好甜！最後到我地食飽飽，叫埋單時多口問職員係咪有折，佢話唔清楚佢再問同事，結果一來一回已經過左時，但職員好好，手動比返折頭。整體來講感受非常好，食物好食新鮮款式多，環境企理，職員十分友善！

今日黎咗呢間同撈同煲，一去到門口已經見到佢個招牌同門面幾靚，主打港式情懷，入到去果然係大量懷舊既佈置。湯底今次就簡咗個老港沙嗲鍋，鐘易較重味既人可以試一試。濃郁嘅湯底配上淡淡的花生香，唔洗點醬油其實都已經好夠味。既然係食港式嘢，當然就配番個本地手切牛肉。幾有牛味同埋都唔會韌，食落會有番d口感。另一樣覺得幾出色既係佢個炸魚片，香口又鬆脆，點埋個沙灘湯底無得唔比100分佢，下次想試埋佢個響鈴，應該都一樣出色。主菜食完之後，佢仲準備咗兩道甜品，其中一個係糖不甩。見到佢將條錦鯉湯圓放落個沙嗲湯度煮，本來以為會好奇怪，但發現原來又唔會奇怪都幾好食。整體成餐d野食都唔錯，下次會再黎食！

天氣轉涼好適合打邊爐收工就同朋友黎左呢間，一入到去就感受到個懷舊復古既感覺呢到既位都好夠闊，好岩同朋友黎聚會我地叫左個沙嗲鍋，湯底好夠味，基本上唔洗再點醬汁都好好人女首先叫左本地手切牛肉，我地叫細份都已經有好多，牛既花紋都幾靚，肉好腍好有牛味另外叫左牛胸爽試下，呢個一落水就會縮做一細舊，幾爽口同埋吸汁，都唔錯鯇魚片好大塊好夠肉，食左幾塊已經有飽感抵食手工炸魚皮必點，平時係出面打邊爐唔會太叫魚皮，因為怕放耐左會腍，但呢個仲好脆，應該係鮮炸，再加面要有少少咸蛋味，正呢到有幾款海鮮做緊推廣，我地就點左海蝦，蝦好新鮮夠大隻，肉質好爽，好食最後仲叫左鴨血同埋一啲疏菜，兩個人夠晒飽。打完邊爐佢有送甜品，係糖不甩同埋啫喱，糖不甩係用火鍋湯底煮，以為會又鹹又甜好奇怪，但食落發現好幾特別幾好食。呢餐飯食得好飽

食過一次九龍城總店，俾佢個湯底深深吸引，估唔到銅鑼灣都有得食！呢度一貫嘅懷舊香港裝修，好有港式味道。今次叫咗胡椒豬肚少爺雞湯$238，如果鍾意飲胡椒豬肚湯既，呢個真係要一試，咁凍嘅天氣，酸酸辣辣哋既雞湯，飲左幾碗都仲想繼續。酸菜同埋豬肚嘅份量好多，而且煮得淋身，再加埋半隻雞落去，令到成個湯更加鮮甜，而且雞肉嫩滑，仲要係冇激素雞。必食推介，花雕滑牛 $108，成日食肥牛，今次決定試啲特別啲嘅，估唔到呢個花雕滑牛真係好重花雕酒味，碌完牛肉超滑，陣陣花雕酒香。脆鯇骨腩 $88，食火鍋一定會食，個個都大舊新鮮，魚腩位比較肥美爽口。皇帝菜 $42，平時喺屋企好少煮嚟食但係同打邊爐係異常地夾，因為皇帝菜可以吸收到湯底嘅精華。蝦多士 $68，呢度嘅蝦多士估唔到都幾出色，多士脆口得黎唔會太油膩，加埋佢個酸酸甜甜嘅醬汁，成個好開胃。最後店員仲送咗個甜品俾我哋，係好得意嘅金魚糯米糍。首先將個條金魚放落鍋度煮熟，再剪開細份，撈埋師傅自己整嘅花生碎，香口微甜糯香，超滿足！

呢間火鍋店走七、八十年代懷舊風格，裝潢都佈滿懷舊裝飾，例如：用左霓虹燈光管，同大排檔，好有香港本土特色。入到去，店員都好殷勤地招呼，又會係我地面前用熱水洗乾淨哂啲碗筷，感覺乾淨衛生。2個人安排4人枱，枱面闊落，吾會迫。之後店員好主動地將啲配料遞上，見到配料上都用左保鮮紙封住，都好衛生👍🏻然後我哋就揀自己喜好嘅配料一陣打邊爐用既。我地睇一睇個餐牌，種類都不少，湯底我地揀了老港沙嗲鍋（$138）佢個花生醬味比較濃郁，好鍾意❤️佢哋啲火鍋材料品質都好高，都係主打高檔路線，非常新鮮。就好似安格斯牛肉（大：$268）佢啲油脂分泌均勻適中，又厚切同好重牛味，超級推介！之後叫左碟梅花黑豚肉（$108），肉質嫩滑兼爽口，夠哂大塊，正！另外，我哋仲叫左手打牛丸（半份：$48）， 牛丸雖然得4粒，但味道好高質，好爽口彈牙👍🏻而個田園拼盤（$78）有蕃茄、粟米🌽、娃娃菜、油麥菜同生菜，洗得都好乾淨、好新鮮。食完後，店員送上飯後甜品（啫喱），上面個傘仔裝飾都好懷舊，感覺有心思。整體來講，「九龍城同撈同煲」都係單點配料，食物配料都有不同價位俾客人選擇。比較鍾意佢地做所有野都好有心思，對客人又有禮貌又caring

曾經買過細細包百幾二百蚊嘅桂花蚌都唔好食，所以對呢碟鴛鴦蚌好滿意。 鴛鴦蚌好新鮮彈牙，雖然本身偏好桂花蚌，但同朋友一致認同珊瑚蚌比較出色，蚌鮮味好突出。 兩個人每款都分到幾舊，真係好抵食。真心想讚碟肥牛好好食，係特登想買靚牛返屋企打邊爐都未必遇到嘅水準，近乎入口即融，講起都想為咗佢再去。五香肉丁墨魚丸好特別，當然你係幻想到五香肉丁嘅味道，但兩樣野又真係夾得埋，墨魚同肉鮮味相輔相成，值得一試。響鈴雖然係即炸熱辣辣，但係一滴油都冇，湯汁完美咁鎖咗喺響鈴脆片之間，響鈴本身油炸嘅香味都為成件事加左分。蘿蔔同娃娃菜都好似唔駛錢咁大堆頭，新鮮清甜。 尤其是湯底唔會好鹹夠清淡，食到一半落菜都唔會有種吸晒油嘅油膩感，啱晒我呢啲少女。

平時食得川式台式火鍋比較多，已經好耐冇食港式火鍋。今日同朋友嚟咗依間食港式火鍋。餐廳比人咁感覺幾懷舊，除左裝修有大牌檔風味，仲會播下懷舊金曲，同時亦都好富人情味，店員都好熱心，例如會時不時幫我哋隔火鍋湯底面頭嘅油。今日想食清清地所以我地叫左個冬甫美人鍋依個鍋入面有半隻雞，可以當係一個餸，店員仲會幫我地煎好，雞肉都幾嫩滑。鍋入面有冬瓜片，吸收咗雞湯嘅精華好入味。另外仲有紅棗、桃膠、松草花、竹笙等食材，成個鍋感覺好養生。淥食物前可以飲埋個清雞湯。鼓油可以自行調味，有一大tray放係枱面可以自己落唔洗出去整我地另外加咗幾樣配料:安格斯牛 - 雪花紋分佈平均，食落有牛味，而且肉質唔硬，幾好食鱔片 - 可以話係今晚最鍾意食嘅配菜，魚皮同肉質都好彈牙鵝肝墨魚丸 - 墨魚丸入面有少少鵝肝蓉餡，比平時嘅墨魚丸特別唐生菜 - 都幾fresh, 打邊爐一流最後我地仲叫咗個蝦多士小食，感覺有少少肥膩邪惡，不過又好脆口惹味令人忍唔住要食。整過嚟講都係一次唔錯嘅打邊爐體驗。

天氣轉涼自然會想打邊爐😋今次同朋友去左呢間新開嘅九龍城同撈同煲，雖然個名有九龍城，但其實銅鑼灣都有分店🤣位置方便。一入到餐廳已經感受到七十年代嘅懷舊風情——餐廳嘅周圍掛滿左紅紅綠線嘅霓虹燈，仲插住徐小鳳嘅舊歌，唔講仲以為番左去以前嘅香港🤣餐廳嘅湯底款式都幾多，今次我地就想清清地，揀左個✨東甫美人鍋（$198）✨，入面有半隻雞、冬瓜、竹笙、桃膠等，非常足料😋未食其他火鍋配料已經飽左一半。✨安格斯牛肉（$188/半份）✨珊瑚蚌（$108）✨鱔片（$98）✨肥美鮮鵝腸（$88）我地叫左幾款平時食開嘅火鍋配料，價錢唔算特別貴，而且整體黎講都好新鮮😋份量方面都絕對足夠。食完後仲有啫喱同糖不甩做飯後甜品，真係食到捧住個肚走❤️最後特別想讚一讚佢地嘅服務，每一個員工都好attentive, 仲會主動幫我地加湯同撇油，有時我地想影相都主動幫我地執靚啲野食擺位，佢地嘅服務令成個用餐過程都好愉快😍

出名嘅九龍城同撈同煲火鍋喺銅鑼灣開左分店，今日就相約朋友去試新店，地位方便就在堅拿道西天橋旁冠景樓2樓，裝潢港式懷舊Feel，海鮮檔、牛肉佬、茶水部。店員會即場燙洗餐具，好細心好衞生。醬料每位$15。我們選了芫茜皮蛋魚頭鍋$148，魚頭好大個，鮮味十足，落火鍋料前，可先喝湯，十分清甜。火鍋料選擇十分多，有牛肉類、海鮮、肉類、菜類、小食、手工餃、手工滑、粉麵等。安格斯牛肉 細 $188紋路漂亮，色澤紅潤，肉味香濃。脆鯇魚片 $78魚片晶瑩剔透，新鮮爽脆。鴨血 $58銀針粉 $38少有火鍋店有銀針粉，好喜歡佢嘅質感，煙韌有口感，另配有一個小筲箕專比佢用，好細心。青島(大) $30用上戰鬥碗，夠豪邁。最後甜品有懷舊啫喱，重點係有懷舊遮仔，兒時酒樓才會見到。有驚喜嘅鯉魚年糕(糖不甩)店員即製，好有Heart，好滿足。

打邊爐最重視湯底、靚牛，當然環境、氣氛、價錢都重要，同撈同煲火鍋店，之前去過九龍城同撈同煲，印象唔錯，今次去到銅鑼灣店再食過！最近天氣真係適合打邊爐，現場氣氛好好。冬甫美人鍋（$198）以為只係雞湯加冬瓜？我真係太天真了，原來仲有好多湯料呢！特級手切牛肉（$308）牛肉花紋靚到呢，優質牛果然令整個火鍋感覺升級！韭菜餃（$78）結實飽滿！墨魚丸（$58）非常彈牙！梅菜豬肉丸（$48）有創意亦有鹹香！醬爆瀨尿牛丸（$48）咬落去爆汁果下，就好似重現電影食神經典一幕咁！飯後免費jelly杯

好多時sell懷舊老香港嘅餐廳我都會提高警惕，顧得主題就顧唔到味道似乎係定律，但今晚打破晒我既定印象，用料靚、定價又親民，啱晒我呢啲麻煩友。冬甫美人鍋 ($198)塞滿左雜菜冬瓜同半隻雞，仲有桃膠同竹笙，啱晒女仔口味得黎好足料，基本上唔使點叫菜都夠食。 湯底好濃郁似老火湯，好多時經歷咗各式肉類嘅洗禮之後湯底都油到爆，欣賞店員好主動幫手撇油，我唔怕死撇油之後試吓飲個湯，結果停唔到口，去到尾段都仲係老火湯嘅味道唔會咸，就知道有幾正。特級手切牛肉 ($368)不諱言我每次打邊爐最着重都係碟牛肉，每次都會做足功課睇定邊款最好食，好開心今晚可以一擊即中。 淨係睇僅僅熟喺燈光下嘅油花已經知道唔會差，入口嫩滑有牛味，最正嘅係咀嚼間感受到油脂好豐富，食咗幾舊男朋友已經話想叫多碟。梅花黑豚肉 ($108)可以話係邊爐界數一數二咁好食。 豬肉好多時怕唔熟都會煮比較耐，所以乾啲都係常見。 估唔到呢度嘅梅花黑豚肉煮到全熟再耐少少都依然好軟身，好鍾意大大塊厚度適中，係塞滿成個口嘅幸福感，重點當然係食到豬鮮味，用來做日式高級火鍋材料都唔失禮。即炸響鈴 ($58)可以話係我食過最出色嘅即炸響鈴，透薄酥脆唔油膩。 輕