同撈同煲 (堅拿道西)

營業中

休息中

曾經買過細細包百幾二百蚊嘅桂花蚌都唔好食，所以對呢碟鴛鴦蚌好滿意。 鴛鴦蚌好新鮮彈牙，雖然本身偏好桂花蚌，但同朋友一致認同珊瑚蚌比較出色，蚌鮮味好突出。 兩個人每款都分到幾舊，真係好抵食。真心想讚碟肥牛好好食，係特登想買靚牛返屋企打邊爐都未必遇到嘅水準，近乎入口即融，講起都想為咗佢再去。五香肉丁墨魚丸好特別，當然你係幻想到五香肉丁嘅味道，但兩樣野又真係夾得埋，墨魚同肉鮮味相輔相成，值得一試。響鈴雖然係即炸熱辣辣，但係一滴油都冇，湯汁完美咁鎖咗喺響鈴脆片之間，響鈴本身油炸嘅香味都為成件事加左分。蘿蔔同娃娃菜都好似唔駛錢咁大堆頭，新鮮清甜。 尤其是湯底唔會好鹹夠清淡，食到一半落菜都唔會有種吸晒油嘅油膩感，啱晒我呢啲少女。