同撈同煲

營業中

休息中

係facebook見到有youtuber介紹呢間九龍城懷舊主題邊爐，咁就約左成班朋友去試下喇我地嗌左兩款湯底，一款係招牌花蛤蟹鍋(泰式冬蔭公湯底)，另一款係麻辣。🌶招牌湯底不得了！睇番相都覺得非常足料 d蟹仲爆哂膏。店員提我地可以先飲左湯先，然後再開始打邊爐，淨係食個湯同d材料都夠晒飽肚🤤湯底有啲似冬蔭公，但又比冬陰公易入口，忍唔住飲左好多碗。另外我地仲叫左- 日本飛禪牛（5星必食推介👍🏻）- 活魚刺身（5星必食推介👍🏻即叫即湯，超新鮮，上菜條魚尾仲識郁架🤣）- 響鈴（有兩種食法，我都好鐘意，仲有配埋個特別醬汁）- 梅菜豬肉丸（好特別，丸類可選擇叫半份/一份）- 羊肉片（好新鮮，本人十分推介🤤）- 養顏美人餃（味道幾特別）- 8吋長蟹柳（本人超鍾意食日本蟹柳，係出面仲未食過咁長既，淥耐左又唔會散哂，正😋）- 老友鬼鬼（係黑松露蝦滑老油條黎，好特別，幾有特色）- 肥美鵝腸食夠$500 like埋佢地facebook🤗，原來仲會送安格斯牛肉，店員話新開張所以好多promotion。原來佢地只係開咗一個月左右，仲預告定叫我地留肚有糖不甩同啫喱送👍🏻講番份安格斯牛肉，雖然送，但肥瘦適中，因為

火鍋湯底好有心製作 , 食料新鮮好味, 刺身 / 椒鹽必試推介. 帶家人去試食, 大家都讚不停, 吃不停, 影不停(電話食先) ^^地方好乾淨, 裝潢懷舊主題, 服務態度好好, 好少見火鍋店有呢D質素. 希望繼續保持水準, 支持.

女朋友話好想打邊爐，於是喺OpenRice搵吓搵吓就搵到呢間裝修懷舊嘅同撈同煲，再望下食平又唔錯咁，於是就拍板去試吓佢。同撈同煲就喺九龍城角落頭果間黃珍珍轉入去嘅街尾對面，因為位置比較偏僻所以可能未係咁多人發掘到佢。坐底要揀個湯底就已經有啲困難，因為佢頭嗰三款都幾吸引，不過今日突然間好想食醉雞所以就揀咗個醉雞鍋。水滾後鍋底發出陣陣嘅花雕香味，咁就梗係即刻落個半隻醉雞落去啦，話咁快啲雞就熟咗，個夥計亦都好有心機咁提示我哋可以試吓個湯底。唔試還好，一試真係好飲到停唔到口。我從來都冇試過打邊爐會將個湯底當湯咁飲，飲落去一啲都唔覺喊，就好似飲緊熱sake咁美國筒蠔亦都好出色，唔單止有大半隻手掌咁大，淥熟咗之後唔會點樣縮水，鮮甜得黎仲好juice，真係必食推介。夥計仲推介左貴妃旁俾我哋，兩隻都係$58，見佢咁大隻冇理由唔食呀。夥計又好溫馨咁提醒我哋，肉一離殼就可以食。真係未試過咁鮮甜彈牙嘅貴妃蚌，真係好想食多幾隻啊。我哋重點左個鴛鴦手打滑，黑松露墨魚滑同蟹子蝦滑。蝦滑味濃郁，墨魚滑彈牙又重松露香。兩人一碟好快手就KO左成碟。養顏美人餃子用料特別，有豬肉、蟲草花之餘仲有桃膠，但你就估唔到幾樣野加埋

自從轉左工之後，真係少咗去九龍城覓食。趁住今晚難得嘅早收工再加上慶祝第n個拍拖記念月，就同男友去小泰國搵食。漫無目的嘅閒逛之下，我就俾同撈同煲呢間懷舊霓虹燈招牌嘅店舖吸引咗😂😂一望menu，無論湯底同食物種類都有好多選擇。店員都好好，見我哋無乜頭緒，好主動咁介紹有咩必食推介。最後我地叫左個比較養生嘅醉雞鍋。平時我都好少會飲湯，但見佢好足料而且晤油膩，所以喺開始打邊爐之前都飲咗幾啖。不得不讚下隻雞，肉質嫩滑，有雞味，我地竟然清曬成隻雞美國桶蠔都係必點嘅！淥完之後都仲係好大隻，佢好厚肉，內裡唔腥之餘，仲好夠鮮味一碟5大隻，好抵食🤩店員推薦我地食貴妃蚌，特價$58兩隻。好快已經甩殼食得，一啲都晤靭，好鮮甜而且咬落去嘅肉質好爽，啖啖肉可能因為張枱近魚缸，見佢d海鮮都好新鮮，所以我地繼續都係叫左d海鮮有關嘅食材🙊鴛鴦滑分別有黑松露墨魚滑同埋蟹子蝦滑，可以雙拼就啱晒我呢啲選擇困難症乜都想試嘅人。兩款滑都各有千秋，我就比較鍾意食墨魚滑，食到墨魚嘅鮮味同時亦都有淡淡嘅黑松露香味另外佢都有好多自家製手工餃，menu上有款美人餃係推薦菜式，一問之下，原來裡面嘅餡料都好特別，其中一樣係養顏嘅桃膠心目中呢一樣

有朋友同我講九龍城開左間懷舊裝修火鍋店環境好靚，咁我就入去試下睇下味（再加影相）！揀湯底時為左減低打邊爐罪惡感，揀左個美人鍋。美人鍋料好足！有雞有蟲草花冬瓜菜仲有d我講唔出既藥材，見到都覺得好養身。侍應服務一流，同我地講清楚當滾後先飲幾碗湯，再食雞同冬瓜。佢仲幫我地剪開冬瓜同雞方便我地食，非常貼心。講返湯味道... 超級好味，冬瓜已煮到入哂味入口即融，而我唔多愛食雞就留返個胃打邊爐無食到lol叫左牛肉、豬頸肉、娃娃菜、菌拼盤、魚片、美人餃同響玲，仲有最重要既蘿蔔、蘿蔔、蘿蔔（重要的事情講三次）。因為湯底極為好味，所以基本上所有蔬菜類食物都超級好味！尤其是蘿蔔，當煮到入味後，香甜蘿蔔味中帶雞湯味，食到最後飽到上喉嚨時仍忍唔住繼續食！而驚喜的係美人餃，入面又係有養顏藥材，但食落口係完全食唔出藥材味，反而食到鮮味，諗起已流哂口水 雖然價錢唔平，但真係好好好好值得！下次再黎一定會再點！飯後仲送甜品，外表幾特別，唔錯。食完後我地兩個已經飽到上頭頂，但仍努力消滅剩低既冬瓜蘿蔔lol總結而言，價錢唔算好平，但環境一流外，服務亦非常好。而最重要係美人鍋真係好味之餘亦養生，好值得一試！亦都適合愛美之人，

自從中學畢業，都唔知幾多年冇返過九龍城，落小巴果一刻，見到不遠處既九龍城廣場已經好懷念😢基本上行到呢間野既門口，一定會知道到左，因為佢好大個門牌寫住「同撈同煲」，綠色既燈光好搶眼。😵－藍妹好鐘意裡面既格局，無論係擺設定裝潢，都好有舊式茶記既感覺。（由於上傳相片有限，冇post到佢既碗碟，而且佢既牙籤筒係郵筒形，上面刻住同撈同煲）。可能因為新開，當日完全唔多人，環境好舒服，亦唔會好嘈，兩小無猜打邊爐，可以慢慢嘆。😚－男朋友唔鐘意食藥材，而且之前幾次我地都試左其他店既雞煲，難得果到有沙嗲湯底，就決定係佢啦。佢個煲好大，相信多過４個人黎食，都絕對冇問題，唔會冇位淥野。沙嗲味濃，基本上全晚藍妹冇點過鼓油，淨係食佢既沙嗲味已經好夠。👍－果日有唔同既優惠同promotion：1⃣自家制飲品買一送一2⃣全單過500蚊，like佢既facebook，送安格斯牛肉一份－藍妹叫左山楂紫背天葵，男朋友叫左綠寶橙汁。藍妹之前冇見過綠寶橙汁，好新奇啊！🤪山楂紫背天葵，原本以為會係酸既，點知偏甜，山楂味差少少，有啲失望添。😔－山根份量好足，淥左兩粒先記得影相，所以都有9粒嫁！－即炸響鈴藍妹本身唔明點解響鈴會係「小食」

今日同女朋友行開九龍城揾食 咁岩想打邊爐 見到呢間未食過 所以就入左黎試一試一入到去 有種好懷念既感覺 因為呢到好有懷舊氣色 所有野都好古老 可能我比較老啦🤣🤣🤣 入正題：今次我地叫左個唦嗲鍋 呢個唦嗲鍋同我平時係出面食有少少唔同 佢特別濃 仲有少少辣 好野味 濃到可以唔駛點豉油 另外我地仲叫左個。響鈴（佢係可以就咁食 亦可以浸一浸先食 兩種食法我都好鐘意）。鵝肝墨魚丸（鵝肝份量足夠 鐘意食鵝肝既不坊叫黎試下）。梅菜豬肉丸（我非常鐘意，如果唔係飽 我一定叫一份）。羊肉片（好耐未食過係有好勁羊So味 本人推介🤤）。牛肝菌黑豚肉餃（味道幾特別）。生根（本人至愛😍😍😍）。娃娃菜。黑松露蝦滑。烏冬。食夠$500仲會送碟牛比你添順帶一提 店員服務好Nice 如果有選擇困難症既你 就岩晒喇 店員會好有耐心咁為你推介當日既新鮮既海鮮，比較多人揀既食品 會問你鐘意邊類既食品 再配合你既要求去推介比你 就算我地好多問題 佢地都係笑容滿面 一D唔耐煩既樣都冇 BTW：店員有禮貌，環境有一種懷舊Feel，食物又唔錯 整體加起黎 呢間係會另我翻兜既

最近想同朋友打邊爐，就上網睇吓邊間鋪頭值得一試，發現呢間新開嘅火鍋店裝修一流，好有舊香港嘅感覺，俾個環境吸引，去到果然冇令我失望，裝修好有心機，所有擺設、壁畫、用具、座位設計等等都好懷舊，影相打卡一流連牙簽筒同其他裝飾都好有心思湯底嘅選擇唔算太多，但如果大家想試滋補嘅湯底可以揀美人鍋、醉雞鍋等等，而餐廳仲有活魚刺身可以揀每枱都有一盤調味料，有辣椒、乾蒜、莞茜、蔥、醋、醬油，可以自己調配我地揀咗沙嗲鍋，貪佢夠惹味，湯底都算濃郁，喜歡濃味嘅朋友可以試吓先講牛肝菌黑豚肉餃🥟，水餃夠大粒，裏面嘅肉餡都好豐富最吸引嘅就當然係極級封門牛，薄薄嘅牛肉食落好軟滑，完全冇筋，牛肉脂肪比例夠平均，而且牛味足夠，打邊爐一流而脆鯇魚片份量好足夠，魚身好爽滑，配上湯底嘅沙嗲味好夾，唔鍾意食魚骨嘅朋友好值得一試另外點左份老友鬼鬼，其實係黑松露蝦滑老油條，預先已經炸好咗，只要放落湯底滾一滾已經可以食得，不過我哋覺得份量比較少，只有六塊細細舊，而黑松露味道亦可能被湯底蓋過餐廳最後好好送咗甜品俾我哋，除咗有糖不甩之外，仲有啫喱仔，呢把傘仔令我諗起細細個嘅童年回憶，好多年都冇係香港見過餐廳坐得好闊落，環境好乾淨，只係略嫌

話說果日老友生日，行去打鼓嶺道見到有一間招牌閃閃發光既舖頭，就入左去。☺️入去叫左個花甲蟹鍋🥘，個湯底飲落去一d都唔似出面果d咁重味精，冬陰功既味將海鮮既鮮味更上一層樓，見住員工係出面個魚缸拎左隻蟹入嚟比我地睇，上到枱隻蟹仲識郁。😋我地叫左十幾款野食，同埋侍應特別推介黃金炸魚皮，d魚皮脆口得嚟又唔油膩，打邊爐點可以冇牛肉呢？飛驒牛🐂係一個唔錯既選擇，聽侍應講呢隻牛肉仲可以生食添，食落口好似魚生咁，不過我個人認為都係碌2、3秒先食，咁仲好食。👍🏻👍🏻最正都係出面都幾難食到既🦀避風塘炒膏蟹🦀，香口又唔係好辣。最後仲有糖不甩同啫喱送，不過我個人對糖不甩唔係咁鐘意食。呢間野唔可以算係好平，但係質素幾好，好值得再去食，平均每人都係300蚊左右埋單，宜家食滿$500仲有安格斯牛肉送。

九龍城好近屋企附近，自己勁鍾意打邊爐，今日加上見到呢到咁有特色，就去呢間新開充滿香港情懷嘅火鍋店都幫襯。環境好靚裝修好有特色，好似置身一個舊香港一樣，又有一啲彷似街市賣魚檔的位置，連牙簽同都係用郵筒整成，又有一個係舊式綠色信箱📪就係用嚟放餐牌嘅，而餐具🍴就係用咗一啲類似青花瓷器同埋一啲有雄雞嘅餐具。全部都好有香港嘅特色，好感受到香港舊式嗰種人情味。湯底要左沙嗲煱，因為貪佢惹味，又唔會太辣。啱幾個人唔同口味嘅人一齊食。叫咗最鍾意食嘅紅薯粉，不過呢到係比較幼身的。我鍾意啲粗身嘅因為好煙韌。而幼嘅一淥就食得超快。之後就叫左呢個老友鬼鬼，係黑松露蝦滑釀油炸鬼。　黑松露味都幾香同埋仲有自家製嘅酸甜醬汁比客人點，配埋一齊食其實都幾帶出到蝦同埋油炸鬼嘅味道，香香脆脆最適合點酸甜醬。 而鵝腸亦都好爽脆，打邊爐食就最啱。呢個牛爽肉質地特別，係平時好少食到嘅牛肉嘅口感，呢個餐廳又有個秘製沙嗲醬一齊食，好特別。另外最鍾意食芝士嘅我一定唔可以錯過呢個芝士🦐丸。我哋叫咗半份。芝士味好香一咬落去仲有芝士拉絲，蝦肉亦都傳出陣陣鮮蝦味，好新鮮。蜂巢豆腐係吸湯底最好嘅蔬菜配料。蜂巢豆腐非常之淋身，高密度吸到好多沙嗲湯底

喺facebook見到同撈同煲嘅廣告，再上網search下，發覺原來係新餐廳，隔左日都即刻約左朋友收工過黎食😆自己本身好少黎九龍城，但一去到打鼓嶺道，離遠就已經見到霓虹燈嘅招牌，非常懷舊嘅裝修！餐廳入面有好多牌扁，非常有趣，都即刻攞起手機影底去！D杯杯碟碟都好有懷舊嘅感覺，睇得出係好用心裝飾同佈置。佢地有好幾款湯底可以選擇，朋友話決定要試招牌野，所以就叫左招牌花蛤蟹鍋。呢個湯底不得了！睇番相都覺得非常足料，何況當時一上枱嗰種震撼。店員提我地可以先飲左湯先，然後再開始打邊爐，淨係食個湯同d材料都夠晒飽肚🤤湯底有啲似冬陰公，但又比冬陰公易入口，忍唔住飲左好多碗。

打邊爐好多時都會去到九龍城搵食，因為呢一帶好多鋪頭打邊爐都好出色，早排見到呢度開咗間新嘅鋪頭，個裝修好特別，所以就約埋朋友嚟呢度試吓！個名好有懷舊色彩，同撈同煲好有香港味道！成個裝修都好有心思，模仿返舊陣時嘅香港！淨係影相打卡都影到手軟！再講番啲食物，今次我就叫咗花雕醉美人鍋！$110連埋半隻醉雞，其實都好抵，而且個湯底好好味，可以就咁飲好多碗，加上佢加湯係真係加返湯，唔會淡左。特級盛牛大拼盤，有手切牛，牛頸脊，牛爽肉，可以試晒幾款唔同部位嘅牛肉，每款都好有牛味，咬口又有啲唔同！其他食材水準都唔錯！響鈴仲有一個甜酸汁俾你點，呢樣係我第一次見！仲有糖不甩同埋啫喱仔餸！糖不甩係金魚樣好得意，仲要放佢落個煲到拾，係好新奇嘅食法！啫哩上面嗰把遮係我細個成日玩嘅！好懷念！

呢晚落大雨，但我同朋友去左九龍城搵野食，但上openrice見到九龍城竟然開左個新火鍋餐廳，天氣有小小凍，咁我地就二話不說直接搵呢間新餐廳。餐廳環境:呢間餐廳係以舊香港為主題，有種以前冰室既感覺，裝修幾old school，地板、餐具，所有野都有跟返個主題，不過可能係新餐廳，加上呢晚又落雨，所以人流都唔算好多。餐廳餐牌:我自己覺得呢間餐廳既餐牌食物唔算多選擇，但絕對係貴精不貴多，又唔係話好小選擇，咁我地就要先選湯底，跟住再點野食，另外新張期內，其實呢到都幾多promotion。第一) 食夠$500已經送一份牛，留意返係高質既牛，第二) 飲品買一送一，仲要係感覺上幾清熱既飲品，第三) 飯後只要like返FB仲有甜品送。冬甫美人鍋 (雞湯) $188呢個湯底我同朋友都覺得好吸引，一滚之後我地試左一小小個湯，個湯係真係有雞甜味，好新鮮好清，之後可能因為今晚人流唔算多，店員有幫我地剪埋雞，服務態度值得一讚！雞肉肉質都唔錯，感覺上如果人數唔多，淨係食隻雞都有小小飽，可以唔洗叫太多其他野食。長條蟹柳 + 火爆牛丸蟹柳長條真係好好味，一定係靚料既蟹柳先會煮好耐但都唔會散，依然係一大條長條，咬落去係蟹

今日同朋友行開九龍城就去咗食呢間打邊爐啦呢度係行香港六七十年代嘅路線 成間鋪頭都好有熟悉嘅感覺 餐牌都比較簡單一睇就明 一坐低 店員就送咗啲配料你畀我哋自己揀 仲有介紹今日食夠五百就會有一份牛肉送 好抵食我哋叫咗雞鍋湯底 一嚟到店員好細心咁同我哋講 叫我哋先試咗個湯頭先 之後等隻雞熱咗再夾起上嚟幫我哋剪開 全程唔使我哋負責非常細心同方便 湯頭非常之清甜 而且油脂感唔重 全部雞肉都好腍 就算雞胸肉都好放到入口都唔覺得柴我哋叫咗唔同嘅配料幾份都係呢度嘅招牌 首先特大蟹棒喺其他地方有食過 但估唔到可以喺呢度做火鍋嘅配料 一嚟到已經非常之吸引因為一條就咁大條可以滿足曬我哋嘅胃口 一份仲有四條我覺得都算幾抵食 另外 就有呢個即炸響鈴 原本以為只係餸菜嘅名 點知呢到真係即炸 上到枱仲有啲熱熱哋嘅煙冒出 呢個響鈴次係兩食 店員有畀甜酸汁我哋自己蘸 又可以擺落個鍋度淥好再食食食下店員就拎埋今日送嘅安格斯牛肉畀我哋 牛肉呢個擺盤非常之精緻 另外一碟就係麻辣牛丸 原本以為同普通嘅黑椒牛丸冇乜差別 但估唔到真係非常之辣 相信鍾意食辣既朋友一定好鍾意 佢辣嘅感覺係你喺口腔度越咬越出 越嚟越辣 但佢一入口嗰陣唔

暑假去九龍城寨城公園踩完單車後，行過附近打鼓嶺道見有間鋪面好懷舊嘅同撈同煲火鍋店，開張咗幾個星期，就入去試試。牆壁、地面上和枱面所有擺設，全部都係懷舊主題，好像身處於5、6拾年代。花雕醉美人鍋內有好多保健食材熬成湯底，雞件新鮮，係用酒醃咗一段時間好入味，入口鮮嫩。脆鯇魚片滾兩滾已可食,鮮味十足。特級水餃王包住好多餡料係入面，重有成只大蝦添。梅菜豬肉丸味道恰到好處。餃同丸都係手工製作，所以好彈牙夠爽口。冰鎮話梅蕃石榴係我最欣賞嘅小食，入囗感覺淋得嚟又夠爽脆，酸酸甜甜，令舍醒胃。