同撈同煲

營業中

休息中

喺facebook見到同撈同煲嘅廣告，再上網search下，發覺原來係新餐廳，隔左日都即刻約左朋友收工過黎食😆自己本身好少黎九龍城，但一去到打鼓嶺道，離遠就已經見到霓虹燈嘅招牌，非常懷舊嘅裝修！餐廳入面有好多牌扁，非常有趣，都即刻攞起手機影底去！D杯杯碟碟都好有懷舊嘅感覺，睇得出係好用心裝飾同佈置。佢地有好幾款湯底可以選擇，朋友話決定要試招牌野，所以就叫左招牌花蛤蟹鍋。呢個湯底不得了！睇番相都覺得非常足料，何況當時一上枱嗰種震撼。店員提我地可以先飲左湯先，然後再開始打邊爐，淨係食個湯同d材料都夠晒飽肚🤤湯底有啲似冬陰公，但又比冬陰公易入口，忍唔住飲左好多碗。