同撈同煲

營業中

休息中

係九龍城經過都會比佢既裝潢吸引左忍唔住望多2眼咁，今次終於的起心肝入去食返次啦。一入去去個感覺好似返感去7 80年代既香港咁，好有茶餐廳同當鋪既feel咁。 我地嗌左個冬甫美人鍋，初頭唔知咩黎一問之下原來係原塊冬瓜煲半隻雞既一款養生湯底，180蚊其實物超所值呢個價錢可以當佢係其中一樣餸添，牛肉脆鯇片餃子呢啲實係必點既，而我見到格格肉好奇心之下點左一份，原來佢係將自家制嘅豬頸肉切成一舊然後用竹籤將佢哋吉埋一齊，味道似由花椒八角煮完唔會太重口味配埋冬瓜湯一絕，而且用竹籤都好方便搵佢上黎食！佢既安格斯牛肉係like左facebook就會送，牛肉味好濃愈咬愈有牛肉味，但真係建議大家唔洗將牛肉煮太耐，會煮走左牛肉既組織變得硬口。而佢既即炸響鈴都唔似街邊買到食到個種既口感，佢偏薄身同埋岩岩炸起熱辣辣可以配埋佢附上既甜酸醬食添😍而好少打邊爐既餐廳有埋甜品送，而呢到就有糖不甩同啫喱糖食，佢糖不甩特別既地方就係會將條魚放落你打完邊爐既湯底到煮熱佢再拎出黎係你面前剪開佢，初頭我會覺得怪怪地咁個湯又鹹糖不甩又甜，但原來碌完出黎無咁既問題，打卡會好得意添☝🏻

經朋友介紹得知，九龍城開了一間裝修有特色的火鍋店。店附近可以泊車，也算方便，不算難找。店鋪主題是舊時香港，牆壁地板也用了70年代的磚塊，也掛了不同舊時香港的圖畫，非常用心。我選擇了冬甫美人鍋。材料十分豐富，有雞、冬瓜，紅棗、蟲草花、娃娃菜、竹苼。。。等，很足料。雞好入味，好嫩滑店員細心吩咐首先喝碗湯，品嚐湯的鮮甜滋潤，然後再下雞湯就可以火鍋。極力推介是響鈴，是即叫即做，新鮮上爐熱辣辣，沾上酸梅醬，酸酸甜甜加上一層層鬆化，超好味，最重要沒有油溢味。珍菌百寶福袋，饀有木耳絲、蘿蔔絲等等，適合吃素人士。最後有甜品😍錦鯉蕾莎湯丸，店員將湯丸放左火鍋裡，好兆頭，富富貴貴。然後加花生、糖撈混，味道不錯。有特色。

朋友話e間舖。食裝修都低今日即刻同2個好姊妹去試吓啦。不得了。。環境好正丫 影咗好多相 。啲嘢食又好特別。食材好新鮮。今日試咗個招牌花甲蟹鍋。湯底有冬陰功嘅味道 。 啲蝦好大隻呀 。 湯底好鮮甜 。我最欣賞個午餐肉菜脯餃。咁大個女第一次食。好好味丫 仲有鵝肝墨魚丸。 火爆牛丸 等等等等。。 個響鈴係即炸㗎。。 點埋啲醬汁食一流。 佢最好嘅就係可以叫半份。人小小又可以食到多種款式又唔浪費👏重有肥牛同糖不甩送。。我e家好飽🙊

同朋友行開九龍城見到有間火鍋店之前未見過，咁啱講起想打邊爐，一於就走入去試一試。入到去見到成間鋪都幾有心思，擺咗好多阿爺年代老香港嘅裝飾，地板鋪咗舊式綠色瓷磚，仲有好大個仿當鋪鋪名霓虹光管，又貼咗d以前嘅廣告海報，未食已經好多嘢睇。連對筷子都用木筷，有埋鋪頭名！肚餓喇就緊係啦啦聲打開menu睇睇有咩食。打邊爐最緊要緊係唔係個爐啦，牛肉是常識吧？同行友人唔食牛肉，我一於少理，嗌個牛頸脊擦下先。跟住嗌埋脆肉鯇片同一d例牌丸類，食住先!碟牛到咗，色水唔錯推介！塊牛牛味夠，同厚度幾適中，有咬口，好好食，坦白講同同區一間幾出名金字頭火鍋鋪嘅牛肉可以比美脆肉鯇片，係爽加彈嘅，而且d肉唔似出面一d火鍋店係嚡嘅，淥完仲可以好似d魚片粥魚片一樣軟滑佢地d用具都幾細心，呢個撈麵用食吓傾吓，差唔多完，原來佢地有甜品送㗎，糖不甩加個啫喱呢把紙遮仔不得了，勾返起哂d童年飲茶回憶。佢真係連舊糖不甩都跟返鋪頭形象😂係條錦鋰嚟，勁有心總括講，同撈同煲如果一大班朋友聚會加打邊爐嘅話，我幾推介，嘢食唔錯，而且最緊要咩呀，地方夠寬敞吖嘛，隔幾條街果d舊式火鍋店一係太嘈，一係太窄，背脊貼背脊🙄唯一一樣嘢係佢位置比邊d，不過其

去九龍城，唔一定食泰國野嘅！今次去左打邊爐。原來呢間新開張，裝修又好懷舊，尤其係啲碗碟地板呀，好old school 呀如果配料可以再多幾款就好喇，例如炸蒜，不過基本既都有今次揀左沙嗲湯底，望落好似幾多油咁，但係食落又唔係喎！而且一聞就知，同平時食開既任食火鍋唔一樣！超香花生味，一撈底就見到好多花生碎呢度有好多出面冇既食物，所以今次就諗住豪一豪，嗌左日本飛驒牛仲嗌左大份添，都只係$398，比係出面都唔算貴其實我第一次食⋯佢地介紹先知原來可以當刺身食，又可以碌黎食。好搞笑，唔知點解生食好似食緊芝士咁不過我都係中意碌3秒再食，因為d牛味會出哂黎然後呢舊好似茶果，其實係黑松露墨魚滑超級彈牙！好新鮮！仲有芝士蝦丸雖然芝士不多，但蝦味十足如果再加多d芝士就好喇！食飽飽諗住埋單，點知仲有糖不甩送！原來係條魚即碌即食！仲有啫喱添！

九龍城一向是美食的集中地。這次發現了位於打鼓嶺道的火鍋店。店內裝修以懷舊為主題，除了配了綠色的霓虹燈牌外，店內更有各式各樣的懷舊擺設，如水杯、火水爐等等。湯底點了老港沙嗲鍋，剛上桌時便聞到香濃的沙嗲味和花生味。店員先介紹我們可以先喝一下湯，細味喝下後便發現湯底用料十足，香濃得來又不是過咸，而且帶有花生的香味。此外，店員更送上一盆自助醬料架，讓食客可按個人喜好加入。飲品方面點了冬瓜薏米水，薏米水口感清新，略帶甜味，用來吃火鍋時清熱便是最好的配合。食物方面則點了一客娃娃菜、安格斯牛頸脊、鮮雞件、火爆牛丸和美人餃。食物質數都很高，當中安格斯牛頸脊更是厚薄適中，入口帶有甘香和豐富的牛肉味。鮮雞件的味道也不錯，肉質除了爽滑之外，雞件更不會太過肥膩。火爆牛丸是經店員介紹後才點的，牛丸是手打的，入口香辣，十分惹味。而美人餃的表現更是十分出色，餃子除了皮薄外，餡料更是配合得不錯，帶了豬肉和紅蘿蔔，吃下十分清新。最後，店員更贈送了糖不甩，糖不甩的吃法是先把糖不甩放在沙嗲鍋中烹煮，最後才拌上花生碎和糖。起初也會覺得這個沙嗲味糖不甩有一點奇怪，可是吃下時令人驚訝。糖不甩的味道出奇地好，花生碎和經沙嗲鍋烹煮的

知道有新店開張， 從網上資料看到裝修好有懷舊feel， 就即管去試一試， 我們一行九人選了兩個湯底，冬甫美人鍋同招牌海鮮鍋， 侍應叫我們先喝湯，有別一般火鍋，美人鍋湯底出乎意料鮮甜濃郁， 海鮮鍋係冬蔭公味， 有花甲，蝦，隻肉蟹仲識郁呢， 我比較鍾意這個湯底 之後再加雞湯打邊爐， 我們叫了十多款食物， 同埋店舖推介的$198活魚刺身, 先講刺身真的很新鮮, 魚尾還不停搖擺， 感覺有些殘忍但肉質鮮彈，正 呢個價錢絕對抵試... 其他的火鍋配料賣相很新鮮， 有些很有特色... 另外侍應的招呼也很周到，環境也很舒適， 我哋仲影咗好多相 其後得知新張期間有八折， 每人除開$300, 絕對可以一試

整間舖比我感覺好懷舊、好特別的裝修、湯底好足料火鍋料新鮮好味有很多特別的火鍋配料、生日朋友都好滿意、知道我朋友生日還送了甜品給我們、很窩心好耐無食糖不甩、原來是原條魚來好可愛、還有啫喱都好耐無食、侍應招呼一流、服務態度好好、最滿意就是湯底是用原料湯底不是普通湯底、所以這餐生日飯非常滿意、朋友都好開心

三五知己見到有人派傳單，見係新嘢咪入去試下囉，認諗住平平地叫左個沙嗲湯底…點知有驚喜名副其實嘅老港沙嗲鍋，一入口就諗起細個果時食過嘅味道！依家好難搵返呢隻味架喇！有花生粒架，大細啱啱好有口感，成個湯香氣撲鼻，配出前一丁簡直一流呀！咁全程都被呢個湯吸引住，其實都叫左好多嘢食嘅，其他食物都好有特色…特色到叫左都唔記得係乜😅但都好新鮮，而且個賣相好靚！個海螺刺身同8吋蟹柳一出場就即刻有衝動拎個手機出嚟新開水準可能特別高，我會再返來食，希望保持到啦，尤其係個沙嗲

我最愛食，喜歡食物嘅鮮和美味，這間店食物給我的感覺是鮮，每種食物食得出是有“心”去選料，最愛的是他們的湯底，湯底不是普通店舖用來打邊爐的淡淡味，而是可以直接飲，湯味鮮甜濃郁，在落火鍋料之前先飲了兩碗，嘩！正！飲完會再添回原來的湯，不是加水呢！飲完湯，當然食我最喜歡的牛，這裡有幾款牛，較為特別的有飛驒牛，入口即溶，五級的，可以生吃，而我較喜歡的是本地手切牛，鮮甜到無得彈，還有安格斯牛脊肉也是不錯之選。。。我有朋友不食牛，所以特別叫了碟雞給他，沒想到雞的質感也不錯，有雞味，丸類之中，我喜歡火爆牛丸和黑松露蝦丸，這兩個是必食之選，因為是店舖自己整的，不是攞貨，正！差啲忘記講，佢嘅自家手炸魚皮，超香魚味，出面很難食到。。。其他的唔寫喇，太長，總之有空就會再去食食，嘻嘻