同人鍋 (已結業)

今次係小編第三次食「同人鍋」了！ 來「同人鍋」的原因是因為$288就可以嘆齊雞煲和海鮮火鍋，仲要係任飲任食，性價比很高呢！😏 平日火鍋仲無限時，😳 星期五、六、日或公眾假期限時2.5小時，另外每位加$10。 餐廳在裝潢上是簡潔實戰型， 沒有花巧的裝修，只有木製桌子和膠椅子。 我們被安排坐到靠牆坐位， 坐位寬敞舒適，更設有抽風系統， 食完就唔怕成身一陣雞煲味啦！😂🙈 飲品方面， 除了啤酒以外，汽水、各款罐裝果汁和茶都是任飲的， 值得一提的是店家很有心思， 連自家煲製的菊花薑蜜和蜂蜜菊花露都有，低糖又健康！☺️👍🏻 小編每次來都必喝蜂蜜菊花露，清甜潤喉， 打邊爐咁熱氣，梗係要飲返杯清熱解毒一下！😋 先食🐔雞煲， 雞煲有五種辣度🌶可以選擇， 因為朋友不吃辣，所以我們便選了唔辣。 雖然唔辣，但秘製醬汁仍然香濃惹味， 而且加入大量洋蔥和芫茜，香氣四溢， 雞件非常多，件件都很厚肉， 肉質嫩滑又入味，好味道！😋 雞煲還配上自家製響鈴和薯粉， 響鈴大大件，食落感覺不會太油膩或飽濟。 雞煲配薯粉是新添加的， 薯粉吸晒雞煲的醬汁，煙韌入味， 不愧是最完美的配搭！😌 唔夠喉仲可以任添呢！👍🏻

話說山林道有一間唔太起眼嘅火鍋，門面好簡單，但一上閣樓地方好寬闊好舒服。對面就係馬會，我仲可以一邊食一邊買馬仔爽！水缸裏面仲見到活動緊嘅鮑魚陣間我哋都有得食。食完雞煲先開始火鍋，我就揀咗小辣，仲有木薯粉，雞煲做得好好味道帶點四川風味，我諗係原隻雞，乜嘢部位都有，雞肉好嫩滑。啱啱食完雞煲，都仲未睇Menu，店員已經自動奉上海鮮大拼盤，最搶眼嘅當然係新鮮龍蝦一隻，大大隻聖子王，仲有活生生的鮑魚。龍蝦正好就係用黎配我哋揀咗嘅蕃茄湯底。直徑都有個喎咁大😏龍蝦肉先甜而且肥美，仲有好多膏呢度嘅響鈴係即叫即炸，所以新鮮熱辣而且又夠脆口。基本上唔使點菜，店員都會自動奉上各式各樣嘅火鍋了，跟人頭計又唔會太浪費。牛肉質素都唔錯，encore 左兩次Like 咗 佢哋嘅Facebook仲送咗杯 gelato 雪糕慢慢食我足足食咗三個鐘。服務都幾好。

朋友聚會，相約山林道。眾所周知，山林道是美食聚腳地，泊車也方便。常到訪的我也不知竟然開了主打雞煲火鍋的新店。朋友推薦此店的原因是貪其「一個價錢，兩種享受」。平時食雞煲，會在吃過乾煲後加湯，味道偏濃且油，不適合海鮮。清湯配海鮮最佳，但食唔到雞煲的惹味。此店十分慷慨，一檯客分別有兩個爐。可以一邊享受雞煲乾煲，一邊用龍蝦蕃茄清湯打邊爐，品嘗海鮮的鮮味。兩種風味，各有各精彩。能同時享受，實在難得。雞煲很乾身，調味配料很充足，雞肉炒香，很惹味。雞肉很新鮮，肉質嫩滑，肥瘦適中。龍蝦湯底十分清甜，很開胃。龍蝦亦很大隻，很厚肉。店內主打海鮮，拼盤按人頭上，內有多款海鮮。當中不乏貴價食材，如鮑魚、象拔蚌、蠔、鱔片等等。我最欣賞象拔蚌，味道很鮮甜，彈牙有咬口。海鮮拼盤當中，有部分更是「任食」呢！肥牛有兩款，一款限定份量，質素很高，牛肉味很重。另一款任食，較為普通，但亦可「過口癮」。其他食材選擇亦很多，都屬「任食」。質素不過不失。單食雞煲、龍蝦、海鮮、肥牛也值回票價了。最後有甜品，是冰凍的雪糕。兩種享受，只要一個價錢，每位約三百，很划算。

媽咪話想食雞煲，daddy又話想打邊爐，咁就一於帶佢哋試吓非一般雞煲海鮮火鍋😋任飲任食又冇限時間，成人都只係收 $288。老人家要早食晚飯，我六點鐘就衝上去，地方闊落又舒服，店員服務又超 nice 一坐低就自動送上雞煲一大個，我們選了BB辣，小小麻辣之中帶一點惹味，好多雞件，啖啖肉！差不多食完雞煲，期待已久的畫面出現了好大盆海鮮拼盤，嗅覺靈敏嘅我直情聞到海水嘅味道。最搶眼當然就係隻靚靚大龍蝦啦！就係將龍蝦配番茄湯底，來為我們今晚的打邊爐揭開序幕有龍蝦的湯底先甜到不得了，加上其他幾樣靚海鮮，聖子同埋鮑魚都 very good仲每人有一隻厚肉鮑魚，鮮味彈牙。番茄湯都不能錯過，飲完食完都唔會好口乾即係冇乜味精啦！安格斯牛肉，靚材料真係令我流口水，滾一滾即刻食得，嫩滑非常。基本嘅龍蝦丸海膽丸都有好多飲品自助形式喺雪櫃飲攞嘅。Facebook 打卡share仲有 Gelato 雪糕送。雞煲 x 海鮮 x 肥牛 x 火鍋🍲下次一班朋友都可以考慮再幫襯

我最鍾意打邊爐，老婆就整日周圍陪我食打邊爐，呢晚就去左山林道既同人鍋任食雞煲+火鍋，餐廳位於2樓，地方寬闊整潔~收費每人HK$288另收加一，有得食雞煲+火鍋都唔籃算貴<雞煲>可以選擇辣度，因為我本身唔太食得辣，所以叫左微辣，雞的份量好多，而且唔夠仲可以再加， 湯汁香濃，雞肉幼嫩，附送炸響鈴、薯粉~食完雞煲之後，可以從<原隻龍蝦湯底>/<花膠雞湯底>二選一打邊爐，我地要左原隻龍蝦湯底，原隻大龍蝦，湯底鮮甜，龍蝦肉肥美彈牙~之後店員送上海鮮火鍋拼盤，非常豐富，有鮑魚、廣島蠔、花蟹、青口、帶子、魷魚、海蝦、聖子，非常新鮮，仲會按照材料供應而有不同，除左鮑魚、花蟹之外，其他食完之後唔夠可以再追加~花蟹大大隻，非常新鮮，蟹肉新鮮肥美;鮑魚新鮮爽口又煙韌~店員好細心講解左每種食材煮的時間~肉方面會按人頭計算送一客<安格斯肥牛>，之後就要收費，普通肥牛可以任食的~安格斯肥牛肥瘦均勻，肉質粉嫩~其他一般的火鍋配料都有，店員會先每款送上少少，唔夠可以再點，因為任食的~呢度的丸都好多款，龍蝦沙律丸、飛魚籽魚蛋等，仲有雲吞、魚皮餃都唔錯~飲品

與男友在尖沙咀走了一整天，在非常飢餓的狀態下我們走到了尖沙咀其中一個美食的集中地－－山林道。我們去之前就在上網找了一下有什麼好吃的，因男友非常喜歡打邊爐和雞煲，所以在搜尋一番後就決定到這間雞煲與邊爐可以同時進行的店鋪來解決肌餓之急！進去後，因為閒日並不是十分多人，位置也相當寬鬆不會太過緊逼，環境感覺也蠻舒適的。店舖內的店員也非常細心，因為男友當日身穿了一身白色恤，為免我們弄髒衣服特定給了一條小圍裙。準備好後，店員很快就問我們需要雞煲的辣道等，當然因為我們只有兩人，所以也特定提醒了雞煲份量不要太多，不然就吃不邊爐！在等候雞煲的期間我們也看了打邊爐有什麼選擇。款色並不算十分繁多，但卻能夠滿足大部份客人的需要，當然他們也有一些比較特色的食品，所以也不會遜色於其他一般任食的火鍋店！等了一會雞煲就到了，他們會另外附上響鈴跟著雞煲一起吃，雖然眼見份量像很多，其實我們只是十多分鍾就基本食完整個雞煲！味道上，我們叫了微辣，但可能我倆並不是太能吃辣，所以覺得也辣味十足，而且雞煲味道夠味之餘，味道也不會非常濃不會令人想不斷飲飲品來解咸，非常耐吃！吃完雞煲後，就到了火鍋時間，我們選擇了龍蝦湯底，上湯底後另會

4人約，其他一位提議食呢到，睇到都唔錯，一鍋雞煲一鍋龍蝦邊爐雞煲！應該有成隻，小辣多麻，夠哂重口味等佢滾多兩滾，入味ｄ，麻辣味出哂黎！嘿嘿我地雞煲淨係一黎就落左ｄ薯粉先，又滑溜爽口，等佢煮到咁上下，索哂ｄ汁，哇，一流食完個雞煲，其他火鍋料就放呢個煲，ｄ配料都新鮮，湯底係龍蝦海鮮，比較清甜鮮味ｄ，嘿嘿海鮮火鍋料，大大隻龍蝦，肉質都新鮮爽口既！其他有鮑魚、聖子、青口等等，新鮮！都係可以再叫既，嘿嘿呢個冰心丸！！一定一定要食，每個人都食左成半打，好香紫薯味，甜的！煙煙ｕｎｕｎ！嘿嘿色水望落爭ｄ，但牛味又幾重！一碟肥ｄ，一碟肥瘦剛好就好味得多！嘿嘿飲物任飲的！今次對於朋友既選擇都滿意。嘿嘿

半任食雞煲火鍋$288 這間餐廳位於尖沙咀山林道，餐廳位於2樓！首先要說說怎樣是半任食！雞煲是可以任食的！火鍋基本上大部份配料都可以任食，但有某幾款配料，例如海鮮和安格斯肥牛就不是任食了！其實我比較喜歡這款半任色的火鍋，因為太便宜只會令到食物質量減低！所以我十分喜歡這種！首先說說雞煲，我們點了中辣，非常非常非常好味道！重要的是要說三次！雞肉非常入味，而且醬汁非常好味道！店員還幫我們加了寬條粉，非常彈牙入味，必食！食完雞煲，他們會換一個火鍋煲，我們叫了龍蝦火鍋湯底！龍蝦味道不太重，但加入其他海鮮味道都非常鮮甜！牛肉是安格斯肥牛，二人份量就只有幾片，雖然偏少，但因為其他食物都有很多，所以根本都食唔晒！如果想再加點牛肉的話，要加＄24一碟！海鮮拼盤包了龍蝦，廣島蠔，聖子，鮑魚等等！當然我們先把大大隻的龍蝦放入湯底，龍蝦唔好煮太耐啊，肉質都幾彈牙！其他配料都算多款式，我最想Highlight的是飛魚籽魚蛋腸！非常特別的一個腸仔，一邊有細細粒的魚籽，食落幾特別！而且水晶包也是我最愛！已經很少火鍋地方可以食到水晶包！

惹味雞煲+海鮮火鍋 雙重味道享受之前睇到有人介紹，而且好興雞煲+海鮮火鍋，機緣巧合下就去左食同人鍋。同人鍋仲有同人燒，即係燒肉，今次先試下火鍋先，價錢大約$300到一個，個陣做promote，火鍋係龍蝦湯底，有埋龍蝦食，所以好抵先係惹味雞頭，驚會好辣，但可以同侍應要求辣同唔辣，咁就唔洗怕，我自己好少食雞煲，但覺得呢個都唔錯，仲可以免費加雞，但怕食唔哂所以冇加之後就會轉龍蝦火鍋打邊爐，某d海鮮、菜、丸都可以全叫真係驚你食唔飽咁，龍蝦湯底都鮮甜，打邊爐唔會太漏，海鮮新鮮，有個表講每樣海鮮建議幾多分鐘，好貼心成日坐滿人，建議打電話book定

這天約的朋友是在佐敦區工作, 而正好我亦要去佐敦區覆, 朋友又想吃較特色的火煱, 順理成章地便來山林道的這家特色火煱店. 雞煲x火煱是這裡的特色, 我在香港暫未看到同類型火煱. 一般是雞煲直接加湯打邊爐. 店裡的桌子大部份是4人桌, 裝修走簡約路線, 算是整潔.地方亦算寬敞. 食具齊全, 今天只有2人光顧, 但獲安排一張4人桌, 坐得舒服. 這裡的形式是, 先上雞煲及響鈴, 薯粉. 吃過雞煲後再換另一湯底打邊爐, 而材料則先提供一些固定菜單, 吃過後還可任意加點餐單上的食物, 時間無限, 正適合一大班朋友聚腳吹水. 飲品可以無限自取, 除一些常見汽水外, 較特別的有忌廉溝鮮奶, 番石榴汁, 不愛甜的我選冰凍紅茶.這裡的雞煲質素不俗, 就著朋友不太能吃辣, 只點了小辣. 但雞的入味及嫩滑程度合格, 當然用上的是雪藏雞, 但在大量的蔥, 芫茜, 辣椒下, 完全到達交貨指標. 2人份量但雞足左半隻, 吃了這個雞煲其實已飽了3分. 這次的響鈴有點不太夠脆身, 還好不太大件. 薯粉會一併放在雞煲裡煮, 煮至差不多時, 薯粉的口感QQ的, 又吸盡雞煲辣汁, 吃得非常過癮. 吃畢雞煲後, 會換上邊爐

明明前幾日仲係二十幾30度今日天氣突然之間轉冷，香港啲天氣真係玩死人，亦都係咁就解釋到點解今日我會同爸爸嚟咗尖沙咀呢一間嘅同人鍋喇哈哈！呢一間同人鍋係openrice上面好出名好似好多人都對佢好評所以今次特登就要來試一試佢！一嚟到鋪頭樓下就見到佢嘅無限時雞煲海鮮肥牛火鍋，平日嘅話任飲任食每位就要＄288，如果係星期日就要每位再加多＄10!***依家佢哋出咗一個新嘅套餐(((下面))，比之前平左＄60 ( $228) 咁就無咗雞煲 (細食之人 呢個係好既選擇! 因為我是女生去到第三round其實都已經投降了.....(!!!!)由於係星期日，所以今日係無限次任飲任食架！我哋六點鐘就去到餐廳，可能時間仲係好早，仲未有太多人，店員好快就招呼我哋坐低而我地亦都開始出去搵食啦！首先睇下佢有乜嘢飲先！ 除咗可樂忌廉呢啲指定飲品之外佢哋仲有提供自家製嘅菊花路同埋菊花薑蜜，款式都算多。攞完飲品雞煲都隨即上場了，因為本身我哋唔食得太辣，所以就叫左一個小辣雞煲。雞煲有好多雞件而且唔會有好多碎骨，再加埋粗薯粉吸收晒雞煲嘅精華，兩者一齊食覺得非常之惹味。完成左雞煲後，我哋可以揀原隻龍蝦湯底或者係花膠雞湯底，最

同朋友黎過一次，一直念念不忘巨型海鮮拼盤，終於又有機會再食多一次了。第二次黎到的感覺好熟悉。今次見到佢地promote椰子雞煲，但我地一行4人都係麻辣雞煲愛好者，椰子雞唔是我地杯茶。同時亦見到佢地做緊唔少promotion，帶小朋友去超級抵！作為翻頭客，最吸引我地的當然係：雞煲、肥牛、海鮮、龍蝦湯啦！入座黎店員極速捧上雞煲，雞肉依舊嫩滑鮮味，汁底好足料夠哂惹味。今次點左微辣，微辣微麻當中更加食到雞味。食雞煲一定要加上特製紅薯粉啊！吸收左汁底的精華，好入味。過左無耐，店員再捧上另一重頭戲：龍蝦湯底。原隻龍蝦同樣吸睛馬上比我地瓜分左。最欣賞佢度的地方係，佢地會有兩個爐，可以同時食雞煲又用龍蝦湯底打邊爐。先淥手切肥牛，牛肉好靚好新鮮，牛味十分濃。但呢款靚肥牛係按人頭供應，不設追加的。等多一陣，海鮮拼盤終於上場。八款時令海鮮，無花無假，當中大概有一半係人頭供應，而另一半係無限追加架！我最鍾意食鮑魚同廣島蠔。鮑魚鮮味有咬口，廣島蠔軟滑creamy一d都唔腥，正。打完大佬之後，店員都捧上一碟較為普通的火鍋生料拼盤。同時都比左Order紙我地追加自己鍾意的食材。我地就追加左兩次肥牛粒，牛味都好濃郁。

媽咪未試過雞煲，我又想打邊爐，於是試吓呢度一次滿足晒兩個願望啦。上到嚟非常乾淨企理，仲有好多款飲品喎！汽水呢啲唔洗提啦，最好嘅係有自家製嘅菊花蜜糖喎，仲要有凍有熱，正啊！雞煲叫咗個唔辣嘅試吓，店員放埋啲紅薯粉入去一齊煲，雞夠晒多而且就算煲咗好耐都仲好肉嫩，而且雞味非常香，一啲雪味都冇，香濃醬汁又入味，連啲乾蔥頭都非常好味；睇住啲透明嘅紅薯粉吸滿醬汁，煙煙韌韌嘅口感真係好好味，我哋兩個人瞬間食晒！即炸響鈴店員遞上兩件響鈴，炸到金黃色相當吸引，就咁睇都唔會覺得好油好令面，輕輕放入雞煲度即刻食，超級鬆脆香口，一啲油味都冇！嗰啲炸好入盒賣嗰啲真係完全冇得比！花膠雞湯底食完雞煲後就輪到打邊爐了，可以揀龍蝦或花膠雞湯底。打之前先飲啲湯，非常鮮甜仲有啲醇厚，仲有差不多4大舊花膠添，女人食啱晒啦！海鮮拼盤有蟶子皇、鮑魚、廣島蠔、澳洲蜆、鯇片、魷魚及蝦。澳洲蜆超大隻，完全冇沙，肉質肥美鮮甜精選火鍋配料其實食完個雞煲都已經飽飽哋，好在呢個打邊爐拼盤份量啱啱好，每樣兩件。最特別係黑椒馬蹄貢丸，平時嘅貢丸都食到厭，加咗馬蹄真係口感瞬間提升！安格斯牛肉肥瘦適中，冇雪味有牛香，以任食嚟講質素絕對收貨！除咗食物環境